ޗައިނާގެ އެސިސްޓެންޓް ފޮރިން މިނިސްޓަރާ ރައީސް ޔާމީން ސަލާމްކުރައްވަނީ. --ފޮޓޯ: ރައީސް އޮފީސް
20 ފެބުރުއަރީ 2017 - 12:01
8 comments
ރާއްޖެ އާއި ޗައިނާއާ ދެމެދު އޮތް ގާތް ގުޅުމަށް ވަރަށް ބޮޑަށް އިސްކަންދެއްވާ ކަމަށް ރައީސް އަބްދުﷲ ޔާމީން އިއްޔެ ވިދާޅުވެއްޖެ އެވެ.
ރައީސް މިހެން ވިދާޅުވީ، ޗައިނާގެ އެސިސްޓެންޓް ފޮރިން މިނިސްޓަރު ކޮން ޒުއަންޔޫ، އެމަނިކުފާނު އަރިހަށް ކުރެއްވި އިހްތިރާމްގެ ޒިޔާތުގަ އެވެ.
ރައީސް އޮފީހުން ބުނިގޮތުގައި، ރާއްޖެ އާއި ޗައިނާގެ ގުޅުން މިހާރަށް ބަދަހިކޮށް، އިގްތިސާދީގޮތުންނާއި އިޖުތިމާއީ ތަރައްގީއަށްޓަކައި ޗައިނާ އިން ދޭ އެހީއަށްޓަކައި ރައީސް ޔާމީން ވަނީ އެ ގައުމަށް ޝުކުރު އަދާކުރައްވައިފަ އެވެ. ދެ ގައުމުގެ ގުޅުން އިތުރަށް ބަދަހިކުރަން ކުރެވިދާނެ ކަންތައްތަކާ ގުޅޭގޮތުން ވެސް އެ ބައްދަލުވުމުގައި މަޝްވަރާކުރި ކަމަށް ރައީސް އޮފީހުން ބުންޏެވެ.
އެ އޮފީހުން ބުނީ، ކުރިއަށް އޮތް ތަނުގައި ވެސް ދެ ގައުމުގެ ގުޅުން ބަދަހިކުރަން މަސައްކަތް ކުރައްވާނެ ކަމުގެ ޔަގީންކަން ޗައިނާގެ އެސިސްޓެންޓް ފޮރިން މިނިސްޓަރު ދެއްވި ކަމަށެވެ.
އެ ބައްދަލުވުމުގައި، ފޮރިން މިނިސްޓަރު ޑރ. މުހައްމަދު އާސިމާއި ރައީސް އޮފީހުގެ ފޮރިން ރިލޭޝަންސްގެ ސްޓޭޓް މިނިސްޓަރު މުހައްމަދު ނަސީރު ބައިވެރިވެވަޑައިގެންނެވި އެވެ. އަދި ޗައިނާ އިން ރާއްޖެ އަށް ކަނޑައަޅާފައި ހުންނެވި ސަފީރު ވަން ފުކަން އާއި ޗައިނާގެ ފޮރިން މިނިސްޓްރީގެ ތާޑް ސެކްރެޓަރީ ބައިވެރިވެވަޑައިގެންނެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްޖިބްރާ
21 February 2017
އިސްކަން ނުދީ ވަންނާނީ ކޮންވަލަކަށް ؟
މާރކްސް
21 February 2017
ޗައިނާއަކީ ކޮމިއުނިސްޓް ގައުމެއް. ކޮމިއުނިސްޓުންނަކީ ކަލަކުވާކަމަށް އިންކާރުކޮށް އަދި ދީނަކީ އަފިހުންފަދަ އެއްޗެއްކަމަށް ގަބޫލުކުރާ ބައެއް.
އަފިހުން ގޮއްޔެ
20 February 2017
ޗައިނާއާއެކު އޮތް ގުޅުމަށް އިސްކަން ނުދޭތީ އެފަރާތުން އެވާހަކަ ދެއްކީ އުތަ........
