ސ. މީދޫގައި 700 މީހުންގެ ޖާގައިގެ މިސްކިތެއް ހަދަން ހަވާލުކޮށްފި

ސ. މީދޫގައި މިސްކިތެއް އިމާރާތްކުރުމަށް ބަޔަކާ ހަވާލުކުރުމަށް ބޭއްވި ރަސްމިއްޔާތުގައި މީދޫ ދާއިރާގެ މެމްބަރު ރޮޒެއިނާ އާދަމް އާއި އިސްލާމިކް މިނިސްޓަރު އަހުމަދު ޒާހިރު އަދި ނޫރައްދީން އިންވެސްޓްމަންޓްގެ މެނޭޖަރު އަބްދުﷲ ސޯލިހު އެއްބަސްވުން ބަދަލުކުރައްވަނީ.-- ފޮޓޯ: އިސްލާމިކް މިނިސްޓްރީ

އިފްރާޒް އަލީ، މިހާރު

07 ޖޫން 2023 - 12:53

8 comments

ސ. މީދޫގައި 700 މީހުންގެ ޖާގައިގެ މިސްކިތެއް އިމާރާތްކުރަން 14 މިލިއަން ރުފިޔާ އަށް ސަރުކާރުން ބަޔަކާ މިއަދު ހަވާލުކޮށްފި އެވެ.

އެ މިސްކިތުގެ މަސައްކަތް ހަވާލުކުރި ނޫރައްދީން އިންވެސްޓްމަންޓާ އެކު، އިސްލާމިކް މިނިސްޓްރީން ވަނީ އެއްބަސްވުމުގައި ސޮއިކޮށްފަ އެވެ.

އިސްލާމިކް މިނިސްޓްރީގައި ބޭއްވި ރަސްމިއްޔާތެއްގައި އެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. އަހުމަދު ޒާހިރެވެ. ނޫރައްދީން އިންވެސްޓްމަންޓުން ސޮއިކުރެއްވީ އެ ކުންފުނީގެ މެނޭޖަރު އަބްދުﷲ ސޯލިހެވެ.

އައްޑޫ ސިޓީ މީދޫގައި 700 މީހުންގެ ޖާގައިގެ މިސްކިތެއް ޢިމާރާތްކުރުމަށް އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން.
މިއީ ސަރުކާރުގެ ޕީއެސްއައިޕީގެ ދަށުން ކުރިއަށްގެންދިއުމަށް ހަމަޖެހިފައިވާ މަޝްރޫޢެއް. pic.twitter.com/U5Ssw2fRHQ
— Ministry of Islamic Affairs (@MVIaffairs) June 7, 2023

އިސްލާމިކް މިނިސްޓްރީން ބުނީ މިއީ ސަރުކާރުން މީދޫގައި މިސްކިތެއް އިމާރާތްކުރާ ފުރަތަމަ ފަހަރު ކަމަށެވެ.

މިއަދުގެ ރަސްމިއްޔާތުގައި އައްޑޫ މީދޫ ދާއިރާގެ މަޖިލިސް މެންބަރު ރޮޒައިނާ އާދަމް ވެސް ބައިވެރިވެވަޑައިގެންނެވި އެވެ.

މިނިސްޓްރީން ބުނި ގޮތުގައި، އެއީ ސަރުކާރުގެ ޕީއެސްއައިޕީ ބަޖެޓުންހަރަދުކޮށްގެން އިމާރާތްކުރާ މިސްކިތެކެވެ. އެ މިސްކިތުގެ މަސައްކަތް ހަވާލުުކުރީ އެއް އަހަރު ދުވަހުގެ ތެރޭގައި ނިންމަން ޖެހޭ ގޮތަށެވެ.

މިސްކިތްތައް އިސްލާމިކް މިނިސްޓްރީ ސ. މީދޫ މެމްބަރު ރޮޒައިނާ އާދަމް (އައްޑޫ މީދޫ) ޑރ. އަހުމަދު ޒާހިރު، އިސްލާމިކް މިނިސްޓަރު

8 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިތި ހަގީގަތަކީ

07 June 2023

ނަޝީދު ރުޅިމަޑު، ސަރުކާރުގެ މި ކަހަލަ ކޮންމެ ކަމެއް މި ލިބެނީ ޕީޕީއެމް މީހުންނަށް، އެމްޑީޕީ މެމްބަރުން އަތްވާއި ވާރޭގަ 7 އަހަރުން ގެނައި ސަރުކާރުގެ ފޮނި މީރުކަމެއް ނުލިބުނު. މި ސަރުކާރުގެ ހުރިހާ އިވެންޓެއްވެސް ހަދަނީ ކުރީގެ އެމްޕީ މިހާރު ސިޓީކައުންސިލުގެ ސުޖާއު ގެ ކުންފުނިން. ހާދަހާވާ ދެރައޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

07 June 2023

އިސްލާޙްކުރި ޤާނޫނުއަސާސީއަށް ފަހު އުފެދުނު ހުރިހާސަރުކާރުތަކުގެ އަމަލުތަކަށްބަލައިފިނަމަ، ރާއްޖޭގައިއޮތުމަށް ސަރުކާރާއި ދިވެހިންއެދެނީ "ޕާލަމެންޓަރީ ސިސްޓަމެއް ނުވަތަ ޕާލަމެންޓަރީ ފެޑަރަލް ނިޒާމެއް" ކަން އެގި ހާމަވޭ # މީގެ ސަބަބުން ފޮޓޯގައި ތިޔަފެނިވަޑައިގަންނަވާފަދަ މަންޒަރު (ސަރުކާރު ހިގާގޮތް ބެލާ ސަރުކާރު ޒިންމާދާރުކުރުމާއި ޤާނޫނުހެދުމުގެ ބާރު ކަމުގައިވާ) މަޖިލިސް މެންބަރާއި އެކުގައި މިފަދަ ރަސްމީއްޔާތު ފުރިހަމަ ކުރުން އާންމު ކަމަކަށް ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

07 June 2023

14 މިލިއަން؟؟ 700 ،މީހުން؟؟ ކިތަށް ފްލޯގެ މިސްކިތެއް ބާ؟؟ މާލޭގެ ޖަލާލުއްދީން މިސްކިތް އިމާރާތްކުރަން ވެސް މިވަރުގެ އަދަދެއް ހޭދަކުރަން ނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރާ

07 June 2023

މީދޫ ގައި ދިރިއުޅޭ އާބާދީ އަށް ބަލާފަ އަޅެތިޔަ މިސްކިތް ބޮޑެއްނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިމްނާ

07 June 2023

ސިޔާސީ ބޭނުމަށް ކޮށްލި ކަމެއް.ކޮބާ ފައިސާ!! ނޫރައްދީން ޕުރޮޖެކްޓް ނަގާފަ ނުނިންމިގެން އުޅެން ޖެހެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

07 June 2023

މިތާގައި ރޮޒޭނާ ހުންނަންޖެހޭ އެއްވެސް ސަބަބެއްނެތް. އެއީ އޭނާ ދެން އޮންނަ ދައުރަށް ހޮވެންވެގެން ދެއްކެން ނަގާފޮޓޯ ޤައުމު ތަރައްޤީ ކުރާނީ ސަރުކާރުން އެއީ މެމްބަރުންނާ ބެހޭކަމެއްނޫން. ރަނގަޅު ގާނޫނެއް ހެދޭތޯ ބަލާބަލަ