ޚަބަރު / މުހައްމަދު ޝަމްއާން (އިމިގްރޭޝަން ކޮންޓްރޯލަރު)

ރާއްޖޭގެ ބޯޑާ ސެކިއުރިޓީ ކޮމްޕްރޮމައިޒެއް ނުކުރާނަން: ޝަމްއާން

އިމިގްރޭޝަނުން ކުރިން ހިންގި އޮޕަރޭޝަނެއްގައި، އިމިގްރޭޝަން ކޮންޓްރޯލަރު ޝަމްއާން ފިހާރައެއްގައި މަސައްކަތްކުރާ ބިދޭސީއެއްގެ މައުލޫމާތު ޗެކް ކުރައްވަނީ.---ފޮޓޯ: ފަޔާޒު މޫސާ| މިހާރު

އާސިމާ ނިޒާރު، މިހާރު

23 އޮކްޓޯބަރ 2024 - 20:25

10 comments

ބިދޭސީންނާ ދެކޮޅަށް ކުރާ މަސައްކަތްތަކުގެ ސަބަބުން ކިތަންމެ ގިނަ ތުހުމަތުތަކެއް އަމާޒު ވިޔަސް، ރާއްޖޭގެ ބޯޑާގެ ސެކިއުރިޓީ ކޮމްޕްރޮމައިޒް ނުކުރާނެ ކަމަށް އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދު ވިދާޅުވެއްޖެ އެވެ.

ރައީސް އޮފީހުގައި އިއްޔެ ބޭއްވި ނިއުސް ކޮންފަރެންސްގައި، ނޫސްވެރިއެއްގެ ސުވާލަކާ ގުޅިގެން ޝަމްއާން ވިދާޅުވީ ބިދޭސީއަކަށް ވީތީ ހިފަހައްޓައި ސަބަބެއް އަސާސެއް ނެތި މީހަކު ޑީޕޯޓް ނުކުރާނެ ކަމަށެވެ. އަދި ތުހުމަތެއް ކުރެވޭ ނަމަ، ބަލަންޖެހޭ ކަންތައްތައް ބެލުމަށްފަހު ބިދޭސީއަކު ޑީޕޯޓުކޮށްލަނީ އެ މީހަކާ ދެކޮޅަށް ހެކި ހުރި ނަމަ ކަމަށް އޭނާ ވިދާޅުވި އެވެ.

އޭނާ ވިދާޅުވީ ޕްރޮފެޝަނަލް އުސޫލުތަކާ ހިލާފަށް އިމިގްރޭޝަންގެ އެއްވެސް ޑިޕާޓްމަންޓަކުން މަސައްކަތެއް ނުކުރާނެ ކަމަށެވެ.

ރާއްޖޭގައި ގަވާއިދާ ހިލާފަށް އުޅޭ ބިދޭސީންނާ ދެކޮޅަށް އިމިގްރޭޝަނުން ފަށާފައިވާ އޮޕަރޭޝަންގައި، މިދިޔަ ނޮވެމްބަރު 17 އިން ފެށިގެން މިހާތަނަށް 4،300 އަށްވުރެ ގިނަ ބިދޭސީން ވަނީ ޑީޕޯޓުކޮށްފަ އެވެ. އަދި ސަރުކާރުގެ އަމާޒަކީ އެއް އަހަރުގެ ތެރޭގައި 5،000 ބިދޭސީން ރާއްޖެއިން ފޮނުވާލުމެވެ.

އޭގެ ތެރެއިން ބައެއް ބިދޭސީން ފޮނުވާލުމުން، އިމިގްރޭޝަންގެ ވެރިންނަށް ސޯޝަލް މީޑިއާގައި އެކި ތުހުމަތުތައް ކޮށްފައިވެ އެވެ.

ރައީސް އޮފީހުން އިއްޔެ ބޭއްވި ނިއުސް ކޮންފަރެންސްގައި އިމިގްރޭޝަން ކޮންޓްރޯލަރު ޝަމްއާން ވާހަކަދައްކަވަނީ.-- ފޮޓޯ: ރައީސް އޮފީސް

އެކަމާ ގުޅިގެން ޝަމްއާން ވިދާޅުވީ ބައެއް ބިދޭސީން ރާއްޖެއިން ފޮނުވާލުމުން އެ މީހުން ބަދަލުވަނީ ނޫސްވެރިއަކަށް ކަމަށެވެ. އެހެންވެ، ސަރުކާރު ބަދުނާމު ކުރުމާއި ކޮންމެވެސް ނާޖާއިޒް ފައިދާއެއް ނެގި ކަމަށް ބުނެ ތުހުމަތުކުރާ ކަމަށް ޝަމްއާން ވިދާޅުވި އެވެ.