އިޔެ
20 February 2017
ޕަކާސް. ދެންމަ ހީހީ ހަލާކު. ސައޫދީ ރަސްގެފާނުގެ ދަތުރުގައި ކުރަން ރޭވިފަ ހުރި ޑީލްތައް އެނގިގެން އަންނަ އިރަށް ޗައިނާއަށް ވަރަށް އިސްކަންދެމޯ. މާދަމާ އިންޑިއާއިން އައީމަވެސް ހަމަ ބުނާނީ ތިހެން. ހަޤީގަތަކީ ޗައިނާ، އިންޑިއާ، ސައޫދީ އަދި ކިއެއްތަ ދިވެހިންވެސް މުހިންމެއް ނޫން. މުހިންމީ ފައިސާގެ ކޮންޓެއިނަރު ތައް.
ވަސީ
20 February 2017
އަދި ބާކީ ދެތިން ފަޅުރަށް އޮވެދާނެ. އެވެސް ވިއްކާލަންވީނު ޗައިނާއަށް
ރަށަށްދޭބަލަ
20 February 2017
ތަމެންނަށް ކީއް. މާލެ ސަރަަހައްދު އެއީ ތަމެންގެ ސަރަހައްދެއް ނޫން ދޯ. ތަމެން ދޭބަލަ ރަށަށް. ތަމެންގެ ސަރަހައްދުގެ ފަޅު ތަކެއް އެބަވިއްކަންތޭ. އޭން ބުނެބަލަ. ދެނޯ.
ސަލްޓަން އެންޑް ޑިސްކޯ
20 February 2017
ތީ ދެން އެންމެންނަށް އިނގޭ ބޮޑު ސިއްރެއްނު.
ދޭންވީދެން
20 February 2017
ޗައިނާއާ އެކު އޮތް ގުޅުމަށް އިސްކަންދެއްވާ ކަމަށް މަމެންގެ ބިއުޓިފުލް އެން އޯސަމް އެން ފްލޯލެސް ސަރުކާރުން ވިދާޅުވާނަމަ އެކަމަށް ވަރަށް ބޮޑު ސަމާލު ކަމެއް ޗައިނާ އިން ދޭން ޖެހޭނެއެވެ. އެގޮތުން މަމެން ގެ ވެރިކަން ދިފާއު ކުރުމަކީ އެއީ މިހާރު ޗައިނާގެ މައްޗަށް ވާޖިބު ކަމެކޭ މަމެން ޕިންކީން ބުނާނީ. އެހެން ކަމުން ޗައިނާ އިން ދޭންވީ ދެން ލޯން މާލެ އާއި ވިލިގިލި އާއި ދެމެދު ބްރިޖް އަޅާނެ ލޯން އަދި މާލެ އާއި ތިލަފުއްޓާއި ދެމެދު ބްރިޖް އަޅާނެ ލޯން އަދި ވިލިގިލި އާއި ގުޅި ފަޅާއި ދެމެދު ވެސް ބްރިޖް އަޅާނެ ލޯން އަދި ގުޅި ފަޅާއި ތިލަފުއްޓާއި ދެމެދު ވެސް ބްރިޖް އަޅާނެ ލޯން. އަދި މާލެ ސަރަހައްދުގައި 2 ލައްކަ ލަގްޒަރީ ހައުސިންގް ޔުނިޓްސް އެޅުމަށް ޓަކައި 5 ބިލިއަން ޑޮލަރުގެ ލޯނެއް ވެސް ދޭންވީ ދޭންވީ ދޭންވީ މިހާރު ދޭންވީ ދެން. ނާނާނާނާ، ނާނާނާނާ، ނާނާނާނާ، އަންނަ އަހަރަށް ފަސް ކުރެވެން ނެތް މިއަހަރު ދޭންވީއެވެ. އެނިމުނީ އެވެ.