އެމްއޭސީއެލްގެ އެޕްރެންޓިސްޝިޕް ޕްރޮގްރާމް ފެށުމަށް މިއަދު ބޭއްވި ރަސްމިއްޔާތަށް ފަހު، އެ ކުންފުންޏާއި ޔޫތު މިނިސްޓްރީގެ ބައެއް ވެރިން، ޕްރޮގްރާމްގެ ބައިވެރިންނާއެކު ގުރޫޕް ފޮޓޯއެއް ނަންގަވަނީ.---ފޮޓޯ: އެމްއޭސީއެލް
01 ފެބުރުއަރީ 2023 - 18:58
ކުރިއަށް އޮތް ތިން އަހަރުގެ ތެރޭގައި 200 އަށް ވުރެ ގިނަ މީހުން އެކި ދާއިރާތަކުން ތަމްރީނު ކުރުމަށް އެމްއޭސީއެލުން އެޕްރެންޓިސްޝިޕް ޕްރޮގްރާމެއް މިއަދު ފަށައިފި އެވެ.
އެއީ ދިވެހި ޒުވާނުންނަށް ވަޒީފާގެ ފުރުސަތު ހޯދައި ދިނުމަށް ސަރުކާރުން ފަށާފައިވާ ގައުމީ އެޕްރެންޓިސްޝިޕްގެ ދަށުން ހިންގާ ޕްރޮގްރާމެއް ކަމަށް އެމްއޭސީއެލުން ބުންޏެވެ. ގިނަ ޒުވާނުންތަކަކަށް ވަޒީފާ ހޯދައި ދިނުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ.
އެމްއޭސީއެލުން ބުނީ، ތިން އަހަރު ދުވަހުގެ ތެރޭގައި 225 މީހަކަށް އެ ކުންފުނިން ތަމްރީނު ދޭނެ ކަމަށެވެ. ފުރަތަމަ ބުރުގައި ތަފާތު 20 ދާއިރާއަކުން 75 މީހަކަށް ތަމްރީނާއި ތަޖުރިބާ ހޯދަައި ދޭނެ އެވެ. ހަ މަސް ދުވަހުގެ އެ ތަމްރީނު ޕްރޮގްރާމްގައި އެމްއޭސީއެލްގެ 50 މުވައްޒަފަކާއި އެޕްރެންޓިސްޝިޕް ޕްރޮގްރާމަށް އެޕްލައި ކުރި މީހުންގެ ތެރެއިން ހޮވޭ 25 ޒުވާނުން ބައިވެރިވާނެ ކަމަށް އެމްއޭސީއެލުން ބުންޏެވެ.
އެމްއޭސީއެލްގެ އެޕްރެންޓިސްޝިޕް ޕްރޮގްރާމްގެ ބައެއް ބައިވެރިން މިއަދުގެ ރަސްމިއްޔާތުގައި.---ފޮޓޯ: އެމްއޭސީއެލް
ހަޔާ އެޑިއުކޭޝަން މިނިސްޓްރީ އާއި ޔޫތު މިނިސްޓްރީ އާއި މޯލްޑިވްސް ނެޝަނަލް ސްކިލް ޑިވެލޮޕްމަންޓް އޮތޯރިޓީ ގުޅިގެން އެމްއޭސީއެލުން ފެށި އެޕްރެންޓިސްޝިޕް ޕްރޮގްރާމް ފެތެނީ ގައުމީ ސަނަދުގެ އޮނިގަނޑު ތިނަކަށެވެ. އެއީ މޯލްޑިވްސް ނެޝަނަލް ސްކިލް ޑިވެލޮޕްމަންޓް އޮތޯރިޓީގެ ނެޝަނަލް ކޮމްޕިޓެންސީ ސްޓޭންޑްތަކާ އެއް ފެންވަރުގެ ޕްރޮގްރާމެއް ކަމަށް ވެސް އެމްއޭސީއެލުން ބުންޏެވެ.
ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް ހިންގާ ކުންފުނީގެ އެޕްރެންޓިސްޝިޕް ޕްރޮގްރާމް ފެށީ ހުޅުލެ އައިލެންޑް ހޮޓަލުގައި ބޭއްވި ރަސްމިއްޔާތެއްގަ އެވެ. އެ ރަސްމިއްޔާތުގައި ޔޫތު މިނިސްޓްރީ އާއި އެމްއޭސީއެލުން ކަމާ ގުޅޭ އެއްބަސްވުމެއްގައި ސޮއިކުރި އެވެ.
އެޕްރެންޓިސްޝިޕް ޕްރޮގްރާމްގެ އެއްބަސްވުމުގައި އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރު ތޯހާ (ކ) އާއި ޔޫތު މިނިސްޓްރީގެ ސްޓޭޓް މިނިސްޓަރު ހުސައިން އިސްމާއިލް މިއަދު ސޮއިކުރެއްވުމަށް ފަހު ފޮޓޯއެއް ނަންގަވަނީ.---ފޮޓޯ: އެމްއޭސީއެލް
އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރު އިބްރާހިމް ތޯހާ ވިދާޅުވީ، ވެލާނާ އިންޓަނޭޝަނަލް އެއާޕޯޓަކީ ތަރައްގީގެ ބޮޑެތި މަޝްރޫއުތަކެއް ހިންގާ ތަނެއް ކަމަށާއި އެ ތަނަށް ގެންނަ އުމްރާނީ އަދި ޓެކްނޮލޮޖީގެ ކުރިއެރުންތަކާ އެއްވަރަށް ތަމްރީނު ލިބިފައިވާ ފަންނީ މުވައްޒަފުން ލިބުމަކީ ކުރިމަތިވާ ގޮންޖެހުމެއް ކަމަށެވެ. އެކަމަކު، ސަރުކާރުގެ ވައުދާ އެއްގޮތަށް އެޕްރެންޓިސްޝިޕް ޕްރޮގްރާމް ފެށުމަކީ އެމްއޭސީއެލަށް ލިބޭ ލުޔެއް ކަމަށް އޭނާ ވިދާޅުވި އެވެ.
