ހުޅުމާލެ 2 ގައި ހުންނަ އެމްއޭސީއެލްގެ ފްލެޓްތައް: މައްސަލަތައް ދިމާވެ އެތަން މަރާމާތުކުރުމުގެ މަސައްކަތް އަންނަނީ ކުރަމުން.-- ފޮޓޯ: ނިޝާން އަލީ | މިހާރު
21 ޖުލައި 2023 - 18:31
20 comments
އެމްއޭސީއެލްގެ ފްލެޓްތަކުގައި ހުރި މައްސަލަތައް ހައްލުކުރުމަށް އެ ތަންތަން މަރާމާތުކުރުމުގެ މަސައްކަތް ފަށައިފި އެވެ.
އެ ފްލެޓްތަކުގައި ހުރި އެކި މައްސަލަތަކާ ގުޅިގެން އެތަނުގައި ދިރިއުޅޭ މީހުން އެކަމުގެ ޝަކުވާކުރަމުން އަންނަތާ މިހާރު ދުވަސްކޮޅެއް ވެއްޖެ އެވެ. އެތަނުގައި މީހުން ދިރިއުޅެން ފެށީ މިދިޔަ އަހަރު އޮކްޓޯބަރު މަހުގަ އެވެ.
އެންމެ ބޮޑު މައްސަލައެއްގެ ގޮތުގައި ފާހަގަކުރެވުނީ ވާރޭވެހޭ ދުވަސްތަކުގައި ބެލްނަކީތަކުގެ ދޮރުން ފްލެޓްތަކުގެ އެތެރެއަށް ފެން ވަންނަ މައްސަލަ އެވެ. އަދި ބައެއް ބެލްނަކީތަކުގެ ޑްރެއިން އިން ފެން ނުހިނދޭތީ، ފްލެޓްތަކުގެ އެތެރެއަށް ފެން ވަން މައްސަލަ ވެސް ދިމާވެފައި އެބަހުއްޓެވެ.
ހުޅުމާލެ 2 ގައި ހުންނަ އެމްއޭސީއެލްގެ ފްލެޓެއްގެ އެތެރެ: މައްސަލަތައް ދިމާވެ އެތަން މަރާމާތުކުރުމުގެ މަސައްކަތް އަންނަނީ ކުރަމުން.-- ފޮޓޯ: ނިޝާން އަލީ | މިހާރު
ބައެއް ފްލެޓްތަކަށް ވަރަށް ބޮޑަށް ފެން ވަދެ، ފަރުނީޗަރަށް ވެސް ބޮޑެތި ގެއްލުންތައް ލިބިފައިވެ އެވެ.
އެތަނުގައި ދިރިއުޅޭ ބައެއް މީހުން ބުނި ގޮތުގައި، ބައެއް ފްލެޓްތަކުގެ ބަދިގޭގެ ހުޑުން އެހެން ފްލެޓްތަކަށް ވަސް ވަންނަ މައްސަލަ ވެސް ވަރަށް ބޮޑެވެ.
އެމްއޭސީއެލްގެ އޮފިޝަލަކު އިއްޔެ "މިހާރު" އަށް ވިދާޅުވީ އެ ޝަކުވާތައް ލިބުމާއެކު، އެ ފްލެޓްތަކުގެ ކޮންޓްރެކްޓަރާ ގުޅިގެން ތަންތަން މަރާމާތުކުރުމުގެ މަސައްކަތް ކުރަމުން އަންނަ ކަމަށެވެ.
"މިހާރު ވެސް ވަރަށް ގިނަ ފްލެޓްތައް މަރާމާތުކޮށް ދީފި،" އޮފިޝަލް ވިދާޅުވި އެވެ.
ހުޅުމާލެ 2 ގައި ހުންނަ އެމްއޭސީއެލްގެ ފްލެޓެއްގެ ބަދިގެ: މައްސަލަތައް ދިމާވެ އެތަން މަރާމާތުކުރުމުގެ މަސައްކަތް އަންނަނީ ކުރަމުން.-- ފޮޓޯ: ނިޝާން އަލީ | މިހާރު
އެމްއޭސީއެލްގެ ފްލެޓްތަކަކީ ކުރީގެ ރައީސް އަބްދުﷲ ޔާމީންގެ ސަރުކާރުގެ ދުވަސްވަރު ހުޅުމާލެ 2 ގައި ހިންގި ހިޔާ މަޝްރޫއުގެ ދަށުން އިމާރާތްކުރި ތަނެކެވެ. އެ މަޝްރޫއުގެ ދަށުން އެމްއޭސީއެލުން އިމާރާތް ކޮށްފައި ވަނީ 14 ބުރީގެ ދެ ޓަވަރެވެ. އެ ފްލެޓްތަކުގެ މަސައްކަތް ކުރީ ޗައިނާގެ ބީޔޫސީޖީ ކުންފުނިންނެވެ.
