ބ. ދަރަވަންދޫ މަތިން ނަގާފައިވާ ފޮޓޯއެއް: މޫނު ނިވާކޮށްގެން ތިބި ބަޔަކު އެ ރަށުގައި މީހަކަށް ހަމަލާދީ ބޯ ފަޅާލާފައިވޭ.-- ފޮޓޯ: ލިކުއިޑް ސޯލްޓް ޑައިވާސް
20 މެއި 2023 - 11:57
8 comments
ބ. ދަރަވަންދޫގައި މޫނު ނިވާކޮށްގެން ތިބި ބަޔަކު މީހަކަށް ހަމަލާދީ އެ މީހާގެ ބޯ ފަޅާލައިފި އެވެ.
މިދިޔަ ބުދަ ދުވަހުގެ ރޭ ދަންވަރު އެ ރަށުގައި ހިންގި މާރާމާރީ އަމާޒުކުރީ ކެފޭއެއް ހިންގާ މީހަކަށެވެ. އެ މީހާއަށް ހަމަލާދިނީ އެ ކެފޭ ބަންދުކޮށްފައި އޭނާ ގެއަށް ދިޔަ މަގުމަތީގަ އެވެ.
އަނިޔާވި މީހާގެ އާއިލާގެ މީހަކު "މިހާރު" އަށް މިއަދު ބުނީ އެއްޗަކުން ޖަހައި އެ މީހާގެ ބޯ ވަރަށް ބޮޑަށް ފަޅާލާފައިވާ ކަމަށެވެ. އޭނާ ހާލު ރަނގަޅުވަމުން އަންނަ ކަމަށް ބުންޏެވެ.
އެ މާރާމާރި ހިނގިތާ ދެ ދުވަސްވީއިރު އަދިވެސް އެ މައްސަލާގައި ތުހުމަތުވާ ބަޔަކު ފުލުހުންނަށް ހޯދިފައި ނުވާތީ އާއިލާއިން ކަންބޮޑުވުން ފާޅުކުރި އެވެ.
"އޭނާ އަށް ހަމަލަދޭންވީ ސަބަބެއް ނޭނގޭ. އެއްވެސް މީހަކާ ޒާތީ ހަސަދައެއް ނޯންނާނެ. މީހަކު އަތުން ނަގާފައި އޮތް ދަރަންޏެއް، މުދަލެއް ނޯންނާނެ،" އާއިލާ އިން ބުންޏެވެ.
ފުލުހުން ބުނީ ބުދަ ދުވަހުގެ ރޭ ދަންވަރު ދަރަވަންދޫގައި ހިންގި މާރާމާރީއެއްގައި މީހަކަށް އަނިޔާވި މައްސަލައެއްގެ ރިޕޯޓް ލިބިފައިވާ ކަމަށެވެ. އެ މާރާމާރީގައި އަނިޔާވި މީހާ އަށް އެ ރަށު ސިއްހީ މަރުކަޒުގައި ފަރުވާދިނުމަށް ފަހު މިހާރު ގެއަށް ދޫކޮށްލާފައިވާ ކަމަށް ފުލުހުން ބުންޏެވެ.
އެ މާރާމާރީއާ ގުޅިގެން މިހާތަނަށް މީހަކު ހައްޔަރުކޮށްފައި ނުވާ ކަމަށާއި އެކަމާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލަންތި
20 May 2023
ތަރައްގުއިގެ ފުރަތަމަ މަރުހަލާ ކަޑައްތު ކޮށްފި .....
