ޕީޕީއެމުން ބޭއްވި ނިއުސް ކޮންފަރެންސެއްގައި ހަލީލް ވާހަކަ ދައްކަވަނީ: މީޑިއާ ކައުންސިލުން ބަޔާން ނެރުނީ ކަން ހިނގި ގޮތް ނުބަލައި ކަމަށް ވިދާޅުވި.--- ފޮޓޯ/ މިހާރު
03 މާޗް 2017 - 14:50
51 comments
ފ. ނިލަންދޫ އަށް ދިޔަ މޯލްޑިވްސް އިންޑިޕެންޑެންޓްގެ ދެ ނޫސްވެރިއަކަށް އެރަށު ބަޔަކު ބިރު ދައްކާފައިވާ ކަމަށް ބުނާ ވާހަކަތައް އެ ދާއިރާގެ ރައްޔިތުންގެ މަޖިލީހުގެ މެމްބަރު އަބްދުﷲ ޚަލީލް މިއަދު ދޮގު ކުރައްވައިފި އެވެ.
ސައުދީ އަރަބިއާގެ އިސް ފަރާތްތަކާ ގުޅިގެން ފ. އަތޮޅުގައި ހިންގަން ސަރުކާރުން ނިންމާފައިވާ ބޮޑު މަޝްރޫއާ ގުޅޭގޮތުން އެ އަތޮޅުގެ ރައްޔިތުންގެ ޚިޔާލު ހޯދުމަށް ދިޔަ ދެ ނޫސްވެރިންނަށް ނިލަންދޫގެ ބަޔަކު ބިރު ދެއްކުމުން ފުލުހުން ވަނީ އެ ނޫސްވެރިންނަށް ހިމާޔަތް ދީފަ އެވެ.
ނިލަންދު އަށް ދިޔަ މޯލްޑިވްސް އިންޑިޕެންޑެންޓުގެ ހަސަން މުހައްމަދާއި ހަސަން މޫސާ އަށް ފާރަލައި، އެ މީހުންނަށް ބިރުދެއްކި މައްސަލާގައި މޯލްޑިވްސް މީޑިއާ ކައުންސިލް (އެމްއެމްސީ) ން އިއްޔެ ނެރުނު ނޫސްބަޔާނުގައި ބުނީ އެ މައްސަލާގައި ކަންބޮޑުވާ ކަމަށާއި އަދި އެ އަމަލު ކުށްވެރިކުރާ ކަމަށެވެ. އަދި ރާއްޖެ ޓީވީގެ ނޫސްވެރިންނަށް ވެސް އިންޒާރެއް ލިބިފައިވާތީ އެ ކަމާ ވެސް އެމްއެމްސީން ވަނީ ކަންބޮޑުވުން ފާޅުކޮށްފަ އެވެ. އެއީ މިނިވަން ނޫސްވެރިކަމަށް ކުރިމަތިވާ ހުރަސްތަކެއް ކަމަށް އެ ކައުންސިލުން ވަނީ ބުނެފަ އެވެ.
މިކަމާ ގުޅިގެން ނިލަންދޫ ދާއިރާގެ ޕީޕީއެމްގެ މެމްބަރު ޚަލީލް ނެރުއްވި ބަޔާނުގައި ވިދާޅުވީ "އެއްވެސް މިންވަރެއްގެ ތަހުގީގެއް ނުހިންގައި އަދި ބަލަންވާ ވަރަށް ނުބަލައި، މޯލްޑިވްސް އިންޑިޕެންޑެންޓުގެ ނޫސްވެރިން ކަމަށް ބުނާ ދެ ފަރާތެއް ފ. ނިލަންދޫ އަށް ކުރި ދަތުރެއްގައި އެ ދެފަރާތަށް ފ. ނިލަންދޫގައި ނުރައްކާތެރި ހާދިސާއެއް ކުރިމަތިވި ކަމަށް ބުނެ މޯލްޑިވްސް މީޑިއާ ކައުންސިލުން ނެރެފައިވާ ބަޔާނާ މެދު ކަންބޮޑުވުން" ފާޅުކުރައްވާ ކަމަށެވެ.
