ގިނަ އަދަދެއްގެ ބަޔަކާ އެކު، އިދިކޮޅު އެމްޑީޕީގެ ބޮޑު އެއްވުން މާލޭގެ އާޓިފިޝަލް ބީޗުގައި ދެންމެ ފަށައިފި އެވެ.
ދިވެހި ގައުމީ ދިދަ އާއި އެމްޑީޕީގެ ދިދަ ހިފައިގެން ގިނަ ބަޔަކު މިހާރު ވަނީ އެ ސަރަހައްދަށް ޖަމާވެފަ އެވެ. މި އެއްވުމަށް އިއްޔެ ހަވީރުން ފެށިގެން އެކި ރަށްރަށުން ވެސް މީހުން މާލެ އަށް އައިސްފައި ވެ އެވެ.
އެއްވުމާ ގުޅިގެން ސިފައިންނާއި ފުލުހުން ވަނީ މާލޭގައި ހާއްސަ އޮޕަރޭޝަނެއް ވެސް ފަށައިފަ އެވެ. މާލޭގެ ހުރިހާ ސަރަހައްދެއްގައި ކަހަލަ ގޮތަކަށް ފުލުހުން މިހާރު އަންނަނީ ޑިއުޓީ އަދާކުރަމުންނެވެ.
މި އެއްވުމުގައި ކުރީގެ ރައީސް އިބްރާހިމް މުހައްމަދު ސޯލިހާއި އެމްޑީޕީގެ ޗެއާޕާސަން ފައްޔާޒު އިސްމާއިލް އަދި އެ ޕާޓީގެ ރައީސް އަބްދުﷲ ޝާހިދު ވެސް ބައިވެރިވެވަޑައިގަންނަވަ އެވެ.
އެއްވުން މިރޭ ނުވައެއް ޖެހިއިރު ފެށުމާ އެކު، އެމްޑީޕީގެ ލީޑަޝިޕްގެ ބޭފުޅުން ގެންދަވަނީ ވާހަކަ ދައްކަވަމުންނެވެ.
