ޚަބަރު / މޯލްޑިވްސް ޔުނައިޓެޑް އޮޕޮޒިޝަން

ފ. އަތޮޅު ވިއްކުމާ ދެކޮޅަށް އިއްތިހާދުން ބޮޑު މުޒާހަރާއެއް ބާއްވަނީ

އަންހެނުންގެ ދުވަހާ ގުޅިގެން އެމްޑީޕީން ރޭ ބޭއްވި އެއްވުމެއް: ފ. އަތޮޅު ވިއްކުމާ ދެކޮޅަށް އިއްތިހާދުން ބޮޑު މުޒާހަރާއަކަށް ނިކުންނަން ދަނީ ތައްޔާރުވަމުން. - ފޮޓޯ: ހުސެއިން ވަހީދު/ މިހާރު

މުހައްމަދު ޔާމީން، މިހާރު

08 މާޗް 2017 - 16:42

26 comments

ސައޫދީ އަރަބިއްޔާގެ ޝާހީ އާއިލާގެ އިސްބޭފުޅުންތަކަކަށް ފ. އަތޮޅު ވިއްކުމާ ދެކޮޅަށް މި މަހުގެ 24 ގައި ބޮޑު މުޒާހަރާއެއް ކުރުމަށް އިދިކޮޅު އިއްތިހާދުން މިއަދު ނިންމައިފި އެވެ.

އެމްޑީޕީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި އިއްތިހާދުގެ ނައިބު ލީޑަރު އަދި މާލޭގެ ޑެޕިއުޓީ މޭޔަރު ޝިފާ މުހައްމަދު ވިދާޅުވީ، ފ. އަތޮޅު ވިއްކުމާ ދެކޮޅަށް ކުރެވެން ހުރި ހުރިހާ މަސައްކަތެއް ކުރާނެ ކަމަށެވެ. އެގޮތުން އިހުތިޖާޖް ކުރަން ޖެހުނަސް އެކަމަށް ތައްޔާރު ކަމަށް އޭނާ ވިދާޅުވި އެވެ.

"އެތެރެ އާއި ބޭރުން އެކަން ހުއްޓުވަން [ފ. އަތޮޅު ވިއްކުން] މަސައްކަތް ކުރާނަން،" އެމްޑީޕީގެ އަންހެނުންގެ ރޫހުގެ ރައީސާކަން ވެސް ކުރައްވާ ޝިފާ ވިދާޅުވި އެވެ.

އޭނާ ވިދާޅުވި ގޮތުގައި ފ. އަތޮޅު ވިއްކުމާ ދެކޮޅަށް ބޭރުގެ އެކި ފަރާތްތަކަށް މައުލޫމާތު ދިނުމަށް ވަނީ ހަމަޖެހިފަ އެވެ. އަދި ރައްޔިތުންނަށް މިކަމުގެ މެސެޖް ފޯރުކޮށްދެމުން ދާއިރު، ފ. އަތޮޅު ވިއްކުމާ ދެކޮޅަށް ޒުވާނުން ވެސް ޝުއޫރު ފާޅުކުރަމުން އަންނަ ކަމަށް ވިދާޅުވި އެވެ.

އިދިކޮޅު އިއްތިހާދުގެ ހިޔަނި ކެބިނެޓުގެ ޓޫރިޒަމް މިނިސްޓަރު މުހައްމަދު މަލީހު ޖަމާލު ވަނީ ފ. އަތޮޅަށް ހަދާ ގޮތެއް ހާމަނުކޮށް ސިއްރުން ކަންކަން ކުރަމުން ދާ ކަމަށް ވިދާޅުވެ، ސަރުކާރަށް ފާޑު ވިދާޅުވެފަ އެވެ. އެހެންވެ، ގައުމުގެ ދިފާއުގައި މިކަމާ ދެކޮޅަށް ނިކުންނަން ޖެހޭ ކަމަށް ވެސް އޭނާ ވިދާޅުވި އެވެ.

"ގާނޫނު ތަރަހައިން ބޭރުން މަސައްކަތް ކުރާ ފަރާތްތައް ގާނޫނުގެ ކުރިމައްޗަށް ގެނެސް، އުފާ ފާގަތި މުސްތަގުބަލެއް ހޯދައި ދިނުމަށް ކުރާ މަސައްކަތުގައި ދެމިތިބޭނަން،" މަލީހު ވިދާޅުވި އެވެ.

