ކުޅުދުއްފުށި ހޮސްޕިޓަލް. އެ ހޮސްޕިޓަލް ނުހިންގުމުން އަތުލާ ބަދަލުގެ ގޮތުގައި 29 މިލިއަން ރުފިޔާ ދީފައިވޭ-- ފޮޓޯ: އެމްޓީސީސީ
13 އެޕްރީލް 2023 - 11:37
22 comments
ހދ. ކުޅުދުއްފުށި ރީޖަނަލް ހޮސްޕިޓަލް ހިންގުމަށް 2017 ވަނަ އަހަރު ކުރީގެ ރައީސް އަބްދުﷲ ޔާމީންގެ ސަރުކާރުން ހަވާލުކުރި އިންޑިއާގެ ނޫރު އިސްލާމިކް އިންޓަނޭޝަނަލް ޕްރައިވެޓް ލިމިޓެޑް (އެންއައިއައި) އާ އެކު ސޮއިކުރި އެއްބަސްވުން އުވައިލުމާ ގުޅިގެން އެ ކުންފުންޏަށް ދިވެހި ދައުލަތުން ބަދަލުގެ ގޮތުގައި 29 މިލިއަން ރުފިޔާ ދޭން ޖެހުނު ކަން އޮޑިޓަ ޖެނެރަލްގެ އޮފީހުގެ ރިޕޯޓަކުން ހާމަވެއްޖެ އެވެ.
އެންއައިއައި އިން ކުޅުދުއްފުށި ރީޖަނަލް ހޮސްޕިޓަލް ހިންގި މުއްދަތުގައި ހޯދާފައިވާ މުދަލާއި ހިދުމަތުގެ އަގު ހޯދުމަށް އެކި ފަރާތްތަކުން ހުށަހަޅާފައިވާ ބިލްތަކާ ގުޅޭ އެސެސްމަންޓް ރިޕޯޓުގައިވާ ގޮތުން، އިންޑިއާގެ ނިމްސް ހޮސްޕިޓަލް ވެސް ހިންގާ ނޫރުލް އިސްލާމް އެޑިއުކޭޝަނަލް ޓްރަސްޓްގެ 80 ޕަސެންޓް ހިއްސާ އޮންނަ (އެންއައިއައި) އާ ކުޅުދުއްފުށި ހޮސްޕިޓަލް ހިންގަން 50 އަހަރަށް ހަވާލުކުރި އެއްބަސްވުން ބާތިލު ކުރީ މި ސަރުކާރުގައި އޮކްޓޫބަރު 27 2019 ވަނަ އަހަރު އެވެ.
އެ އަހަރުގެ ނޮވެންބަރު މަހާއި ޑިސެމްބަރު މަހު އެ ފައިސާ ފިނޭންސް މިނިސްޓްރީން އެންއައިއައި އަށް ވަނީ ދީފަ އެވެ.
އެއްބަސްވުން އުވާލީ އެ ކުންފުނީގެ ދެ ހިއްސާދާރުން ކަމަށްވާ ފައިޒަލް ޚާން އާއި އަލީ އުސައިދާ ދެމެދު ބޮޑެތި މައްސަލަތަކެއް އުފެދި، އެއްބަސްވުމާ އެއްގޮތަށް ހޮސްޕިޓަލް ހިންގޭ ގޮތް ނުވުމުންނެވެ.
އޮޑިޓަ ޖެނެރަލް އޮފީހުގެ އެސެސްމެންޓް ރިޕޯޓުގައި ދެން ފާހަގަކޮށްފައިވާ ގޮތުގައި އެންއައިއައި އިން ކުޅުދުއްފުށި ހޮސްޕިޓަލް ހިންގި ދުވަސްވަރު އެކި ފަރާތްތަކުން 157 ބިލެއް ފޮނުވާފައި ވެ އެވެ. އެ ބިލްތަކަށް ދައްކަން ޖެހޭ ފައިސާގެ އަދަދު 1.9 މިލިއަން ރުފިޔާ އަށް އަރަ އެވެ. އޭގެ ތެރެއިން ކުޅުދުއްފުށި ރީޖަނަލް ހޮސްޕިޓަލުން 1.7 މިލިއަން ރުފިޔާ 127 ބިލަކަށް ދައްކާފައެއް ނުވެ އެވެ.
