ތޮއްޖެހުން ކުޑަކުރަން މާލެ، ހުޅުމާލޭގެ މަގުތަކުން 108 އުޅަނދު ނަގައިފި

މާލެ އާއި ހުޅުމާލޭގައި ބޭނުން ނުކޮށް ހުރި އުޅަނދުތައް ނެގުމުގެ މަސައްކަތް ދަނީ ކުރަމުން.

މާއިދާ މުހައްމަދު ރަޝާދު، މިހާރު

25 ފެބުރުއަރީ 2024 - 20:13

މާލެ ސަރަހައްދުގެ ތޮއްޖެހުން ބޮޑުވެ، ބޭނުންނުކޮށް ހުރި އުޅަނދުތައް މާލެ އާއި ހުޅުމާލޭގެ މަގުތަކުން ނެގުމުގެ މަސައްކަތްކުރަމުން އަންނައިރު މިހާތަނަށް 108 އުޅަނދެއް ނަގާފައިވާ ކަމަށް ޓްރާންސްޕޯޓް މިނިސްޓްރީން މިއަދު ބުނެފި އެވެ.

އެއްގަމުގައި ދުއްވާ އުޅަނދުތައް ގިނަވެ މަގުތަކުގައި ތޮއްޖެހުމުގެ ސަބަބުން މަގުމަތީގެ ސަލާމަތާއި ރައްކާތެރިކަން ކަށަވަރުކުރަން ބޮޑު ގޮންޖެހުމެއް ކުރިމަތިވެފައި ވާތީ، އެ މިނިސްޓްރީން ބާ އުޅަނދުތައް ނެގުމުގެ މަސައްކަތް ފެށީ މީގެ ހަފުތާއެއްހާ ދުވަސް ކުރިންނެވެ.

ޓްރާންސްޕޯޓް މިނިސްޓްރީން ބުނީ، މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް އަވަސް ހައްލެއް ހޯދުމަށް އެ މިނިސްޓްރީން ކުރަމުން އަންނަ މަސައްކަތުގެ ދަށުން މިދިޔަ ހަފުތާގައި އެކަނި ވެސް މާލެ އާއި ހުޅުމާލޭގެ މަގުތަކުން 52 އުޅަނދު ނަގާފައިވާ ކަމަށެވެ. މިހާތަނަށް ޖުމްލަ 108 އުޅަނދު ނަގާފައިވާ ކަމަށް ވެސް މިނިސްޓްރީން ބުންޏެވެ.

Thohjehun kuda kuran baa ulhandhu thah nagan fashaifi

The most trusted news source in the Maldives

Mihaaru

އެ މިނިސްޓްރީން ނިންމާފައި ވަނީ ދެ މަރުހަލާއަކަށް ބަހާލައިގެން އެ ޕްރޮގްރާމް ކުރިޔަށް ގެންދިޔުމަށެވެ.

ފުރަތަމަ މަރުހަލާގައި ކުރާ މަސައްކަތް:

- މަގުތަކުގައި ބޭނުން ނުކޮށް ގިނަ ދުވަހު ބަހައްޓާފައިވާ އުޅަނދުތަކުގެ ބައިތައް މަގުތަކުން ނެގުން.

- އުޅަަނދު ނައްތާލަން ވޮލެންޓިއާ ކުރަން ބޭނުންވާ ފަރާތްތަކަށް އެ ފުރުސަތު ހުޅުވާލުން.

- ގިނަ ދުވަސް ވަންދެން ބަހައްޓާފައިވާ އުޅަނދުތައް ޓޯ ކުރުން.

- ރަޖިސްޓަރީ ނުކޮށް މަގުމަތީ ބަހައްޓާފައިވާ އުޅަނދުތައް ނެގުން.

ވެހިކަލްތަކުން މާލޭގެ މަގުތައް އާދަޔާ ހިލާފަށް ތޮއްޖެހިފައިވާއިރު، މިހާރު ވަނީ ގަވާއިދާ ހިލާފަށް ދުއްވާ އުޅަނދުގައި ސްޓިކާ ވެސް ޖެހުން ހުއްޓާލައިފަ އެވެ. އެއާ އެކު، މީހުން ހިތު ހުރި ގޮތަކަށް މަގުތަކުގައި ދަނީ ޕާކުކުރަމުންނެވެ.

