05 ނޮވެމްބަރ 2023 - 10:05
ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ ގަރާރާ ގުޅިގެން އުފެދިފައިވާ މައްސަލަތަކުގައި ޖަލްސާތަކުގެ ރިޔާސަތު ބަލަހައްޓަވަން ދެކޮޅު ހައްދަވައި މަޖިލީހުގެ ނައިބު ރައީސް އީވާ އަބްދުﷲ ދެއްކެވި އުޒުރު ގަބޫލުނުކޮށް ޖަލްސާ ކުރިއަށް ގެންގޮސްދޭން މަޖިލީހުގެ އިދާރާ އިން އެދިއްޖެ އެވެ.
މަޖިލީހުގެ އިދާރާ އިން މިގޮތަށް އެދުނީ މިދިޔަ އަންގާރަ ދުވަހެވެ.
ނަޝީދުގެ އިތުބާރު ނެތް ކަމަށް އެމްޑީޕީގެ 49 މެމްބަރުން ސޮއި ކުރައްވައި ހުށަހެޅި މައްސަލައިގެ ނޯޓިސް މުއްދަތު ހަމަވުމަށް ފަހު މިދިޔަ ހަފްތާގެ އާދީއްތަ ދުވަހުން ފެށިގެން އެހެން ހުރިހާ މަސައްކަތްތައް ހުއްޓާލުމަށް ފަހު އެ މައްސަލަ ކުރިޔަށް ގެންދިޔުމަށް މަޖިލީހުން އަންނަނީ މަސައްކަތް ކުރަމުންނެވެ.
ނަމަވެސް ޑެންގޫ ހުން ޖެހިވަޑައިގެން އާލާސްކަންފުޅާ އުޅުއްވާތީ އީވާ ވަނީ ކޮންމެ ޖަލްސާއަކަށް ސަލާން ފޮނުއްވައިފަ އެވެ. މިއަދުގެ ޖަލްސާއަށް ވެސް އެ ގަރާރު އެޖެންޑާކޮށްފައިވަނިކޮށް އީވާ ވަނީ ސަލާން ފޮނުއްވައިފަ އެވެ.
އޭގެ އިތުރުން، އީވާ ރޭ މަޖިލީހަށް ފޮނުވި ސިޓީއެއްގައި ވިދާޅުވީ ނަޝީދު މަގާމުން ވަކި ކުރުމުގެ މައްސަލާގައި ސުޕްރީމް ކޯޓުން ވަކި ގޮތެއް ނިންމުމުގެ ކުރިން މަޖިލީހުގެ ޖަލްސާތައް ކުރިޔަށް ގެންދިޔުމަށް ރިޔާސަތުގައި އިންނަވަން އޭނާ އުޒުރުވެރިވެވަޑައިގަންނަވާ ކަމަށެވެ.
އީވާ ވިދާޅުވި ގޮތުގައި އެ ކޯޓުން މައްސަލަ ނިންމުމުގެ ކުރިން ވަކި ގޮތެއް އިހްތިޔާރު ކޮށްގެން ކުރިޔަށް ގެންދިޔުމަކީ މަޖިލީހުން މީގެ ކުރިން ވެސް އަމަލު ކުރަމުން އަންނަ ގޮތެއް ނޫނެވެ.
"...ރައްޔިތުންގެ މަޖިލީހުން ވަކި ގޮތެއް އިހްތިޔާރު ކޮށްގެން ކުރިޔއަށް ގެންދިޔުމަކީ، ސުޕްރީމް ކޯޓުގައި ބަލަމުންދާ މައްސަލައަކަށް ނުފޫޒަކަށް ވާނެ ކަމަކަށް ވެސް އަޅުގަނޑު ދެކެން،" އީވާ ވިދާޅުވި އެވެ.
އެކަމަކު މަޖިލީހުގެ ކޮމިޔުނިކޭޝަންސް ޑިރެކްޓަރު ހަސަން ޒިޔާއު "މިހާރު" އަށް ވިދާޅުވީ އީވާގެ އެ އުޒުރު މަޖިލީހުގެ އިދާރާއިން ގަބޫލު ނުކުރާ ކަމަށެވެ.