އެ މަޝްރޫއުގެ ދަށުން ދެ ޓަވަރުގައި 384 އެޕާޓްމަންޓް ހަދައިފައިވެ އެވެ. އެއީ ދެ ކޮޓަރީގެ 240 އެޕާޓްމަންޓާއި އެއް ކޮޓަރީގެ 72 އެޕާޓްމަންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބީތާޔާ
23 July 2023
އަމާ ބުނީތީ ފަރަށް ދާހެން ކަން ކޮށްފަ ހުރީ… އެމް އޭ ސީ އެލް ގެ އިހުމާލު މި ކަމުގަ ވަރަށް ބޮނޱު.
ހުސެން ޝިޔާމު
22 July 2023
ތިލަމާލެ ބްރިޖްކޮންސަލްޓަންޓް އަކަށް މިހާރު އުޅޭނެ މަވަރުގެ މީހަކު ނެތިގެން އުޅޭ ހުރިހާކަމެއް ދަންނަ ސިވިލް އެންޖިނިއަރެއް ހުސެން ޝިޔާމުކިޔާނީ. އެމްއޭސީއެލްގަ ޔާމީން ދައުރު އެމްއޭސީއެލްގެ ކޮންސަލްޓަންޓްއަކަށްހުރެ އެމްއޭސިއެލްއިން ހިންގި ތިޔަ ޕްރޮޖެކްޓް ކުރެހުންތަައް ކުރަހާ އެންޖިނިއަރިންގ ހަދާ ސުޕަވައިޒް ކުރީ އޭނާ. އޭނާ ޒިންމާ ކުރެވޭނެތަ؟
ވަކީރި
22 July 2023
ރެޓެންޝަން ޕީރިއަޑް ގަ ޑިފެކްޓްސް ހައްލުކޮށް ދިނުމަކީ ހަމަ ބެސްޓް ޕްރެކްޓިސް. މީގަ ވަކި ޚާއްސަކަމެއް ނެތް ނޫސް ޚަބަރު ހަދާކަށް.
ރިޓެންޝަން
22 July 2023
ވާރޭ ވެހޭ އިރަށް ފެންބޮޑުވުން ފްލަސް ކޮށްލީމަ ޝީޓްމަތި ދިޔަބޮޑުވުން މިއީ ފަރުވާކުޑަވުން
މަބޮޑޭން ހައްތާ
22 July 2023
މިކަމަކީ މީގެ ސާޅީސް ހަކައް ފެށިގެން އައި ކޮންޓެކް އުސޫލުން ބިޑުކޮށް ކަމިޝަން ދީގެން މަސައްކަތް ކުރުމުގެ ނަތީޖާ. ބަލަހައްޓަން ތިބޭމީހުން ތަޖުރިބާ ގެ ކަންފުޅެއްވެސްނެތް.ވައިޖެހޭ އަތެއް ފެންހެދޭ ގޮތެއް އެގެނީކީ ނޫން. މިހާރު ނޫހުން އަޅެ ލިސްޓް ކޮއްލަދީބަލަ ހަދާ ތަޅާލި ބިލްޑިންގް ލިސްޓް
އަހޫ1
22 July 2023
އެއްގޮތަކައްވެސް އިސާނުން ދިރިއުޅެވޭ ގޮތަކަށް ހަދާފައިހުރި ތަނެއްނޫން އެއްބައި އެޕާޓްމަންޓުތަކުން ބޮލައް ނަޖިސްފެން ފައިބަނީ އަނެއް އެޕާޓުމަންޓް ތަކުގައި ފެނެއްނުދޭ ހޮޅިތަކަށް ސިމެންތި އަޅާ ބައްދާފަ ހުރީ، ފާރުތަށް ރެނދުއަޅާ ޕުޓީގަނޑު ވެއްޓެނީ ހުރިހާ ފާހާނާ ދޮރެއް ފީވެ ފޮޅި ފާހާނާ ހުރިހާ ފިޓިންގްސް ދަރުބަރު ޖަހާފަ ފާރުތަކުގައި ފަންގަސް ޖަހާފަ، ދެން އަބަދު މި އިވެނީ ހިލްޓީ ބުރުމާއިން ތޮރުފާ އަޑު 24 ގަޑިއިރު ޑިއުޓީ ކުރާ ބަޔަކު ކިހިނެއް ދިރިއުޅޭނީ
