އައިޖީއެމްއެޗްގެ ބައެއް ޑޮކްޓަރުންނާއި ނަރުހުންނަށް 20 ފްލެޓެއް ވިއްކައިފި

ހުޅުމާލޭގައި ޗައިނާގެ ކުންފުންޏަކާ ހަވާލުކޮށްގެން އަލަށް ހެދި ފްލެޓްތަކެއް: އެތަނުން ދިހަ ފްލެޓް ޑޮކްޓަރުންނާއި ނަރުހުންނަށް ވަނީ ދޫކޮށްފައި.

އަބްދުﷲ ޖަމީލު، މިހާރު

25 ޖެނުއަރީ 2017 - 12:27

13 comments

އައިޖީއެމްއެޗްގައި މަސައްކަތް ކުރާ ބައެއް ޑޮކްޓަރުންނާއި ނަރުހުންނަށް 20 ފްލެޓެއް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވިއްކައިފި އެވެ.

ސަރުކާރުގެ މައި ހޮސްޕިޓަލްގެ އިސް އޮފިޝަލަކު މިއަދު ވިދާޅުވީ، އެ ހޮސްޕިޓަލުގައި މަސައްކަތްކުރާ ޑޮކްޓަރުންނާއި ނަރުހުންނަށް ފްލެޓް ގަނެފައި ވަނީ މާލޭގައި ހެދި ޓާޓާގެ ދެ ފްލެޓް އިމާރާތުން 10 ފްލެޓް އަދި ހުޅުމާލެއިން 10 ފްލެޓް ކަމަށެވެ. އެގޮތުން 10 ޑޮކްޓަރަކަށް އަދި 10 ނަރުހަކަށް ފްލެޓް މިހާރު ލިބިފައިވާ ކަމަށް އައިޖީއެމްއެޗުން ބުންޏެވެ.

"މިތަންތަން ދިނީ މިތަނުގައި މަސައްކަތްކުރާ ސްޕެޝަލިސްޓް ލެވެލްގެ ޑޮކްޓަރުންނަށާއި މެޑިކަލް އޮފިސަރު ލެވެލްގެ ބައެއް ޑޮކްޓަރުންނަށް. އަދި އޭގެ އިތުރުން ނަރުހުންގެ ވެސް މަތީ ފަންތީގެ ނަރުހުންނަށް ވެސް ދޫކޮށްފައިވާނެ،" އޭނާ ވިދާޅުވި އެވެ.

އޮފިޝަލް ވިދާޅުވީ ފްލެޓް ލިބުނު މީހުންނަށް އެކަމުގެ ލިޔުން މިހާރު ވަނީ ހަވާލުކޮށްފަ އެވެ. އަދި އެޗްޑީސީން އެތަންތަން ކަނޑައެޅުމަށްފަހު އެ މީހުންނާ އެކު ކޮންޓްރެކްޓެއްގައި ސޮއިކުރާނެ ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން ކަނޑައެޅި އުސޫލުގެ ތެރެއިން ޝަރުތުތައް ހަމަވި ބޭފުޅުންނަށް މި ފްލެޓްތައް މި ލިބުނީ. އެޗްޑީސީން ކަނޑައަޅާފައިވާ އުސޫލުތަކުގެ ތެރެއިން މި ބޭފުޅުން ޖެހިވަޑައިގަންނަވާނެ ޑައުންޕޭމަންޓް ދެއްކުން ފަދަ ކަންކަން ކުރައްވަން،" އޮފިޝަލް ވިދާޅުވި އެވެ.

އެޗްޑީސީގެ އޮފިޝަލަކު ވިދާޅުވީ އައިޖީއެމްއެޗްގެ ޑޮކްޓަރުންނާއި ނަރުހުންނަށް ކަނޑައެޅި ފްލެޓްތައް އެ ހޮސްޕިޓަލާ ހަވާލުކޮށްފައިވާ ކަމަށެވެ. ނަމަވެސް އޭގެ ތަފުސީލެއް އޭނާ ނުދެއްވަ އެވެ.