ޒިޔާއު ވިދާޅުވި ގޮތުގައި އެމްޑީޕީން ސުޕްރީމް ކޯޓަށް ހުށަހަޅާފައިވަނީ މަޖިލީހުގެ ރައީސްގެ އިތުބާރު ނެތް ކަމުގެ މައްސަލަ ތާވަލުކުރާ ޖަލްސާއަށް ނައިބު ރައީސަށް ވަޑައިނުގެންނެވޭ ހާލަތުގައި، މަޖިލީހުގެ ގަވައިދުގެ 44 ވަނަ މާއްދާ އަށް އަމަލު ކުރަންޖެހޭ ގޮތަށް މާނަކޮށްދިނުމަށެވެ.
އަދި ދެވަނަ ކަމަކަށް މަޖިލީހުގެ ރައީސްގެ އިތުބާރު ނެތް ކަމުގެ މައްސަލާގައި ގޮތެއް ނިންމުމަށްފަހު ނޫނީ މަޖިލީހުގެ އެހެން އެއްވެސް މަސައްކަތެއް ކުރިއަށް ނުގެންދެވޭނެ ކަމަށް މާނަކޮށްދިނުމަށް ކަމަށް އޭނާ ފާހަގަކުރެއްވި އެވެ.
"އެހެންވީމާ، ސުޕްރީމް ކޯޓަށް ހުށަހަޅާފައިވާ މައްސަލަ އާއި މަޖިލީހުގެ ގަވާއިދުގެ 205 ވަނަ މާއްދާގެ ދަށުން މަޖިލީހުގެ ރައީސްގެ މަގާމުން ވަކި ކުރުމުގެ ގަރާރުގެ މަސައްކަތް ކުރިއަށް ގެންދިޔުމަކީ ތަފާތު ދެ ކަމެއް ކަމަށް މަޖިލީހުގެ އިދާރާއަށް ގަބޫލުކުރެވެނީ،" ޒިޔާއު ވިދާޅުވި އެވެ.
އެކަން އީވާ އަށް ވެސް މަޖިލީހުގެ އިދާރާއިން އަންގައި، ނަޝީދުގެ ގަރާރު ކުރިއަށް ގެންދާ ޖަލްސާއަށް ހާޒިރުވެވަޑައިގެންނެވުމަށް އީވާ އަށް ދަންނަވާފައިވާ ކަމަށް ވެސް ވިދާޅުވި އެވެ.
އެމްޑީޕީން ހުށަހެޅި ދުސްތޫރީ މައްސަލަ ސުޕްރީމް ކޯޓުން ބަލައިގަނެ މާދަމާގެ ހެނދުނު 10:00 އަށް ވަނީ އަޑުއެހުމެއް ތާވަލުކޮށްފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
1206
05 November 2023
ކޮން ބަހަނާއެއް ދައްކާކަށް، އުޒުރުވެރިވަންޏާ މަގާމުން އިސްތިއުފާދީފަ ގޭގަ އޮވެބަލަ. މިހާރު ތިތިބީ ސިޔާސީ ޙަޔާތް ނިމިފައޭ.
ރިޔާޒު ރަށީދު
05 November 2023
މަޖލީހުގެ ރިޔާސަތުގައި ނާއިބް ރައީސް އިނދެވޭނެ ކަމާ މެދު ދެބަސްވެގެންތަ ސުޕްރީމް ކޯޓަށް ވަދެގެން މި އުޅެނީ؟
އަލިކާ ދިއްދޫ
05 November 2023
މުސާރަ ނަގަން އުޒުރުވެރިވޭތޯ ހަމަ އަހާލަން ބޭނުން؟ މިމީހުން ގައުމޭ ރައްޔިތުންނޭ ކިޔައިގެން އަނގައެރުވީމަ ހަމަ އަންނަނީ އަލިފާންކަހަލަ ރުޅި. ކެންޕޭނުގަ ރޯނުވަށާ ރިހާކުރު އޮޅަކުރިއަސް ތީ މުޅިންވެސް އަމިއްލަ އަންބޮޑި ބޮޑުކޮއް ގައުމު ހަލަބޮލިކޮއް ދިވެހިން ހަމަޖެހިގެން އުޅން ބޭނުންނުވާ ބައިގަނޑެއް
ޟމމމމ
05 November 2023
އީވާ މެން އިރެއްގަ ދިވެހި ރައްޔިތުން ގަޅި ހެއްދިއަސް ދެން އެކަމެއް ނުވާނެ! ޑްރާމާ ކުޅުން ހުއްޓާލާ. މޮޔައަކުވެސް ތިދައްކާ ވާހަކަ ޤަބޫލްނުކުރާނެ.
