ޕީއެޗްޑީ ގަބޫލުކުރަން އަމުރު ނުކުރިޔަސް، ލިބުނު ގެއްލުމަށް އެމްކިއުއޭއިން ޒިންމާވާން ޖެހޭނެ: ސިވިލް ކޯޓް
ސިވިލް ކޯޓު ހިންގާ ޖަސްޓިސް ބިލްޑިން: ބޭރުގެ ޕީއެޗްޑީ ކޯސް ގަބޫލު ކުރަން ނޭންގިޔަސް، ކިޔެވި މީހުންނަށް ލިބުނު ގެއްލުމަށް އެމްކިއުއޭއިން ޒިންމާވާން ޖެހޭނެ ކަމަށް ވަނީ ހުކުމްކޮށްފައި --- ފޮޓޯ/މިހާރު
13 ފެބުރުއަރީ 2023 - 15:11
33 comments
ރާއްޖެއިން ބޭރުގެ ޕީއެޗްޑީ ކޯހެއް ގަބޫލު ނުކުރަން މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ނިންމި މައްސަލާގައި، ޕީއެޗްޑީ ސެޓްފިކެޓް ބަލައިގަންނަން އަމުރު ނުކުރެވޭނެ ކަމަށާއި އެކަމަކު ލިބުނު ގެއްލުމަށް އެމްކިއުއޭއިން ޒިންމާވާން ޖެހޭނެ ކަމަށް ސިވިލް ކޯޓުން އިއްޔެ ހުކުމްކޮށްފި އެވެ.
ފިލިޕީންސްގެ ކޮލެޖަކުން ސަނަދު ލިބޭ ގޮތަށް ސްރީލަންކާގެ ކޮލެޖަކުން ޕީއެޗްޑީ ކޯހެއްގެ ކިޔެވުން ބަޔަކު ފެށީ އެމްކިއުއޭއިން އެ ކޯސް ގަބޫލުކުރާ ކަން 2016 ވަނަ އަހަރު އެންގުމުންނެވެ. އެކަމަކު ޖެނުއަރީ، 2018 ވަނަ އަހަރު އެ އެމްކިއުއޭއިން އެ ކޯސް ގަބޫލުކުރުން ހުއްޓާލަން ނިންމި އެވެ.
އެހެން ނަމަވެސް އެވަގުތު ކިޔަވަމުން ދިޔަ މީހުންގެ ސަނަދު ގަބޫލު ކުރާނެކަން އެންގި އެވެ. އެކަމަކު ކިޔެވުން ނިންމުމަށްފަހު 2021 ވަނަ އަހަރު ސެޓްފިކެޓް ވެލިޑޭޓް ކުރަން ހުށަހެޅުމުން އެމްކިއުއޭ އިން އެކަމަށް ދެކޮޅު ހެދި އެވެ.
އެ މައްސަލަ ތިން މީހެއްގެ ފަރާތުން ކޯޓަށް ހުށަހެޅުމުން ސިވިލް ކޯޓުން އިއްޔެ ކުރި ހުކުމުގައިވަނީ ސަނަދުގެ ފެންވަރު ބެލުމުގެ އުސޫލާއި ރާއްޖެއިން ބޭރުގެ ޕީއެޗްޑީ ޕްރޮގްރާމްތައް ގަބޫލު ކުރުމުގެ އުސޫލު އޮންނަ ގޮތުން އެ ކޯހުގެ ޕީއެޗްޑީ ސެޓްފިކެޓް ގަބޫލުކުރަން އެމްކިއުއޭގެ މައްޗަށް އަމުރު ނުކުރެވޭނެ ކަމަށެވެ.
އެކަމަކު ބަލަންވާ މިންވަރަށް ނުބަލާ، ކޯސް ގަބޫލު ކުރާކަން 2016 ވަނަ އަހަރު އެމްކިއުއޭއިން އަންގާފައިވާތީ ޖެނުއަރީ، 2018 އާ ހަމައަށް އެ މީހުން ކޯހުގައި ކިޔަވަން ކުރި ހަރަދާއި އަދި ގެއްލުމެއް ވެފައިވާނަމަ އެ ގެއްލުމަކަށް އެމްކިއުއޭއިން ޒިންމާވާން ޖެހޭނެ ކަމަށް ހުކުމުގައިވެ އެވެ.
