2.5 މިލިއަން ޑޮލަރު ހޯދަން އެމްއެމްޕީއާރުސީން ކުރި ދައުވާ ހައި ކޯޓުން ވެސް ކާމިޔާބެއް ނުވި

އެމްއެމްޕީއާރުސީ: އެ ކުންފުނިން 2.5 މިލިއަން ޑޮލަރު ހޯދަން ކުރި ދައުވާ ހައި ކޯޓުން ވެސް ވަނީ ނާކާމިޔާބުވެފައި

މުއިއްޒު އިބްރާހިމް، މިހާރު

11 ޖޫން 2024 - 14:17

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން 2.5 މިލިއަން ޑޮލަރު (38 މިލިއަން ރުފިޔާ) ހޯދަން ކުރި ދައުވާ ހައި ކޯޓުން ވެސް އެ ކުންފުންޏަށް އިއްޔެ ނާކާމިޔާބުވެއްޖެ އެވެ.

އެމްއެމްޕީއާރުސީން މިލީނިއަމް ކެޕިޓަލްސް މެނޭޖްމަންޓް ކުންފުންޏާ ދެކޮޅަށް ދައުވާކުރީ 2014 ވަނަ އަހަރު ޕްރޮމިސަރީ ނޯޓެއްގެ ދަށުންނާއި ދޫކުރި ފަސް މިލިއަން ޑޮލަރާއި އަދި އަނބުރާ ދައްކާ ގޮތަށް ދޫކުރި 1.5 މިލިއަން ޑޮލަރުގެ ތެރެއިން 2.5 މިލިއަން ޑޮލަރު އަނބުރާ ނުދީ އޮތް ކަމަށް ބުނެ އެވެ. ނަމަވެސް ސިވިލް ކޯޓުން 2019 ވަނަ އަހަރު ހުކުމްކުރީ އެ ދައުވާ ސާބިތުނުވާތީ އެ ފައިސާ ދޭން މިލޭނިއަމްގެ މައްޗަށް އަމުރު ނުކުރެވޭނެ ކަމަށެވެ.

އެ މައްސަލަ އެމްއެމްޕީއާރުސީން ހައި ކޯޓުގައި އިސްތިއުނާފް ކުރުމުން އެ ކޯޓުން އިއްޔެ ކުރި ހުކުމުގައިވަނީ ސިވިލް ކޯޓުގެ ނިންމުން ގާނޫނާ ހިލާފްވާ ގޮތެއް އެމްއެމްޕީއާރުސީއަށް ހައި ކޯޓުގައި ބުނެދެވިފައި ނުވާ ކަމަށެވެ. އަދި ސިވިލް ކޯޓަށް ހުށަނާޅާ ލިޔުމެއް އެ ކުންފުނިން ހައި ކޯޓަށް ހުށަހެޅުމަށް ފަހު އެ މައްސަލަ އަލުން ބެލުމަށް ސިވިލް ކޯޓަށް ތަހުވީލު ކުރަން އެދިފައި ވިޔަސް، އެ ލިޔުމަކީ ކުރިން ވެސް ސިވިލް ކޯޓަށް ހުށަހެޅުމުގެ ފުރުސަތު އޮތް ލިޔުމެއް ކަމަށް ހުކުމުގައިވެ އެވެ.

ހުކުމުގައިވާ ގޮތުން ސިވިލް ކޯޓުގައި މައްސަލަ ހިނގިއިރު އެ ލިޔުން ހުށަނޭޅި ސަބަބެއް އެމްއެމްޕީއާރުސީއަށް ބުނެދެވިފައެއް ނުވެ އެވެ. އެހެންވެ، އާ ހެއްކެއް ލިބުނު ކަމަށް ބުނެ އެ މައްސަލަ އަލުން ބެލުމަށް ދަށު ކޯޓަށް ތަހުވީލު ނުކުރެވޭނެ ކަމަށް ވެސް ހުކުމުގައިވެ އެވެ.

އެހެންވެ، ސިވިލް ކޯޓުގެ ނިންމުމަށް ބަދަލު ގެންނަންޖެހޭ ސަބަބެއް ނެތް ކަމަށް ހުކުމްކުރީ ކަމަށް ތިން ފަނޑިޔާރުންގެ އިއްތިފާގުން ކުރެއްވި އެ ހުކުމުގައިވެ އެވެ.