އަފްރާސިޔާބު
05 November 2023
މަޖިލީހުގެ އިދާރާއަކީ މިހާރު ކުޅޭކުޅޭ ތަނަކަށް ވެއްޖެ. މަށަކަށް ހިއެއްނުވޭ ގާނޫނީ މަސައްކަތްކުރާ އިދާރާއެއް ހެން ތިޔަތަން މިހާރު ހިނގަނީ.
ދަ އަގުޅި
05 November 2023
ދަޑިމޮކްރެޓްސް ކިޔުމުގެ ބަދަލުގަ ކަލޭމެންގެ ޕާޓީއަށްކިޔަންވީ "ދަ އަގުޅިނެތް ކަންނެޔޮ"! ސަބަބަކީ ތިތާ ތިއުޅޭ ކޮންމެމީހަކީ ކަމަކާޖެހުމުން އެއްވެސް ގަޓެއްނެތްބައެއް! ރޫޙާނީ ލީޑަރ ވެސް 2 ފަހަރު އިސްތިއުފާ! މީއިސްތިއުފާދޭން މާ މުނާސަބު ދަނޑިވަޅެއް! އެހެނީ މެޖޯރިޓީއެއޮތީ އިތުބާރުނެތްވާހަކަ ބުނެފަ! ކުރިން ފުރަތަމަ އިސްތިއުފާދިނީ ބިރުން! ދެވަނަ ފަހަރަށް އިސްތިއުފާ ދިނީ ވެރިކަމަށް ބޫތުކައިގެން! މިހާރު ދެން ގޮނޑިދިންމީހުން ގޮނޑިންފައިބާށޭ ބުނީމަފައިބަންވީ!
ހަމާސް
05 November 2023
މަޖިލިހުގެ އަމީންއާންމު ކޮންސަކަރާތެއް ޖަހާކަށް. ނައިބު ރައީސު ނެތްނަމަ ދެންކަން ކުރަންވިގޮތް މަޖިލިހުގެ ގަވާއިދުގެ އެބައޮތް. އެގޮތަށް ކަންނުކޮށް ހާސަރުދަމާނެ ކަމެއްނެތް. އޯކޭ.
ޖަހަންގީރު
05 November 2023
ކުރެދި ފަލުގަ ނުދެވި ފިތިފަ އިން ދެ ކަނބިއްޔޯ... ލޯހޫރާ ބޯހޫރާ އިން ދެ ކަނބިއްޔޯ... ތުރުތުރު އަޅަ މޭ ސިހިސިހި، ހިތްސިހިސިހި އިން ދެ ކަނބިއްޔޯ... ފިޔަ ވާޅުވެ ބިރުހީވެފަ އިން ދެ ކަނބިއްޔޯ! ހާލަތާ ވަގުތާ ވަރަށް މުނާސަބު އަދި މަށަށް ވަރަށް ރީތި ފަރުމާ ބޮޑުބެރު ގްރޫޕުގެ ލަވައެއް ވީމާ، ކިޔުންތެރިންނަށް ހިއްސާ ކޮށްލީ. ވަރަށް ސަލާމް.
ފިކުރު......
05 November 2023
ގައުމީ މައްސަލައަކަށް މިކަން ނުވާންވީސަބަބެއްނޭގޭ ކަމާއިބެހޭ ފަރާތްތަކުން މިކަންހައްލުކޮށްދެއްވަންޖެހޭ
އަސްލު...
05 November 2023
ކެނެރީގެ މިދެމީހުންނަށް އެކަނި މަޖިލީހުގެ ގަވާއިދާއި ގާނޫނުތަށް މާނަކުރަންއިގޭނީ އެހެންމީހުންއަގަމަޑުންލައިގެން ތިބޭ، މާތްﷲގެ އިރާދަފުޅުން މިކަމުން ސަލާމަތްވާނެ، ހަގީގަތުގަވެސް މީ ގައުމަށްދެވޭ ވަރަށްބޮޑުގެއްލުމެއް، މިބަލަނީ ހުވާނުކުރެވޭތޯ އެއިރުން ވެރިކަން ލިބިދާނެއޯ....