ސިއްހީ ދާއިރާގެ އެންމެންނަށް މަންފާވާ ގޮތަށް މުސާރައިގެ އޮނިގަނޑަށް އިތުރު ބަދަލުތައް ގެންނާނަން: ރައީސް
މިރޭގެ ޖަލްސާގައި ރައީސް ވާހަކަފުޅު ދައްކަވަނީ: ސިއްހީ ދާއިރާގެ މުސާރައަށް އިތުރު ބަދަލުތަކެއް ގެންނަވާނެ ކަމަށް އެމަނިކުފާނު ވިދާޅުވި --- ފޮޓޯ/ރައީސް އޮފީސް
11 މެއި 2023 - 22:58
31 comments
މި މަހުން ފެށިގެން ސިއްހީ ދާއިރާގެ މުވައްޒަފުންގެ މުސާރަ ބޮޑުކޮށްފައި ވިޔަސް އެ ދާއިރާގެ މުސާރައިގެ އޮނިގަނޑަށް އިތުރު ބަދަލުތަކެއް ގެންނަން މަސައްކަތް ކުރައްވަމުން ގެންދަވާ ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.
ދުނިޔޭގެ ސިއްހަތު ދުވަހުގެ މުނާސަބަތުގައި މިރޭ ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ މުސާރައިގެ އޮނިގަނޑަށް ގެނައި ބަދަލުގެ މަންފާ އެ ދާއިރާގެ ހުރިހާ މުވައްޒަފުންނަށް ހޯދައިދިނުމަކީ ސަރުކާރުގެ އަމާޒެއް ކަމަށެވެ. އަދި ދާދިފަހުން ސިއްހީ ދާއިރާގެ މުސާރައަށް ބަދަލު ގެނެސްފައި ވިޔަސް، އިތުރު ބަދަލުތަކެއް ގެންނަންޖެހޭ ކަމަށް ފާހަގަކުރެވިފައިވާ ކަމަށާއި އެކަމަށް ވެސް މަސައްކަތް ކުރައްވަމުން ގެންދަވާ ކަމަށް އެ މަނިކުފާނު ވިދާޅުވި އެވެ.
"އަދިވެސް ފުރިހަމަ ކުރަންޖެހޭ ބައެއް ކަންތައްތައް ހުރިކަން އަޅުގަނޑަށް ފާހަގަ ކުރެވޭ. އެހެންކަމުން އަޅުގަނޑުމެން މިދަނީ އެކަންކަމާ މަޝްވަރާކޮށް، އެއަށް ރަނގަޅު ހައްލެއް ހޯދަން މަސައްކަތް ކުރަމުން. އިރާދަކުރެއްވިއްޔާ ލަސްތަކެއް ނުވެ އެކަން ވެސް ތި ބޭފުޅުންނަށް ފެނިގެންދާނެ." ރައީސް ވިދާޅުވި އެވެ.
ރައީސް ވިދާޅުވި ގޮތުގައި ސިއްހީ ދާއިރާއަށް ބޭނުންވާ މީހުން އުފައްދަން ގިނަ މަސައްކަތްތަކެއް ކުރަން ޖެހެ އެވެ. އަދި އަލަށް ގެނައި މުސާރައިގެ ބަދަލާ އެކު ސިއްހީ ދާއިރާއަށް ޝައުގުވެރިވެ އަދި ހިދުމަަތަށް ނުކުންނަ ޒުވާނުންގެ އަދަދު އިތުރުވާނެ ކަމަށް އުއްމީދު ކުރައްވާ ކަމަށް ވިދާޅުވި އެވެ.
ރައީސް ވިދާޅުވީ ރަށްރަށުގެ ސިއްހީ ހިދުމަތް ރަނގަޅުކުރަން ގިނަ މަޝްރޫއުތަކެއް ހިންގަމުން އަންނަ ކަމަށާއި އަދި ކުރިއަށް އޮތް ތަނުގައި އިތުރު މަޝްރޫއުތައް ހިންގާނެ ކަމަށެވެ. އަދި އެ ދާއިރާއަށް ޝައުގުވެރިވާ ދިވެހިންނަށް އެކަމުގެ ސަބަބުން އިތުރު ފުރުސަތުތަކެއް ލިބިގެންދާނެ ކަމަށް ވެސް ވިދާޅުވި އެވެ.
"އެ މަޝްރޫއުތަކަކީ ދިވެހި ޒުވާނުންގެ ކުރިމަތީގައި ހުޅުވިގެންދާ ވަރަށް ތަނަވަސް ދޮރެއް. ރަށުގައި އާއިލާ ކައިރީގައި ހުރެގެން ރަނގަޅު މުސާރައެއް ލިބޭ ވަޒީފާއަކަށް ބަލަބަލާ ތިބި ޒުވާނުންނަށް އަޅުގަނޑުމެން މި ފަހިކޮށްދެނީ ރަނގަޅު ފުރުސަތުތަކެއް." ރައީސް ވިދާޅުވި އެވެ.