އެ މައްސަލާގައި ގެއްލުމުގެ ބަދަލަށް އެކަކުގެ ފަރާތުން 23 މިލިއަން ރުފިޔާ އަދި ބާކީ ތިބި ދެ މީހުންގެ ތެރެއިން ކޮންމެ މީހެއްގެ ފަރާތުން 16 މިލިއަން ރުފިޔާގެ ބަދަލަކަށް އެދުނެވެ. އެކަމަކު ކޯޓުގެ ހުކުމުގައިވަނީ އެ މިންވަރަށް ގެއްލުން ވެފައިވާކަން ސާބިތުނުވާތީ އެ ފައިސާ ނަގައި ނުދެވޭނެ ކަމަށެވެ.
އެމްކިއުއޭއިން ބުނެފައިވަނީ އެ ކޯސް ގަބޫލު ކުރާކަން 2016 ވަނަ އަހަރު އެމްކިއުއޭއިން އެންގީ ބަލަންޖެހޭ ކަންކަން ބެލުމެއް ނެތި ކަމަށެވެ. އޭރު އެތަނަކީ ފިލިޕީންސްގެ ސަރުކާރުން ވެސް ގަބޫލު ނުކުރާ ކޯހެއް ކަމަށް އެމްކިއުއޭއިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ މަރީ
14 February 2023
ޢެމް ކިޔު އޭ ގެ މަގްސަދައް ވާން ޖެހޭނީ މައްސްލްހްތު ނުގެއްލޭ ގޮތަކަށް މިކަން ހައްލު ކުރުން. މިކަމުގްއޮ އެމް ކިޔު އޭ ގެންގުޅޭ ގޮތް މިއަށް ވުރެ ހަރުދަނާ ވާން ޖެހޭ. ޢެމްކިޔުއޭ ގެ އޯވަރ ސައިޓް އަކުން މި ހާލަތު ކުރިމަތި ވީ ކަމަށް ފެނޭ. ?
ކަފާސް
14 February 2023
ޒިންމާވާން ޖެހޭނީ އެމްކިއުއޭ އެއް ނޫން. ވަކި ބަޔަކަށް މި ވަގު ހެދުމުގެ ފުރުސަތު ފަހިކޮށްދޭން މިކަންތައް 2016 ގަ އެޕްރޫވްކުރި މީހަކު ޒިންމާވާން ޖެހޭނީ! މިވެސް މުއައްސަސާއެއްގެ ބޮލަށް ކަނޑާލާފަ ޓެކްސްޕޭޔަރުންގެ ލާރީގަ ބަދަލު ހޯދައިދޭންވީ؟ މީދެން ކިހާ ބޮޑު ދުއްޕާނެއް!
މަރީ މަރީ
14 February 2023
ތި މީހަކު ކޮބައިތަ؟
ގާޒީ އިމާދުއްދީން
14 February 2023
މަރުހަބާ. ބަދަލުގައި ލިބޭ ލަރިކޮޅަށް ކަންމަތީ ދައްތަ ކޮލެޖް ނޫންތަނަކުން ޕީއެޗްޑީ ހެދުމަށް ނަސޭހަތްތެރިވަން.
އެކްސިސް
14 February 2023
ފިލިޕީންސް ގެ ޔުނިވާސިޓީ އަކުން ލަންކާގަ ހުރެގެން ކިޔަވަން 23 މިލިއަން އަރާނަމަ، ދެން ތިޔޮތީ ފޭކު ކަން ޔަގީންވެފަ ދޯ.
ކިއުކަންބާ
14 February 2023
މީހެއްގެ އުމުރާ ހޭދަކުރި ވަގުތު އެއަށް ވުރެ ވެސް ބޮޑު އެ މުއްދަތަކީ އެމީހުން ރާއްޖެ ގަބޫލުކުރާ ކޮލެޖަކުން ކިޔަވައި ވަޒީފާ ހޯދަން އޮތް ފުރުސަތު.
