އެމްޑީއޭއިން ކައުންސިލް އިންތިހާބަށް ވާދަކުރާ ކެންޑިޑޭޓުން ތައާރަފްކުރަން ދަރުބާރުގޭގައި ރޭ ބޭއްވި ޖަލްސާގައި އެ ޕާޓީގެ ލީޑަރު އަހްމަދު ސިޔާމް މުހައްމަދު ވާހަކަ ދައްކަވަނީ. -- ފޮޓޯ: ހުސެއިން ވަހީދު/މިހާރު
06 މާޗް 2017 - 10:29
30 comments
ސައޫދީ އަރަބިއްޔާ އިން ޓެރަރިސްޓުން އުފައްދާ ކަމުގެ ތުހުމަތު ސަރުކާރާ އިދިކޮޅު ފަރާތްތަކުން ކުރަނީ "ލާދީނީ ކަމުން" ކަމަށް ސަރުކާރު ކޯލިޝަންގައި ހިމެނޭ އެމްޑީއޭގެ ލީޑަރު އަހްމަދު ސިޔާމް މުހައްމަދު ރޭ ވިދާޅުވެއްޖެ އެވެ.
އެމްޑީއޭ އިން ކައުންސިލް އިންތިހާބަށް ވާދަކުރާ ކެންޑިޑޭޓުން ތައާރަފްކުރަން ދަރުބާރުގޭގައި ބޭއްވި ޖަލްސާގައި، ސައޫދީ އަރަބިއްޔާ އަކީ ޓެރަރިސްޓުން އުފައްދާ ތަނެއް ކަމަށް ވިދާޅުވެ ބޭރުގެ ނޫހަކަށް ކުރީގެ ރައީސް މުހައްމަދު ނަޝީދު ދެއްވި އިންޓަވިއުއަށް ރައްދު ދެއްވައި ސިޔާމް ވިދާޅުވީ ބޭރު ގައުމުތަކުގައި އެ ފަދަ ވާހަކަފުޅުތައް ދެއްކެވުމަކީ ދިވެހި ރައްޔިތުން އަޅުވެތިކުރުން ކަމަށެވެ.
އޭނާ ވިދާޅުވި ގޮތުގައި ސައޫދީ އަރަބިއްޔާ އަކީ ދުނިޔޭގެ އިސްލާމީ ގައުމުތަކުގެ ތެރެއިން ޓެރަރިސްޓުން ނައްތާލުމަށް އެންމެ ބޮޑު ހޭދައެއް ކުރާ އެއް ގައުމެވެ. އަދި އެ ގައުމަކީ މުސްލިމުންގެ "މަންމަގެ ރަށް، މައްކާ ވެސް އޮތް ގައުމު" ކަަމަށް ވިދާޅުވި އެވެ.
"މިއަދު އަޅުގަނޑުމެންގެ ބައެއް އިދިކޮޅު ބޭފުޅުން މި ވިދާޅުވަނީ ސައޫދީ އަރަބިއްޔާ އަކީ ޓެރަރިސްޓުން ތައްޔާރުކުރާ ގައުމެކޭ. އަޅުގަނޑުމެން ހައިރާނެއް ނުވޭ އިދިކޮޅު މީހުން އެހެން ބުނެގެން. އިދިކޮޅު މީހުން އެހެން ބުނަނީ ކީއްވެތޯ އަޅުގަނޑުމެން ސުވާލުކޮށްލަން ޖެހޭ، އެއީ ލާދީނީ ކަމުން،" ސިޔާމް ވިދާޅުވި އެވެ.
ރާއްޖޭގައި ތިބީ ސައްތައިން ސައްތަ މުސްލިމުން ގައުމަކަށްވާއިރު ވެސް އިރާގަށް މިނިވަންކަން ގެނައުމަށް ވަކާލާތުކުރީ އިދިކޮޅު ފަރާތްތަކުން ކަމަށާއި އެއީ ވިސްނަން ޖެހޭ ކަމެއް ކަމަށް ސިޔާމް ވިދާޅުވި އެވެ.
