ރައީސް އިބްރާހިމް މުހައްމަދު ސޯލިހާއި ނަޝީދު: ރައީސް ސަރުކާރަށް އައްޔަން ކުރައްވާފައިވާ ބައެއް ބޭފުޅުން ނަޝީދުގެ ފިކުރުގައި މަސައްކަތް ކުރެއްވި ނަމަވެސް ފިޔަވަޅެއް ނާޅުއްވާ.---ފޮޓޯ: މިހާރު
23 މާޗް 2023 - 22:39
82 comments
މި ސަރުކާރުގެ އެކި މަގާމުތަކަށް އެމްޑީޕީގެ ސްލޮޓްގައި އައްޔަން ކޮށްފައިވާ މީހުން އަމިއްލަ އަށް އިސްތިއުފާ ދޭން ނުޖެހޭނެ ކަމަށާއި އަދި ރައީސް އިބްރާހިމް މުހައްމަދު ސޯލިހަށް އެ މީހުން މަގާމުތަކުން ވަކި ވެސް ނުކުރެވޭނެ ކަމަށް ވިދާޅުވެ، ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު މިއަދު ރައްދު ދެއްވައިފި އެވެ.
މިދިޔަ ޖެނުއަރީ މަހު ބޭއްވި އެމްޑީޕީގެ ރިޔާސީ ޕްރައިމަރީގައި ކުރިމަތިވި ބަލި ގަބޫލު ނުކުރައްވައި، ރައީސް އިބްރާހިމް މުހައްމަދު ސޯލިހާ ދެކޮޅަށް މަސައްކަތްޕުޅު ކުރައްވާ ނަޝީދުގެ "އަނެއްދިވެހިރާއްޖެ" ޓުވިޓާ އެކައުންޓުން ކުރެއްވި ޓުވީޓެއްގައި ރައްދު ދެއްވީ، މި ސަރުކާރުގެ ސިޔާސީ މަގާމުތަކުގައި ތިބި ނަޝީދުގެ ފިކުރުގެ މީހުން ވަކިކުރަން ބާރު އަޅައި ވަރަށް ބޮޑަށް ވާހަކަ ދެއްކެވެމުން ދަނިކޮށެވެ.
ނަޝީދު ވިދާޅުވީ، ސަރުކާރުގެ މަގާމުތަކަކީ ރައީސުލްޖުމްހޫރިއްޔާގެ ޒާތުފުޅުން ދެއްވާ މަގާމުތަކެއް ނޫން ކަމަށެވެ. އަދި މަގާމުތަކުގައި ތިބީ އެމްޑީޕީން ހުށަހެޅި މީހުން ކަމަށް ވިދާޅުވި އެވެ.
"އިސްތިއުފާ ދޭކަށް ނުޖެހޭނެ. އަދި ރައީސުލްޖުމްހޫރިއްޔާ އަށް އެ ބޭފުޅުން ވަކި ވެސް ނުކުރެވޭނެ. އެ ބޭފުޅުންނަކީ ވަޒީފާ ގެއްލިދާނެތީ ޒަމީރު ގުރުބާން ކުރާނެ ބައެއް ނޫން،" މި ސަރުކާރުގައި ތިބި ނަޝީދުގެ "ފިކުރެއްގެ ދިރުން" ގެ މީހުންގެ ދިފާއުގައި އެ މަނިކުފާނު ވިދާޅުވި އެވެ.
ނަޝީދު އެހެން ވިދާޅުވިޔަސް ސިޔާސީ މަގާމުތަކަށް ރައީސް ބޭފުޅުން އައްޔަން ކުރައްވަނީ ގާނޫނުއަސާސީގެ 115 ވަނަ މާއްދާގެ ދަށުން ކަމަށް ވާތީ އެ ބޭފުޅުން އައްޔަން ކުރެއްވުމާއި ވަކިކުރެއްވުމަކީ އެ މަނިކުފާނަށް ގާނޫނުއަސާސީން ލިބިވަޑައިގަންނަވާ ބާރެކެވެ.