ޞޭކާރު
14 February 2023
ޚިޔެވުމުގެ ބޭނުމެއްނެތް، ސިޔާސީ މީހުން އިނގިރޭސި ވިލާތުން ސެޓުފިކެޓެއްގެނައިމަ ގަބޫލު ކުރޭ ، މާލޭގަ ހުރެފަ
ސަލީމާ
13 February 2023
މިކަހަލަ ޕީއެޗްޑީތަށް ހަދައިގެން ކޮންމެ މީހަކު ޓުވަޓަރ ގައި ޕީއެޗްޑީ ޖަހައިގެން މާ އެނގޭ ބަޔަކަށް ވެގެން ގޮވާލަ ގޮވާލަ އެ ތިބެނީ
ގެދޮރު ނެތް މާލޭމީހާ
13 February 2023
އަޅުގަނޑު 2005 ގައި ކިޔަވަން ފެށީ ޕޭލީވް ހަމަޖައްސައިދޭނެ ކަމަށް އޮފީހުން ބުނީމަ. އެކަމަކު ޕޭލީވް ހަމަ ނުޖެހުނީމަ ކޯސް ދޫކޮށްލާފަ އަލުން ވަޒީފާއަށް ދާން ޖެހުނީ. ވަޒީފާ ނުދޭންވެސް ވަރަށް ގަދަ ހެދި. އެހެންވީމާ, ކިޔެވުނުނަމަ އަޅުގަނޑަށް ލުބޭނެކަމަށް އަންދާޒާ މުސާރައާއި އިނާޔަތްތައް ހިމެނޭގޮތަށް ބަދަލުހޯދަން ކޯޓަށް ދާން ވީތާ. ހިސާބު ހަދާލާއިރު 4 މިލިއަން ވަރު އެބަ އަރާ. ބޮޑުވަރު ދެން. 16 މިލިއަނުން 23 މިލިއަނުން ބަދަލު ހޯދަން. ސިޔާސީ މީހަކާއި ގުޅުމެއް އޮތީޔާ ތިޔަ ވަރަށް ބަދަލު ދީވެސް ފާނެ ތޯއްޗެ. މީ ބަދަލު ނުހިފާ ބަދަލު ދޭ ސަރުކާރެއް ވީމަ.
އަފްރާސިޔާބު
13 February 2023
އެދުވަސްވަރު (2013 އިން 2018) އަށް ހިންގި ތިބާވަތުގެ އެތަކެއް ކޯހެއްގެ ސެޓްފިކެޓް ރާއްޖޭގައި އެބަހުރި. އޭގެ ތެރޭގައި ސްރީލަންކާސަރުކާރުންވެސް ގަބޫލުނުކުރާ ކޯސްހިންތައް ރާއްޖެއަށް އަމާޒު ކޮށްގެންހިންގައި ސެޓްފިކެޓް ހާސިލުކޮށްފައިވާ އެއިރުގެ ރައްޔިތުންގެ މަޖިލީހުގެ މެންބަރުންނާއި ސިވިލްސާވިސްގައި މަސައްކަތްކުރި ވަކިޕާޓީއެއްގެ މެންބަރުންހިމެނޭ. އެކޯސްތައް އެކްރެޑިޓްކުރެވިދާނެތޯ ބެލުމަށް އެންކިއުއޭއަށް ހުށަހެޅުމުން އެތަނުންގަބޫލުނުރީމާ ބޮސްބަދަލުކުރީ
އައިމިނާ
13 February 2023
މިމީހުންނާއި އެކު ކިޔަވަން ދިޔަ ކުއްޖަކުސަރުކާރުން ގަބޫލު ނުކުރާނެ ކަން އެނގުމުން މެލޭޝިޔާއަށް ކިޔެވުން ބަދަލުކުރި. މި މީހުން ނުދިޔައީ ކީއްވެބާ!
ޞަލާހު
13 February 2023
އަލުން ޕީއެޗްޑީ ގަނޑެއް ގަންނަންވެސް ތިވަރު ނުދާނެ؟؟ ދެތިން ޕީއެޗްޑީ އެއްފަހަރާ ގަނެލާފަ ނަމަގެ ކުރިއަށް ދެތިން ޑރ. ޖަހާލަންދޯ ތި ވިސްނަނީ؟؟ ރާއްޖޭގައި ޕީއެޗްޑީ ނަގައިގެން އަންނީ ބޮޑު މަގާމު ހޯދަން. ޢޭރުން މަސައްކަތެއް ނުކޮށް ބޮޑު މުސާރަ ނަގަން. ތި ޕީއެޗްޑީ މީހުން މަތީ މަގާމުތތަކުގައި ތިބެެގެން ހުރިހާ މަސައްކތެއް ކުރުވާނި އެއްކަލަ ބެޗްލަރސް ޑިގްރީ މީހުން ލައްވާ.. މަދު ޕީއެެޗްޑީ ލިބިފަހުރި މީހަކު މެނުވީ!!