ފައިމޮޑޭ މަރީ
22 July 2023
ތިޔަ ތަންތަން ހަދަނީވެސް އަވަސްއަވަހަށް މަރާމާތު ކުރަންޖެހޭގޮތަށޭ.. ކުންފިނިތަކުގެ އިސްވެރިގެ ޖީބަށް ތިޖޫރީއަށް އަތް ނުބާނާ އެއްޗެއްވައްދާލަން ލިބޭނީ ތިކަހަލަ ގޮތަކަށް. ބަނދަރުވެސް ފުރަތަމަ ހަދާނީ އޮލިންޕިކް ސްމިންޕޫލް ގެސައިޒަށް . ސްކޫލް ވެސް އިމާރާތް ކުރާނީ ރަށުގައިތިބި ކުދިންގެ ބޯގުނާފައި އެސައިޒަށް . އެއިރުންތާ ކްލާސްރޫމާއި މަލްޓިޕާޕޯސް ހޯލްތަށް އިތުރު ކުރެވޭނީ. ބޯހަލާކު. އެކަމަކު ރައިޔަތުން ހަމަ އަތްޖަހާނެ.
އެމް އޭސީއެލް
22 July 2023
މިތާ އެޕާޓްމެންޓް ތައް ހުރޭ ލޭބަރުންނަށް ކުއްޔަށް ދީފަ. އެތައް ބައިވަރު ލޭބަރުން ކުދި އެޕާޓްމެންޓް ތަކުގަ އުޅޭ. އެހާ މުޑުދާރު ކުރޭ
އަލީ އުމަރު.
21 July 2023
ދެން ތިތަނުގައިތިބި ރާއްޖެތެރޭ ކުދިން ބޭރުކޮށްފަ މާލޭ ޤަބީލާތަކަށް ތިތަންތަން ހިލޭ ބަހާލާ.
ކުލޮރިން
21 July 2023
އުމަރާ ސުރުހީކީންތަ، މާލެޔޭ ކިޔައިގެންނެތޭ އެއްޗެއް ޖަހާފަ.މީހާ ތި ހަލާކުވަނީ ހަސަދަވެރިކަމާ ނަފުރަތުން ،ފުކެއްބޮޱުވަރުތީ.
ނަމްނާ
21 July 2023
އެމް ޑަބްލިއު އެސްސީ ފްލެޓްތައްވެސް ތިހާލުގަ.ވާރޭވެހެންޏާ މުޅިސިޓިންރޫމަ ފެންބޮޑުވޭ. ނުވިތާކައް ކޮޓަރިތަކުގެ ފްލޯއިން ފެންްއަރާ ސްވިޗް ބޯޑުތަކުން ފެންފައިބާ. މުވައްޒަފުންއަތުން ޑައުންޕޭމަންޓް 3 ލައްކަނަގާފަ އިނަސުއަރެންސާ ޕޮރޮސެސިންފީ އެއްތޯ އެއްޗެއްނަގާފަ. އަދިއެވަރުންނުވެގެން ލޯނުނަގައިގެން އައިސް ތަންހަދާގެން ވަންއިރު ފާހާނާއިސްކޫރުތައް ދަބަރައްވެފަ.ވަރައްފެންވަރު ދައްކޮން ހުރިޙާތަނެއްވެސް ހަދާފަ މިހުންނަނީ.މިވާހަކަތައް ގިނަގިނައިން ދައްކަންވީ
ކޮރަލް
21 July 2023
މަގު ކޮނެ ފްލެޓް މަރާމާތު ކުރުން ފަދަ ކަންކަން އެއީ އެންމެ ފައިދާ ވާ މަސައްކަތެވެ. ސްޓެލްކޯ އިން ވެސް މަސައްކަތް ހަވާލު ކޮށްގެން މަގު ކޮންނަތާ 50 އަހަރު ވެއްޖެ އެވެ. މިހާރު އެ މަސައްކަތް ހުޅުމާލޭގަ ވެސް ފަށައިފި އެވެ. ބޮޑެތި މީޙުންނަށް އެންމެ ފައިދާ ވާ އެއް މަސައްކަތެވެ.