މިނިސްޓަރު ވިދާޅުވީ، ޓެކްސްތައް މުރާޖައާ ކުރިޔަސް ޓެކްސްތައް ބޮޑު ކުރާނެ ކަން އެނގިވަޑައިނުގަންނަވާ ކަމަށް.
ޓެކްސް އިދާރާ މީރާ. ސަރުކާރުން ޓެކްސް ރޭޓުތައް ރިވިއު ކުރަނީ -- ފޮޓޯ: މިހާރު
27 ޖޫން 2024 - 08:27
106 comments
ސަރުކާރުގެ އެންމެ ބޮޑު އާމްދަނީއެއް ވަންނަ ޓެކްސް ނިޒާމުގެ މުހިއްމު ޓެކްސްތަކެއްގެ ރޭޓުތައް މުރާޖައާ ކުރަން ޓައިމްލައިނެއް އެކުލަވައިލައިފި އެވެ.
ފިނޭންސް މިނިސްޓްރީން އާންމުކުރި "މީޑިއަމް ޓާމް ރެވެނިއު ސްޓްރެޓެޖީ" ގައިވާ ގޮތުން މި އަހަރުގެ ތެރޭގައި އެއާޕޯޓު ޓެކްސަސް އެންޑް ފީސް (އޭޓީއެފް) ތަކުގެ ރޭޓުތައް ރިވިއު ކުރާނެ އެވެ. އޭޓީއެފްގެ ތެރޭގައި ހިމެނެނީ ޑިޕާޗާ ޓެކްސް އާއި އެއާޕޯޓު ސާވިސް ޗާޖާއި އެއާޕޯޓު ޑިވެލޮޕްމެންޓް ފީ އެވެ.
އެ ރިޕޯޓުގައިވާ ގޮތުން އަންނަ އަހަރު ގިނަ ޓެކްސްތަކެއް ރިވިއު ކުރާނެ އެވެ. އޭގެ ތެރޭގައިި ގްރީން ޓެކްސް އާއި އިމްޕޯޓު ޑިއުޓީ އާއި ކޯޕަރޭޓް އިންކަމް ޓެކްސް އާއި ޖީއެސްޓީ އާއި ޓޫރިޒަމް ލޭންޑް ރެންޓް ގެ ރޭޓުތައް ރިވިއު ކުރުން ވެސް ހިމެނެ އެވެ.
މިކަމާ ގުޅޭ ގޮތުން ފިނޭންސް މިނިސްޓަރު ޑރ މުހައްމަދު ޝަފީގު ވިދާޅުވީ، ޓެކްސް ރިވިއު ކުރި ނަމަވެސް އެ ޓެކްސްތައް ބޮޑު ކުރާނެ ކަމެއް އަދި އެނގިވަޑައިނުގަންނަވާ ކަމަށެވެ. ޓެކްސް ރޭޓުތަކަށް ގެންނާނެ ބަދަލުތައް އެނގިވަޑައިގަންނަވާނީ ރިވިއު ކުރުމަށް ފަހު ކަމަށް އޭނާ ވިދާޅުވި އެވެ.
ރޭޓުތައް ރިވިއު ކުރުމުގެ އިތުރުން، ޓެކްސް ބޭސް ފުޅާކުރުމުގެ މަސައްކަތްތައް ކުރުމަށް ފިނޭންސް މިނިސްޓްރީން ވަނީ ކަނޑައަޅައިފަ އެވެ. ޖީއެސްޓީ ބޭސް ފުޅާކުރުމަށްޓަކައި އަޅަން ޖެހޭ ފިޔަވަޅުތައް އަންނަ އަހަރު އެޅުމަށް ވެސް ވަނީ ޕްލޭންގައި ހިމަނައިފަ އެވެ.
ދައުލަތުގެ މި އަހަރުގެ ބަޖެޓުގައި ވެސް ޓެކްސް އާމްދަނީގެ ގޮތުގައި 26 ބިލިއަން ރުފިޔާ ލިބޭނެ ކަމަށް ލަފާކޮށްފައި ވެ އެވެ. މި އަހަރުގެ މިހާތަނަށް ވަނީ އެ އަންދާޒާގެ ތެރެއިން ގާތްގަނޑަކަށް 50 ޕަސެންޓު ލިބިފަ އެވެ.
