ނަދީމްގެ މަރު: ދައުވާލިބޭ މީހުން ބަންދު ނުކުރި މައްސަލަ ސުޕްރީމް ކޯޓަށް

ނަދީމް މަރާލި މައްސަލާގައި ދައުވާލިބޭ މީހުން: އެ މީހުން ބަންދު ނުކުރެވޭނެ ކަމަށް ހައި ކޯޓުން ނިންމި މައްސަލަ ސުޕްރީމް ކޯޓުގައި އިސްތިއުނާފް ކުރަން ދައުލަތުން ވަނީ ނިންމާފައި

މުއިއްޒު އިބްރާހިމް، މިހާރު

22 ނޮވެމްބަރ 2023 - 14:03

3 comments

މާލޭގައި ގްރޫޕަކުން ގޮސް ހަމަލާދީ މަރާލި ނަދީމް އިބްރާހިމްގެ މަރުގެ މައްސަލާގައި ދައުވާލިބޭ މީހުންގެ އިސްތިއުނާފް ޝަރީއަތް ނިމެންދެން އެ މީހުން ބަންދު ނުކުރެވޭނެ ކަމަށް ހައި ކޯޓުން ނިންމި މައްސަލަ ސުޕްރީމް ކޯޓުގައި އިސްތިއުނާފްކުރަން ދައުލަތުން ނިންމައިފި އެވެ.

ޖުލައި، 2017 ގައި ޓާމިނަލް ކެފޭ ތެރޭގައި ތޫނު އެއްޗެހިން ހަމަލާދީ ނަދީމް މަރާލި މައްސަލާގައި ދައުލަތުން ދައުވާކުރީ ގ. ޝާރާޒް މުހައްމަދު މަފާޒާއި ލ. ގަން ތުނޑީ އަވަށު ވިދާތަރި އަލީ ނިފާޒާއި ރ. އިންނަމާދޫ ސަމަންތާ ހުސައިން ސާމިހުގެ އިތުރުން ގއ. ގެމަނަފުށީ ހަވާސް، މުހައްމަދު ކަރަމް ސުހައިލްގެ މައްޗަށެވެ. އެ މީހުންގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ނިންމި މައްސަލަ ދައުލަތުން އޮތީ ހައި ކޯޓުގައި އިސްތިއުނާފް ކޮށްފަ އެވެ.

އިސްތިއުނާފް މައްސަލަ ނިމެންދެން އެ މީހުން ޝަރީއަތް ނިމެންދެން ބަންދުކުރަން ދައުލަތުން ހައި ކޯޓުގައި އެދުނަސް، އެ ކޯޓުން މިދިޔަ ހޯމަ ދުވަހު ނިންމީ އެގޮތަށް އަމުރު ނުކުރެވޭނެ ކަމަށެވެ.

އެ ނިންމުން ސުޕްރީމް ކޯޓުގައި އިސްތިއުނާފް ކުރަން ނިންމާފައިވާ ކަން ޕްރޮސެކިއުޓާ ޖެނެރަލްގެ އޮފީހުގެ އޮފިޝަލަކު ކަށަވަރުކޮށް ދިނެވެ.

ހައި ކޯޓުގެ ތިން ފަނޑިޔާރުންގެ އިއްތިފާގުން ނިންމެވީ އިސްތިއުނާފް މަރުހަލާގައި މީހުން ބަންދު ކުރެވޭނެ އިޖްރައާތެއް އެއްވެސް ގާނޫނެއް ނުވަތަ ގަވާއިދެއްގައި ބަޔާންވެފައި ނެތް ކަމަށެވެ. އަދި މި މަރުހަލާގައި އެ މީހުން ބަންދު ކުރަންޖެހޭ ސަބަބެއް ދައުލަތަށް ނުދެއްކޭ ކަމަށް ހައި ކޯޓުގެ ނިންމުމުގައިވެ އެވެ.

ކުށްކުރުން ގޭންގް ހަމަނުޖެހުން ސުޕްރީމް ކޯޓް ހައި ކޯޓް މީހުން މެރުން ޕީޖީ އޮފީސް ހުސައިން ޝަމީމް (ޕީޖީ)

3 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަނު123

23 November 2023

ރަޢްޖޭގަ އޮންނަނީ ކުށްވެރިން ހިމާޔަތް ކުރާ ގާނޫނެއް އަދި ކޯޓްތައްވެސް މަސެއްކަތް ކުރަނީ ހަމަ އެގޮތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓޯނީ

22 November 2023

ފެންފައިވާން ގުރޫޕް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޭމްޕޫ އިޝްތިހާރު

22 November 2023

ތިތިބީވެސް ބައެއްގެ ދަރިން. އެންމެ ބޮޑު ކުއް ކުރިކަމަށް ބެލެވޭ ބއެއްކަމުގައިވިއަސް، ކަންކަން މިވަނީ އެމީހުން އެދޭގޮތަށް. މީހެއްގެ ފުރާނަ ގެއްލިއްޖެ. ތަނެއްގައި ކޮފީ ބޯން އިންދާ ގޮސް ކަތިލީ. އެއީ އެއްވެސް ކަމެއް ނޫން ކަމަށް މިވަނީ