ހދ. ކުޅުދުއްފުށީގައި ތިން ސައިކަލު ޖެހި ހިނގި އެކްސިޑެންޓުގައި ބަޔަކަށް އަނިޔާވެފައި.
15 މާޗް 2023 - 14:27
7 comments
ހދ. ކުޅުދުއްފުށީގައި ތިން ސައިކަލު ޖެހި ނުރައްކާތެރި އެކްސިޑެންޓެއް މިއަދު ހިނގައިފި އެވެ.
ފުލުހުން ބުނީ ކުޅުދުއްފުށީގައި ތިން ސައިކަލު ޖެހި އެކްސިޑެންޓެއް ހިނގި ކަމުގެ ރިޕޯޓް މިއަދު 11:15 ހާއިރު ލިބިފައިވާ ކަމަށެވެ.
އެ އެކްސިޑެންޓުގައި ހަތަރު މީހަކަށް އަނިޔާވި ކަމަށް ވެސް ފުލުހުން ބުންޏެވެ.
"މި އެކްސިޑެންޓުގައި ހަތަރު މީހަކަށް އަނިޔާވެގެން ކުޅުދުއްފުށި ރީޖަނަލް ހޮސްޕިޓަލުގައި އަންނަނީ ފަރުވާދެމުން،" ފުލުހުން ބުންޏެވެ.
ހދ. ކުޅުދުއްފުށީގައި ތިން ސައިކަލު ޖެހި ހިނގި އެކްސިޑެންޓް.
ކުޅުދުއްފުށި ރީޖަނަލް ހޮސްޕިޓަލްގެ މީޑިއާ އޮފިޝަލަކު "މިހާރު" އަށް ވިދާޅުވީ އެކްސިޑެންޓުގައި އަނިޔާވެގެން ގެނައި ހަތަރު މީހުން އިތުރުން އެ ހާދިސާ ހިނގި ވަގުތު އެތަނުގައި ހުރި މީހަކު މެއަށް ތަދެއް އަރައިގެން ހޮސްޕިޓަލަށް ގެނެސް ފަރުވާދެމުން އަންނަ ކަމަށެވެ.
"އެ މީހުންނަށް ބޭރު ފުށުން މާ ބޮޑު އަނިޔާވެފައި ހުރި ކަމަށް ނުބެލެވޭތީ، އިންޓާނަލީ އިންޖަރީއެއް ހުރިތޯ މިހާރު އަންނަނީ ބަލަމުން،" އޭނާ ވިދާޅުވި އެވެ.
އެ ރަށުން ވާހަކަދެއްކި މީހަކު ބުނީ މި އެކްސިޑެންޓް ހިނގާފައި ވަނީ އެ ރަށުގައި އެންމެ ކާރުބާރުބޮޑު މަގުގައި ކަމަށެވެ. އަދި މި އެކްސިޑެންޓުގައި ސައިކަލުތައް ވަރަށް ބޮޑަށް ހަލާކުވި ކަމަށް ވެސް އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލިމީހާ
15 March 2023
ކުޅުދުއްފުށީ ގައި އޭ ޒޯން ގެ ވެހިކަލް ބޯޑުގައި ދުއްވޭދޯ؟ ދެން ރާއްޖޭގައި މިކަހަލަ އެކްސިޑެންޓް ވަރަށް އާއްމުވާނެ. ހުރިހާ ރަށެއްގައި ތާރު އަޅައިގެން މަގު ހަދައި އެމަގުގެ ޓްރެފިކް ބަލަހައްޓާނެ ބަޔަކު ނުތިބޭނެ. އެއީ ކިތަންމެ ބޮޑު ބިޔަ ގްރޭޓަރ ރަށަކަސް.
ބުއްޅަބޭ
15 March 2023
ނަންވާނީ މާލޭބުރިޖު.
1206
15 March 2023
ތާރު އެޅި މަގުތަކުގައި ދުއްވަން ލިބުނީމާ މި ހީވަނީ އާސްމާންގައި އުޅެވޭހެން ވިއްޔާ. ތަންކޮޅެއް ހިތްތިރި އުޅުން ރަނގަޅުކޮށްލިއްޔާ އަނިޔާ ލިބުން މަދުވާނެ.
ޙިމްބެ
15 March 2023
ތި މަގުގައި ތާރު އެޅީ ރައިސް ޔާމިން ގެ ވެރިކަމުގައި.
1206
15 March 2023
ދެން ތާރު އަޅައިދިން މީހާ ގޯސްވެ، އެޅި ތާރު ގޯސްވެ، މަސް ނުބޭނުނީމާ ކަނޑު ގޯސްވެ، ރަނގަޅު ރަނގަޅު.
ހިމްބެ އަމާ
15 March 2023
ތާރަ އެޅިއިރު ވެރިކަމުގައި ހުރިމީހާއާ ސައިކަލު އުފެއްދި ގައުމުގައި ދިރިހުރިމީހާ ކުއްވެރިވާނެއޭދޯ ތިބުނަނީ؟
ޓިމްބެ
15 March 2023
ދެން އިބޫ ލައްވާ އަވަހަށް އެ ތާރުތައް ނަގުވާފަ އަލުން ތާރު އަޅަން އާރްޑީސީއާ ހަވާލުކޮށްފަ އެމީހުންނަށް ނުވެގެން އިތުރު ހަރަދުކޮށްފަ އެމްޓީސީސީއާ ހަވާލުކޮށްލަންވީ.