ޚަބަރު / ފިޝަރީޒް، އެގްރިކަލްޗާ މިނިސްޓްރީ

ރާއްޖޭގެ ކަނޑުން ވަގަށް މަސްވެރިކަން ކުރި ބޭރުގެ ބޯޓުތަކެއް ޖޫރިމަނާކޮށްފި

ރާއްޖޭގެ ކަނޑުގެ ސަރަހައްދަށް ގަވާއިދާ ހިލާފަށް ވަދެ މަސްވެރިކަން ކުރި ލަންކާގެ ބޯޓެއް.-- ފޮޓޯ: ފިޝަރީޒް މިނިސްޓްރީ

އިފްރާޒް އަލީ، މިހާރު

26 އޮކްޓޯބަރ 2023 - 21:54

7 comments

ރާއްޖޭގެ ކަނޑުގެ ސަރަހައްދުން ވަގަށް މަސްވެރިކަން ކުރި ބޭރުގެ މަސްބޯޓުތަކެއް ސަރުކާރުން ޖޫރިމަނާކޮށްފި އެވެ.

ފިޝަރީޒް މިނިސްޓްރީން މިރޭ ބުނީ ރާއްޖޭގެ ހާއްސަ އިގުތިސާދީ ސަރަހައްދަށް ހުއްދަނެތި ވަދެ، ގާނޫނާ ހިލާފަށް މަސްވެރިކަން ކުރި ތުހުމަތުގައި މިދިޔަ ސެޕްޓެމްބަރު މަހުގެ 18 ވަނަ ދުވަހު ކޯސްޓްގާޑުން ސްރީ ލަންކާގެ ފަސް މަސްބޯޓެއް ހިފެހެއްޓި ކަމަށެވެ.

އެ މަސްބޯޓުތަކުގެ މައްސަލަ ބަލައި، އެ އުޅަނދުތަކަށް ކުރެވުނު ޖޫރިމަނާ ދެއްކުމުން، އެ ބޯޓުތައް މިހާރު އަނބުރާ ލަންކާ އަށް ފޮނުވާލާފައިވާ ކަމަށް ވެސް މިނިސްޓްރީން ބުންޏެވެ.

ކޮންމެ ބޯޓެއް 100،000ރ. އިން ޖޫރިމަނާ ކޮށްފައިވާ ކަމަށް މިނިސްޓްރީން ބުންޏެވެ.

މިނިސްޓްރީން ބުނި ގޮތުގައި، މަސްވެރިކަމުގެ އާ ގާނޫނު 2019 ގައި އަމަލުކުރަން ފެށި ފަހުން، ރާއްޖޭގެ ހާއްސަ އިގުތިސާދީ ސަރަހައްދަށް ވަދެ ވަގަށް މަސްވެރިކަން ކޮށްފައިވާ ބޭރުގެ 20 މަސްބޯޓެއްގެ މައްސަލަ ބަލައި އެ އުޅަނދުތައް ޖޫރިމަނާ ކޮށްފައިވެ އެވެ.

މީގެ ކުރިން ވެސް އެކި ފަހަރު މަތިން، ލަންކާގެ މަސްބޯޓުތައް ރާއްޖޭގެ ކަނޑުގެ ސަރަހައްދަށް ވަދެ، މަސްވެރިކަން ކުރަމުން ދަނިކޮށް ކޯސްޓްގާޑުން ހިފަހައްޓާފައިވެ އެވެ. އަދި ބައެއް ފަހަރު ހާލުގައި ޖެހިފައިވާ މީހުންނާ އެކު ވެސް ލަންކާގެ ބޯޓުތައް ރާއްޖޭގެ ކަނޑުގެ ސަރަހައްދުން ފެނިފައިވެ އެވެ.

ފުލުހުން މަސްވެރިކަން އެމްއެންޑީއެފް ފިޝަރީޒް، އެގްރިކަލްޗާ މިނިސްޓްރީ މަސްވެރިކަން

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަކްސް

27 October 2023

ތި ސްރީލަންކާ މީހުން ދިވެހިންނަށް އެއްވެސް ރެސްޕެކްޓެއް ނުކުރާނެ. ދޫކުރީމާ އަނެއްކާވެސް ސަރަހައްދަ ވަދެ މަސްވެރިކަންކުރާނެ. މިކަމަކީ އާއްމުކަމެއް. ކަމެއް ދިމާވާއިރަށް ބުނާނެ ތިމަންނަމެން އެރޭބިޔަންސް ސީ އަށް މަސްވެރިކަންކުރަން ދިޔަމަގުމަތީ ރާއްޖޭސަރަހައްދުގައި އިންޖީނުހުއްޓުނީއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނގޭ ކީއްވެކަން

27 October 2023

އިންޑިއާ ބޯޓްތަކެއް ވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜޮޒޭނާ.

27 October 2023

ސަރުކާރުން ޖޫރިމަނާ ކޮއްފި މީހަމަޖެހޭ ގޮތެއްނޫން ދިވެހިރާޖޭގެ ކަނޑުގެ ސަރަހައްދައް ގަވައިދާ ހިލާފައްވަދެ ހުއްދަނޫން ގޮތުގަ މަސްވެރިކަން ކުރަމުންދިޔަ ސްރީލަންކާގެ ފަސް މަސްބޯޓެއް ދިވެހިރާޖެއިން ދޫކޮއްލައިފި އެވެ މިބޯޓުތައް ދޫކޮއްލީ ޖޫރިމަނާޔައްވާ ފަސްލައްކަ ރުފިޔާ މީރާޔައް ދައްކާހަލާސްކުރުމުން ނެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބެ

27 October 2023

70 ގެ ތެރޭގައި ބޭރުގެ ބޯޓުތައް ރަށުގައި ހުންނަ މީހާއަށް ފެންނަ ހިސާބަށް ކައިރިއަށް އައިސް މަސްވެރިކަން ކުރި... ޢެކަން ހުއްޓުވީ ހިކުމަތާއި ދުރުވިސްނުމުގެ ތެރެއިން. ޙެދިގޮތަކީ ބޯޓުގެ އަގަށް ވާވަރަށް ޖޫރިމަނާ ކުރީ. ނަތީޖާއަކީ ބޯޓުތައް ދައުލަތަށް ލިބެންފެށީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެރޭސް

28 October 2023

ރައީސް ނާސިރު މެން ރައީސް މައުމޫނު މެންނަށް މީހުން އިހްތިރާމު ކުރަނީ ކަމެއް ވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅާލާ

26 October 2023

ރާއްޖޭގެ ކަނޑުން ވަގަށް މަސްވެރިކަން ކުރި ބޭރުގެ ބޯޓުތަކެއް ޖޫރީމަނާ ނޫނޭ ކުރަންވީ ބޯޓް ތައް ރޫޅާލާ ކުދި ކުދި ކޮށްލަންވީއޭ އެއީއޭ ހަދަން ޖެހޭ ގޮތަކީ...