ދަތުރުފަތުރު ޓްރާންސްޕޯޓް މިނިސްޓްރީ ވެހިކަލްތައް ޓްރެފިކް މާލެ ހުޅުމާލެ

6 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުރިޔާ

26 February 2024

ދަރުބާރުގޭ ފުރަގަހާއި އިންޑަސްޓްރިއަލް ޒޯނުގައިވެސް ލައްކަ ބައިވަރު އެބަހުރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮލުގަ ރިއްސަނީ

26 February 2024

ރައީސް އޮފީސް ކުރިމަތީގައި ޕާކެއް ނުކުރެވޭ. ހަމައެގޮތަށް މިދިޔަ ދައުރުގަ މަޖީމަގުގަ އާ ބޮޑު ތަކުރުފާނު މަގުގަ ޕާކެއްނުކުރޭ، ޕޮލިހުން ބަލަހައްޓާތީ. މިހާރު މަޖީދީ މަގާ ބޮޑުތަކުރުފާނު މަގާއި އަމީނީ މަގު އެއޮތީ ފަރާތް ފުރާލާފަ، ރައީސް މީހާގެ ހެޔޮފުޅު ކަމުން. މިހާރު ނެތް އެއްވެސް ގޮތެއްފޮތެއް. އަޅެ އިންޑަސްޓްރިއަލް ޒޯނުގަ ޕާކު ކުރަން ހަމަޖައްސަބަލަ ޖާގައެއް. ތަންކޮޅެއް ބޮލަށް ފަސޭހަ ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭޑީ ކެބިން

26 February 2024

ސޭޑީ ކެބިނަަށް ހިބައިން ދީފައިވާ މަގެއްތޯ ރަބީއީ ހިނގުމަކީ؟؟ 4 ކާރާ 2 ވޭނާ 3 ޕިކަޕު އޮވޭ މަގުގަ ޕެލެޓް އަޅާން ބާއްވާފަ. ސައިކަލެއް ޖެހިޔަސް ހުންނަނީ ގެންގޮސް އެހެންތާކަށް ޖައްސާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

25 February 2024

ތިހެންނަގާ އުޅަނދުތަކަކުން މުޤައްދަސް މާލެ ތޮއްޖެހުން ކުޑައެއް ނުކުރެވޭނެ. އެއީ ވާނެކަމެއްނޫން. އަދިވެސް ރާއްޖެތެރެއިން ރައްޔިތުން ހިޖުރަކުރަނީ މާލެ ސަރަހައްދަށް. އެހެން ސަރަހައްދެއްގައި ވަސީލަތްތައް ޤާއިމެއް ނުކުރޭ. ސަރުކާރުތަކުން ވަސީލަތްތައް ރާއްޖެތެރޭގައި ޤާއިމްކުރަން ބޭނުމެއްނުވޭ. ރާއްޖެތެރެ އެއްފަސްކުރުމުގެ ހިޔާލެއް އަދި ފިކުރެއް ސަރުކާރުގައި ނެތް. ސަރުކާރު ވިސްނުމުގައި އޮތީ މުޢިއްޒުގެ ފުށިދިއްގަރު ފަޅު އެކަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

25 February 2024

ފުލުހުންނާ ސިފައިން ވ ގިނަ ކާރު ތަކެއް ޓެކްސީ ކުރަން ގެނެސް އެބަ ދުއްވަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުށިޔާރު

25 February 2024

ހުޅުމާލެ ރީތިގަސް މަގަކީ އަމީން ކޮންސްޓުރަކުޝަން އަށް ހިބައިން ދީފަ އޮންނަ މަގެއްތޯ؟؟.. އެފުޑަބުލިޔު އަދި ރެއިންކުރެސްޓު ދޭތެރޭ އެމީހުންގެ ބާދަންގަދު ޖަހާލާފަ އޮތީ... އެޗުޑީސީގެ ރީތިގަސް އެޕާޓުމެންޓު އެމީހުން ހަދާތީ ބޮޑުސިންގާ ޓެންޕަރަރީ ލޭންޑެއްވެސް ދީފައޮވޭ އެތާޖެހިގެން... އެހެނަސް މަގަށް ބާވެފާވާ ބޮޑުލޮރިޔާ ޓުރެއިލަރު ޓުރަކުޖަހާފަ ހެވިލާފަތިބެނީ... އާންމުގެ ވެހިކަލެއްނޫން.. މިބޮޑެތިކުންފުނިތަކުގެ ބޮޑެތި ވެހިކަލްތަށް މަގުން ނަގަންވީ...