ސިޔާމް ވިދާޅުވީ ރާއްޖެ ކުރިން ނުދެކޭ ފަދަ ވަރުގަދަ ޕްރޮޖެކްޓްތައް މި ސަރުކާރުގައި އަންނަމުންދާ ކަން ރައްޔިތުން ގަބޫލުކުރާ ކަމަށެވެ. ކުރިން ނުދަންނަ ވައްޓަފާޅިއަށް މި ސަރުކާރުން ކަންކަން ކުރަމުން އަންނައިރު އެކަމަށް ފާޑުކިޔާނެ ކަމެއް ނެތް ކަމަށް އޭނާ ވިދާޅުވި އެވެ.
"ސައުދީ ރަސްގެފާނު އެ ވަޑައިގަންނަވަނީ ރާއްޖެ. އެ ހަރަދުކުރައްވަނީ އަޅުގަނޑުމެންގެ އޯގާތެރި ރައީސުލްޖުމްހޫރިއްޔާ ވިދާޅުވި ގޮތަށް 10 ބިލއަން ޑޮލަރު،" ރައީސް ޔާމީން ބައިވެރިވެވަޑައިގެންނެވި ޖަލްސާގައި ސިޔާމް ވިދާޅުވި އެވެ.
ސިޔާމް ވިދާޅުވި ގޮތުގައި ރައީސް ޔާމީނަކީ ތާރީހު ނުދެކޭ ފަދަ އިކޮނޮމިސްޓެއް ކަމަށް ކެމްޕޭންގައި އޭނާ ވިދާޅުވީ، ރާއްޖެ އަށް ބޭނުން ވަނީ ބަސް މަދުކޮށްފައި އަމަލު ގިނަކުރާނެ ރައީސަކަށް ވާތީ އެވެ.
"ދުނިޔޭގައި ނެތް ފެންވަރުގެ އިގްތިސާދީ މާހިރެއް އަބްދުﷲ ޔާމީނަކީ. މިއަދު ދިވެހި ރައްޔިތުން އަދި ކިއެއްތަ ދުނިޔޭގެ ހުރިހާ ލީޑަރުން ވެސް އެބަ ގަބޫލުކުރޭ އެކަން. މިއީ އެއްގޮތަކަށް ވެސް ޖޯކެއް ނޫން އިނގޭތޯ، މިއީ ހަގީގަތް،" ރައީސް ޔާމީނަށް ވަރަށް ބޮޑަށް ތައުރީފްކުރައްވައި ސިޔާމް ވިދާޅުވި އެވެ.
ސިޔާމް ވިދާޅުވީ ރައީސް ޔާމީންގެ ފުރަތަމަ ދައުރު ނިމޭއިރު ވެސް ގައުމުން މުއްސަނދިކަން ފެންނާނެ ކަމަށާއި 2018 ވަނަ އަހަރުގެ ރިޔާސީ އިންތިހާބުގައި ރައީސް ޔާމީން ހޮވަން ޖެހެނީ އެ ތަރައްގީ ދެމެހެއްޓުމަށްޓަކައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އލހ
06 March 2017
ލާ ދީނީ ވާހަކަދައްކަން އެންމެ ރަގަޅީ ޝިޔާމް ދޯ! ލަދުން ބޯހަލާކު
ދެމާ
06 March 2017
ސިޔާމްވެ، ސައުދީ ވީމައެއްނޫނެވެ. ކޮންމެ ގައުމކުންވެސް އިންވެސްޓްކުރަންވީއެވެ. އެކަމު ދިވެހި ރައީތުން ބޭނުންވަނީ އިންވެސްޓްމަންޓްގެ ތަފްސީލްއެވެ. އަދި ތިތަން އެއްކޮށް ސައުދީއަށްވެސް ލިބޭގޮތައް ކުރާ އިންވެސްޓްމަންޓެއް ރައީތުން ބޭނުމެއްނުވެއެވެ. ރައީތުން މިގޮވަނީ ފ އަތަޅު ތަރައްގީ ކުރާބޮޑު މަސްރުއުގެ ތަފްސީލް ރައީތުންނާ ހިއްސާކުރުމަށެވެ. މެލޭޝިޔާގެ ބޮޑުވަޒިރަށް 861 މިލިޔަން ޑޮލަރު ދިންފަދައިން ޔާމީންއަށާއި ސިޔާމްއަށް ދިނީ ކިތައްމިލިޔަންކަން އެނގޭބާއެވެ.
