ޔާމީންގެ އެއް މިލިއަން ޑޮލަރު ހޯދުމުގެ މައްސަލަ މަޑުޖައްސާލަން ހައި ކޯޓުން އަމުރުކޮށްފި

ޔާމީން: އެސްކްރޯ އެކައުންޓްގައި ހުރި އެމަނިކުފާނުގެ އެއް މިލިއަން ޑޮލަރު ދޫކުރުމުގެ މައްސަލަ މަޑުޖައްސާލަން ހައި ކޯޓުން ވަނީ އަންގާފައި --- ފޮޓޯ/މިހާރު

26 މެއި 2024 - 21:15

16 comments

ކުރީގެ ރައީސް އަބްދުﷲ ޔާމީނާއި އެންޓި ކޮރަޕްޝަން ކޮމިޝަން (އޭސީސީ) އާ އެކު ހަދާފައިވާ އެސްކްރޯ އެކައުންޓްގައި ބަހައްޓާފައި ހުރި ޔާމީންގެ އެއް މިލިއަން ޑޮލަރު (15 މިލިއަން ރުފިޔާ) ހޯދުމަށް އެމަނިކުފާނު ދައުވާ ކުރައްވާ މައްސަލާގެ ޝަރީއަތް މަޑުޖައްސާލަން ހައި ކޯޓުން މިއަދު އަމުރުކޮށްފި އެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ހިޔާނާތާ ގުޅިގެން އޭސީސީން ހިންގަމުންދިޔަ ތަހުގީގުގެ ތެރެއިން 2018 ވަނަ އަހަރު ވަނީ ޔާމީންގެ އެކައުންޓަށް ޖަމާވެފައިވާ އެއް މިލިއަން ޑޮލަރު ތަހުގީގު ނިމެންދެން އޭސީސީ އާއި ޔާމީން ހިމެނިވަޑައިގަންނަވާ ގޮތަށް ބޭންކް އޮފް މޯލްޑިވްސް (ބީއެމްއެލް) ގައި ހުޅުވާފައިވާ އެސްކްރޯ އެކައުންޓެއްގައި ބަހައްޓައިފަ އެވެ. އެ ފައިސާ ދޫނުކުރާތީ ޔާމީން ވަނީ އޭސީސީ އާއި ބީއެމްއެލްއާ ދެކޮޅަށް ސިވިލް ކޯޓުގައި ދައުވާ ކުރައްވައިފަ އެވެ.

އެ މައްސަލާގައި ބޭންކާ ދެކޮޅަށް ދައުވާ ނުކުރެވޭނެ ކަމަށް ބޭންކުން ސިވިލް ކޯޓުގައި އިޖްރާއީ ނުކުތާ ނެގި ނަމަވެސް އެ ކޯޓުން ނިންމީ ބޭންކާ ދެކޮޅަށް ދައުވާ ކުރެވޭނެ ކަމަށެވެ. އެ ނިިންމުން ބޭންކުން އިސްތިއުނާފް ކުރުމަށްފަހު އިސްތިއުނާފް ނިމެންދެން ސިވިލް ކޯޓުގެ ޝަރީއަތް މަޑުޖައްސާލުމުގެ އަމުރަކަށް އެދުނެވެ.

އެކަމާ ގުޅިގެން ހައި ކޯޓުން މިއަދު ނެރުނު އަމުރުގައިވަނީ އެ މައްސަލަ ހައި ކޯޓުން ނިމުމުގެ ކުރިން ސިވިލް ކޯޓުން މައްސަލަ ނިމިއްޖެނަމަ ހައި ކޯޓުން ކުރާ ހުކުމުގެ ބޭނުން ކެނޑިގެން ދިއުމުގެ ފުރުސަތު އެބައޮތް ކަމަށެވެ. އަދި އަމުރު ނެރެނުދީފިނަމަ ބޭންކަށް ލިބޭ ގެއްލުން ބޮޑުވުމުގެ ފުރުސަތު އެބައޮތް ކަމަށް ވެސް އެ އަމުރުގައިވެ އެވެ. އެހެންވެ، އެ މައްސަލަ ހައި ކޯޓުން ނިމެންދެން ސިވިލް ކޯޓުގެ ޝަރީއަތް މަޑުޖައްސާލަން އަމުރުކުރީ ކަމަށް އެ އަމުރުގައިވެ އެވެ.

އެ މައްސަލަ ހައި ކޯޓުން ބައްލަވަނީ އިސް ފަނޑިޔާރު ހުސައިން ޝަހީދާއި ފަނޑިޔާރު ދީބާނާޒް ފަހުމީ އާއި ފަނޑިޔާރު ފާތިމަތު ފަރުހީޒާ އެވެ.

ސިވިލް ކޯޓް އެންޓި ކޮރަޕްޝަން ކޮމިޝަން ހައި ކޯޓް ބީއެމްއެލް އެމްއެމްޕީއާރުސީ ރައީސް އަބްދުﷲ ޔާމީން

16 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބާބޫޖީ

27 May 2024

މމޕރސ ގެ ބޮޑުފަލަ ވައްކަމަކީ މިދުނިޔެމަތީގަ ހިނގިކަމެއް ނޫންކަމަށް ވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސް

27 May 2024

ޔާމީން ޓެކްސް ދައްކާތަ ތިހުރިހާ ފައިސާ އޮތް އިރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

27 May 2024

މީ އެއްވެސްއެއްޗެއްނޫން ، އެއަށްވުރެ ދައުލަތަށް ލިބެންޖެހޭ މާމުހިންމު މާގިނަފައިސާގެ މައްސަލަ އެބަހުރި އާންމުރައްޔިތުންގެފަރާތުން ، މިސާލަަކަށް : ގެއެއް ހަދަންނެގި ލޯނަކަށް ދައްކަންޖެހޭ އެއްލައްކަ އެއްހާރުފިޔާއެއް ، ލުިލޯނަނަކަށް ނުދައްކާއޮތް ފަންސަވީސްހާސް ރުފިޔާއެއް މިކަހަލަ މުހިން މާގިނަފައިސާގެ މައްސަލަ ހުއްޓާ މިމައްސަލަ ޔާހެދި އެފައިސާތައް ދައުލަތަށް ނުލިބިލަސްވަނީ ވިއްޔާ. އާދައިގެ ރައްޔިތުމީހާ ދިޔަފެލާފަވިޔަސް ނެރޭނެ.