ޚަލީލްގެ ބަޔާނުގައި ވިދާޅުވެފައިވާ ގޮތުގައި އެމްއެމްސީން ބަޔާން ނެރެފައި ވަނީ، ދެ ނޫސްވެރިން ދިން "ދޮގު މައުލޫމާތުގެ" މައްޗަށް ބުރަވެ އެވެ. އަދި އެގޮތަށް އެމްއެމްސީން ބަޔާން ނެރުމުން ނިލަންދޫގެ ރައްޔިތުންގެ މެދުގައި އިންތިހާ އަށް ނުތަނަވަސްކަން އުފެދިފައިވާ ކަމަށް އޭނާ ވިދާޅުވި އެވެ.
މޯލްޑިވްސް އިންޑިޕެންޑެންޓުގެ ދެ ނޫސްވެރިންގެ ތެރެއިން ހަސަން މުހައްމަދު "މިހާރު" އަށް އިއްޔެ ބުނިގޮތުގައި އެ ދެ މީހުންނަށް ބިރުދެއްކި މީހުން ތުހުމަތުކުރީ، އެ މީހުން ނިލަންދު އަށް ދިޔައީ ފިތުނަފަސާދަ އުފެއްދުމަށެވެ. އެހެންވެ ކެމެރާ އާއި އެހެން ވެސް ސާމާނު ހަލާލުކުކޮށްލާނެ ކަމުގެ އިންޒާރު ދިން ކަމަށް ހަސަން ބުނެފައިވެ އެވެ. މި އިންޒާރަށް ފަހު އެ މީހުން ތިބި ގޭދޮށަށް ވެސް ބަޔަކު އެއްވި ކަމަށް އޭނާ ބުންޏެވެ.
ފ.ނިލަންދޫ. އެ ރަށަށް ދިޔަ މޯލްޑިވްސް އިންޑިޕެންޑެންޓުގެ ދެ ނޫސްވެރިއަކަށް ބިރު ދއްކުމުން ފުލުހުން ވަނީ އެ މީހުންނަށް ހިމާޔަތް ވެސް ދީފައި
ޚަލީލްގެ ބަޔާނުގައި ވިދާޅުވީ، މޯލްޑިވްސް އިންޑިޕެންޓުގެ ދެ ނޫސްވެރިންނަކީ، ނޫސްވެރިންކަން އަންގައިދޭ އެއްވެސް ލިޔެކިޔުމެއް، އެ މީހުން ބައްދަލުކުރި މީހުންނަށް ދެއްކިފައި ނުވާ ކަމަށެވެ.
ޚަލީލް ވިދާޅުވީ ނޫސްވެރިކަމުގެ އަޚުލާގީ މިންގަނޑުން އެ ނޫސްވެރިން ބޭރުވެފައިވާ ކަމަށާއި އަދި ވަކި ފަރާތަކަށް ބުރަވާ ގޮތަށް އެ މީހުންގެ ވާހަކަތައް ހުރުމުން، ރައީސް ޔާމީން ގެންނަވާ ތަރައްގީއާ ދެކޮޅު ފިކުރުތަކަށް ބާރު ލިބޭ ގޮތަށް ވާހަކަ ނުދެއްކުމަށް ނިލަންދޫގެ އެތައް ބަޔަކު ތަކުރާރުކޮށް އެދުނު ކަމަށެވެ. އަދި އެ ނޫސްވެރިންނާ ދިމާކުރުމުގެ ގޮތުން ނިލަންދޫގެ އެއްވެސް ބަޔަކު ބަހެއް ނުބުނާ ކަމަށް އޭނާ ވިދާޅުވި އެވެ.
ޚަލީލް ވިދާޅުވާ ގޮތުގައި، ދެ ނޫސްވެރިންގެ ޝަކުވާ ފުލުހުންނަށް ރިޕޯޓްކުރީ، ނިލަންދޫން އެ މީހުންނާ ވާހަކަ ދެއްކި މީހުން އެދުނު ގޮތަށް އަމަލުތައް ނުބެހެއްޓުމުންނެވެ. އޭނާ ވިދާޅުވީ އެމްއެމްސީން ބަޔާން ނެރުނީ "އެއްވެސް ހަގީގަތެއް ނެތް، އަދި ޚިޔާލީ ކަންތައްތަކެއްގެ" މައްޗަށް ބިނާކޮށް ކަމަށެވެ.