ކުޑޭ
06 March 2017
ހަމަ މީނާތަ މިހެން ބުނީ. ހެހެހެހެ.
އަޙްމަދު
06 March 2017
2017 ވަނަ އަހަރު އިކޮނޮމިކްސް ދާއިރާއިން ނޯބަލް ސުލްހައިގެ އިނާމަށް މިރައީސްގެ "ތިއަރީ އޮފް ޑިވެލޮޕްމެންޓަށް" މިހާރުވަނީ ހޮވިފަތޯ ސިޔާމާ ސުވާލުކޮށްލަށް ބޭނުންވޭ.
ބަލްކު އެންޑް ބަލަކް
06 March 2017
ބަލަ ސިޔާމޫ ސައުދީއަކީ ޓެރަރިސްޓުންނަށް 500 ޕަސެންޓު ތާއީދުކުރާގައުމެއް. ދުނިޔޭގެ އެންމެ ބޮޑު ޓެރަރިސްޓުންކަމަށްވާ އެމެރިކާޔާ އިނގިރޭސިވިލާތަށް އެންމެ ބޮޑު މާލީ "ތާއީދެއް" ކުރަނީ ހަމަ ސައުދީގެ ޝާހީ އާއިލާއިން......ޝިޔާމު ދުނިޔޭގެ ތާރީހު ބައްލަވާ. ކުށެއްނެތް މައުސޫމު އެންމެ ގިނަ މީހުން މެރީ ކޮން ބައެއްތޯ! އެއީ އެމެރިކާ. ވިއެޓްނާމް، އަފްގާނިސްތާން، އިރާގު. މިހާރަށް ބަލާކަމަށް ވަންޏާ ސޫރިޔާ އާއި ޔަމަނުގާ ކިތަށް ކުޑަކުދިން އަންހެނުން މުސްކުޅިންތޯ އެމީހުން އެމަރަނީ. މީއެއް ނޫންތޯ ހަގީގީ ޓެރަރިޒަމަކީ.
އަމީން
07 March 2017
ރާއްޖޭގެ ތާރީޙްގައި ވެރިކަން ކުރި އެންމެން ވަނީ އމެރިކާއާއި ގާތް ގުޅުމެއް ބާއްވާފަ. ސަހަލު އެކަކުވެސް ނެތް.
ނޯނޭމް
06 March 2017
ލޮލް. ދެން އިތުރަށް ބުނާނެ އެއްޗެއް ނެތް.
ބޮޑުޖުއްބާ
06 March 2017
މުރުސީ މިސުރުގެ ވެރިކަމަށް އަރާފަ އިޒުރޭލާ ދެކޮޅު އަދި ހަމާސްއަށް ތާއިދުކުރާ ސިޔާސަތުތައް ތަންފީޒުކުރަންފެށީމާ މުރުސީގެ ވެރިކަންވައްޓާލުމަށްޓަކާ މިސުރުގެ އިގުތިސާދު ހީނަރުކުރުމަށް ކުރި މަސައްކަތުގެ އަޑީގައި އޮތީ ސައުދީ އެރެބިއާ. ސައްދާމު ހުސޭނު ވެރިކަމުން ވައްޓާލުމުގެ ފަހަތުގާ އެމެރިކާއަށް ސަޕޯޓުދީ އެކަމުގައިވެސް ސައުދީ ބައިވެރިވި. ގައްޒާފީ ވެރިކަމުން ވައްޓާލާ ލިބިޔާ ފުނޑާލުމުގާއި ހުޅަނގުގެ ގައުމުތަކަށް އެންމެ ގަދައަށް ސަޕޯޓުދިނީ ސައުދީ. އިރާނާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކަށް ލުޔެއްދޭން އުޅުމުން އެކަމާ ދެކޮޅަށް ވަކާލުތުކުރީ ސައުދީއާއި އިސްރޭލުން އެކަނި. ސީރިއާގެ ހަމަނުޖެހުން ދާހިލީ ހަނގުރާމައަކަށް ބަދަލުވީ ސައުދީން ހަތިޔާރާއި ފައިސާ އޮއްސައިގެން. ޔަމަނަށް ބޮންއަޅަނީ ސީދާ ސައުދީ ޖެޓުތަކުން. އަދި ޔަމަނުގެ ކަނޑުގެ ސަރަހައްދު ހިސާރުކޮށް ޔަމަނު ބަނޑަށް ޖައްސަނީ ސީދާ ސައުދީ މަނަވަރުތަކުން. މަތީ މިބުނި ހުރިހާ ހާދިސާތަކެއްގައިވެސް ސައުދީންވަނީ އެމެރިކާއާއި އިޒުރޭލާއި އެންމެ ދެކޮޅު ގައުމަތައް ފުނޑާލަން ފާޅުގައާއި ސިއްރިއްޔާތުގަ މަސައްކަތްކޮށްފާ. އެހެންވީމާ މިއަށް ޓެރަރިޒަމް ނުކިޔާ ދެން ކިޔާނީ ކީކޭތޯ؟
މޮޔަމީހާ
06 March 2017
ސަޢުދީ އަރަބިއްޔާ އަށާ ރަސްގެފާނަށް މަލާމާތްކޮށް ފުރައްސާރަ ކުރާމީހުންނާ އަހަރެންވެސް ދެކޮޅު. އަދި މީހުންނަށް މަލާމާތްކޮށް ފުރައްސާރަ ކުރާކޮންމެ މީހަކާވެސް އަހަރެން ދެކޮޅު. އެފަދަ ކަންކަން އެމީހުން އެކުރަނީ ލާދީނީ ކަމުން
ބޮޑުބޭބެ
06 March 2017
އެމްޑީޕީގެ މެމްބަރަކު ކިޔާ ކޮންމެ އެއްޗަކީ އެމްޑީޕީގެ ހުރިހާމެމްބަރުނގެ ވިސްނުމެއްނޫން. ނަސީމްގޯސްކޮއް އެްޗެއްކިއްޔާ ނަސީމް އޭގެ ޒިންމާ ނަގަންޖެހޭނީ. އެއީ އެމްޑީޕީގަ އެބަތިބި ދީނަށްލޯބިކުރާ އަރަބީންނަށްލޯބިކުރާ ކީރިތި ރަސޫލާ އަށް ލޯބިވާމީހު. ވަކި މެމބަރަކު ބުނާ އެއްޗެއް މުޅިޕާރޓީގަ ބޮލުގަ އެޅޭނަމަ ފައިސާދިނީމަ ހިލޭ އަންހެނުންނަކަށް ނުވާނެޔޭ ޕާރޓީއެއގެ މެމްބަރަކު ބުނެފިނަ އެޕރޓީގެ ހުރިހާމެމްބަރުންވެސް ދެކެނީ އެގޮތަށް ހެއްޔެ.؟ އެންމެން ގޯސްކުރުމަކީ ކިހާ ބޭ އިންސާފުކަމެއްތޯ
ހެޔޮ އެދޭތީ ހެޔޮ ނުވާނެ
06 March 2017
މިހާރަކަށް އައިސް ސަރުކާރުގެ ވެރިން "ރާއްޖެއިން އިސްލާމް ދީން ފޮހެލަން" ބަޔަކު އުޅޭ ކަމުގެ ވާހަކަތައް ދައްކާތީ ބުނަމެވެ. އިސްލާމް ދީނަކީ ފޮހޭ ރަބަރަކުން ފޮހެން ފަންސުރުން ކަރުދާހުގައި އަޅާފައިވާ ރޮނގެއް ނޫނެވެ. ދީނަކީ ހިތުގައިވާ އަގީދާއެކެވެ. ކޮންމެ ސަރުކާރެއް އޮތަސް ރާއްޖެ އޮންނާނީ އިސްލާމީ އަގީދާގެ މަތީގައެވެ. ތި ކަހަލަ ވާހަކަތައް ދެއްކުމުން އަގީދާއަޢި މެދު މި ޒަމާނުގެ ޒުވާނުން ޝައްކުު ކުރުން ނޫން ކަމެއް ނުވާނެއެވެ.