މާލޭގެ މޭޔަރު އާދަމް އާޒިމް ކުރިން ދެއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަނީ.-- ފޮޓޯ: މިހާރު
15 ޖުލައި 2024 - 14:49
18 comments
ހުޅުމާލެ ދެވަނަ ފިޔަވަހީގައި އިމާރާތް ކުރަމުން އަންނަ 4،000 ފްލެޓްގެ ހައްގުވެރިންނަށް ދިނުމަށް ސަރުކާރުން އަވަސް ކުރުމަށް މާލޭގެ މޭޔަރު އާދަމް އާޒިމް ގޮވާލައިފި އެވެ.
ގެދޮރުވެރިޔާ ސްކީމްގެ ދަށުން ފަހި ދިރިއުޅުން ކޯޕަރޭޝަން (އެފްޑީސީ) އިން އިމާރާތް ކުރަމުންދާ ފްލެޓްތަކަކީ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި އަޅަން ހަވާލުކުރި ފްލެޓް ތަކެކެވެ. ކުރީގެ ސަރުކާރުން ފްލެޓް ދޭނެ މީހުންގެ ލިސްޓެއް ކަނޑައެޅި ނަމަވެސް، މި ސަރުކާރުން ދަނީ ހާއްސަ ކޮމެޓީއެއް އެކުލަވާލައި، ފްލެޓް ލިސްޓް ރިވިއު ކުރަމުންނެވެ. މިދިޔަ މަހު ހައުސިން މިނިސްޓަރު ޑރ. އަލީ ހައިދަރު އަހްމަދު ވިދާޅުވެފައި ވަނީ މިހާރު އިމާރާތް ކުރަމުންދާ ހުރިހާ ފްލެޓްތަކުގެ މަސައްކަތް އެއްކޮށް ނިމޭނީ އަންނަ އަހަރުގެ މެދު ތެރޭގައި ކަމަށެވެ.
މާލެ ސިޓީ ކައުންސިލުން ބޭއްވި ބައްދަލުވުމުގައި މާލޭގެ މޭޔަރު އާދަމް އާޒިމް ވާހަކަ ދައްކަވަނީ.-- ފޮޓޯ: މާލެ ސިޓީ ކައުންސިލް
އެކަމާ ގުޅިގެން މިއަދު މާލެ ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމުގައި އާޒިމް ވިދާޅުވީ މާލެ ރައްޔިތުންނަށް ދިމާވެފައިވާ ގޯތި ގެދޮރުގެ ދަތިތައް ހައްލު ނުކުރުމަށް ސަރުކާރުން ދައްކާ ބަހަނާ ރައްޔިތުން އަޑުއަހަން ބޭނުން ނުވާ ކަމަށެވެ. އަދި މާލެ ރައްޔިތުންނަކީ ވަރަށް ހާލުގައި ދިރިއުޅެމުން އަންނަ ރައްޔިތުންތަކެއް ކަމަށާއި ބޯހިޔާވަހިކަމަށް ހައްލު ހޯދައިދިނުމުގައި މަސައްކަތް އަވަސް ކުރަން ޖެހޭ ކަމަށް ވެސް އޭނާ ވިދާޅުވި އެވެ.
"މިއީ އެންމެ ރައްޔިތެެއްގެ ކަމެއް ނޫން މި ހިނގަނީ. އަޅުގަނޑު މި އެދެނީ ސަރުކާރުގައި ވެސް މިކަމުގައި އަވަސް ހައްލުތައް ހޯއްދަވައިދެއްވާށޭ. ހުރިހާ އެންމެންގެ ގަޑި ހުސްކުރައްވާށޭ. 24 ގަޑިއިރު ހުސްކުރައްވައިގެން ވިޔަސް މާލޭގެ ރައްޔިތުންގެ ހައްގުތައް ރައްކާތެރި ކުރުމަށް، ގެދޮރުވެރިކަމުގެ ހައްގުތައް ރައްކާތެރި ކުރުމަކީ އިންތިހާއަށް މުހިންމު ކަމެކޭ،" އާޒިމް ވިދާޅުވި އެވެ.
