އަލިފާނުގެ ހާދިސާއާ ގުޅިގެން މަޖިލީހުގެ ކުއްލި ޖަލްސާއެއް ބާއްވަން އެމްޑީޕީން އެދެނީ

އެމްޑީޕީގެ ޕީޖީން މީގެކުރިން ބޭއްވި ނޫސްވެރިންގެ ބައްދަލުވުމެއްގެ ތެރެއިން: މަޖިލީހުގެ ކުއްލި ޖަލްސާއެއް ބާއްވަން އެމްޑީޕީން އެދެން ވަނީ ނިންމައިފައި

ނާޒިމް ހަސަން، މިހާރު

16 ޑިސެމްބަރ 2024 - 12:45

10 comments

ހައުސިން އަދި ކޮންސްޓްރަކްޝަން މިނިސްޓްރީ ހިންގާ ޓިނު ބިލްޑިންގާއި އެންވަޔަރަންމެންޓް މިނިސްޓްރީ ހިންގާ ގްރީން ބިލްޑިންގުގައި ހިނގި އަލިފާނުގެ ހާދިސާއާ ގުޅިގެން ރައްޔިތުންގެ މަޖިލީހުގެ ކުއްލި ޖަލްސާއެއް ބާއްވައިދިނުމަށް އެމްޑީޕީން އެދެން ނިންމައިފި އެވެ.

އެ ޕާޓީން މިއަދު ބޭއްވި ނޫސްވެރިންގެ ބައްދަލުވުމުގައި އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބްރާހިމް ނާޒިލް ވިދާޅުވީ އިއްތިފާގުން އަލިފާނުގެ ހާދިސާ ހިނގީ މަޖިލީހުގެ މި އަހަރުގެ ފަހު ޖަލްސާ ބޭއްވި ދުވަހު ކަމަށާއި އެހެންވެ އެ ހާދިސާއާ ގުޅިގެން މަޖިލިހުގެ ތެރެއިން އެއްވެސް މަސައްކަތެއް ކުރަން ފުރުސަތު ނުލިބޭ ކަމަށެވެ.

އެ މަސައްކަތްތައް ކުރަން ދައުރުން ބޭރުގައި ކުއްލި ޖަލްސާއެއް ބާއްވައިދޭން އެމްޑީޕީން މިއަދު މަޖިލީހުގެ ރައީސް އަބްދުއްރަހީމް އަބްދުﷲ އަށް ދަންނަވާނެ ކަމަށް ނާޒިލް ވިދާޅުވި އެވެ. ދައުރުން ބޭރުގައި ޖަލްސާއެއް ބޭއްވެނީ މަދުވެގެން 31 މެންބަރުންގެ ސޮޔާ އެކު އެކަމަށް އެދުމުންނެވެ.

އެހެންކަމުން އެފަދަ ޖަލްސާއެއް ހަމައެކަނި އެމްޑީޕީގެ 12 މެންބަރުން އެދިގެން ނުބޭއްވޭނެ ކަމަށާއި އަލިފާނުގެ މި ހާދިސާއަކީ ރައްޔިތުން އިންތިހާ އަށް ކަންބޮޑުވާ މައްސަލައަކަށް ވާތީ ސަރުކާރު ހިންގާ ޕީއެންސީގެ މެންބަރުންގެ ތާއީދު ވެސް ބޭނުންވާ ކަން ނާޒިލް ފާހަގަކުރެއްވި އެވެ.

މަޖިލީހުގެ ކުއްލި ޖަލްސާއެއްގެ އިތުރުން އަލިފާނުގެ ހާދިސާއާ ގުޅޭ ފުރިހަމަ ތަހުގީގެއް މަޖިލީހުގެ 241 ކޮމިޓީން ކުރަން ވެސް އެމްޑީޕީން ވަނީ ހުށަހަޅައިފަ އެވެ.

ނާޒިލް ވިދާޅުވި ގޮތުގައި ހައުސިން މިނިސްޓްރީއާ ޖެހިގެން ހުރި ގްރީން ބިލްޑިންގަށް އަލިފާންގަނޑު ފެތުރި، އެ އިމާރާތް އެއްކޮށް އަނދައިގެން ދިޔުމުގައި އެމްއެންޑީއެފްގެ އިހުމާލު ވަރަށް ބޮޑަށް އެބަ އޮތެވެ. އެހެންވެ އެ މައްސަލަ ނޭޝަނަލް އިންޓެގްރިޓީ ކޮމިޝަން (އެންއައިސީ) އަށް ހުށަހަޅަން އެ ޕާޓީން ވަނީ ނިންމައިފަ އެވެ.

ހިތަދޫ ދެކުނު ދާއިރާގެ މެންބަރު ވިދާޅުވީ، ރައްޔިތުންގެ އެތައް މުދަލަކާއި ލިޔުންތައް ހުރި މުހިންމު ތިން މިނިސްޓްރީއެއް އަނދައިގެން ދިޔުމަކީ ވަރަށް ބޮޑު ކަމެއް ކަމަށާއި ނަމަވެސް، އެކަމުގައި ސަރުކާރުގެ ސީރިއަސް ކަމެއް ނުފެންނަ ކަމަށެވެ.