އޭނާ ވިދާޅުވި ގޮތުގައި ރާއްޖޭގައި ވިޔަފާރިކުރާ ބިދޭސީން ފޮނުވާލުމުން އިންޒާރުގެ އެތައް މެސެޖެއް ލިބޭ ކަމަށެވެ. އަދި ކިތަންމެ ގިނަ ތުހުމަތެއް ކުރިޔަސް، ރާއްޖޭގެ ބޯޑަރު ކޮމްޕްރޮމައިޒް ކުރުމުގެ ފުރުސަތެއް ނުދޭނެކަން ކަމަށް އޭނާ ވިދާޅުވި އެވެ.

"ރާއްޖޭގައި ވިޔަފާރިކޮށް މިފަދަ ފަރާތްތައް ބޭރުކުރީމަ އަޅުގަނޑަށް ވެސް އާދޭ ވަރަށް ބައިވަރު މެސެޖުތަކާއި އަދި އެހެނިހެން ތްރެޓްތައް ވެސް. ދެވަނަ ކަމަކީ، ރާއްޖެ އެތެރެވާން ބޭނުންވާ މީހާ އެތެރެ ނުވެވުނީމަ ވެސް އެބަ ގޯސްވޭ އިމިގްރޭޝަން،" ޝަމްއާން ވިދާޅުވި އެވެ.

"އެކަމަކު، އަޅުގަނޑުމެން ސެކިއުރިޓީ ކޮމްޕްރޮމައިޒެއް ނުކުރާނަން. އަޅުގަނޑުމެން އެ ފުރުސަތެއް، ރާއްޖޭގެ ބޯޑަރަކުން އެ ފުރުސަތެއް ނުދޭނަން. މާދަމާ އެއަށްވުރެ ގިނަ އެކިއުޒޭޝަންތައް އަޅުގަނޑުމެންނާ މެދު ކުރިމަތިކުރުވިޔަސް، އަޅުގަނޑުމެންގެ ބޯޑާ ސެކިއުރިޓީ ކޮމްޕްރޮމައިޒެއް ނުކުރާނަން."

ބިދޭސީން ބޯޑާ ކޮންޓްރޯލް ސިސްޓަމް އިމިގްރޭޝަން މުހައްމަދު ޝަމްއާން (އިމިގްރޭޝަން ކޮންޓްރޯލަރު) މުވައްޒަފުން

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްމާ އިދުރީސް

24 October 2024

ކުރިއަށް އޮތް ހަފްތާ ބޮޑު ބަންދުގައި އެކިއެކި ރަށްތަކަށް ދޯނިފަހަރުގައި މީހުން ދަތުރުކުރާއިރު ޓްރާންސްޕޯޓާއި ދިވެހި ފުލުހުން ސަލާމަތީކަންކަން ޗެކްކުރުމަށް ހާއްސަ އޮފަރޭޝަނެއް ކުރިއަށް ގެންދާނެކަމަށް ލަފާކުރެވޭ، މި އޮޕަރޭޝަންގައި ގަވާއިދާ ޚިލާފަށް އުޅޭ މީހުން ޗެކްކުރުމުގައި އިމިގްރޭޝަނުން ބައިވެރިވުން ވަރަށް މުހިންމު . ހަމަ ހިޔާލެއް ވީމާ ހިއްސާކޮށްލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީމާ ޒަކަރިއްޔާ

24 October 2024

ކުރިން އެތައް ބަޔަކު ހައްޔަރު ކުރެވޭ އިރު ، މިހާރު ހައްޔަރު ކުރެވެނީ 0 މީހުން 03 މީހުން ، މާސް އިންސްޕެކްޝަން ފެށިގެން ކުރިއަށް ދާއިރު އިމިގްރޭޝަން 12 މުވައްޒަފުން ނެރެގެން ވެސް އަތުވަނީ ދުވާލަކު މަދު މީހަކު، ޤަވާދާ ހިލާފަށް އެތައް ބަޔަކު އުޅެއިރު ހަމަޔަށް ޗެކްނުކޮށްލެވޭ، ދަންވަރު ހޭލާ ކްރައިމްތަކަށް އަރާގަންނަ ބިދޭސީން އުޅޭއިރު ދަންވަރު މަގުތަކަށް ނުކުމެ އުޅޭ ބިދޭސީން އެއްވެސް ވަރަކަށް ބެލުމުގެ ވިސްނުން ހުރިތޯ ހަމަ ސުވާލުކޮށްލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕެލޭ

24 October 2024

ކޮމްޕްރޮމައިޒް ވި ވަރު އިގޭނީ ދައުރު ނިމޭ އިރު މެލޭޝިޔާގަ އެޕާޓްމަންޓް ހުރިނެތް ތޯ ބެލީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

24 October 2024

ވެލާނާގޭ އޮފީސް ބިލްޑިންގ ތަޅުދަނޑިފަތިވެސް އޮތީ ބިދޭސީންގެ އަތުގަ. ދިވެހިންގެ ހުރި ފޮނިބޮޑުކަމުން އެވަރުވެސް ނުކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟައި

23 October 2024

ދައުލަތުގެ ކާރުތަކުގައި ބިދޭސީ ޑްރައިވަރުން ތިބެވެނީ ކޮން އުސޫލަކުންބާ؟؟ ސެކިއުރިޓީ އޮތީ ހީލާހީލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 October 2024

އިމިޤްރޭޝަން ޤާނޫނާއި ޙިލާފު އެތައްހާސް ބިދޭސިން ރާއްޖޭގައި ދިރިއުޅެމުންދާއިރު ފަހަކަށްއައިސް ފޯޖް ޕާސްޕޯޓްތަކުގައި އެތެރެވުމަށް މަސައްކަތްކުރުމާއި، ރާއްޖެއަށް ޑްރަޤް އެތެރެކޮށް ނުވަތަ ޓްރާންސިޓް ހަބެއްގެގޮތުގައި ރާއްޖެބޭނުންކޮށް ޑްރަޤް ވިޔަފާރިކުރަންވެސް ބޭރުމީހުން މަސައްކަތްކުރާކަން އިމިޤްރޭޝަން އާއި ކަސްޓަމްސްގެ ވެރިން މީޑިޔާއަށް ދެއްވާފައިވާ އިންޓަވިއުތަކުން ސާބިތުވާން އެބަހުރި. އެހެންކަމުން މިކަންކަމަށްހައްލުހޯދަން މަސައްކަތްކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 October 2024

ހަމައެއް ލަމައެއްނެތި "އަންނާނަ ޤައުމަކުން އަންނާން ބޭނުން ކޮންމެ މީހަކަށް އާދެވޭގޮތަށް އޮތް ބޯޑަރެއް ރާއްޖޭގައި އޮތް އިރު" ކީއްވެގެންތޯ އެޑްވާންސް ވީސާ ނަގާން ހަމަ ނުޖެއްސި ކަމުގައި ވިޔަސް މިހާރު ދުނިޔޭގެ އެތައް ޤައުމެއްގެ އިމިޤްރޭޝަނުން ތައާރަފު ކޮށް ތަންފީޒު ކުރަމުންދާ Advance Tavel Authorization އީޓީއޭ ރާއްޖޭގެ އިމިޤްރޭޝަންގާއިވެސް ތައާރަފުކޮށް އަންނަމީހާ އައުމުގެކުރިން ކަސްޓަމާއި އިމިޤްރޭޝަނަށް އޭނާގެ މައުލޫމާތު ލިބޭނެގޮތްހަދަން ނުވިސްނަނީ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިލޮޅު

23 October 2024

ކޮންޕުރޮމައިޒް ކުރަންޖެހޭވަރަށްވުރެ މާބޮޑަށް މިގައުމުގާ މިއޮތީ ބިދޭސީންގެ ކަންތައް ކޮންޕުރޮމައިޒްކޮށްފާ. އެހެންވީމާ އެހެންގައުމުތަކުގެ އިމިގުރޭޝަނަށް އަންނަ އިންޒާރުތަކަށްވުރެ މިގައުމުގެ އިމިގުރޭޝަނަށް އަންނަ އިންޒާރު މަދުވާންޖެހޭނެ. މާބޮޑަށް ވިކްޓިމްނުހެދި ހަވާލުކުރި މަސައްކަތްކުރޭ. ބޮޑެތި މުސާރަ ދެނީ ކަމަކު. މިހާ ދަށުދަރަޖައަކަށް ބިދޭސީންގެ މައްސަލަ ވެއްޓެންދިމާވީ އިމުގުރޭޝަނުގެވެސް އިހުމާލުން. ދެން މިސަރުކާރު އެސަރުކާރު ކިޔާނިއްޔެއްނޫން.