އެއީ ނިލަންދޫ ރައްޔިތުން ބަދުނާމު ކުރުމުގެ ނިޔަތުގައި އެމްއެމްސީން ނެރުނު ބަޔާނެއް ކަމަށް ވެސް ޚަލީލް ވިދާޅުވި އެވެ.
"ކަން މިހެން އޮތުމާއެކު، ނިލަންދޫ ރައްޔިތުން ބަދުނާމުވާ ގޮތަށް މީޑިއާ ކައުންސިލް ފަދަ ދައުލަތުގެ މުއައްސަސާއަކުން މިފަދަ ނޫސްބަޔާނެއް ނެރެންވާނީ ކަން ހިނގާފައިވާ ގޮތް ރަނގަޅަށް ބެލުމަށް ފަހުގަ އެވެ. އަދި މިފަދަ ޒިންމާދާރުކަން ކުޑަ އަމަލެއް މީޑިއާ ކައުންސިލްގެ ފަރާތުން މުސްތަގުބަލުގައި ނުފެންނާނެ ކަމަށް އުންމީދު ކުރަމެވެ،" ވެރިކަންކުރާ ޕީޕީއެމްގެ ސެކްރެޓަރީ ޖެނެރަލްގެ މަގާމު ވެސް ފުރުއްވާ ޚަލީލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
04 March 2017
ތިޔަ ނިލަންދޫ އެއީ އިލްމުވެރިންގިނަ ރަނގަޅު ހެޔޮލަފާ ބަޔަކުއުޅޭތަނެއް.ނަމަވެސް ، ނަމަވެސް ހަލީލްގެ ވާހަކަ ގަބޫލެެއްނުކުރަން. ވ.ވެދުން
ސައްތާރު /މހއ
04 March 2017
އިއްޒަތް ތެރި މެންބަރު މިވަނީ މި މަސްއަލަ އަމިއްލައަށް ތަހުގިގުކޮށް ބަޔާންނެރެފާ. މިކަމަކީ ގާނޫނު އަސާސީ އިއްޒަތް ތެރި މެމްބަރަށް ލިބިފައިވާ ހައްގެއްތޯ ބަލާ ޗެކުކުރަން އެބަޖެހޭ. ގާނޫނުން ލިބިފައި ނެތް ބާރެއްނަހަމަގޮތުގައި ބޭނުން ކުރުމަކީ ކުށެއް. އަދި އިއްޒަތް ތެރި މެމްބަރު މިވަނީ ފުލުހުން މި މަސްއަލަ ތަހުގީގުކުރުމުގެ ކުރިން ތަހުގީގުކޮށް ފުލުހުންނަށް ގާނޫނުން ލިބިފައިވާ ހައްގަށް އަރައިގަނެ ފުލުހުންގެ ވާޖިބަށް ހުރައްއަޅާ މަސްއަލައިގެ ތެރެއަށް ވަދެވަޑައިގެންފައި.
ޔާންބެ
04 March 2017
ހަލީލް ތިވާހަކަ ދައްކަވާ އިރު ފަހަތުގައި ތި ހުރީ ކޮން ލޯގޯ އެއްތޯ. އެހެން ވީ އިރު ތިވާހަކަ ހަމަ ދެއްކޭނީ ތިގޮތައް ކަން ކުޑަކުއްޖާ އަށް ވެސް އެގޭނެ. ޔާނު އަންގާ ގޮތައް ދޯ؟
ހައްލާ
03 March 2017
ހަލީލު ތިޔަހަދަނީ އަދި މާބޮޑު ދޮގެއް! އެއްވެސް ކަމެއް މިހާރަކު ނޮފޮރުވޭނެ!