ކައުންސެލަރު
20 May 2023
އެޖެންޑާ އައްޑިހައިގެ ހުރިތަފާތު ތިޔަފެނިވަޑަްިގަންނަވަނީ އިނގޭތޯ
މާރާމާރީ އެކޭ ނުބުނެވޭނެ
20 May 2023
"މާރާމާރީ" އަކީ ދެމީހަކު ނުވަތަ ދެބައެއްގެ ނުވަތަ އެއަށްވުރެ ގިނަބައެއްގެ ދެމެދުގައި އެއްބަޔަކު އަނެއްބަޔަކަށް ޙަމަލާދީ ތަޅާފޮޅުމެވެ. މިޙާދިސާ ގައި ބުނަންޖެހޭނީ މީހަކަށް ހަމަލާދީ ޒަޚަމް ކޮށްލި ކަމަށެވެ. އެއީ ޙަމަލާ އަމާޒުވީ މީހާއަކީ ފޭރުނު މުޖުރިމުންނާއި ތަޅާފޮޅަން ދިޔަ މީހަކަށް ނުވާތީ އެވެ. (ނޯޓް: ދިވެހިބަސް އެގޮތުގައި ދެމި އޮތުމަށްޓަކައި ނޫސްވެރިންގެ ދައުރު ވަރަށް މުހިންމު ވެފައި ބޮޑެވެ.)
އަލީހަމީދު
20 May 2023
ކީއްތޯ ކުރާނީ، މިހާރު ދިވެހިބަހުން ރަގަޅަށް ވާހަކަދައްކަން އެގޭ މީހަކުވެސްނެތް. އަހަރެމެންގެ ތެރޭގަ ދިވެހިބަސް އޮޅެމުން ފޮޅެމުން ދާއިރު ވަކި ނޫސްވެރިންގެ ތެރޭގަ ބަސް އެގޭ މީހަކު އުޅޭނެތަ؟
މާރާމާރީ އޭ ބުނެވޭނެ
20 May 2023
މުޅި އާރޓިކަލްއިން ވެސް ތިޔަކަން ދޯ ފާހަގަ ވީ. ދިވެހި ރަދީފްގައި ބުނެފައިވާ ގޮތުން މާރާމާރިގެ މާނައަކީ "ރުޅިވެރިކަމާއެކު ގަޔަށް އަތްލާ އަތްލުން".. ކޮންމެހެން ވަކި އަދަދެއްގެ ބަޔަކު ކަމެއް ނެތް ބަޔާން ކޮށްފައި. އެހެންވީމައި ފެންނަގޮތުގައި ގޯހެއް ނޫން މާރާމާރި ބޭނުން ކުރިއަސް. އެހެން ނޫނަސް އާރޓިކަލްގެ ހެޑިންގ ގައިވެސް ނެތް މާރާމާރިއެކޭ ޖަހާފައި.
ހަސަންދީއޯ
20 May 2023
ކެފޭ ހިންގާ މީހާއަށް ހަމަލާދިނީ ދަންވަރު ކެފޭ ބަންދުކޮށްފައި ލާރިދަބަސް ހިފައިގެން ދަނިކޮށް ފޭރެން ވެގެން، އެއީ އެރަށުގަ އުޅޭ ޑްރަގްބޯމީހުން ހިންގި އަމަލެއް. ދެރައީ އޭނާގެ ގައިގަ ޖެހީމަ ހަޅޭލަވައިނުގަތްކަން. އަދި ހާއްސަކޮށް އޭނަގެ ގައިގަ ޖެހި ހިސާބުގަ ކޯޓުވެސް ހުންނާނެ، ސްކޫލުވެސް ހުންނާނެ، ކައުންސިލްވެސް ހުންނާނެ، ހައްދުންމަތީ މީހުން ހަދާހެން "އަލީފާނޯއި" ގޮވާ ހަޅޭ ފަޅޭ ޖަހައިގަތީމަ މީހުންތައް ދުވެ ނިކުމޭ ގައިމު ހައްދުންމަތީ ރައްރަށުގަ.
އަލިފާނޯ
20 May 2023
ހަސަންދީ ތިޔަ އުޅެނީ ނުބައި މަގެއްގަ ?
ބެރެބެދިމާ
20 May 2023
@ހަސަންދީއޯ..ނޭނގި ނަމަވެސް ތިޔަ ގޮވެނީ ޖިންނިއަށް..