"މީޑިއަމް ޓާމް ރެވެނިއު ސްޓްރެޓެޖީ" ރިޕޯޓުގައިވާ ގޮތުން ދައުލަތުގެ ކެޕިޓަލް ހަރަދު ބޮޑުވެ، ދަރަނި އަދާކުރަން ޖެހޭ ވަރު އިތުރުވެފައިވާ އިރު ޓެކްސް އާމްދަނީ ބޮޑުކުރުމަށްޓަކައި ފިޔަވަޅުތައް އަޅަން ޖެހެ އެވެ.
ސަރުކާރުން ވަނީ ގައުމުގެ މާލީ ހާލަތު ހަމަޔަކަށް އަޅުވަން މުހިއްމު ފިޔަވަޅުތަކެއް އަޅަން ނިންމައިފަ އެވެ.
އެ ފިޔަވަޅުތަކުގެ ތެރެއިން އެންމެ ފުރަތަމަ މަސައްކަތް ފަށަނީ ހަރަދުގެ ތެރެއިން ހުރި ބޮޑެތި އިސްރާފުތައް ހުއްޓުވުމަށެވެ. ސަރުކާރުން ވަނީ ސަބްސިޑީ ޓާގެޓު ކުރުމާއި އެސްއޯއީތަކަށް ބޮޑެތި ބަދަލުތަކެއް ގެންނަން ނިންމައިފަ އެވެ. އަންނަ ހަފުތާ އިން ފެށިގެން އިސްލާހީ ފިޔަވަޅުތައް އެޅުމުގެ މަސައްކަތްތައް ފަށާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިސްވޭއިން
27 June 2024
ރާއްޖޭގެ ބަޖެޓް އަރަނިވެ އަދި ޓެކްސް ކުޑަކުރަން ބޭނުންނަމަ ރާއްޖެތެރޭގެ 10 ހާހުން ދަށުގެ އާބާދީ ތައް ޖެހޭނީ މާލެ ސަރަހައްދަށް ބަދަލު ކުރަން އެނޫން ގޮތެއް ނޯންނާނެއޭ އެކަން ކުރަން ސަރުކާރުން ތެދުވެރިކަން ކުރިއަށް ނެރެންވީއޭ ހަގީގަތުގައި އައްޑޫން ވެސް ޖެހޭނީ މީހުން ބާލަން..
ދޮންއާދަނު
27 June 2024
ބޮޑު ކުރުން ނުކިޔަންވެގެން މިކިޔަނީ މުރިރާއްޖާއޭ.
ހޮޓްކިންގ
27 June 2024
މިދާވަރުން ދަންޏާ ލައިގެން ހުރި އެތިވެސް ދަމައިގަނެ ޓެކްސް ނަގާނެ. މުޅިން މަރައިފި. އަނެއްކާ އަނެއްބުރަ ރައްޔިތުންނަށް.
