އީދު ދުވަހުގެ ހަވީރު މާލެ ސަރަހައްދުގެ މަގުތަކުގައި ވެހިކަލް ދުއްވުން މަނާކޮށްފި

މާލޭ ސިޓީ ކައުންސިލް މިދިޔަ ކުޑަ އީދުގައި މާލޭގެ މަގުމަތީގައި ބޭއްވި ހަރަކާތްތަކެއްގައި ބަލަން އާންމުން އެއްވެ.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

13 ޖޫން 2024 - 19:01

9 comments

އަންނަ އާދިއްތައިގައި ފާހަގަކުރާ މި އަހަރުގެ ބޮޑު އީދު ދުވަހުގެ ހަވީރު މާލެ ސަރަހައްދުގެ މަގުތަކުގައި ވެހިކަލް ދުއްވުން މަނާކޮށްފި އެވެ.

މާލޭ ސިޓީ ކައުންސިލުން މިއަދު ކުރި އިއުލާނެއްގައި ބުނީ އީދު ދުވަހުގެ ހަވީރު 4:00 އިން 6:00 އަށް މާލެ އާއި ވިލިމާލެ އަދި ހުޅުމާލޭގައި ހިމެނޭ އާންމު ހުރިހާ މަގުތަކަކީ ވެހިކަލް ނުދުއްވާ ސަރަހައްދުތަކެއްގެ ގޮތުގައި ހަމަޖެއްސުމަށް މިއަދު ބޭއްވި އެ ކައުންސިލްގެ ރަސްމީ އާންމު ޖަލްސާގައި ނިންމާފައިވާ ކަމަށެވެ.

އެ ގަޑީގައި އިމަޖެންސީ ހާލަތުގައި ދަތުރުކުރާ ވެހިކަލްތަކަށް ދޫކުރާ ހާއްސަ ސްޓިކާ ސިޓީ ކައުންސިލްގެ އާންމު ހިދުމަތާ ބެހޭ ބައިން (ތައިސޭކޮށި، މާލެ) އިން ދޫކުރާނެ ކަމަށް އެ އިއުލާނުގައި ބުންޏެވެ.

ސްޓިކާ ދޫކުރަން ހަމަޖެހިފައިވާ ގަޑިތަކަކީ:

- މާދަމާ (މެންދުރު ފަހު 2:00 އިން ހަވީރު 4:00 އަށް އަދި ރޭގަނޑު 9:00 އިން 11:00 އަށް)

- ހޮނިހިރު ދުވަހު (ހެނދުނު 10:00 އިން މެންދުރު ފަހު 2:00 އަދި ރޭގަނޑު 9:00 އިން 11:00 އަށް)

"... މާލެ، ހުޅުމާލެ އަދި ވިލިމާލޭ މަގުތަކުގައި މަތީގައި ދެންނެވިފައިވާ ދުވަހުގެ ހަވީރު 16:00 އިން 18:00 އަށް، އިންޖީނުލީ އަދި ބެޓެރި އުޅަނދު ދުއްވުމަކީ މަނާކަމެއް ކަމުގައި އާންމުކޮށް އަންގާ އިއުލާންކުރީމެވެ. އަދި މި އެންގުމާ ހިލާފުވާ ފަރާތްތަކާ މެދު ގާނޫނީ ފިޔަވަޅު އަޅާނެ ވާހަކަ ދެންނެވީމެވެ،" އެ އިއުލާނުގައިވެ އެވެ.

ކޮންމެ އީދަކާ ދިމާކޮށް ވެސް މާލޭ ސިޓީ ކައުންސިލުން އީދު ދުވަހުގެ ވަކި ވަގުތަކަށް މާލޭގެ މަގުތަކުގައި ވެހިކަލް ދުއްވުން މަނާކުރެ އެވެ. އެއީ އީދު ދުވަހު އާންމުން ބޭރަށް ނުކުމެލައި ފައިމަގުގައި ފަސޭހައިން އުޅެވޭނެ ގޮތް ފަހިކޮށްދިނުމަށެވެ.

އީދު ހުޅުމާލެ ވިލިމާލެ މާލެ މާލެ ސިޓީ ކައުންސިލް ވެހިކަލްތައް އަޟްހާ އީދު

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޫދު

15 June 2024

ގަމާރުން ކޮންމެ ކަމެއްވެސް ކޮއްފާނެ. ބަލަ މާލެ ވަކި ކުޑަކުޑަ ރަށެއްގެގޮތުގައި އޮތްދުވަހާއި މިއަދާއި ވަރަށް ތަފާތު. މާދަމާ ހުޅުމާލެ ދާންވީ ހިނގާފަތަ؟ މާލޭގެ ވަކި ސަރަޙައްދެއް ބަންދުކުރުން އޯކޭ. މުޅި ގްރޭޓާ މާލެ ބަންދުކުރުން ކަޑަ. ކީއްކުރަން ކުރާކަމެއް؟ ޢީދުވެސް މިވަނީ ބޮޑު މުސީބާތަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު123

