ފަނޑިޔާރު ޝަހީދުގެ މައްޗަށް ސުލޫކީ ދެ މައްސަލަ ސާބިތެއްނުވި

ހައިކޯޓުގެ ފަނޑިޔާރު ޝަހީދު: އޭނާގެ މައްޗަށް ސުލޫކީ ދެ މައްސަލަ ވެސް ސާބިތުނުވާ ކަމަށް ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

14 ފެބުރުއަރީ 2023 - 12:26

ހައި ކޯޓުގެ ފަނޑިޔާރު ހުސައިން ޝަހީދާ ގުޅޭ ގޮތުން ޖުޑީޝަލް ސާވިސް ކޮމިޝަން (ޖޭއެސްސީ) އިން ބެލި ސުލޫކީ ދެ މައްސަލަ ވެސް ސާބިތުނުވާ ކަމަށް އެ ކޮމިޝަނުން ނިންމައިފި އެވެ.

ހައި ކޯޓު ހިންގުމާ މިހާރު ހަވާލުވެ ހުންނެވި ފަނޑިޔާރު ޝަހީދުއާ ގުޅޭގޮތުން ޖޭއެސްސީން ސުލޫކީ ދެ މައްސަލައެއް ބަލަން ނިންމީ 2019 ވަނަ އަހަރު އެވެ. ނަމަވެސް އެ މައްސަލަތަކުގެ ތަފްސީލެއް ޖޭއެސްސީން ހާމައެއް ނުކުރެ އެވެ.

އެ މައްސަލަ ސާބިތުނުވާ ކަމަށް ނިންމީ މިދިޔަ އާދިއްތަ ދުވަހު ކަމަށް ޖޭއެސްސީން ބުންޏެވެ.

މީގެ އިތުރުން ކްރިމިނަލް ކޯޓުގެ ގާޒީ ސޮފްއަތު ހަބީބާ ގުޅޭ މައްސަލައަކާއި ސިވިލް ކޯޓުގެ ގާޒީ މަރިޔަމް ވަހީދާ ގުޅޭގޮތުން ބެލި މައްސަލައެއް ވެސް ސާބިތުނުވާ ކަމަށް މިދިޔަ އާދިއްތަ ދުވަހު ނިންމާފައިވާ ކަމަށް ޖޭއެސްސީން ބުންޏެވެ.

ފަނޑިޔާރު ޝަހީދަކީ ކުރިން ކްރިމިނަލް ކޯޓުގައި މަސައްކަތް ކުރެއްވުމަށްފަހު 2018 ވަނަ އަހަރު ހައި ކޯޓުގެ ފަނޑިޔާރު ކަމަށް އައްޔަން ކުރެއްވި ބޭފުޅެކެވެ.

ފަނޑިޔާރުން ހައި ކޯޓް ޖުޑީޝަލް ސާވިސް ކޮމިޝަން ޖުޑީޝަރީ ހުސައިން ޝަހީދު

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހައްމައިދީ98

14 February 2023

ނުވާނެ ސާބިތެއް! ފައިސަލްގެ މައްޗަށް ވެސް ނުވާނެ! މަރިޔަމްވަހީދު ހައިކޯޓަށް ލާންވެގެން މިހާރު ހުދުފޮތިކޮޅަކަށް އެ ހަދާލީ! ކުޅިބަލަން ތިބެބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮނބި

14 February 2023

ބަލަން ނެތް. ކްރިމިނަލް ކޯޓަށް ޝަކީލުގެ ލީގަލް އަޒުލިފާ، ޕީޖީ ޒިހުނީ، މެޖިސްޓްރޭޓް އިހުސާނު، ސިވިލް ކޯޓަށް ނަދީމު، މައުސޫމު، ފައިސަލު. ދެން އޮތީ ހައިކޯޓަށް މަރިޔަން ވަހީދާ، ޝަކީލު.