އެމްޑީޕީ އަލިފާނުގެ ހާދިސާ ރައްޔިތުންގެ މަޖިލިސް އެމްޑީޕީ ޕާލަމެންޓްރީ ގްރޫޕް ފަޔާ އެންޑް ރެސްކިއު އިބްރާހިމް ނާޒިލް (ހިތަދޫ ދެކުނު ދާއިރާ) އިދިކޮޅު ފަރާތްތައް

10 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިމް

17 December 2024

ޗުއްޓީން އައިސްވެސް ކުރެވޭނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

11 މ

16 December 2024

އަދުގެ ދިވެހިން ދެކިފައިވާ 5 އަހަރުގެ ވެރިކަމެއްގެ ތެރޭގައި އަލިފާނުގެ ހާދިސާތަކުގައި އެންމެ ގިނަ މީހުންގެ (11 މީހުންގެ) ފުރާނަ ގެއްލުނީ އެމްޑީޕީ ގެ ނިމުނު ދައުރުގައި. ހަމައެހެން، މުޅިގައުމުގައި އަލިފާން ރޯކޮށް، ދައުލަތުގެ އެތައް މުދަލެއް ނެތިކޮށްލި ހަމައެކަނި ސިޔާސީ ހަރަކާތަކީވެސް އެމްޑީޕީ. ދެން އެމްޑީޕީ ނިކުމެ އަލިފާނޭ ފަޅޮލޭ ކީމާ އެއަށް ހެއްލޭނީ ރީނދޫ ހުމުން ފޯވެ، ބުއްދި ގެއްލިފަހުރި މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފު ބިން ރަފައިދާ

16 December 2024

ނާޒިލު ކީއްވެގެންތަ މިހާރަކަށްއައިސް މާބޮޑަށް ގަޔަށް ހިނިއަރައިގެންއުޅޭ ފާޑަށް އުޅެނީ. މައިތިރިވެބަލަ. ބެލެމުންދާވަރަކުންތާ ކަންކަންވެސް ފެންނާނީ. ފެންނަވަރަކުންތާ ހާމަވެސްކުރެވޭނީ. އަދީބު ދޫކޮށްލި ގޮތް ބަލާން އިބުރޭ މަޖުލީހަށް ހާޒިރުކުރިއްޔާ މާތާހިރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފުން

16 December 2024

ކޮންމެ ކަމެއް ސިޔާސީ ޑްރާމާއަކަށް ނުހަދާށެވެ. އިންސާނުންނަށް ނިސްބަތްކޮށް ބަހުލޫލަށް، ސައިތާނަށް ގޮވުންފަދަ ނުބާ އަމަލުތައް ފެތުރުމަކީ ހާދަހާވާ ނުބާ ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު...

16 December 2024

އިއްތިފާގުން ވާކަންތައް މިހުންނނީވެސް ދެއްތޯ؟ 10/12/2024 ކޮންމެވެސް އެއްޗެއް ދިފާއުކުރާށޭ ކިޔާފައި ބަޔަކު ޖަލްސާއެއް ބޭއްވި 11/12/2024 ގައި ބަޔަކު މަގުބަންދުކޮށްގެން އެއްޗެހިތަކެއް ޓޯކުރަން ޖެހުނު 12/12/2024 ގައި ގްރީން ބިލްޑިންގް އަޅިއަށް..... އިއްތިފާގެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާމިރޫ

16 December 2024

އެމްޑީޕީގެ ކޮންމެ ރެލީއަކުން ކުރިމިނަލްސް ތައް ޗާޖްކޮށްގެން އަލިފާން ޖަހާފައިވޭ ކުރިން ގެސް. މާޒީ އަށް ގިސް ޚަބަރުތައް ބަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

16 December 2024

ކަލޭމެން ކޮންމެހެން މަޖިލިސްގެ ކަރަންޓް ބިލް ބޮޑްކުރަން ޖަލްސާ ބާއްވަން އުޅޭނިކަމެއްނެތް ޖަލްސާ ނުބޭއްވިޔަސް ކަލޭމެން ކިޔާނެ އެއްޗެހި އަހަރެމެންއަ އިންގޭ އެހެންކަމުން ތިޔަ ޖަލްސާއެ ނުބޭއްވިއްޔާ ރަނގަޅުވާނީ އަނެއްކޮޅުން ޔާމީންގެ ވެރިކަން ބަދަލްކުރަން ކަލޭމެން ބޭނުން ކުރި 12މެމްބަރުން މިފަހަރު ރައްޔިތުން ކަލޭމެންއަ ދީފަ އެތިބީ 12 މެމްބަރުން..