މި ސަރުކާރުގެ ސިޔާސީ މަގާމުތަކުގަ އާއި ބައެއް ކުންފުނިތަކުގައި އިސްކޮށް ތިއްބެވި ބައެއް ބޭފުޅުން ވަނީ ރިޔާސީ އިންތިހާބަށް ރައީސް އިބްރާހިމް މުހައްމަދު ސޯލިހު ދޫކުރައްވައި ނަޝީދުގެ ފަޅިއަށް ފާޅުގައި އަރާވަޑައިގެން އަމަލީ ގޮތުން މަސައްކަތް ފައްޓަވައިފަ އެވެ. އެހެންވެ، އެ ބޭފުޅުން މަގާމުން ވަކިކުރެއްވުމުގެ ޕްރެޝަރުތަކެއް ވެސް ރައީސަށް އެކި ދިމަދިމާލުން ކުރިމަތި ކުރާ ވާހަކަތައް ދެއްކެވެ އެވެ. ނަމަވެސް މިހާތަނަށް ރައީސް އިބްރާހިމް މުހައްމަދު ސޯލިހު އެއްވެސް ފިޔަވަޅެއް ނާޅުއްވަ އެވެ.
އިސްތިއުފާ ދޭކަށް ނުޖެހޭނެ. އަދި ރައީސުލްޖުމްހޫރިއްޔާ އަށް އެ ބޭފުޅުން ވަކި ވެސް ނުކުރެވޭނެ. އެ ބޭފުޅުންނަކީ ވަޒީފާ ގެއްލިދާނެތީ ޒަމީރު ގުރުބާން ކުރާނެ ބައެއް ނޫން،" --- ނަޝީދު
ނަޝީދު މިރޭ ވަނީ އައްޑޫގެ މޭޔަރު އަލީ ނިޒާރަށް ވެސް ޓުވިޓާގައި ރައްދު ދެއްވައިފަ އެވެ. އެއީ ރައްޔިތުންގެ މަޖިލިހުގެ އައްޑޫގެ ދާއިރާތަކުގެ މެމްބަރުންނާއި ސިޓީ ކައުންސިލްގެ މެމްބަރުން ތިއްބަވާ ގުރޫޕެއްގައި މޭޔަރު ވިދާޅުވި ވާހަކައަކާ ގުޅިގެންނެވެ.
ނަޝީދުގެ ފަޅީގައި ހުންނެވި، ހުޅުދޫ ދާއިރާގެ މެމްބަރު އިލްޔާސް ލަބީބަށް އަމާޒު ކުރައްވައި ނިޒާރު އެދިވަޑައިގަތީ، ރައީސް އިބްރާހިމް މުހައްމަދު ސޯލިހަށް ދެވަނަ ދައުރެއް ނުދީ، އައްޑޫ ގަން އިންޓަނޭޝަނަލް އެއާޕޯޓުގެ ވާހަކަ ދެއްކެވެން ނެތް ވާހަކަ ނަޝީދަށް ދަންނަވައި ދެއްވުމަށެވެ. އަދި "ދެ މޫނާއެކު" ދެއްކެވޭ ވާހަކަތަކަށް އިތުބާރު ނުކުރައްވާނެ ވާހަކަ ވެސް ނަޝީދަށް ދަންނަވައި ދެއްވުމަށް އިލްޔާސްގެ އަރިހުން މޭޔަރު އެދިވަޑައިގަތެވެ.
ނިޒާރު ވިދާޅުވިގޮތުގައި، ރައީސް އިބްރާހިމް މުހައްމަދު ސޯލިހު އައްޑޫގެ ތަރައްގީ އަށް ކޮށްދެއްވާ ކަންކަން ފުރިހަމަ ވާނީ ރިޔާސީ ދެވަނަ ދައުރެއް ދީގެންނެވެ.
އެ ވާހަކަތަކާ ގުޅިގެން، ވަޓްސްއެޕް ގުރޫޕްގެ ސްކްރީންޝޮޓަކާއެކު ކުރެއްވި ޓުވީޓުގައި ނަޝީދު ވިދާޅުވީ، އައްޑޫގެ ތަރައްގީއަކީ ހަމައެކަނި ރައީސް އިބްރާހިމް މުހައްމަދު ސޯލިހަށް ދޭ ފުރުސަތާ ގުޅުވައިގެން ނިޒާރު ވާހަކަ ދެއްކެވުމުން ހިތާމަ ކުރައްވާ ކަމަށެވެ.
