އަދީބު 15 އަހަރަށް ޖަލަށް ލުމަށް ހުކުމްކުރި އިރު އޭނާގެ ދެ ބޮޑީގާޑުން ވަނީ 10 އަހަރަށް ޖަލަށް ލުމަށް ހުކުމް ކޮށްފައި. އަދީބަށް ކުރިން 10 އަހަރުގެ ހުކުމެއް އައިސްފައި ވާތީ މިހާރު އޭނާގެ މައްޗަށް 25 އަހަރުގެ ޖަލު ހުކުމެއް އެބަ އޮތް.
ކުރީގެ ނައިބު ރައީސް އަހްމަދު އަދީބު 15 އަހަރަށް ޖަލަށް ލުމަށް ހުކުމް ކުރުމަށް ފަހު ފުލުހުންގެ ވެހިކަލްގައި މިރޭ ގެންދަނީ. -- ފޮޓޯ: މުހައްމަދު ޝަރުހާން/މިހާރު
09 ޖޫން 2016 - 22:49
25 comments
ރައީސް އަބްދުﷲ ޔާމީން އަވަހާރަކޮށްލަން، ރިޔާސީ ލޯންޗު ފިނިފެންމާގައި އައިއީޑީއެއް ގޮއްވާލި މައްސަލާގައި ކުރީގެ ނައިބު ރައީސް އަހްމަދު އަދީބުގެ މައްޗަށް ކުރި ޓެރަރިޒަމްގެ ދައުވާ ސާބިތުވާ ކަމަށް ކަނޑައަޅައި 15 އަހަރަށް އަދި އޭނާގެ ދެ ބޮޑީގާޑުން 10 އަހަރަށް ޖަލަށް ލުމަށް ކްރިމިނަލް ކޯޓުން މިރޭ ހުކުމް ކޮށްފި އެވެ.
އަދީބުގެ މައްޗަށް މި ހުކުމް އައިސްފައި ވާއިރު މިދިޔަ ހަފުތާގައި ވަނީ، ފިސްތޯލައެއް ގެންގުޅުނު މައްސަލާގައި ކުރި ޓެރަރިޒަމްގެ ދައުވާ ސާބިތުވާ ކަމަށް ކަނޑައަޅައި 10 އަހަރުގެ ޖަލު ހުކުމެއް ވެސް އަދީބުގެ މައްޗަށް ކޮށްފަ އެވެ. އެހެންވެ އޭނާގެ މައްޗަށް މިހާރު 25 އަހަރުގެ ޖަލު ހުކުމެއް އެބަ އޮތެވެ.
ކުރީގެ ނައިބު ރައީސް އަހްމަދު އަދީބު މިރޭ ކޯޓު ދޮރުމަތީ ހުންނަވައި، އެތަނުގައި ތިބި މީހުންނަށް އަތުން އިޝާރާތްކޮށްލައްވަނީ. -- ފޮޓޯ: މުހައްމަދު ޝަރުހާން/މިހާރު
ލޯންޗުގައި އެއްޗެއް ގޮއްވާލި މައްސަލާގައި އަދީބުގެ އިތުރުން އޭނާގެ ދެ ބޮޑީގާޑުން ކަމަށްވާ ހަސަން ރިކާޒާއި އަހްމަދު އާމިރުގެ މައްޗަށް ވެސް ކުރީ ޓެރަރިޒަމްގެ ދައުވާ އެވެ. މި ދެ މީހުންގެ މައްޗަށް 10 އަހަރުގެ ހުކުމެއް އައި ނަމަވެސް އަދީބަށް ބޮޑު އަދަބެއް އައީ ފިސްތޯލަ ގެންގުޅުނު މައްސަލާގައި ކުރިން ޓެރަރިޒަމްގެ ކުށް ސާބިތުވެފައި ވާތީ ކަމަށް ހުކުމުގައި ފާހަގަކޮށްފައިވެ އެވެ. އަދީބަށް ކުރިން ހުކުމެއް ކޮށްފައި ވިޔަސް މިރޭ ވެސް އޭނާ ކޯޓަށް ހާޒިރުކުރީ ފުލުހުންގެ ބެލުމުގެ ދަށުންނެވެ. އަދި ހުންނެވީ ޖަލު ހެދުމުގައެއް ވެސް ނޫނެވެ.