މޮހޮނު
03 March 2017
ދެ ފަރާތުން ދެއްކިވާހަކަ ވަރަށް ތަފާތު. މެންބަރުންނަށް ކުރެވޭ އިތުބާރެއްގެ ބޮޑުކަމުން ނޫސްވެރިންގެ ވާހަކަ ޔަޤީންކުރެވިއްޖެ ވާހަކަ އުފަލާއެކު ބުނަމެވެ.
ދޯނި
03 March 2017
ދެފަރާތަކީވެސް ރައޔަތުން އޮޅުވާލުމުގައި އަވަދިނެތިއުޅޭ ބައެއްގެގޮތުގައި ބަލައިގަންނާތީވެ ތިޔަކަންތަކަކީ ފޭކުކަންތައްގަނޑެއްކަން ޔަގީންކުރެވިއްޖެވާހަ ނުހަނު އިހުތިރާމާއިއެކު ދަންނަވަން.
މީމުހާ
03 March 2017
ޚަލީލް ކިހާވަރެއްގެ ތަޙުޤީގެއް ހިންގާފަތޯ ދޮގު މައުލޫމާތުކަމަށް ތިނިންމެވީ؟ ތިމާމެންގެ ޕާޓީއަށް ނިސްބަތްވާ އަދި އާއިލާޔަށް ނިސްބަތްވާ މީހުން ބޮޑެތި ކުއްތަކަށް އަރައިގަތީމަ އެމީހުންގެ ދިފާއުގައި ވާހަކަ ދައްކާއިރު މިނިވަން މުއައްސަސާއަކަށް އިޚްތިރާމް ކުރުމެއް އަސާސީ ޙައްޤުތަކަށް ހުރުމަތްތެރިކުރުމެއް މަޖިލީހުގެ މެމްބަރުގެ ކިބައިން ނުފެނުނީތީ ހިތާމަ ކުރަން. ބިރު ދެއްކުމާއި، އޮޅުވާލުމާއި ހީލަތްތެރިކަމުގެ ރޭވުން ތަކެއްގެ ތެރެއިން ފ އަތޮޅުގެ މިލްކްވެރިކަމާއި ޤައުމުގެ އިސްތިޤލާލް ވެއްޔާ މޮޑެވިދާފަދަ އަމަލެއް ހިންގައިފިނަމަ އިޔާދަ ނުކުރެވޭވަރުގެ ބޮޑު ގެއްލުމެއް މިދިވެހިރާއްޖެޔަށް ލިބުމަކީ ގާތްކަމެކެވެ،
ލިވްއިން
03 March 2017
ފާފު އަތޮޅަށް ދިޔަ ނޫސްވެރިން ހުއްޓުވުން އެކަން އެމެން ކޯޓަށް ހުށައަޅައިގެން ދިއުން ރަނގަޅު ވާނެއޭ. އެކަމަކު މީގައި ޕްރައިމަރީ ކޯސް ކަމުގައިވާ ފާފު އަތޮޅަށް ސައުދީން އަންނަ 10 ބިލިއަން ޑޮލަރުގެ އިންވެސްޓްމަންޓް އަށް ބުރޫ އަރާނެ އުސޫލުން ކަނޑައެޅިގެން ފާފު އަތޮޅު ވިއްކާލަނީ ނޫން ކަން އެނގިތިބެ ދިވެހިންގެ ތެރޭން ބަޔަކު އެކަން އޮޅުވާލުމަށް ޓަކައި ތަކުރާރު ކޮށް މަސައްކަތް ކުރަމުން ދާތީވެ އެކަމަކީ އެއީ ދިވެހިންގެ ގޮތުގައި ތިބެގެން ކުރަން ހެޔޮވާނޭ ކަމެއް ނޫން އަދި އެމެން ވެރިކަމުގައި ނެތަސް. އެކަން އެގޮތަށް މިއަދު ކުރާ މީހުންނަށް އެމެންގެ ޕާރސަނަލް ލައިފް ގައި އޭގެ ބައުންސް ބެކްސް ލައްވާލާނެ ކަން އެއީ ޔަގީންވެ ކަށަވަރު ވާކަމެކެވެ. ކަން މިހެން ހުރުމުން މިފަދަ ކަންކަމާއި ފާފު އަތޮޅުގެ ރައްޔިތުން އަދި ދާލު އަތޮޅު އަދި ތާ އަތޮޅު އަދި މީމު އަތޮޅު ރައްޔިތުން ދުރަށް ދާކަން ހާމަ ކޮށްދީ މިއިންވެސްޓްމަންޓް ރާއްޖޭން ގެއްލިގެން ދިޔަނުދޭން ލޯކަލް ލެވެލް ގައި ކުރެވެން ހުރި މަސައްކަތް ތަކެއް ކުރުން އެއީ ތަމެންގެ ޒިންމާ އެއް މިއަދު. މޭކް އަލިޓިލް ސްޕޭސް ޓު މޭކް ދިސް ކަންޓްރީ އަ ބެޓަރ ޕްލޭސް ފޯރ ޔޫ އެން ފޯރ މީ އެން ދި އެންޓަޔަރ ހިއުމެން ރޭސް. ދިސް އިޒް ދަ ވޯލްޑް ވީ ލިވް އިންް..