"މޭޔަރު އެހެން ނުހައްދަވާ. މަނިކުފާނާއި އަޅުގަނޑުގެ ފަހުން ވެސް އައްޑު އާއި ރާއްޖެ އޮންނާނެ،" ނަޝީދު ވިދާޅުވި އެވެ.
އެމްޑީޕީގެ ރިޔާސީ ޓިކެޓް ރައީސް އިބްރާހިމް މުހައްމަދު ސޯލިހަށް ދެވަނަ ދައުރަކަށް ދީފައި އޮތަސް ނަޝީދު މިހާރު ގެންދަވަނީ ޖުމްހޫރީ ޕާޓީއާ ގުޅިގެން މި އަހަރުގެ ރިޔާސީ އިންތިހާބަށް މަސައްކަތްޕުޅު ކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
25 March 2023
އިބޫއަކީ ލީޑަރޝިޕު ކޮލިޓީ ވަރަށް ދަށް ބޭކަލެއް. ބޮޑެތި ނިންމުންތައް ނިންމަން ޖެހިލުންވާނެ. ބުނާ ކޮންމެ އެއްޗަކަށް ބޯޖަހާލަން އެނގޭނީ. މިހެންވެ އެބަޔަކު އުޅޭނެ ގޮތަކަށް އުޅެންވީ ވާނެ ކަމެއް ނޯންނާނެ
އޮނަރަބްލް އަފީފު ދީދީ
24 March 2023
މޭޔަރަކަށްހުރިމީހާ ހާވާހަޑީގެސަބަބުން ބަދުނާމުވަނީ އައްޑޫ ރައްޔިތުން. ނިޒާރު ހަދާންނެތްކަމުގައިވިޔަސް 2018 ގެ އިންތިޙާބުގައި އައްޑޫރައްޔިތުން މޑޕ ކެންޑިޑޭޓަށް ވޯޓްދިނީ އައްޑޫ މެނިފެސްޓޯއާއި ރެލީތަކުގައިދެއްކި ވާހަކަތަކަށްބަލާފަ. # ބޭކާރުވާހަކަހުއްޓާލާފައި ނިޒާރަށް މޭޔަރުކަންދިން ސިޓީގެރައްޔިތުންބޭނުންވާ ތަރައްޤީގެވާހަކަހިމެނޭ އައްޑޫރައްޔިތުންބައިވެރިކޮށް މެނިފެސްޓޯ ހަދާ ވެރިކަމަށްކުރިމަތިލާ ކެންޑިޑޭޓުން ހުށަހަޅާބަލަ. މޭޔަރުގެ ޒިންމާއަކީ އެއީ.
ނިލިސް
24 March 2023
ޕާޓީގެ ރައީސް އަދި މަޖިލިހުގެ ގޮޑި ޕާޓީގެ ތެރެއިން ހޯދާފަ ޕާޓީއަށް ގެއްލުންވާ ގޮތަށް މަސައްކަތްކުރާނަމަ ފިތަވަޅު އަޅަންޖެހޭ.
ޥަހީދުބޭގެ ސައީދު
24 March 2023
މިއަދު ތިހެން ބުނި ނަމަވެސް ބާރު ލިބިފައިހުރި ދުވަހު ނަޝީދުވެސް ހެދީ މިއަދު ސާލިޙުވެސް އެހެން ހަދަނީ. މިއަދު ނަޝީދަށް ގޯސް ވެއްޖެ. ދިވެހިންނަށް ﷲ ދައްކަވަނީ ބޮޑެތި އިމްތިޙާނުތަކެއް. މުނާފިޤުން ފާޅުގައި ދައްކަވަމުން ދާއިރު ތިމާމެން ޢިބުރަތެއް ލިބިގަންނަން ޖެހޭ.
ޖިދް
24 March 2023
ރނ ގަދަ ބަސް ބުނާނެ ކަމެއް ނެތް. ވަކި ކުރެވޭނެ. އަތުން ފައިން ގޯސް. ދުލުން ކޮސް ގޮވަނީ.
ޥަރު
24 March 2023
ނަޝީދު އަދި ތިބޭނުންކުރާ އެއްވެސްފޯމިއުލާއެއް ބޭނުން ނުހިފި މިހާރު ތިހުރިހިސާބައް ތިއައީ.. އަދިވެސްވާނީ ހަމައެހެން. ޢަބަދަކު މަމޮޅުވެގެން ނޫލެވޭނެ ..