އައިޖީއެމްއެޗުގެ މުވައްޒަފުންގެ ތެރެއިން ފްލެޓް ދީފައިވަނީ ދެ މެޑިކަލް އޮފިސަރަކަށާއި އަށް ސްޕެޝަލިސްޓު ޑޮކްޓަރުންނަށާއި ދިހަ ނަރުހުންނަށެވެ. ޑޮކްޓަރުންގެ ތެރޭގައި އެ ހޮސްޕިޓަލުގައި ވަރަށް ގިނަ ދުވަހު ހިދުމަތް ކޮށްދީފައިވާ، މަޝްހޫރު ބޭފުޅުން ވެސް ހިމެނެ އެވެ.

އައިޖީއެމްއެޗު މުވައްޒަފުންގެ ތެރެއިން ފްލެޓް ލިބިވަޑައިގެން، ޑޮކްޓަރު އަލީ ޝަފީގަށް، ހައުސިން މިނިސްޓަރު މުއިއްޒު، ލިޔުން ދެއްވަނީ: މި ފްލެޓް އެތަނުގެ 20 މުވައްޒަފަކަށް ލިބިފައިވޭ-- ފޮޓޯ: ރައީސް އޮފީސް

ސަރުކާރުން މުޅިން އަލަށް ފެށި މި ސްކީމްގެ ދަށުން ފްލެޓް ލިބިފައިވާ ބައެއް ޑޮކްޓަރުންގެ ތެރޭގައި ހިތުގެ ބަލިތަކުގެ ހާއްސަ ޑޮކްޓަރު އަލީ ޝަފީގާއި ނޭވާލުމާ ގުޅޭ ބަލިތަކުގެ ހާއްސަ ޑޮކްޓަރު މޫސާ ހުސައިން އާއި ކިޑްނީގެ ބަލިތަކުގެ ހާއްސަ ޑޮކްޓަރު އިބްރާހިމް ޝިހާމާއި އެތެރެ ހަށީގެ ޑޮކްޓަރު އަލީ ލަތީފު ހިމެނިވަޑައިގަންނަވަ އެވެ.

ސިއްހީ ދާއިރާގައި މަސައްކަތް ކުރާ މީހުންނަށް ބޯހިޔާވަހިކަން ދިނުމުގެ ގޮތުން ސަރުކާރުން އައިޖީއެމްއެޗުގެ ޑޮކްޓަރުންނާއި ނަރުހުންނަށް ދިން 20 ފްލެޓް، މިލްކުކުރެވޭނީ ނުވަތަ އެ މީހުންގެ ނަމަށް ރަޖިސްޓްރީ ކުރެވޭނީ 10 އަހަރު ހޮސްޕިޓަލަށް ހިދުމަތް ކުރަން ޖެހެ އެވެ.އެ ގަވައިދުގައި ބުނާގޮތުން ފްލެޓް ދޫކުރާނީ ހުޅުމާލޭންނާއިި މާލޭންނެވެ. އަދި ތިން ކޮޓަރީގެ މި ފްލެޓުގެ ޑައުންޕޭމަންޓުގެ ގޮތުގައި، މާލޭގެ ފްލެޓަށް 400،000 ރުފިޔާ ދައްކަން ޖެހޭއިރު ހުޅުމާލޭގައި ދައްކަން ޖެހެނީ 19،000 ރުފިޔާ އެވެ. މާލޭގެ ފްލެޓަށް މަހަކު، 17،800 އަށް ވުރެ ގިނަ ރުފިޔާ، 20 އަހަރު ވާންދެން ކުލީގެ ގޮތުގައި ދައްކަން ޖެހެ އެވެ. އަދި ހުޅުމާލޭގެ ފްލެޓަށް ކުލީގެ ގޮތުގައި ދައްކަން ޖެހެނީ، 25 އަހަރު ވާންދެން 7،350 ރުފިޔާ އެވެ. ފްލެޓު ދޫކުރުމުގައި ތިން ބަޔަކަށް ބަހާލައިގެން ޕޮއިންޓް ދީފައިވާ އިރު، އެންމެ ގިނަ ޕޮއިންޓް ލިބެނީ ހިދުމަތުގެ މުއްދަތާއި މުހިއްމުކަމާއި ފެންވަރަށެވެ. އެގޮތުން 70 ޕޮއިންޓް އެ ބަޔަށް ލިބޭއިރު ބޯހިޔާވަހިކަމަށް ބޭނުންވާ މިންވަރަށް، 20 ޕޮއިންޓް އަދި މާލީ ފުދުންތެރިކަމަށް 10 ޕޮއިންޓް ދެ އެވެ.