އަސްރަފަ
27 June 2024
މި ގައުމު ބަނގުރޫޓުވާކަށް ނެތް މާގިނަ ދުވަހެއް
ފުނޑެނީއޭ
27 June 2024
މިރާއްޖޭގައި މަހަކު 7 ހާސް ރުފިޔާ ލިބޭމީހާވެސް ގެންގުޅެނީ އެންމެ ފަހުގެ އައިފޯނު ޖަހަނީ ހާހުންމަތީގެ ސެންޓު އެހެންކަމުން އަގުބޮޑެތި ފޯނުންނާ ލަގްޒަރީ ބްރޭންޑް ތަކުފެ ތަކެތިން ނަގާ ޑިއުޓީ ބޮޑުކުރަންވީ އަދި ވަކިވަރަކަށްވުރެ އަގުބޮޑު ކާރުތަކުންނަގާ ޑިއުޓީވެސް ބޮޑުކުރަންވީ މިތަކެއްޗަކީ މުސްސަނދިން ބޭނުންކުރާތަކެތި އެމީހުންނަށް އެފޯޑުކުރެވޭނެ އަގު ހަގުނަވިއަސް
އާދަންފުޅު
27 June 2024
ކޮބާ ހީ ވޭ . ވެތުވެދިޔަ 35އަހަރު ދިވެހި ދައުލަތަށް ލިބު ހުރިހާ އާމްދަނީ އެއް ބޭނުން ކުރަމުންއައި ކަނޑު ހިއްކާއިގެން ހުޅުމާލެ އެއް ނެހެދިގެން . އަހަރުމެން އެންމެންގެ ފައިސާ ބަހާލީ މާލެ ގެ މަދު ބައެއްގެ މެދުގަ ، މިހާރު މިއޮތީ ބަގުރޫޓް ވެފަ . މާލޭމީހާ ހެވިފަ ގޯތި ބޮލަށް ލައިގެން ބޮޑު ކުލި ހޯދަން ހޭވެރިކަން ކުޑަވެފަ . ހއ އިން ސ.އަތޮޅަށް ޓެކްސް ބޮޑުވާނެ . ރާއްޖެތެރޭ މިހާ ޝަރުތުހަމަވަނީ ދަރަންޏަށް އެކަނި.
ފުރާތު ކޯރު
27 June 2024
ނޫނޭ ހަރަދު ކުޑަ ކުރާނެ ކަމެއްނެތް! ބިލިޔަނުން ލޯނު ނަގައިގެން ކޮންމެ ދެރަށް ދޭތެރޭ އެއާޕޯޓުައަޅާ 20 މީޓަރު ފުން ފަޅުތައް އެތައްސަތޭކަ މިލިޔަން ޑޮލަރުގެ ލޯނުން ހިއްކާފަ ހިލޭ އެތައްހާސް ގޯތި ބަހާލާ!
އިހްސާނުލް
27 June 2024
ރިޔާސީ ބަހުސްގައި ވިދާޅުވީ އައު ޓެކުހެއް ނުނަގާނަމޭ، އަދި ޓެކްސް ރޭޓްތައް ބޮޑު ނުކުރާނަމެވެ. އެރޭ ވިދާޅުވީ ޓެކްސް ބޭސް ބޮޑުކުރަންށޭ ސަރުކާރުން މަސައްކަތް ކުރާނީ. ކޮންތާކުތޯ މިޖެހުނީ؟ ޓެކްސް ބޭސް އާއި ޓެކްސް ރޭޓުގެ ތަފާތު ނޭނގުނީތޯ؟ ހަމަ އެއްކަލަ އިންޑިއާ ސިފައިންނާއި، ފޯޅަވަހި ގެއްލުމާއި އަދި ސިޔާދަތު ގެއްލެނީ ކަމަށް ބުނެ ފެތުރި ދޮގުތަކުގެ ލިސްޓަށް ޓެކްސް ވެސް ވަނީއެވެ.
ޓިނު
27 June 2024
ވެރިކަން ހޯދަންވީމަ ބޮޑެތި ލޯނުނަގައިގެން އަޅާފަހުރި ފުލެޓްތަށް ހިލޭދޭނަމޭބުނެ ދީފަ މިދައްކަނީ ޚަރަދު ކުޑަކުރާ ވާހަކަ
ގަނޑު
27 June 2024
ފުލެޓްތަކޭ؟ އެއްވެސް ފުލެޓެއް ހިލޭދިންކަމެއް ނޭނގެ. އެކަމަކު މިލިޔަންރުފިޔާގެ އަގުބޮޑު ބިންތައް ހުޅުމާލެއިން ބަހާނިންމާލީ ..؟؟
އިސްތިއުފާ
27 June 2024
ޓެކްސް ބޮޑު ކުރާނަމަ މުއިއްޒު ޖެހޭނީ އިސްތިއުފާދޭން މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ މުއިއްޒު އިސްތިއުފާ
ޑރ ވާންޗޯ
27 June 2024
މީވެސް އަނެއްކާ އާވައްތަރެއްގެ ރޯގާއަކުން ވާކަމެއްތަ؟.