ހަމަލާގައި ބައިވެރިވިކަން ސާބިތުވެ 10 އަހަރުގެ ހުކުމެއް އައި، އަދީބުގެ ބޮޑީގާޑެއް މިރޭ ކޯޓަށް ވައްދަނީ. -- ފޮޓޯ: މުހައްމަދު ޝަރުހާން/މިހާރު
މިރޭގެ ޝަރީއަތް ވެސް ކުރިއަށް ގެންގޮސްފައި ވަނީ އާންމުންނާއި ނޫސްވެރިން ނުވައްދަ އެވެ.
ރައީސް ޔާމީންގެ ދެކަނބަލުން ހައްޖުގެ އަޅުކަމަށް ފަހު ރާއްޖެ ވަޑައިގެން، އެއާޕޯޓުން މާލެ އަށް ދަތުރުކުރެއްވި ލޯންޗުގައި އެއްޗެއް ގޮއްވާލާފައި ވަނީ މިދިޔަ އަހަރުގެ ސެޕްޓެމްބަރު މަހުގެ 28 ވަނަ ދުވަހު އެވެ. އެ ހާދިސާގައި ރައީސްގެ އަނބިކަނބަލުން ފާތިމަތު އިބްރާހިމް އާއި އެހެން ބައެއް ބޭފުޅުންނަށް އެކި ވަރުގެ ޒަހަމްތައް ލިބިފައިވެ އެވެ.
ރައީސް އަބްދުﷲ ޔާމީން ދަތުރުކުރެއްވި ލޯންޗުގައި އެއްޗެއް ގޮއްވާލުމުން ޒަހަމްވެ ވަޑައިގެންނެވި ރައީސްގެ އަނބިކަނބަލުން ފާތިމަތު އިބްރާހިމް ލޯންޗުން ބާލަނީ. -- ފޮޓޯ: ރޮއިޓާސް
ލޯންޗުގައި ދިން ހަމަލާގެ ތުހުމަތު، ރައީސް ޔާމީނާ އެންމެ އަރިސްކޮށް އުޅުއްވި އަދީބަށް އަމާޒުވެ ތަހުގީގަށް ހައްޔަރުކުރުމާ އެކު ރައްޔިތުންގެ މަޖިލީހުން އިތުބާރު ނެތް ކަމުގެ ވޯޓު ނަގައި ނައިބު ރައީސް ކަމުގެ މަގާމުން ދުރުކުރި އެވެ. އަދި މި ތަހުގީގުގެ ތެރެއިން އަދީބާ ގުޅުން ހުރި ކޮރަޕްޝަންގެ ބޮޑެތި މައްސަލަތަކެއް ފެންމަތިވެ ބައެއް މައްސަލަތަކުގައި ވަނީ އަދީބުގެ މައްޗަށް ކޮރަޕްޝަންގެ ދައުވާ ވެސް އުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
11 June 2016
އަދި ހެވިފަ އެބައިނެއްނުން.. ތިޔަވީ ހަމަ ރަނގަޅަށް
ދޮޅުގަޑި ބައި
11 June 2016
އަސްލު ބޮން ގޮވާއިރު ވަރައް އަޑުގަދަވާނެ. އަދި ތިގޮވަނީ ފަޓާސްތަކެއް. މާ ލަހެއްނުވެ ބޮޑުއެތި ގޮވާފާނެ.
ދޮންކަމަނަ
10 June 2016
ކޮބާހޭ އެއް އިރެއްގައި މާ ބްރޯ ވެގެން، އެކީގައި ސެލްފީ ނަގަނަގާފައި އުޅުނު ނިހާނާއި މާލޭ ރިޔާޒު.........
އިއްސެ
10 June 2016
އަދީބު މިސާލަކީ ހަވައެއްގެ މިސާލެވެ.. އަރައިގެން ދާވަގުތު އެއްމެންގެ ލޯތައްށް ހުއްޓޭނީ އެދިމާލަށް - އަދި އަރައިގެން ދާގޮތަށް ގޮސް އެއްމެ އުހުގައި ޖެހި - ބިމަށް ތިރިގެޅޭނީއެވެ.
