ސީރިއާ-ތުރުކީގެ މީހުންނަށް އެހީވާން ދިވެހިންގެ ފަރާތުން 9 މިލިއަން ރުފިޔާ

ތުރުކީ-ސީރިއާ ބިންހެލުމުގައި ހާލުގައި ޖެހިފައިވާ މީހުންނަށް އެހީވުމުގައި އައިއޭސީން ހަރަކާތްތެރިވަނީ: މިހާރު މަސައްކަތް ކުރަމުން ދަނީ ބިންހެލުމުގައި ހާލުގައި ޖެހުނު މީހުންނަށް އެހީތެރިކަން ފޯރުކޮށްދިނުމަށް ކެބިނެޓް ހައުސްތަކެއް ހޯދުމުގެ މަސައްކަތް ކަމަށް އެ ޖަމިއްޔާއިން ބުނޭ. ---

ފާތިމަތު އަޖްފާން، މިހާރު

09 މާޗް 2023 - 12:29

4 comments

ތުރުކީގެ އިރުމަތީ ސަރަހައްދަށާއި ސީރިއާ އަށް މިދިޔަ މަހު އައި ބާރު ގަދަ ބިންހެލުމުގައި ހާލުގައި ޖެހުނު މީހުންނަށް ދޭން ދިވެހިންގެ ފަރާތުން ނުވަ މިލިއަނަށް އަށް ވުރެ ގިނަ ރުފިޔާ ލިބިފައިވާ ކަމަށް އިންޓަނޭޝަނަލް އެއިޑް ކެމްޕެއިން (އައިއޭސީ) އިން މިއަދު ބުނެފި އެވެ.

ފައިސާ ހޯދުމުގެ މަސައްކަތުގައި ރާއްޖޭގެ ޖަމިއްޔާ/ޖަމާއަތްތަކުން ގިނަ މަސައްކަތްތަކެއް ގެންދަނީ ކުރަމުންނެވެ. ރާއްޖޭގެ ހުރިހާ މިސްކިތްތަކެއްގައި މިދިޔަ މަހު ފަންޑުފޮށި ބެހެއްޓުމާއި އެހީވުމަށް އިތުރު ހަރަކާތްތަައް ވެސް އަންނަނީ ހިންގަމުންނެވެ.

އައިއޭސީގެ ޑިރެކްޓަ އޮފް މީޑިއާ އެންޑް ޕަބްލިކް ރިލޭޝަންސް، އަޒްހަދު އަހްމަދު "މިހާރު" އަށް ވިދާޅުވީ ދިވެހިންގެ ފަރާތުން މިހާތަނަށް ނުވަ މިލިއަނަށް ވުރެ ގިނަ ރުފިޔާ ލިބިފައިވާ ކަމަށެވެ.

އެހީ ހޯދުމުގެ މަސައްކަތް ހުއްޓާލުމަށް ނިންމާފައި ނުވާ ކަމަށާއި ފަންޑުފޮށިތަކަށް މިހާރު ވެސް ފައިސާ ލެވޭނެ ކަމަށާއި އެކައުންޓަށް ޖަމާކޮށްގެން ވެސް އެހީ ފޯރުކޮށްދެވޭނެ ކަމަށް އޭނާ ވިދާޅުވި އެވެ.

ތުރުކީ-ސީރިއާ ބިންހެލުމުގައި ހާލުގައި ޖެހިފައިވާ މީހުންނަށް އެހީވުމުގައި އައިއޭސީން ހަރަކާތްތެރިވަނީ--

ބިންހެލުމުގައި ހާލުގައި ޖެހުނު މީހުންނަށް އެހީތެރިކަން ފޯރުކޮށްދިނުމަށް ގަތަރުން މޮބައިލް ހޯމް ނުވަތަ ކޮންޓެއިނާ ހައުސްތަކެއް ވަނީ އެ ގައުމަށް ފޮނުވައިފަ އެވެ.