އެ މައްސަލަ ހައި ކޯޓުން ބެއްލެވީ ފަނޑިޔާރު ހަސަން ޝަފީއު އާއި އިސް ފަނޑިޔާރު ހުސައިން ޝަހީދާއި ފަނޑިޔާރު މުހައްމަދު ފައިސަލެވެ. ބެންޗުގެ ރިޔާސަތަކީ ފަނޑިޔާރު ޝަފީއު އެވެ.

ސިވިލް ކޯޓް ހައި ކޯޓް ޑޮލަރު ޓޫރިޒަމް އެމްއެމްޕީއާރްސީގެ ކޮރަޕްޝަން ކޮރަޕްޝަން

8 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސައިން 803

12 June 2024

ދައުލަތުގެ މުދަލާއި ފައިސާ ހިތުހުރި ގޮތަކަށް ކައިނަގަނީއެވެ. މިލިޔަން މިލިޔަން ރުފިޔާގެ ގޯއްޗާއި ފުލެޓްވެސް ހިތުހުރި ގޮތަކަށް ބަހާ ނިންމާލަނީއެވެ. ކުއްވެރިވާނެ މީހެއްނެތެވެ. ކުއްވެރިވަނީ އެމީހަކު އަދާކުރި ވަޒީފާއެވެ. މީހާވަނީ ސަލާމަތެވެ. ދައުލަތުގެ މުދަލުން އެއްގޮތަކުން ކޮންމެވެސް ރައްޔިތުންތަކަށް އެބަފައިދާ ވޭތާއެވެ. އެއްވެސް މައްސަލައެއް އެހެންވީމަނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރެސް

12 June 2024

ތީ ތަރުތީބު ކުރެވި، ރޭވިގެން ހިންގާ ކަންކަން. ދަށުކޯޓަށް ހުށަހެޅެން ހުރި ހެކި، ޤަރީނާ ގަސްތުގަ ހުށަނާޅާ ކޮންހާ ޑްރާމާއެއް. އިތުރަށް ދައުލަތުގެ ރިސޯސްއާއި މުވައްްޒަފުންގެ ވަގުތު ބޭކާރު ކުރުމުގެ މާނައެއް ނެތް. ވީ އާރ އިން އަ ފެއިލް ސްޓޭޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

12 June 2024

ތީ މިރާއްޖެގައި ވެރިންތަކެއް އިސްވެތިބެ އެންމެންނަށް ބައިއެޅޭގޮތަށް ލޫޓުވާލިތަނެއް. ތިތަނަށް ހޯދޭނެ ފައިސާއެއްނެތް. އެފައިސާ އަތުގައި ނުހޭކޭ މީހަކު މަދު. ބޮޑެތި ވަގުން އެތިބީ މިނިވަންވެ ދެޖީބަށް އަތްޖަހާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަކަނި

12 June 2024

ލޯނަކަށް ޖުމުލަ 6.5 މިލިޔަން ޑޮލަރ އެތަނުންދޫކުރިކަން ސާބިތުވިބާ. ދޫކުރި ކަމަށް ވާނަމަ މިއަދަދު ލިބުނުބާ. ދެން އޮތީ އިންޓަރެސްޓެއް ވާނަމަ އެ އަދަދު ނުދެއްކުންދޯ. އެވެދާނެތާ އެތަނުގެ އެހެން ފައިސާތަކަށް ވީގޮތަށް ސުމަކަށް ވެގެން ނޫނީ ވަޔަށް ވެގެން ދިޔައީކަމަށް. ކޮންމެއަކަސް ތިޔަ ހުކުމުގައި އަދިވެސް ސުވާލެއް އެބަ އުފެދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

12 June 2024

"ސިވިލް ކޯޓަށް ހުށަނާޅާ ލިޔުމެއް އެ ކުންފުނިން ހައި ކޯޓަށް ހުށަހެޅުމަށް ފަހު އެ މައްސަލަ އަލުން ބެލުމަށް ސިވިލް ކޯޓަށް ތަހުވީލު ކުރަން އެދިފައި ވިޔަސް، އެ ލިޔުމަކީ ކުރިން ވެސް ސިވިލް ކޯޓަށް ހުށަހެޅުމުގެ ފުރުސަތު އޮތް ލިޔުމެއް ކަމަށް ހުކުމުގައިވެ އެވެ." މި ހުންނަނީ ރާވައިގެން ވައްކަންކޮށް އެކަމުން ސަލާމަތް ވާނެ ގޮތްގޮތް. މިއީކީ ނޭނގިގެން ނުނީ އެހެން ކަމެއް ވެގެން ހިނގާ ކަންކަމެއް ނޫން. މައްސަލަ ފެއިލް ކޮއްލަނީ ބައި ޑިޒައިން.