ބޯހިޔާވަހިކަން އައިޖީއެމްއެޗު ޑޮކްޓަރުން އެޗްޑީސީ ނަރުހުން ސިއްހީ ޚިދުމަތް

13 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޏނ

26 January 2017

އައިޖީއެމް އެޗްގައި ހަމަ އެކަނި ހިދުމަތް ދެނީ ޑޮކްޓަރުންނާއި ނަރުހުން ހެއްޔެވެ؟ކޮބާތަ އެހެން ވަޒީފާ ތަކުގަ މަސައްކަތް މުރާ މީހުންގެ ހައްގުތައް...މިސާލަކަށް ލެބްޓެކްނީޝަނުން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅލ

25 January 2017

ކިޔާއެއްޗެއް ސާފުނުވޭ މުޅިންވެސް އެއްބަޔަކު އަނެއްބަޔަކާއި ހަވާލު ކުރިވާހަކަ މިބުނަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

25 January 2017

އައިޖީއެމް އެޗްގަ އެކަނިތޯ ޑޮކްޓަރުންނާއި ނަރުހުން ހިމަތްކުރަނީ މިރާއްޖޭގަ؟ މިހާރުވެސް އެބަތިބި ހުޅުމާލެއާއި ރާއްޖެތެރޭގައިވެސް 15 އަހަރު ސަރުކާރަށް ހިދުމަތްކުރި މީހުންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮކަންޑިއަހަންމަދު / ހަތިފުށި

25 January 2017

ތީ ރައީސް ނަޝީދު އެޅުއްވި 10000 ހައުންސިންގ ޔުނިޓް ފޭސް 02 ގެ 736- 700(ހަނދާންވާގޮތުން) ފްލެޓްތައް. ނުދީ ބަހައްޓަ ބަހައްޓާފަ ޕިންކު ކުލަލައިގެން ތި ދީ ނަގަނީ. ތީ ވެށިފަހި ފްލެޓްތަކަށް ފޯމްލި 15000 ރައްޔިތުންގެ މިލްކެއް. އެ ފޯމްތައް ލީ މީހުންގެ މެދުގައި ތި ފްލެޓްތައް ބަހާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ޤާސިމް