"އަމާން ދޯދި" ފްލެޓްގެ ސިޓިން ރޫމް އޭރިއާ. އަމާން ދޯދީގެ ދަށުން 2،000 ފްލެޓް އަޅާނެ -- ފޮޓޯ: ފަޔާޒް މޫސާ / މިހާރު
ފްލެޓް ލިސްޓު އާންމު ކުރުމަކީ ވެސް ވަރަށް މުހިންމު ކަމެއްކަން ފާހަގަ ކުރައްވައި، އާޒިމް ވިދާޅުވީ ދީފައި އޮތް އެއްޗެއް އަތުލުމަކީ ގާނޫނީ ގޮތުން ރަނގަޅު ކަމެއް ނޫން ކަމަށެވެ.
އަންނަ ބުދަ ދުވަހު ކައުންސިލުން އެކަމާ ގުޅޭގޮތުން މަޝްވަރާކޮށް ގޮތެއް ނިންމުމަށްފަހު ސަރުކާރުގެ ސަމާލުކަމަށް ގެންނާނެ ކަމަށާއި ކައުންސިލުން ނިންމާ އެއްވެސް ނިންމުމެއްގައި އެއްވެސް ރައްޔިތެއްގެ ހައްގެއް ގެއްލޭ ގޮތަކަށް ކަންތައް ނުކުރުއްވާނެ ކަމަށް އާޒިމް ވިދާޅުވި އެވެ. އަދި ކޮންމެ ރައްޔިތެއްގެ ހައްގު ކަަށަވަރު ކުރައްވާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންދުބުރިމާ
18 July 2024
ސަރުކާރުން ކުރާ ކަންތަށް ތަކަށް އަތްބާނަން ނޫޅެބަލަ ތިމާގެ އަސްލު ސައިޒް އަށް ތިރިވެ ރައްޔިތުންނަށް ކޮށްދިނުމަށް މެން ޑޭޓް ތެރޭ ހިމެނޭ ކަނަކަން ކޮށްދެއްވަ ބަލަ ވަގުތު ފާއިތުވެ ނުވަނީސް
ފޭސް 2
17 July 2024
މާލެ ރައްޔިތުންނަށް ދިމާވެފައިވާ ގޯތި ގެދޮރުގެ ދަތިތައް ހައްލު ކުރުމަށްކަމަށް ބުނެ ކުރީ ސަރުކާރުން ބިންވެރިޔާ ސްކީމްގެ ދަށުން މާލެ ރައްޔިތުންނަށް ބަހާލި ބިންތަކުގަ މިހާރު ހުރީ ކެފޭ ނުވަތަ ކޮފީބޯ ތަންތަން ހަދަން ކޮންމެވެސް ވިޔަފާރި ވެރި އަކަށް ކުއްޔަށްދީފަ، އެހެންވީމަ ކުރީ ސަރުކާރުން މާލެ ރައްޔިތުންނަށް ދީފައިވާ ބިންތައް އަތުލަންޖެހޭ
ގެދޮރުވެރިޔާ
17 July 2024
ދީފާ އޮތް އެއްޗެއް އަތުލުމަކީ ރަނގަޅުކަމެއް ނޫންކަން އެނގިވަޑައިގަންނަވާއިރު ނުޙައްގުން ފްލެޓްތައް ބަހާލުމަކީ ރަނގަޅުކަމަކަށް ވާ ވަރަށް ތިބާގެ "ސިކުނޑި ޚަރާބު" ވެފައިވާކަން ވަރަށް ސާފު. އެމް.ޑީ.ޕީ.ގެ ނިމުން އައީވެސް ގޯތި އަދި ފްލެޓް މައްސަލަތަކުގަ ޢަމަލުކުރި ގޮތުގެ ސަބަބުން.