މަންސޫރު
03 March 2017
މީނާތަ މިހާރު ތަހުގީގު ހިންގަނީވެސް؟
GAN Island
03 March 2017
ރާއްޖޭގެ ހަޒާނާ ހުރިތަނުގައި ހުސްވަޅުގަނޑެއް ހުރިއިރުވެސް ދައުލަތުގެ ހަޒާނާއިން ''ވައްކަން ނުކުރާކަމަށް'' މިސަރުކާރުން އެބަބުނޭ. . . އާމަރީގައި ހުރި ހަތިޔާރު ގެއްލުނި އިރުވެސް އެއީ ''ނުވާ ކަމެއް'' ކަމަށް ވެސް އެބަބުނޭ. . . ދައުލަތުގެ ހަޒާނާ އަށް ''ކަޅުފައިސާ''ވަދެފައިވާކަމަށް ދެކެވޭ ވަހަކަ ދޮގުކުރުމަށް ކުރީގެ ގަވަރުނަރު ވިދާޅުވިހާ ވެސް އެއްޗަކީ ''އުސޫލުގެ ތެރެއިން އެމްއެމްއޭގެ ތިޖޫރީ ތަކަށް ކަޅުފައިސާ ނުވެއްދޭނެ'' ކަމަށް. މިއިން ވީއެއްނުވީ އެއް އެގުނީ ކާކަށް ؟؟ . . މަޖިލީހުގެ މެންބަރުންނާއި ހާލިދު ބިން ވަލީދު ކަމަށް ބުނި ނައިބް ރައީސް ކަޅުފައިސާއިން ފެންވަރަމުން ދިޔައިރު އެކަންވެސް ތިބޭފުޅުން ދޮގު ނުކުރައްވަންތޯ ؟؟
ނެތީމުދޯ
03 March 2017
އައްޑޫ މީހުން ތިބެނީ ވަރަށް ސަކަރާތް ވެފައި ދޯ ފާފު އަތޮޅަށް 10 ބިލިއަން ޑޮލަރުގެ އިންވެސްޓްމަންޓް އެއް އަންނާތީވެ ދޯ. މިހާރު ތަމެން ދިމާ ކޮށްފައި ތިޔާ ހުރީ ތަމެންނަށް ނުލިބޭ ނިއުމަތެއް ފާފު އަތޮޅު ފަކީރުން ނަަށް ނުލިބި ވާނެ ގޮތެއް ވޭތޯ އޭ މަމެން ބުނަން ނެތީމު އެވެ.
ވިސްނާ
03 March 2017
ފައިސާއާއި މުދާ އަދި ދުނިޔޭގެ އެދުމަށް މަސްތުވެފައިވާ ބަޔަކަށް ތެދެއް ދޮގެއް ނޭގޭނެ!!!!!!!!!!!! ހަމަބިމަށް ފޭބޭތޯ ހުރިހާބޭފުޅުން ވެސް ބައްލަވާ.....ވެދުން