ކަނބިލި
24 March 2023
އިބޫ އަސްލު ނުޖެހޭ ކުރިމަތިލާކަށް ދެވަނަ ދައުރަކަށް. ނަޝީދުވެސް ނުޖެހޭ ވެރިކަމަށް ފައިނަގާކަށް. ޑިމޮކްރަސީއަށް ލޯބިކުރާނަމަ. އެކަމަކު އިބޫގެ ބޯކާލީ ބަޔަކު. މި ބައިމީހުން ބޭނުމީ އިބޫ ބަހައްޓަން އެއިރުން ދައުލަތުގެ ބައިތުލްމާލު ބޭނުންގޮތަކަށް ތަޅާ ބުރުއްސަން އިތުރު ފަސް އަހަރު ލިބޭނެ.
ފުކެއް ބޮޑުވަރު
25 March 2023
ތިބުނީ ހަމަ ތެދު ވަރައް ރަނގަޅު ވާހަކައެއް.
ލާމަސީލު
24 March 2023
ސިޔާސީ މަގާމް ވަޒަީފާތަކަށް މީހުން އައްޔަންކުރަނީވެސް ރައީސް. ވީއިރު އެސިޔާސީ މަގާމްތަކުން މީހުން ވަކިކުރާނީވެސް ރައީސް. އޮޅުވާނުލާ.....
އަސޭލ
24 March 2023
ޕުރައިމެރީ ކައިރިވީމަ އެމްޑީޕީގެ ޥޯޓާސް ރަޖިސްޓުރީއިން އެތައް ބަޔަކު ކަންޑާލުން އެއީ ވަރައް ދަށުދަރަޖައިގެ ލަދުވެތި ހުދުމުހުތާރު އަމަލެއް. ޑިމޮކްތަރީސީގެ ރޫހާ ހިލާފި ކޮރަޕްޝަންގެއަމަލެއް ކިހިނެއް މިކަހަލަ އިންތިހާބެއްގެ ނަތީޖާ ގަބޫލުކުރާނީ . ފާއްޔާޒު މީގެ ޒިންމާ ނަގަންޖެހޭ، އަދި މިކަން ތަހުގީގުކޮއް މީނާ ޕާޓީން ޗެޔާޕާސަން ކަމުން ވަކިކުރަންޖެހޭ.
ލުތުފީ
25 March 2023
ޕްރައިމަރީ ކާމިޔާބުކުރަން އެނޫން އެހެން ގޮތެއް ނެތީމަ އެކަންކުރީ. މިހާރު ޕްރައިމަރީ ލިބުނީނުން. ދެންހުރި ކަންކަމާ ކުރިމަތިލެވޭނީ ޕްރައިމަރީ ލިބިގެންތާ! އެހެން ނުހެދިނަމަ ފޮށިތަންމަތި ބަދެގެންދޯ މިއަދު ހުންނަންޖެހޭނީ. އެއީ ހިސާބުޖަހައިގެން ކުޅެފައިވާ މޮޅު ސިޔާސީ ގޭމެއް. އެނޫން ހަމަ އެއްވެސް ގޮތެއްނެތް.
އަސްލު...
24 March 2023
ވަކިކުރަންޖެހޭނެ ވަކިކުރަންވެސް ކެރެންވާނެ، އެމްޑީޕީ ގެނަން ބޭނުންކޮށްގެން މަޖިލީހަށް ހޮވިގެން ތިބެ އެމްޑީޕީ އާ ދެކޮޅަށް މަސައްކަތް ކުރާމީހުން ވެސް ވަކިކުރަންޖެހޭ، ރައްޔަތުން ފަސްއަހަރައް ވެރިކަން ހަވާލުކުރީމަ އެ ދައުރުވެސް ފުރިހަމަ ނިކުރެވުނު ބޭފުޅެއް އެކަމަކު އަނެއްކާ އެމްޑީޕީ އާއްމު މެމްބަރުންނަށް އަނިޔާދެއްވަނީ، މެމްބަރުން ނުދިން މަނިކުފާނަށް ނުވެސްދޭނެ، 200000 މީހުން ނަކީ މަދުއަދަދެއް...........