ޏކަމަނަ
16 July 2024
މޭޔަރަކައް ހުންނަމީހަކީ ލަދުވެތި އަމާނާތްތެރި މީހަކައްވާން ޖެހޭ އެފަދަސިފައެއް ހުރިނަމަ ތިގޮތައް ބަހުރުވަނުހުއްނާނެ
ބާލިދީ
16 July 2024
ކ.މާލޭމީހުން ހާލުގަ އުޅެންޖެހެނީ ކީއްވެގެންތަ. އުޅޭތަން ބޮޑުކަމުންނޫންތަ ބޮޑުއަގުނަގައިގެން 1 ލައްކަ ބަންގާޅީނާ އެހެން ރަށްރަށު 1 ލައްކަމީހުން ކ.މާލޭމީހުންގެ ގޭގެއަށް ވައްދައިގެން ތިބެނީ. ފައިސާދައްކައިގެން ގެއަށްވަދެ ހުންނަމީހާ ދަތިކޮށްއުޅޭކަމަކަށްނުވޭ، ފައިސާ އަތުލައިގެން ކޮޓަރިކުއްޔަށް ދޫކޮށްގެންހުންނަ ގޮލާ ދަތިކޮށްއުޅޭކަމަށް މިވަނީ.
އޮނަރަބްލް އަފީފު ދީދީ
16 July 2024
ދަންނަވަންތޯ މާލޭ ސިޓީގެ މޭޔަރަކަށް ހުންނަވައިގެން ތިރަށު ރައްޔިތުންނަށް މޮޅުގޮތް ހޯދާދޭން ވިސްނަންވާނީ "ޤަބީލާ ވަންތަ ރޭސިސްޓް ގޮތަކަށްނޫން" އިގޭތޯ. # އަދި ތިރަށު މީހުނަށް އެމީހުން އާމްދަނީ ހޯދާނެ ވަސީލަތެއްގެ ގޮތުގައި (ވަންނާނެ ތަނެއް ނެތިގެން ކަމަށް ދައްކާ ވާހަކަ ވިޔަ އަކުރުން ފެންނާކަށްނެތް) ދޭން އުޅޭ ސޯޝަލް ފުލެޓް ތައް ހޯދާދޭން އުޅޭއިރުވެސް "ދައުލަތުގެ ޙައްޤަށް" އުނިކަން ދީގެން ނުވާނެ. ކީއްވެ ފުލެޓަށް ފައިސާ ދެއްކުމަށް ނަސޭޙަތްތެރި ނުވަނީ!؟
މުރައްކަބު
15 July 2024
އޭ މޭޔަރު މީހާއެވެ. މާލޭގެ މަގުމައްޗެކޭ އޮއްވަޅުގޮނޑިއެކޭ އެއްވަރުވެއްޖެ. އަދި ހަވާލުވިފަހުން މަގެއް ހަލާކުވާތީ 30 އަހަރުގެ މީހާ އަތުރާލި ގާތައް ނަގާފައި އަލުން އަތުރާލަންވެސް ނޭގުނެވެ. ލަދު ހަޔާތަކީވެސް ހުންނަން ޖެހޭ އެއްޗެކެވެ. އަނގައިގެ ތެރޭގައި ދުލެއް އޮތީ ތެޅުވިޔަސް އަމަލުން ކަމެއް ކުރެވޭ ތަނެއް ނުފެނެއެވެ.
ފިޔަވަޅު
15 July 2024
ރައްޔިތަކަށް ދިން ފުލެޓެއް އަތުލަން ނުވާނޭކަން އެނގުނީ އިބުރާހީމް މުހަށްމަދު ސޯލިހު ރައްޔިތުން ތަކެއްގެ ފުލެޓް ތަކެއް އަތުލާފަ ވެރިކަން ގެއްލުނީމަތޯ.
ދެރަސޮރު
15 July 2024
ފައިސާގެ ދަތިކަން ސަރުކާރަށާއި އެފް ޑީ ސީ އަށް އޮތްއިރު, ގެޒެޓް ކޮށްފައިވާ ލިސްޓަށް ނިމެމުންދާވަރުން ހަވާލު ކުރަން ފައްޓަވާ އޭރުން ފައިސާ ވަންނަން ފަށާނީ ހުރިހާ ތަނެއް ނިމެންދެން މަޑުކުރާނެ ކަމެއް ނެތް, މިހާރު މަޖިލިސް ކުދިން ބުނާގޮތަށް ހަދާންވީ ރަސްމާލެ ލަގުޒަރީ ފުލެޓް
އަދުނާނު ސ
15 July 2024
މުޅި މާލޭގައި ވަދެލަން ކެރޭ ޕޭޓޮއިލެޓެއް ހާ ހިސާބުވެސް ނެތް. ދެން ކޮން ވާހަކަ އެއްތޯ ތިޔަ ދައްކަނީ.