އެއްބަސްވުމުގައި ސޮއިކުރެއްވުމަށް ފަހު ޔޫތު މިނިސްޓްރީގެ ސްޓޭޓް މިނިސްޓަރު ހުސައިން އިސްމާއިލް ވިދާޅުވިގޮތުގައި، ރާއްޖޭގައި ގިނަ އަދަދެއްގެ ވަޒީފާ ލިބެން ހުއްޓަސް ފަންނީ ގާބިލް ޒުވާނުން މަދެވެ.
އޭނާ ވިދާޅުވީ، އެ ކަމަށް ލުޔެއް ހޯދުމަށް ސަރުކާރުން ފަށާފައިވާ ގައުމީ އެޕްރެންޓިސްޝިޕް ޕްރޮގްރާމާއެކު، އެކި ސަބަބުތަކާ ގުޅިގެން ރަސްމީ ތައުލީމީ ނިޒާމުން އެކަހެރި ވެފައިވާ މީހުންނަށް ތަމްރީނުދީ، ވަޒީފާގެ ފުރުސަތުތައް ހުޅުވޭނެ ކަމަށެވެ. އޭގެ ނަތީޖާއަކީ ފަންނީ އެކި ދާއިރާތަކަށް ބޭނުންވާ ތަމްރީނު ލިބިފައިވާ މީހުން އުފެދުން ކަމަށް ހުސައިން އިސްމާއިލް ވިދާޅުވި އެވެ.
އެމްއޭސީއެލަކީ ދައުލަތުގެ އެންމެ ބޮޑެތި ކުންފުނިތަކުގެ ތެރެއިން އެއް ތަނެވެ. އެ ކުންފުނީގައި މިހާރު ވެސް 3،500 އަށް ވުރެ ގިނަ މުވައްޒަފުން އުޅެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އާދު
04 February 2023
ވާނުވާ ނޭ ގޭ ވެރިން ތައް ބާލާފަ އިލްމީ މީހުނައް ވަޒީފާދީގެން ރަނގަޅުވާނީ ބައެއްޔުނިތަކުގެ ވެރިން ނައް ތިބީމީހުނައް ސިސްޓަމްނޭގޭ އަނެއްބަޔަކު ފިރިހެނުން ގިނަވާދިމާތަކުގަ ތުންފަތް ރަތްކޮއްގެން ޖެކެޓެއް ލައިގެން ފަރިބަލަމުން ހިނގުން އޮންނަނީ އޭރުޓާމިނަލް ތައް އޮންނަނީ ތޮއްޖެހި ފުރިބާރުވެފަ
ފުލް ޕަވަރގައި
02 February 2023
ޙުރިހާ ކުންފުނިތަކަކުންވެސް އާކަންކަން ދައްކައި އުންމީދުތައް އާކުރުން އޮމްނާނޭ. މިއީ ހަންދުމަތައް އާކުރަންޖެހޭ އާއަހަރެއްވީމާ. ބޭންކުން ކިޔަވާކުދިންނަށް. ޢެމްސީއެއްލިންވެސް ކިޔަވާދެއްވަން. ޢަދި އިތުރު ކުމްފުނިތަކުންނާ ބައެއް އެމްބަސީތަކުންވެސް ޚާއްޞަތަމްރީނުތަކާ ސުކޫލްތަކުގައި އައު ކަންކަމާއި ހޮސްޕިޓަލްތަކުގައި ފަރުވާގެ ވައްތަރުތައް ހިނގަމުންދާނެ.
އެމްސް
02 February 2023
90% ވަޒީފާތަކުގަ ތިބީ ހުސް ބިދޭސީން! މިޤައުމުގެ އާބާދީއާއި ދާދި އެއްވަރަށް ނުވަތަ އެއަށްވުރެވެސް ގިނައިން މިޤައުމުގަ ބިދޭސީން އެބަ ތިބި! އެތަކެއް ވަގުވިޔަފާރިއެއްވެސް ބިދޭސީން އެބަކުރޭ! އެހެންކަމުން 3 އައަރުން އުފައްދާ 200 އެއްހާ ވަޒީފާއިން މާބޮޑު ޙާލަތެއް ބަދަލެއްވެސް ނުވާނެ!
ޔެމްސް
02 February 2023
ކަލޭ އަތުންފައިން މަސައްކަތެއް ނުކޮށް މުޅި ދުވަހު ނޫސްތަކުގަ ކޮމެންޓުކުރަން އިނަކަސް ވަޒީފާއެއް ހަމައެއް ނުޖެހޭނެ! ބޭރު މީހުންނަށް ވަޒީފާ ލިބެނީ އެމީހުން މަސައްކަތްކުރާތީ!
ސަރސަރ
01 February 2023
ރާއްޖޭގެ މީހުންނަށް އިންޑިއާއަށް ނުގޮސް ޓްރެއިންވާކަމެއް ނޭނގޭ. މިފަހަރު ކީއްވެބާ އިންޑިއާ އަށް ނުފޮނުވީ.
ޖަމީލުބެ
02 February 2023
ނުފޮނުވީމަވެސް ކަމަކުނުދޭ!