25 January 2017

ގުޅިފަޅުން ފުލެޓްގަތް މީހުން އެމީހުނަށް ލިބިފައިވާ ފައިސާ ކޮޅާއި ލޯނުނަގައިގެންނާއި، ރަށުގައި ހުރި ގެ ވިއްކާލައިގެން ގުޅިފަޅުން ފުލެޓް ގަތީ ބޯހިޔާ ވަހިކަމެއް ގެ ފޮނި އުންމީދުގައެވެ. އޭރު އެތަނުން ފުލެޓްގަތް މީހުން ވަނީ ބައެއް މީހުނަށް އެތަނުގެ ބައެއް ފުލެޓް ގެ ތަޅުދަނޑިވެސް ހަވާލުކޮށްފައެވެ. މިހެން ވުމުން އެމީހުން އަތުގައި ހުރި ފައިސާ ކޮޅު ޚަރަދުކޮށް ގެން އެތަނުގައި ދިރިއުޅެވޭނެކަމުގެ އުންމީދުގައި ފުލެޓަށް ބޭނުންވާ ފަރުނީޗަރވެސް ގަނެފައިވަނިކޮށް ސަރުކާރުން ބަލަން ޖެހޭ ބެލުން ތަކެއް ހުރި ކަމަށް ވިދާޅުވެ ހުއްޓުވީއެވެ. އަޅުގަނޑުމެން އަދިވެސް މި އުޅެން ޖެހެނީ ވަރަށް ދަތި ހާލުގައެވެ. އަޅުގަނޑުމެންނަށް ސަރުކާރުން އުފާވެރި ޚަބަރެއް ދެއްވާނެ ދުވަހެއްގެ އުންމީދުގައި ކެތްތެރި ކަމާއެކު އަޅުގަނޑުމެން ދުވަސްތައް މި ހޭދަކުރަނީ މީހަކަށް އިޚްސާސްވެސް ނުކުރެވޭނެ ފަދަ ހިތްދަތި ހާލެއްގައެވެ. އަޅުގަނޑު ޤަބޫލު ކުރަނީ އަޅުގަނޑުމެންގެ ލޮބުވެތި ރައީސް އަޅުގަނޑުމެންނަށް މިޖެހިފައިވާ ނިކަމެތި ހާލުން އަޅުގަނޑުމެން ސަލާމަތް ކޮށްދެއްވާނެކަމަށެވެ. އަދި އަޅުގަނޑުމެންނަށް މި ވޭންދެނިވި ދުވަސްތައް ނިމުމަކަށް ގެނެސްދެއްވައި އަޅުގަނޑުމެންގެ އަމިއްލަ ވަޒަނެއްގައި ދިރިއުޅުމުގެ ހިތްހަމަޖެހުން މިފަހަރު ހުޅުމާލެއިން މިނިމޭ ފުލެޓްތަކުން ދެއްވާނެކަމަށެވެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޒަންބެ

25 January 2017

އެއްވެސް މަސްވެރިއަކާ ދަނޑުވެރިއަކށް ލެޓް ވިއްކި ކަމަށް ވަނީނަމަ އެވާހަކަ ލިޔެލަ ދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ؟؟؟

25 January 2017

ދަތި ހާލުގައި އުޅޭ މީހުނަށް އަޅާ ފުލެޓްތައް ކޮބާ. ޑޮކްޓަރުންނަށް ތި ދިނީ ކޮންތާކުން އެޅި ފުލެޓްތަކެއްތަ؟؟؟ ގެދޮރުވެކުރުމުގެ މަޝްރޫޢަށް ކިތައް ހާސް މީހުން ފޯމް ލިތަ؟މުހިނަށް ފުލެޓް ނުދީ ކޮން ޑޮކްޓަރުންނަކަށް ފުލެޓް ދޭކަށްތަ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލަތު

25 January 2017

ކޮބާ ގެދޮރުވެރިކުރުމުގެ ފުލެޓްތައް ކޮންދުވަހަކަުން އިއުލާނު ކުރެވެނީ. މުއްސަދިންނަށްތަ އަދިވެސް ފުލެޓްތައްދެވެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާދިރު ސޭޓް

25 January 2017

ކިހާ ދެރަކަމެއް. ކޮބާ އަހަރެމެން ފޯމް ލައިގެން ތިބޭތާ 3 އަހަރު. ފްލެޓެއްގެ ޚަބަރެއްވެސް ނެތް. ކިހާ ދެރަކަމެއް. ތިޔަ ޑޮކްޓަރުންނަށް ފްލެޓް ދެނީ ކޮން މަޝްރޫޢަކުން ހެދި ފްލެޓްތަކެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީ

25 January 2017

އައިޖީއެމްއެޗްގައި މަސައްކަތް ކުރާ ބައެއް ޑޮކްޓަރުންނާއި ނަރުހުންނަށް 20 ފްލެޓެއް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވިއްކިއިރު ކޮބައިތޯ ގެދޮރުވެރި ކުރުމުގެ ޕްރޮގްރާމަށް ފޯމް ލީ މީހުންނަށް ލިބެން ޖެހޭ ފްލެޓްތައް. ކިހާ ދުވަހަކުންތޯ އާދައިގެ ދެރަ ނިކަމެތިންނަށް ފްލެޓް ލިބެނީ.