ކުރިން އިހުމާލު ކޮށްލެވިފައިވާ ނަފްސާނީ ދުޅަހެޔޮ ކަމަށް ވެސް ސަރުކާރުން އިސްކަން ދޭ ކަމަށް އެމަނިކުފާނު ވިދާޅުވި އެވެ. އަދި އެކަމަށްޓަކައި ނަފްސާނީ ފަރުވާ ދޭ ހާއްސަ މަރުކަޒެއް އައިޖީއެމްއެޗާއި ރާއްޖޭގެ ފަސް ސަރަހަދެއްގައި ދެމުން އަންނަކަން އެ މަނިކުފާނު ފާހަގަކުރެއްވި އެވެ.
ސިއްހީ ދާއިރާގެ މުސާރަ ބޮޑުކުރި އިރު ބައެއް މުވައްޒަފުން އޭގެ ތެރޭގައި ނުހިމެނުމާއި މުސާރައިން ބައެއް މީހުންނަށް މާބޮޑު ބަދަލެއް ނުފެންނާނެ ކަމުގެ ޝަކުވާ ވަނީ ކުރިމަތިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުހައިރާ
12 May 2023
ސިއްހީ ދާޢިރާގެ މުވައްޒަފުންގެ ތެރޭގައި ހޮސްޕިޓަލްތަކުގައި މަސައްކަތްކުރާ އެޑްމިން އަދި ޓެކްނިކަލް މީހުންނ ނުހިމެނޭތޯ؟
ބަރުބާދު
12 May 2023
ނަފްސާނީ ދުޅަހެޔޮކަން ރަގަޅުކުރަންޖެހޭނީ ޖެހިޖެހީނުން. އެހެންޏާފަހެ އެޕްރިލް 1 ގަ ސްކޭން އެޕޮއިންޓްމެންޓްއަކައް ރެޖިސްޓްރީކުރީމަ އެޕޮއިންޓްމެންޓައް ގުޅީ މޭމަހު 9 ގަ. އެވެސް މޭމަހު 17 އައް ހަމަޖެހުނުކަން އަންގަން.
ާއުނިމާ
12 May 2023
ޓީޗަރުންގެ އޮނިގަނޑުގެ ހުރި މައްސަލަތައް ރަނގަޅު ކުރަނީ ކާކުބާ؟
ކަހެރުވައް
12 May 2023
މަށަށް ވަރަށް ބޮޑަށް ޝައްކު މުސާރަ ބޮޑުވެދާނެކަމާ ތޭތެރޭ. ޕޭ ކޮމިޝަނާ ރައީސްމީހާ ދައްކާ ވާހަކަ ދިމައެއް ނުވޭ..
5789
12 May 2023
ރައީސް މީހާ ކިޔަނީ އޮފީހުގެ ކުއްޖަކު ލިޔެފަ ދޭ އެއްޗެއް. އޭނަގެ މައްސަލައެއްނޫން އެއީ. އޭނަ އޯކޭ.
ހައިރާންވޭ
12 May 2023
ތިޔަ ޑޮކްޓަރަކައް ދުވަހަކު ދެއްކޭވަރެއް ނޫން. ވާކަމެއް އެގެނީއެއް ނޫން. މުސާރަޔާ ޖެހުނީމަ ހޮރުން ނިކުމެ ހަޅޭއްލަވަނީ. ކޮންމެ މީހަކު ލަގްޒަރީ ފުލެޓަ. ބަލަނީ 12 މީހުން ދުވާލަކު. އަދިވެސް ލިބޭވަރުަދުވެގެން އުޅޭ ބައިގަޑެއްމީ. ލަދުނުގަނޭބާ
ބޮޑުމީހާ
12 May 2023
މިހުރިހާ ދުވަހުން ނިންމުުުނު އޮނިގަޑެއް ނިމުނުއިރު މިއޮތީ އަތަށް ގޮވާފައި. މީހާގެ އަދި މީހާ ގެންގުޅޭ ޓީމުގެ ގާބިލުކަން ނެތީމާވާނީ މިހެން.