ފ. އަތޮޅު ވިއްކާލާ ވާހަކަތަކަކީ އުފެދިގެން ވާނެ ސުވާލެއް ނޫން ކަމަށާއި އެ އަތޮޅު ވިއްކާލާން ސަރުކާރުން ނިންމާފައި ނުވާ ކަމަށް ރައީސް އަބްދުﷲ ޔާމީން ވަނީ ކުރިން ވިދާޅުވެފަ އެވެ. އެ މަނިކުފާނު ވިދާޅުވި ގޮތުގައި އެ އަތޮޅުގައި ހިންގަނީ 10 ބިލިއަން ޑޮލަރުގެ ބިޔަ މަޝްރޫއެކެވެ.

އެމްޑީޕީ މުޒާހަރާ ފ. އަތޮޅު މޯލްޑިވްސް ޔުނައިޓެޑް އޮޕޮޒިޝަން ރާއްޖޭގެ ރަށްތައް ރެލީ އިދިކޮޅު ފަރާތްތައް

26 ކޮމެންޓް, 151 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކާފަ

27 August 2017

ދެން ރާއްޖެއަށް އިންވެސްޓްމަންޓް ތައް ނައިސްގެން ވާހަކަ ނުދައްކާތީ ބޭނުންނުވާތީ ތިކަންވެސް އެވަނީ ހުއްޓިފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

11 May 2017

ޕާޓީ ސިސްޓަމް އުވާލަން އެއްވިއްޔާ މާރަގަޅުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރޫސާ

11 April 2017

ފ.އަތޮޅު ވިއްކާލުމާ މަވެސް ދެކޮޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުވައްމުލަކު މީހާ

09 April 2017

މުޒާހަރާ ކުރިޔަސް ބިރު ދެއްކިޔަސް ސަރުކާރަށް ކުރާނެ މާބޮޑު އަސަރެއް ނޯންނާނެ. އެކަމަކު ރާއްޖެ މިހާރު މިދާ ހަލުވި ދުވެލި ހުއްޓުވާ ރައްޔިތުންނަށް މަންފާހުރި އާމްދަނީ ލިބޭ ފުދިގެން އުޅެވޭނެ އުޅުމަކަކަށް ހުރަސް އެޅިދާނެ. އެހެންކަމުން މުޒާހަރާ އެކުރެވެނީ ރައްޔިތުންނާ ދެކޮޅަށް ސަރުކާރާ ދެކޮޅަކަށްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދުބަސް

05 April 2017

ތި ބޮޑު މުޒާހަރާއަށް މުޅި ރާއްޖެއިން 500 މީހުން ހަމަ ވިޔަސް ނަސީބެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

10 March 2017

ރާއްޖެތެރޭ ބަޔަކަށް ރަނގަޅުގޮތެއް މެދުވެރި ވިޔަކަށް ގްރީޓް މާލެ މީހުން ބޭނުމެއް ނުވާނެ! ގުޅިގެން ފޭލިކުރާނެ|

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާ

10 March 2017

ރާއްޖެތެރެއަށް ކުރިއެރުމެއް ލިބިދާނެތީ. މާލެނޫން ތަނެއް ތަރައްގީވެ ކުރިއެރުން ލިބިދާނެތީ މާލޭ މީހުން ޖަހާމަޅީގައި ރާއްޖެތެރޭމީހުން ޖެހޭކަމީ އެމީހުންގެ ވިސްނުން ކޮށިވީމާ ވާކަމެއްބާއޭ ހިތަށްއަރާ. ނޫންނަމަ މިފަދަ ކަންކަމުގައި ސަރުކާރަށް އެއްބާރުލުން ދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާތިލް

09 March 2017

ނުވިއްކާ ކަމަށް ސާފުބަހުން ބުނެފަ އޮއްވާ މީހުން އެއްކުރަން ތިކުރާ މަސައްކަތް ތިއީ އޮޅުވާލުމެއް. މުޒާހަރާ ކުރާހިއްވަންޔާ ހަމަ ކުރަންވީ...އެކަމު ދޮގުނުހަދާ.