15 June 2024

ބޮޑު ސިޓީއެއް އެއްކޮށް ބަންދުކުރުމަކީ އެހާ ސަޅިކަމެއް ނޫން. ވަޒީފާ ތަކަށް އަދި ޢާއިލާ ކައިރިޔަށް ދާންވެސް މިވީ އުނދަގޫ. ބަންދު ކުރާނަމަ ކޮވިޑް ދުވަސްވަރު ދިން ފަދަ ވަގުތީ ހުއްދައެއް ފަސޭހަ ގޮތަކަށް ލިބޭނެ ގޮތެއް ހެދުން މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

14 June 2024

ކުޅިވަރުތަށް ހުޅުމާލޭގަ ބާއްވާފަ ވެހިކަލް ދުއްވުން މަނާކުރީމަ އެވީ ކޯއްޗަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ޖަގަހަ

14 June 2024

‫ބައެއް ކޮމެންޔު ކިުާލީމަ މި އެނގެނީ. ހިނދުކޮޅަކަށް ވެސް ސައިކަލުން ނުފޭބޭ ބޭފުޅުން ވަރަށް ގޮން. ދުއްވާފަ ނޫނީ ވަޒޯފާ އަށް ނިދެވޭ ގިރޫޕް ހަމަ އެހާ މެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީ

14 June 2024

24 ގަޑިއިރު މީހުން ވަޒީފާ އަދާ ކުރާ ކުންފުނިތައް އެބަހުރި.. ޑިއުޓީއަށް ދާ އިރު ފާސް ދައްކާފަ ދެވެން ޖެހޭނެ.. ވަކިން ހާއްސަކޮށް އެއާރޕޯޓް އަށްވެސް އެތައް ބަޔަކު ދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

⅘ ĝ ގޯޕާ ލު

14 June 2024

ޢެއް ރަށުން އަނެއް ރަށަށް ކުރާ ދަރުތައް ވެސް އެ ގަޑި ތަކުގައި ނުބޭއްވުން އެންމެ ރަނގަޅީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 June 2024

މިފަދަ ޙަބަރުތައް ތަންކޮޅެއް ތަފްސީލުކޮށް ގެނެސްދިނުމަކީ މުހިންމުކަމެއް. ދަންނަވަންތޯ ދަތުރު ފަތުރުތައް މެދުކަޑާއިރު ޕަބްލިކް ޓްރާންސްޕޯޓް ހުއްޓާލުމަކީ ވަރަށް ތަފާތު ހާލަތެއްގައި މެނުވީ ކޮންއުޅޭކަމެއްނޫން. # މާލެއާއި ހުޅުމާލެ އަދި ހުޅުލެއާއި ދޭތެރޭ ދަތުރުކުރާ MTCC ބަހުގެ ހިދުމަތްވެސް ތިދަންނަވާ ގަނޑި ތަކުގައި ނޯންނާނެތޯ!؟ އީދު ދުވަހުގައި މުޅި އެއްކޮށް "ރަށުބަންދުގައި ރައްޔިތުން ބޭތިއްބުމުގެ ބަދަލުގައި" ބަހުގެ ދަތުރު އިތުރުކޮށް ހިދުމަތްދޭންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް އިތުރުކުރީމާ މަގު ބަނދު ކުރުމުގެ ބޭނުން ގެއްލުނީ ދޯ

14 June 2024

. މަގު ބަނދުކުރުމުގެ ބޭނުމަކީ ގެ ހުރި ހިސާބުގައި ދުރަށް ނުގޮސް ހިތް ފަސޭހަ ކޮށްލަން ފުރުސަތު ދިނުން. ގިނަ މުސްކުޅި މީހުންނާއި ކުޑަކުދިންނަށް ވެހިކަލް ގިނަކަމުން ކައިރި ތަނަކަށް ހިނގާލާފަ ދިޔުމަކީ އެހޭ ދަތި ކަމެއް. ކުޑަ ވަގުތުކޮޅަކަށް އެމާޖަންސީ ވެހިކަލް ނޫން ވެހިކަލް ދުއްވުން މަނާކުރުމަކީ އިއާދަ ނުކުރުވޭނެ ވަރުގެ ގެއްލުމުއް ނުލިބި ވެހިކަލް ތަކުގެ ސަބަބުން މަގުގެ ބޭނުން ނުހިފޭ ގިނަ ބަޔަކަށް ކުޑަ ހިތްހަމަޖެހުމުގެ ވަގުތުކޮޅެއް ލިބުނީ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ‫ޮޔަ އަފީފް

18 June 2024

މ‫ާ މޮޅަށް ކަންކަން ދަންނަ ކަމަށް ހެދިގެން އުޅޭ ކުޅަނދު މަދު އަފީފަށް ނޭނގޭ އުޅަނދު ދުއްވުން މަނާކުރަނީ ކީއްކުރަންކަންވެސް. އެކަމަކުވެސް ބޮޑުވެލަން ކޮމެންޓެއް ކުރަންވާނެ. ރަށުގަ އޮވެބަލަ.