ޛިހި
12 May 2023
ކޮބާތޯފރަންޓް ލައިންގަ މަސައްކަތް ކުރާ ސީއެސްއޯ އިންގެ މުސާރަ. ޑަކްޓަރ އަށް ދައްކަން އަންނަ ފަރާތްތަކުން ހިންހަމަ ނުޖެހިގެން ވެސް ބަވާ އަޅާލަނީވެސް ހަަމަ އެެކުދިންނަށް. ހާއްސަކޮށް އަތޮޅު ތެރޭ ތަރުޖަމާކޮށްދީ ެ. ޢީއީވީފުރައި ކަންތަށްވެސް މިކުރަންޖެހެނީމިކުދިން ރިސްކްއާއި އެޗިހި ބޮޑުކޮށްދެއްވައި. ޑިއުޓީ އެލވަންސް އާއި އެކު
ކުޅޭ ކުޅޭ އަކުން ބަކުން
12 May 2023
ދި ޑެސްޕަރޭޓް ޕްރެޒިޑެންޓް. މިކަންނިމޭނީ ޕޭކޮމިޝަން ބޭކާރުވެ، އައިޖީއެމްއެޗް ގައިތިބި ސްޕަސްޕެޝަލިސްޓް ކޮލިފިކޭޝަންނެތް ޑޮކްޓަރުން، ސްޕަސްޕެޝަލިސްޓް ގޮތުގައި ރޭންކުކޮށް، މުޅި ސްޓްރަކްޗަ ގަޑުބަޑުކޮށްގެންގެން. އެންމެން ބަލަން ތިބޭ
ދޮންކަލޯބެ
12 May 2023
ކުއްލި ކުއްލިއަށް އެއްވެސް ދިރާސާއެއްނެތި ބަދަލުގެނައީމާ އަނެއްކާވެސް ޖެހޭނީ ތިގޮތަށް ބަދަލު ގެންނަން. އޭގެ ބަދަލުގައި ހަރުދަނާ އުޞޫލެއްގެ ދަށުން، ދާއިރާތައް ވަކިކޮށް މުސާރަތައް އެއްހަމަކުރެވޭތޯ ބަލަންވީ. މިސާލަކަށް ސިވިލްސަރވިސްގެ މަޤާމުތައް، ޓެކްނިކަލް ދާއިރާގެ މަޤާމުތައް، ސަލާމަތީ ބާރުތަކުގައި ހިމެނޭ މަޤާމުތައް، ޖުޑީޝަރީ، ކުންފުނިތައް. މިގޮތަށް އެދާއިރާއެއްގައި ހިމެނޭ މަޤާމުތަކުގެ މުސާރަތައް އެއްހަމަކޮށްފިއްޔާ އޭގެ ފައިދާ މާބޮޑަށް ކުރާނެ
ލެބްޓެކް
12 May 2023
ހުޅުމާލެ ހޮސްޕިޓަލް ލެބްގަ މަސައްކަތް ކުރާ އެތައް ބަޔަކު އެބަހުރި ޑިގްރީ ހުރެ ލެެވެލް 7 ނޫނީ 8 ލިބެންޖެހޭ. އެކަމު ދިނީ ލެވެލް 4 އަދި 5. މިތާ ނަރުހަކު ވެސް ކޮމެންޓް ކޮށްފި ހަމަ މިކަހަލަ ވާހަކައެއް. އައިޖީއެމްއެޗް ގަ މި މައްސަލަ ނުޖެހެޔޯ. އެހެންވީމަ އެބަ ބަލަންޖެހޭނުން ހުޅުމާލެ ހޮސްޕިޓަލް މި ޕޭ ފްރޭމްވޯކް ނުބައިކޮށް ކިޔައިގެން އުޅެނީތޯ. ސީއީއޯ މާރިޔާ ސައީދު ކައިރީ އެހުމުން ބުނީ ބޮޑު މުސާރަ ބޭނުމިއްޔާ ރަށަށް ދާށޭ. އެހެންވެ ފޮށި ތަންމަތި ބަންނަނީ މި.
ހިއުމޭނިޓީ
12 May 2023
މާރިޔާ ސައީދު ބުނީ ހިމޭނިޓީއަށް މަސަޢްކަތް ކުރާ ބައެކޯ ... ޢެހެންވީމަ އޯވާރޓައިމް ނުލިބުނަސް އޮފް ދުވަހު ވެސް ވާނީ ކޯލް ޑިއުޓީވެސް ހަދަންށޯ.. ހިއުމޭނިޓީއަށްޓަކައި ނައިސް ނުތިބެވޭނެޔޯ... މަށަށް ދެރައީ މުސާރަކޮޅެއްވެސް ދޭތީ... ލިއްލާހިއަށްޓަކައި މަސައްކަތް ކުރާ ބައެކޭ މަޙުޝަރު ދުވަހުން އޭގެ ހައްގު ޢަޖުރު ލިބޭނޭ ބުނެ ނިންމާލިނަމަ ތަންކޮޅެއް ތާހިރު ތޯއްޗެ...
އަސްލާ
15 May 2023
ލެބްޓެކް ގެ ކޮމެންޓަށް ބުނެލާނީ މުވައްޒަފުން ގެ ތަޢުލީމީ ފެންވަރަށް ބަލައި އެމީހުންނަށް ލިބެންޖެހޭ ޙައްގު މުސާރަ ދޭން ޖެހޭނެއޭ.. ކޮންމެ މީހެއްވެސް ކިޔަވާނި ވަރަށް ބުރަ މަސައްކަތުން ފޮނި އުއްމީދަކާ އެކު.. އެކަމަކު ރާއްޖޭގަ އޮންނަނީ އަޑު ގަދަ މީހާ ރުއް ގިނަވާ އުސޫލު. ކިޔެވުމުގެ ބޭނުމެއް ނެތް..