ޚަބަރު / މުހައްމަދު ޣައްސާން މައުމޫން (ޑިފެންސް މިނިސްޓަރު)

މީހުން ސަލާމަތްކޮށް ނިމުނުއިރު އަލިފާންގަނޑު އޮތީ ފެތުރިފައި: ޣައްސާން

ހައުސިން މިނިސްޓްރީ އިމާރާތުގައި ރޯވެ އަނދަނީ. -- ފޮޓޯ: ނިޝާން އަލީ / މިހާރު

ފާތިމަތު އަޖްފާން، މިހާރު

12 ޑިސެމްބަރ 2024 - 11:12

ހައުސިން މިނިސްޓްރީ އާއި އެހެން ބައެއް އޮފީސްތައް ހިންގާ އިމާރާތުގައި މިއަދު ރޯވުމާ އެކު އެންމެ ފުރަތަމަ ކުރި ކަމަކީ މީހުން ސަލާމަތްކުރުން ކަމަށާއި އެ މަސައްކަތް ނިމުނުއިރު އަލިފާންގަނޑު ފެތުރިފައިވާ ކަމަށް ޑިފެންސް މިނިސްޓަރު މުހައްމަދު ޣައްސާން މައުމޫން ވިދާޅުވެއްޖެ އެވެ.

އަލިފާނުގެ ހާދިސާ ހިނގި ސަރަހައްދުގައި ހުންނަވައި "ޕީއެސްއެމް" އަށް ދެއްވި އިންޓަވިއުއެއްގައި މިނިސްޓަރު ވިދާޅުވީ އެ ހާދިސާ ހިނގައިގެން 6:30 ހާއިރު އެމްއެންޑީއެފުން ހަރަކާތްތެރިވާން ފެށި ކަމަށެވެ.

އެންމެ ފުރަތަމަ ކުރަން ފެށީ އެ ސަރަހައްދުގައި ދިރުއުޅޭ ތަންތަނުން މީހުން ހުސްކުރުން ކަމަށާއި އެ މަސައްކަތް ނިންމާލެވުނުއިރު ހުޅުގަނޑު ހުރީ ބޮޑަށް ހިފާފައި ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން އެންމެ ފުރަތަމަ ކުރަން ފެށި ކަމަކީ އާންމު ރައްޔިތުން ސަލާމަތުގެ އައްސޭރިތަކަށް ގެންދިއުން. ސަބަބަކީ ވައި ހުރި ގޮތުން. އަލިފާން އިތުރަށް ގޯސް ވެދާނެތީ އެއްވެސް ފުރާނައަކަށް ގެއްލުން ވުމަކީ އަޅުގަނޑުމެން އެދޭ ކަމެއް ނޫން،" ޣައްސާން ވިދާޅުވި އެވެ.

ރައީސް ޑރ. މުހައްމަދު މުއިއްޒު އާއި ޑިފެންސް މިނިސްޓަރު މުހައްމަދު ޣައްސާން މައުމޫން، އަލިފާން ރޯވި ސަރަހައްދުގައި.-- ފޮޓޯ: ނިޝާން އަލީ \ މިހާރު

"އަޅުގަނޑުމެން އަތުގައި ހުރި ހުރިހާ އިކުއިޕްމަންޓެއް ބޭނުން ކޮށްގެން، އެމްއެންޑީއެފްގެ އެމްޑީޔޫތަކުން ވެސް މީހުން ގެނެސްގެން މަސައްކަތް ކުރަނީ އަލިފާން ނިއްވާލުމަށް. ހަމަ އެއާ އެކު ސަލާމާތްކުރެވެން ހުރި ހުރިހާ ލިޔެކިޔުންތަކެއް މާލެ ސިޓީ ކައުންސިލާއި އެހެން އޮފީސްތަކުގެ، ސަލާމަތްކުރުމުގެ މަސައްކަތް މި ދަނީ ކުރަމުން،" ޣައްސާން ވިދާޅުވި އެވެ.