އޮޑިޓް އޮފީހުން ބުނިގޮތުގައި އެންއައިއައި އާއި ދިވެހި ސަރުކާރާ ދެމެދު ސެޓުލްމެންޓް އެގްރީމެންޓް ހެދި އިރު ކުޅުދުއްފުށި ރީޖަނަލް ހޮސްޕިޓަލް ހިންގުމަށް ހޯދާފައިވާ މުދަލާއި ހިދުމަތުގެ އަގަށް އެކި ފަރާތްތަކަށް ނުދައްކާ ހުރި ފައިސާ ދެއްކުމާ ގުޅޭ ގޮތުން ވަކި ގޮތެއް ބަޔާންކޮށްފައެއް ނުވެ އެވެ. އަދި އެ ހޮސްޕިޓަލް ހިންގުމުގެ ހުރިހާ ޒިންމާއެއް އެންއައިއައިގެ މަތިން ކެނޑިފައިވާތީ، ބިލްތަކަށް ނުދައްކާ ހުރި ފައިސާ ދައްކަން ޖެހޭނީ ހެލްތް މިނިސްޓްރީ އަށް ކަމަށް އޮޑިޓަ ޖެނެރަލްގެ އޮފީހުން ބުންޏެވެ.
އެ އޮފީހުން ބުނީ ކުރިމަގުގައި މިފަދަ ސެޓުލްމެންޓް އެގްރީމެންޓްތައް ހަދާ އިރު އެކި ފަރާތްތަކަށް ދައްކަން ޖެހޭ ބިލްތައް ހުރިތޯ ބަލާއި އެ ބިލްތަކަށް ފައިސާ ދައްކަންޖެހޭ ފަރާތް ބަޔާންކޮށް، އަމަލު ކުރާނެ ގޮތް ސާފުކޮށް، އެގްރީމެންޓްގައި އޮންނަން ޖެހޭނެ ކަމަށެވެ. އެ ބިލްތަކަށް ދައުލަތުން ފައިސާ ދައްކާ އިރު، ބިލްތަކުގައި ބަޔާންކޮށްފައިވާ ތަކެއްޗަކީ ކުޅުދުއްފުށި ހޮސްޕިޓަލާއި ލިބިފައިވާ މުދަލާއި ހިދުމަތްތަކެއް ކަން ކަށަވަރު ކުރުމަށް ވެސް އޮޑިޓަ ޖެނެރަލްގެ އޮފީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަސި
15 April 2023
ދައުލަތައް ގެއްލުމް ވާގޮތައް ހަދާފައި އެއްބަސްވުންތަކުގައި ރައިސް ޒިންމާ ނަގަން ގެހޭނެ އެގޮތުން އޭނާ ގެ މުދާވިއްކާގެންވެސް ތި އަދަދު ދައުލަތައް ލިބެންޖެހޭ ނެ މީދެން ކިހާ ދެރަކަމެއް ޕިޕީއެމްވެސް ރައިސް ޔާމިން ދޫކުރަން ނުގޮވާ ، މިކަހަލަ ކަންތައް ރަގަޅު ކުރަން މަގުމައްޗައް ނުކްނަން ވެއްޖެ އެއްނުން އޭރުން ތަންކޮޅެއްވެސް މީހުން ގިނަވެދާނެކަންނޭނގެ
މަޒް
14 April 2023
ހިއްސާދާރުންގެ މެދުގައި ޖެހުނު މައްސަލައެއްގައި އެއްބަސްވުމާއި އެއްގޮތަށް ހޮސްޕިޓަލް ނުހިންގައިގެން އެއްބަސްވުން ބާތިލް ކުރީމާވެސް ބަދަލު ދޭން މި ޖެހުނީ ދިވެހި ދައުލަތުން.. އަޖައިބުވެ އަންތަރީސްވެދާނެ.. އެ މީހުން އެއްބަސްވެފައި އޮތް ކަން ކަން އެމީހުންނަށް ނުކުރެވުނީމާ އެ މީހުންނެއް ނޫންތަ ބަދަލު ދޭން ޖެހޭނީ.. އެއްބަސްވުން ހަދާ ދައުލަތުގެ އިދާރާގަައި ތިބީ ހޭ ޖެހޭ ބައެއްތަ؟ އަބަދު ދައުލަތަށް ގެއްލުންވާ ގޮތަށް އެއްބަސްވުންތަށް ހަދަނީ
ގުއިރޯނު
13 April 2023
މި މީހުން ތަރައްގީ އަށް ކުރާކަމަކީ ބައި އެޅޭ ގޮތަށް ބަދަލު ދިނުމާއި މީހުން ކޮށްފަ މަސައްކަތުގެ ރެބަން ކެޑުން؟މި އަޅެ އަޖައިބެއް ކަހަލަ ކަމެއްނު،
މިސްޓަރ ޓިނޭ
14 April 2023
އަނގަ އޮތޭކިޔާފަ ، ޖަގަޖަގަ އޭ ނުކިޔާ ހުރެބަލަ، ކޮރަޕްޝަންގެ ގެ ބައްޕަ( ޔާމީން ) ގައުމަށްޓަކައި ދީނަށްޓަކައި.. ސޮރީ ،، ޖީބަށްޓަކައި ހާވާފަ ހުރި ހަޑި.
