އިންތިހާބާ ގުޅޭގޮތުން އާއްމުން ހޭލުންތެރިކުރުަވަން އިލެކްޝަންސް ކޮމިޝަނުން ބޭއްވި ހަރަކާތެއް.-- ފޮޓޯ: އީސީ
19 ފެބުރުއަރީ 2017 - 11:15
5 comments
ތިން ވަނަ ފަހަރަށް ފަސްކޮށްފައިވާ ލޯކަލް ކައުންސިލް އިންތިހާބުގައި ވޯޓު ލާ ތަން ބަދަލުވާ މީހުން ރީރަޖިސްޓްރީވުމުގެ ފުރުސަތު އިލެކްޝަންސް ކޮމިޝަނުން މިއަދު ހުޅުވާލައިފި އެވެ.
އެ ކޮމިޝަނުން ނެރުނު އިއުލާނެއްގައި ބުނީ ރީރަޖިސްޓްރީ ވާން ބޭނުންވާ މީހުންނަށް މިއަދުން ފެށިގެން އަންނަ މަހުގެ ދެ ވަނަ ދުވަހާ ހަމައަށް ފުރުސަތު އޮންނާނެ ކަމަށެވެ. މި މުއްދަތުގައި ރީރަޖިސްޓްރީ ވާން ޖެހޭނީ، ކުރިން ހުޅުވާލި މުއްދަތުގައި ރަޖިސްޓްރީވެފައި ތިބި މީހުންގެ ތެރެއިން ވޯޓުލާ ތަން ބަދަލުވާ މީހުންނާއި އަލަށް ރަޖިސްޓްރީވާ މީހުން އެކަނި ކަމަށް އިލެކްޝަނުން ބުންޏެވެ.
އިންތިހާބަށް ދެ ފަހަރަށް ކަނޑައެޅި ތާރީހު ފަސްކޮށް އިންތިހާބު މިހާރު ބާއްވަން ނިންމާފައި ވަނީ އެޕްރީލް 15 ގަ އެވެ.
އޭޕްރީލް އަށެއްގައި ކުރިން ބާއްވަން އުޅުނު ލޯކަލް ކައުންސިލް އިންތިހާބު ފަސްކުރީ ވޯޓުފޮށި ބެހެއްޓުމަށްޓަކައި އެޑިއުކޭޝަން މިނިސްޓްރީން ސްކޫލްތައް ދޫކުރުމުގައި ދަތިތަކެއް ދިމާވެގެން ކަމަށް އެ ކޮމިޝަނުން ވަނީ ބުނެފަ އެވެ. އޭގެ ކުރިން ޖެނުއަރީ މަހު ބާއްވަން އުޅުނު ލޯކަލް އިންތިހާބު ފަސް ކުރީ ޕީޕީއެމްގެ މުސްތަޝާރު، ރައީސް އަބްދުﷲ ޔާމީންގެ ފެކްޝަނުން ސިވިލް ކޯޓަށް ހުށަހަޅައިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗިކޯ
19 February 2017
ވޯޓްގެ ނަތީޖާކީ ގައުމު އިދެޖެހުން
މނ
19 February 2017
ވޯޓްލުން އޮވޭތަ
ރަދީފް
19 February 2017
ނޫޅެން ތިޔަކަން ކުރާކަށް.ކޮން ވޯޓެއްތަ.
މާން
19 February 2017
ރަޖިސްޓްރީވެސް ކުރެވޭނީ ވަކިވަރަކަށްތާއެވެ. މިއުޅޭނީ ކުރާނެކަމެއް ނެތިގެން ދެއަތް އުރާލައިގެނެއް ނޫނެވެ.. މިއަދު އެތައް މަސައްކަތެއް ހުޢްޓާލާފައި ކިއުގައި އިދެ ރަޖިސްޓްރީ ފޯމް ލާއިރަށް.. އަނެއްކާ ރަޖިސްޓްރީ ވާން.. މި ކުޅިވަރު ނުކުޅެވޭނެ. ރަޖިސްޓްރީ ކުރާ ހިތެެއް ނެތެވެ.. އަދި ވޯޓް ލާ ހިތްވެސް ކެޑިއްޖެއެވެ. ވޯޓްލާން ފުރުސަތު ލިބިއްޖެ ނަމަ އެ ވޯޓް ބާތިލު ނުކުރާނެކަމުގެ ޔަގީން ކަމެއްނެތވެ.
ހާސިމު
19 February 2017
ތީ ކިތައްފަހަރު ކުރަންޖެހޭކަމެއްތޯ؟. ނުކުރެވޭވަރުގެ ކަންކަން ކުރަން އުޅޭތީދޯ މައްސަލައަކީ. އަނެއްވެސް ތިވީ ފެއިލް