އަމީނީމަގަށްވާ ގޮތަށް މާފަންނުކޮޅުގައި ހުންނަ ހައުސިން މިނިސްޓްރީ އިމާރާތުގައި ރޯވި އަލިފާންގަނޑު އެންވަޔަރަމަންޓް މިނިސްޓްރީ ހުންނަ އިމާރާތާއި މާލެ ސިޓީ ކައުންސިލްގެ ބައެއް ހިންގާ އިމާރާތުގައި ވެސް ވަނީ އެއްކޮށް ރޯވެ އަނދައިފަ އެވެ.

އިމާރާތުގައި ރޯވިތާ ހަތަރު ގަޑިއިރަށް ފަހު މިހާރު ވަނީ އަލިފާން ކޮންޓްރޯލްވެފަ އެވެ. އެކަމަކު ސިފައިން އަދިވެސް ދަނީ އަލިފާން އެއްކޮށް ނިއްވުމުގެ މަސައްކަތްކުރަމުންނެވެ. އިމާރާތުން އަދިވެސް ދުން އަރަމުން ދާއިރު ބޮޑު ސަރަހައްދަކަށް ދުމުގެ އަސަރުކޮށް ސްކޫލްތަކުގެ ކިޔެވުން ވެސް ވަނީ މެދުކަނޑާލައިފަ އެވެ.

އަލިފާނުގެ ހާދިސާ އެމްއެންޑީއެފް ހައުސިން މިނިސްޓްރީ އެންވަޔަރްމެންޓް މިނިސްޓްރީ މުހައްމަދު ޣައްސާން މައުމޫން (ޑިފެންސް މިނިސްޓަރު) ރައީސް ޑރ. މުހައްމަދު މުއިއްޒު

22 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޣައްސާނު

17 December 2024

އެމް.އެން.ޑީ.އެފް ގެ ފަޔަރ އެންޑް ރެސްކިއު އަކީ ވަރަށް ސްލޯ ވަރަށް ނާތަހުޒީބު ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޑިހަނު

14 December 2024

ފަޔާރ ބުރިގޭޑު މނޑފއިން ވަކިކޮށް، ވަކި މުއައްސަސާއެއްގެ ގޮތުގަ ދާޚިލީކޮށް ވޮލަންޓިއަރުންނަށް ހުޅުވާލަންޖެހޭ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަވެސް ތިޔަށްވުރެ ރަނގަޅަށް ހިންގާނަން

12 December 2024

އަލިފާން ނިއްވަންތިބި މީހުން ލައްވައި ކުރާހައި ކަމެއް ކުރަންދެން އަލިފާން މަޑެއް ނުކުރާނެ އެވެ. މީހުން ސަލާމަތް ކުރަން ފޮނުވަންޖެހޭނީ އެހެން ބައެކެވެ. އަލިފާން ނިއްވުމުގެ މަސައްކަތް ކުރަންޖެހޭނީ ވަކިބައެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑާ

12 December 2024

ފަޔަރް ޑރިލް ހަދަންޖެހޭ ރޯވީމަ އަގަނަގަެިގެން ތިބެނީ ކޮންމެ މީހަކުވެސް މެޑަލްތަގިނަކަމުން ހިރިނުލެވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމައެކަނި ވެރިކަން ދިފާޢު ކުރުމުގައި....