އަޒްހަދު ވިދާޅުވިގޮތުގައި، އައިއޭސީން ވެސް މިހާރު މަސައްކަތް ކުރަނީ އޭގެ ގެ ތަކެއް ދިނުމަށެވެ. އެއީ ދެ ކޮޓަރި އާއި ފާހަނާއެއް ހިމެނޭ 30 ގެކަމަށް އޭނާ ވިދާޅުވި އެވެ.

އައިއޭސީން މިހާރު އަންނަނީ ދެ ޓަނުގެ ހަނޑޫ އެ ގައުމަށް ފޮނުމަށް ތައްޔާރުވަމުންނެވެ.

ތުރުކީގައި ހާލުގައި ޖެހިފައިވާ މީހުންނަށް އައިއޭސީން އެހީވަމުން އަންނައިރު، ހާލުގައި ޖެހިފައިވާ މީހުންނަށް، ކޮންމެ ދުވަހަކު އަންނަނީ ޕާރުސަލާއި އަންނައުނު ބަހަމުންނެވެ.

Turkey-Syria ah eheevumah Miskiythakugai fund foshi bahattanee

The most trusted news source in the Maldives

Mihaaru

ތުރުކީ އާއި ސީރިއާގެ ބޯޑަރު ސަރަހައްދަށް އައި ބާރުގަދަ ބިން ހެލުމުގައި މިހާތަނަށް 45،000 މީހުންނަށް ވުރެ ގިނަ އަދަދެއްގެ މީހުން ވަނީ މަރުވެފަ އެވެ. އަދި ލައްކައަކާ ގާތްކުރާ އަދަދަކަށް މީހުންނަށް އަނިޔާވެ، އަންނަނީ ފަރުވާ ދެމުންނެވެ.

ބިންހެލުން ސީރިއާ ތުރުކީ ރާއްޖެ-ތުރުކީ ރާއްޖެ-ސީރިއާ

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމްޖޭ19

09 March 2023

މިއީ ރަގަޅުކަމެއް. އެކަމަކު ފޮޓޯޖަހާއި، އެހީދޭ ފަރާތްތަކުގެ ނަންޖަހާ، ގައުމުގެ ދިދަޖަހާ. މިއީ ދެން ކޮންސަކަރާތެއް. މިއީ ތަންކޮޅެއް ބޮޑުވަރު. މިވަރަށް ދެއްކުންތެރި ނުވެސް މިކަން ކުރެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

12345678

09 March 2023

އެހާ ބޮޑެތި ފައިސާގެ އަދަދު ހަވާލުކުރެވޭ މަސައްކަތް ކުރުމަށް ރަސްމީ ހައިސިއްޔަތެއް ބޭނުންވާނެ. އެއީ އޭގައި ފައިސާ ދިން ފަރާތްތަކަށްވެސް އެނގެން ބޭނުން ވާނެ ކަމެއް. އެއީކީ ދެއްކުން ތެރިކަމަކަށްވުރެ ޚަރުދަނާ އުސޫލެއްގެ ތެރެއިން ކުރުމަށް ކަމަށް ގަބޫލު ކުރެވެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބކވޑ

09 March 2023

އަމްޖޭގެ ނަން ނުޖަހާނެ، އޯކޭ؟ ނަންޖެހީމަ ލިބޭ ފައިދާ ބޮޑު، އިސްލާމީ އަޚްވަންތަކަން ގާއިމްވޭ، އަހެރެމެންނާއި ހާއްސްގޮތެއް ބަހެއްޓުން ގާތް، ކަލެއައް ބޭނުންވާނީ ކަލެއަށް ކަމެއްދިމާ ވާހިނދު އެޗެއް ދިއްކޮއްލާ މީހަކު އޭނަކަން އެއްއްޗެއް އިގޭގޮތައް ދިނީމަ ބުނާނަންތަ ހާދަ ދެއްކުން ތެރިމީހެކޭތީ؟ އަދި އެމީހާ ހާލުގަ ޖެހޭދުވަހު ދުރުމީހަކައް ތުރެއް އޭނާއަށް އެހީވުން ގާތެއް ނުވާނެ؟