ޯލިގުމާން
10 June 2016
ޝަރީއަތް ނިމިނުގޮތާއިމެދު ހިތް ހަމަ ނުޖެހިގެން މިފަހަރު ކޮމަންވެލްތާއި އިނގިރޭސިވިލާތާއި އެމެރިކާއާއި ޑެންމާކާއި ކެނެޑާއާއި އިޒްރޭލާއި އިންޑިއާއިން ނާންނާނެބާ..... މަހުންނާނަން ބަލަން
ދޮންކަމަނަ
10 June 2016
ތިހުރިހާ ތަނަކުން ވެސް އަންނަންވީ، މުގުލުގައި ހުރި މީހާ އަށް ޙައްޤު އަދަބު ދޭނެ ގޮތެއް ހޯދަން.....މިއަދު ހެވިދިލިފަ ހުރެވިދާނެ....
ސަކީނާއްތަ
10 June 2016
ރާއްޖޭގެ އަދްލު އިންސާފް އެއްދުވަހުން އަނެއްދުވަހަށް ދަށައްދާއިރު ގައުމުގައި ތިއްބެއްވި އިންސާފްއަށް ލޯބިކުރާމީހުން ހަނުތިބުމަކީ ވަރަށްބޮޑުހިތާމެއެކެވެ. ވާކަދައްކާ ކަންކަންރަގަޅުކުރުމަށް ތެދުވުމަކީ ފަރުދީ ވާޖިބެކެވެ.
ޑެނިއެލް
10 June 2016
ދި ރައިސް އެންޑް ފޯލް އޮފް އަހްމަދު އަދީބް!
ހަހާ
10 June 2016
މީބޮޑުވަރު ދޯ
ކެކެ
10 June 2016
ނޫނޭ. އަދި ތިވަރު ކުޑަ.
މެންޓަލިސްޓް
10 June 2016
ބޮމްހެދިމީހާ ކުއްވެރިނުވެ ބޮމް ހަދަންބުނުމީހާ ކުއްވެރިވޭތަ ތިޔައީ އަޅެފަހެ ކޮންކަހަލަ ޝަރީއަތެއް ، ދެންވެސް ބުނާނެ އިސްލާމީ ޝަރީއަތޭ ، މިނޫންދުނިޔެއެއް އޮތަކަން ގާޒިންނަށް ނޭންގެނީބާ ، ނޫނީ ރަސޫލާގެ ހަދީފްފުޅެއްގައި އޮންނަހެން ކޮންމެ 3 ގާޒީއަކުން 2 މީހުން ނަރަޔަކަށް ދާއުސޫލުންބާ ޝަރީއަތް ތިޔަހިންގަނީ
ޯޑޮކްޓަރު
10 June 2016
އެހެރީނުން . އަބްދޯ ގާޒީ ހައްޔަރު ކުރި މީހުން ސަލާމަތްވެފަ. ހައްޔަރުކުރަން ބުންޏޭ ކިޔައިގެން ނަޝީދު 13 އަހަރަށް ޖަލަށް. ޢަދި ކިޔެއްތަ މީހަކުބުނެގެން އެހުކުމް ޓެރަރިޒަމަށް ބަދަލުކުރިމީހާ އެހެރީ17 އަހަރަށް ޖަލަށް. ޢެބުނިމީހާ އާމްދަނީ ހޯދަނީ. މެންޓަލިސްޓް ތިކުރައްވާ މަސައްކަތަށް ހަމަ ސާބަސް.
ރައްޔިތުމީހާ
10 June 2016
ހަމަ ބޮޑީގާރޑުންްނޭ ކިޔާފަ އަވަހަށް 10އަހަރުގެ ހުކުމެއް ޖެހީ ހެއްކެއްނެތި...ހިތާމައަކީ އިހަށްދުވަހު ގެންގުޅުނު ޑްރަގް ކޭހުގައި ހައްޔަރުކުރި ބޮޑެތި ޑްރަގް ލީޑަރުން ފެނަނީ ދޫކޮށްލާތަން....ހަމަ ޑްރަގް ލީޑަރުންވީމަ އަވަހަށް ދޫކޮށްލުން.....ހެކިފެނިފަ އޮއްވަ.....މީ ޔާމިން ސަރުކާރުގެ ސަރިއަށް އޮންނަގޮތް.......ގާޒީން ހަދާން ކުރާތި މިނޫން ދުވަހެއް އޮންނާނެކަން....