ސަރުކާރުން ދޭ ހަނޑުލާއި ފުށް ބޭނުންވާ މީހުން ރަޖިސްޓްރީވާން އަންނަ ހަފްތާގައި ހުޅުވާލަނީ

އެސްޓީއޯ އިން މާލޭގެ ފިހާރަ އަކަށް ކާޑުގެ ބާވަތްތައް ސަޕްލައި ކޮށްދެނީ: ރޯދައަށް ކޮންމެ ގެއަކަށް ފުށާއި ހަނޑޫ ފޯރުކޮށްދޭން ސަރުކާރުން ވަނީ ނިންމާފައި.---ފޮޓޯ: އެސްޓީއޯ

އާސިމާ ނިޒާރު، މިހާރު

09 ފެބުރުއަރީ 2024 - 11:39

76 comments

ރައީސް ޑރ. މުހައްމަދު މުއިއްޒުގެ ވައުދާ އެއްގޮތަށް، ރޯދަ މަހަށް ކޮންމެ ގޭބިސީއަކަށް ހަނޑުލާއި ފުށް ބަހަން ނިންމާފައި ވާތީ މާލޭ ސަަރަހައްދުން އެ ތަކެތި ބޭނުންވާ ގޭބިސީތަކުން ރަޖިސްޓްރީވާން އަންނަ ހަފުތާގައި ހުޅުވާލާނެ ކަމަށް މާލޭ ސިޓީ ކައުންސިލުން މިއަދު ބުނެފި އެވެ.

މިކަމާ ގުޅޭ އިއުލާނެއް ކައުންސިލުން އިއްޔެ ކުރި އެވެ. ރާއްޖޭގައި މީހުން ދިރިއުޅޭ ކޮންމެ ގެއަކަށް 10 ކިލޯ ހަނޑުލާއި 10 ކިލޯ ފުށް ބަހަން ހަމަޖައްސާފައިވާ ކަމަށާއި މާލެ، ވިލިމާލެ އަދި ހުޅުމާލޭގެ ގޭބިސީތަކުގައި އުޅޭ މީހުން، މި މަހުގެ 25 ގެ ކުރިން ނަންނޯޓު ކުރުމަށް ވެސް އެ އެއިއުލާނުގައި އެދިފައިވެ އެވެ. ނަން ނޯޓުކުރުމަށް އޮންލައިން ފޯމަކާ އެކު ކުރި އިއުލާނު ހަމަ އިއްޔެ ވަނީ ބާތިލްކޮށްފަ އެވެ.

ކައުންސިލްގެ މީޑިއާ އޮފިޝަލަކު މިއަދު ވިދާޅުވީ އިއުލާން ބާތިލްކުރީ، ހަނޑުލާއި ފުށް ބޭނުންވާ މީހުން ނަން ނޯޓު ކުރަން ހާއްސަ ޕޯޓަލެއް ހަދާތީ ކަމަށެވެ. އޭގައި ރަޖިސްޓްރީކުރަން އަންނަ ހޯމަ ދުވަހު އަނެއްކާ ވެސް ހުޅުވާލާނެ ކަމަށް އޭނާ ވިދާޅުވި އެވެ.

މި ރޯދަ މަހު ކޮންމެ ގެއަކަށް ސަރުކާރުގެ ފަރާތުން 10 ކިލޯގެ ހަނޑޫ އަދި 10 ކިލޯގެ ފުށް ބަސްތާއެއް ހަދިޔާކުރައްވާނެ ކަމަށް ރައީސް އިއުލާނުކުރެއްވީ ޗައިނާއަށް ކުރެއްވި ރަސްމީ ދަތުރުފުޅަށް ފަހު ނޫސްވެރިންނާ ވާހަކަފުޅު ދައްކަވަމުންނެވެ.

ވެލާނާ އިންޓަނޭޝަނަލް އެއާޕޯޓުގައި ހުންނަވައި މިދިޔަ މަހުގެ 13 ވަނަ ދުވަހު ރައީސް ވިދާޅުވީ ދިވެހިންނަށް ބޭނުންވާ ހަނޑުލާއި ހަކުރު އަދި ފުށް އެތެރެކުރަން އިންޑިއާ އަށް ބަރޯސާ ނުވެ، ތުރުކީން ވެސް ކާޑުގެ ބާވަތްތައް ގެންނަން އެ ގައުމާ އެކު އެއްބަސްވެފައިވާ ކަމަށެވެ. އަންނަ އަހަރު އެ އަދަދު އިތުރުކުރައްވާނެ ކަމަށް ވިދާޅުވި އެވެ.

މާލެ ސިޓީ ކައުންސިލް ކާޑުގެ ބާވަތްތައް ރައީސް ޑރ. މުހައްމަދު މުއިއްޒު

76 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

MySuperGreenDOTcom

10 February 2024

މިފަދަކަންކަމުގައި މީހުންގެ ހިޔާލުވަރަށްތަފާތުވާނެ، ބައެއްމީހުންދެކޭގޮތުގައި މީސަލާމްޖެހުން، އަނެއްބަޔަކަށް މިގޮތްހަމަރަނގަޅު، އަޅުގަނޑުދެކޭގޮތުގައި މި ޓެކުނޮލޮޖީގެޒަމާނުގައި ނަންނޯޓުނުކޮށްވެސް ބަލާއައިމާ އެގެޔަކަށްލިބެންވާ އެއްޗެއްލިބޭނެގޮތް ރޭވުމަކީ ދާދިފަސޭހަކަމެއް، މުޅިގޭގެއެންމެނާ ގޭގެވެރިމީހާގެ ހުރިހާ މައުލޫމާތެއް ގައިމު ބެލެންހުންނާނެތާ، ލިސްޓެއްހަދާލާފަ ކޮންމެދުވަހަކު ވަކިގަޑިއެއްގައި ކިޔުތަރުތީބުން ތަކެތިދޫކުރީމަނިމުނީނުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަސޮރު

10 February 2024

ރައްޔިތުން ހަނޑޫ ހޯދަން ސަލާން ޖަހާ ފޯމު. ރާއްޖެ މި ވެއޓިފައިވާ ސަލާމް ޖެހުމުގެ ސިޔާސަތުން މާތް ރަސްކަނލާންގެ ސަލާމަތް ކުރައްވާންދޭވެ. އެމްޕީ ކައިރީ ސަލާން ޖެހުން، އާސަންދައަށް ސަލާން ޖެހުން. މިހާރު ހަނޑޫ ހޯދަންވެސް ސަލާން ޖެހުން ކިހާބޮޑުކަމެއްމީ، ގެޒެޓް ކޮށްފަހުރި ފުލެޓްުތަށް ނިމޭވަރަކުން އަވަހަށް ހަވާލުކުރަންފަށާށޭ، ކާޑުކޮޅުވާހަކަ ހުއްޓާލާ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކަލޯ

10 February 2024

ސިޔާސީ މީހުންގެ ފައިބުޑަށް އާދޭސް ކުރަން ދާންޖެހޭ ގޮތް ހަދަނީ. ސަރުކާރުގެ އޯގާތެރިކަމުގެ ވާހަކަ ދެއްކުމަށްވުރެ ރަގަޅީ ނުދެއްކިއްޔާ. މި ފަދަ ސަރުކާރެއް ދުވަހަކުވެސް ނުދެކެން. މަސްވެރިންނަށް ލާރިކޮޅު ނުދޭތާ 3 މަސް. ވޭތުވެދިޔަ ސަރުކާރުތަކުގައި ލަސްވަނީ ހަފުތާއަކަށް. ޢެންމެ ގިނަވރގެންވެސް.