ލުއިރޯނު
15 April 2023
އަސްލުވެސް މިސަރުކާރު އެންމެ މޮޅީ ކޮންމެވެސް އެއްޗެކޭ ކިޔާފަ އިންޑިއާއަށާ ދެންވެސް ބައިކޮޅުގަ ތިބި ބަޔަކަށް ބަދަލުދޭން. ބަދަލުދީފަ އަދި ބުނާނީ ކުރީ ސަރުކާރޭ. ކަންކަން ހިންގާނެ ގޮތެއް ނޭގޭ ބަޔަކު ވެރިކަމަށް އެރުވީމަ ވާނެ ގޮތް.
ބޮޑުމީހާ
13 April 2023
ދިވެހި ރައްޔިތުންގެ ބައިތުލްމާލުން އެންމެ ބޮޑު އެއްޗެއް ދެން ހޭދަކުރާނީ އެފްކޮންސްއަށް ދައްކަން. ދުރުނޫން މުސްތަގުބަލެއްގައި މިމަންޒަރު އެބަފެނޭ
ސުލަހުފާތު ބިން އަބުރަހާ
13 April 2023
އަނެއްހެން މިއަށް ކިޔާނީ ވައްކަން ރިވެތި ގޮތުގައި ކުރުމޭ
މަރުމޯލުރާޖާ
13 April 2023
މީގެންވެސް އެނގެނީ މިފަދަ މަސްލަހަތުބޮޑު ކޮންޓްރެކްޓްތަށް ހަދާއިރު އެއަށް ދޭންވާސަމާލްކަންނުދެވޭކަން. މިހެންވާތީ ކޮންމެކުންފުންޏަކުންވެސް މިއޮންނަނީ އެކުންފުންޏަކަށްފައިދާވާގޮތަށް އަދި ޓާރމިނޭޝަންގަ ސަރުކާރުދަވާލާގޮތަށް ކޮންޓްރެކޮޓްފައިނަލްވެ ސޮއެކުރެވިފަ. އެހެންތަވާނީދޯ މުޅިސަރުކާރުގެ ޓެންޑަރސިސްޓަމްގަވެސް އެކަށީގެންވާ ރަނގަޅު ލީގަލްފްރޭމްވޯރކްއެއްނޯވޭވިއްޔަ!
އުދުހޭ
13 April 2023
ކުރިމަގުގައި؟ ކޮން ކުރިމަގެއް؟ ބިލްތަކާމެދު ގޮތެއް ނުނިމި ސޮއިކޮށްފަ އޮތިއްޔާ އެކަމާމެދު ގޮތެއް ނިންމާފަ ކުރިއަށް ދެވޭގޮތް ނުހެދީ ކީއްވެ؟ އުރަތްޕެއްނެތް ސިޔާސީ މީހުން ކުރާ ކަންކަމުން ލިބޭ ގެއްލުމުގެ ބަދަލު ދިވެހި ރައްޔިތުން ދައްކަންޖެހުމަކީ އިންސާފު؟
ޙިނި
13 April 2023
ވައްކަމާ ކޮރަޝަން އައް ނޫނެކެ ބުނާ ސިޔާސީ ފާޓީއެއް ވުޖޫދައް އަންނަންވެއްޖެ. މިނިސްޓަރުކަން ދިނަސް މަޖުލިސް މެންބަރުކަން ދިނައް ދައުލަތުގެ ބިންތަކާ ދައުލަތުގެ ހަޒާނާ މިއެންމެން ބައިއަޅާ މިދަވާލަނީ
ތުއްތޮންބެ
13 April 2023
ހިތުންމޮޅުވާހަކައެއް ފަޅާލީދޯ؟
ސަސި
13 April 2023
އެއްބަސްވުމާ އެއްގޮތަށް އެއްކަމެއް ނުކުރިޔަސް ބަދަލުގެ ގޮތުގަ މިލިއަނުން ރުފިޔާދޭން ޖެހޭ. ގައުމަށް ހެޔޮއެދޭ ވެރިން ކޮއްލާ މޮޅެތި ކަންކަން