12 December 2024

މި ޙާދިސާއިން ހާމަވާ ކަމަކީ ދިވެހި ޤައުމުގެ ދިފާއީ ބާރު ހުސްވެފައި އޮތީ ހަމައެކަނި ރައީސް މުޢިއްޒުގެ ވެރިކަން ދިފާޢު ކުރުމަށެވެ. އެއީ ހުޅުވިފައި އޮތް ފަސޭހައިން ކައިރިވެވޭ މޫދާއި ވެސް ކައިރި ހިސާބެކެވެ. އުސް ޢިމާރާތްތަކެއް ނޫނެވެ. ކައްކާ ކައިބޮއެގެން މީހުން ދިރިއުޅޭ ތަންތަނެއް ނޫނެވެ. ސިފައިންނާއި ފުލުހުންގެ ކޮށިތަކާއި ކައިރި ހިސާބެކެވެ. އެތަކެއް ގަޑިއިރެއް ވެގެން ދިޔައިރު ވެސް ސިފައިންނަށް އަލިފާން ނިއްވާނުލެވުނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެކޓް

12 December 2024

ޣައްސާނޫ މނޑފ ގެ ކަމަކީ އަލިފާން ނިއްވުން. ޕޮލިސްގެ ކަމަކީ އާންމުން ރައްކާތެރިކުރުން. ދެކަން އެއްބައެއް ކުރަން ހެދީމާ އަތަށްގޮވާނީ. ފަޔަރ ފައިޓަރުން ޓްރެއިންނުވާނެ މީހުންނާ ބަސްދީގަތުންދީ ކޮމިއުނިކޭޓްކޮށް ހަދާކަށް. އަމިއްލަ މަންފާއަށްވެސް ފޮނިނުކަނޑުއްވާ. ކްރެޑިޓް ނަގަން ނޫޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުދުލް މަޖީދު

12 December 2024

ހުސް ބޭކާރުވާހަކަ. ހެނދުނު ދަރި ސުކޫލަށް ލާން ދިޔައިރު އަލިފާން ނުފެތުރޭ ސިފައިން ފަޔަރ ދެ ވެހިކަލް ބާވައިގެންތިބީ، ނިންވަންއުޅުނަމަ ބޮޑުގެއްލުމެއްނުވެ ނިއްވާލެވުނީސް ، ސިފައިން އެކަންކުރަންބޭނުްވިނަމަ ވީސް. މިހާރު ސިފައިންނަށް އަޅުގަނޑެއް އިތުބާރެއްނުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަ ފަރުވާ ކުޑަަކަމުން

12 December 2024

މަވެސް އެހެން ދަތުރުކުރިން 6.45 އެހާއިރު، ވަސް ހުރި ކޮންމެސް ވަރަކަށް ކުޑަކޮށް ދުމުގެ އަސަރު ހުރި. ވަރަށް ހަމަޖެހިލައިފަ ތިބި 3 ޕޮލިހުންނާ ފަޔަރު މީހެއް އެތާ ވެހިކަލެއް ބާއްވައިގެން. އިމަޖެންސީ އެއް ވެގެން އުޅޭކަމުގެ އަސަރެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީބެ

12 December 2024

ސަރުކާރުގެ ހުރިހާ އޮފީހެއް ހުޅުމާލޭ ބަސްރޫޓާ ގުޅޭގޮތަށް ބޮޑު އިމާރާތަކަށް ބަދަލުނުގެންނަނީ ބޮޑަތި އާއިލާތަކުގެ ދަށުވެފަވާތީކަމަށް ނަންހާމަ ނުކުރަންއެދޭ މީހަކު ބުނެފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

12 December 2024

ޣައްސާންވެސް ޖޯކު ކިޔާ އުޅެން ދޯ. 6:30 ގަ އޮފީހުގަ މާ ބައިވަރު ބަޔަކު ނޫޅޭނެ. އަލިފާންގަނޑު ފަޅައިފެން ނުދަނީސް އެ ނިއްވަން އުޅުމުގެ ބަދަލުގަ ހިސާބުގަނޑުން މީހުން ދުރުކުރަން އުޅެނިކޮށް އެ ފަޅައިގެން ގޮސް އިމާރާތް ވެއްޓި އެހެން ތަންތާ ރޯވީ. މީން މިނިސްޓަރު ކަމުގެ ބަދަލުގަ އދ. ގެ އެސްޖީ ކަން ދޭންވީ.