މޭރީގެ މަރުގެ ދައުވާލިބޭ މާވިން (ވ) އާއި ލަމްހާ: އެ މައްސަލާގެ ހެކިބަސް ނެގުން ފަސްކުރީ ދައުވާ ފޯމަށް ބަދަލު ގެނެސްފައިވާތީ
15 އޯގަސްޓް 2023 - 15:25
4 comments
ރާއްޖޭގައި މަސައްކަތްކުރި ފިލިޕީންސްގެ ނަރުހެއް ކަމަށްވާ މޭރީ ގްރޭސްގެ މަރުގެ މައްސަލާގައި ކުރާ ދައުވާގެ ދައުވާ ފޯމަށް ބަދަލު ގެނެސްފައިވާތީ ހެކިބަސް ނެގުން ފަސްކޮށްފި އެވެ.
އައިޖީއެމްއެޗްގައި މަސައްކަތްކުރި ނަރުހެއް ކަމަށްވާ މޭރީ އޮކްޓޫބަރު، 2021 ގައި މަރާލި ކަމަށް ބުނެ އޭނާގެ ފިރިމީހާ މާވިންގެ މައްޗަށް ދައުވާ ކުރާއިރު އެކަމުގައި ބައިވެރިވިކަމުގެ ދައުވާ ދައުލަތުން ކުރަނީ ދިވެހި ނަރުހެއް ކަމަށްވާ ހަލީމަތު ލަމްހާގެ މައްޗަށެވެ.
ކްރިމިނަލް ކޯޓުގައި މިއަދު ބޭއްވި އަޑުއެހުމުގައި ތިން މީހެއްގެ ހެކިބަސް ނަގަން ހަމަޖައްސާފައި ވަނިކޮށް އަޑުއެހުން ފަސްކުރަން ޖެހުނީ ދައުވާ ފޯމަށް ބަދަލު ގެނެސްފައިވާކަން ފާހަގަވުމުންނެވެ. ދިފާއީ ވަކީލުން ބުނީ ދައުވާ ފޯމަށް ބަދަލު ގެނައިކަން ކުރިން އަންގާފައިނުވާ ކަމަށާއި އެހެންވެ ހެކި ހުށަހެޅި ސަބަބު ބަދަލުވިކަން ނޭނގޭ ކަމަށެވެ. އަދި އެކަން ވެފައި އޮތްގޮތެއް ސާފުނުވަނީސް، ހެކިބަސް ނެގުން ކުރިއަށް ނުގެންދަން ދިފާއީ ވަކީލުން އެދުނެވެ.
ދައުލަތުން ބުނީ ދައުވާއަށް ބަދަލު ގެނައިކަން ކުރިން އަންގާފައިވާ ކަމަށެވެ. އެކަން ކަށަވަރުކުރަން އަޑުއެހުން މެދުކަނޑާލުމަށް ފަހު އަލުން ފެށުމަށް ފަހު، އެ މައްސަލަ ބައްލަވާ ގާޒީ ހުސައިން ފާއިޒް ރަޝާދު ނިންމެވީ އެކަން އިތުރަށް ބެލުމަށްޓަކައި ހެކިބަސް ނެގުން ފަސްކުރުމަށެވެ.
އެ މައްސަލާގައި ލަމްހާގެ މައްޗަށް އިތުރު ދެ ދައުވާއެއް ކުރެ އެވެ. އެއީ ހޮސްޕިޓަލްތަކުގައި އެކަނި ބޭނުން ކުރެވޭ އިންޖެކްޝަންތަކެއް ލަމްހާ ގެންގުޅުނު ކަމަށް ބުނެ ކުރާ ހުއްދަ ނޫން ގޮތުގައި އެހެން މީހެއްގެ މުދަލަށް ބާރު ހިންގުމުގެ ދައުވާ އާއި ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ދައުވާ އެވެ. އެ މައްސަލާގެ ތުހުމަތު ކުރެވުނީއްސުރެން ފެށިގެން މިހާތަނަށް ވެސް ލަމްހާ އާއި މާވިން ތިބީ ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ މައުސޫމް
16 August 2023
މިހާ ދުވަސް ނަގާތަ ހަމަ. ކޮންމެވެސް ކޮޅަކުޖައްސާނަމަ ދެން އަވަހަށް. ދުވަސް ވިޔަސް އަލަށް ހެއްކެތް ނޫފެދޭނެ ދެނެތް. މިގޮތަށް ދިގު ދަންމާތީ، އިތުބާރުގެ މައްސަލަ އަންނަނީ
ޙަމް77
16 August 2023
ދައުލަތުގެ ދޯހަޅިކަމުން ދެންފެންނާނި މިދެ މީހުން ދޫވާތަން. އެހެންވިޔަދީގެން ނުވާނެ
ގާސިމް
15 August 2023
ކަތިވަޅިޔާ ދަނގަދުންނާއި ވަޅިން މީހުން މަރާޗަސް ކުރާ ގުރޫތަކު މީހުން ތިހެން ބަންދުގައި ނުބޭއްތިއްބެނީ ކީއްވެތަ. އަޖައިބެއް މީ
ގެދާށޯމޮސް
15 August 2023
މިފަހުން 20 މުޖުރިމުން ދޫކޮށްފި ޚަބަރު އެބައިވޭ ސީދާވޯޓަށް : ނޫނަސް މަންޖެގެ ވޯޓު މިވަގުތަށް މުހިންމު ވާތީ ފޯމް އަށް ބަދަލު ގެންނަން ޖެހުނީތީ އަޖައިބެއްތޯޢެވެ.