ފެނަކައިގެ ކުރީގެ މެނޭޖިން ޑިރެކްޓަރު ސައީދަށް ދައުވާކޮށްފި

ފެނަކައިގެ ކުރީގެ މެނޭޖިން ޑިރެކްޓަރު ސައީދު: އޭނާގެ މައްޗަށް ދައުލަތުން ވަނީ ދައުވާ ކޮށްފައި --- ފޮޓޯ/މިހާރު

އާސިމާ ނިޒާރު، މިހާރު

26 ޑިސެމްބަރ 2024 - 15:59

ކޮރަޕްޝަންގެ މައްސަލައެއްގައި ފެނަކަ ކޯޕަރޭޝަންގެ ކުރީގެ މެނޭޖިން ޑިރެކްޓަރު އަހުމަދު ސައީދުގެ މައްޗަށް ދައުވާކޮށް، ކްރިމިނަލް ކޯޓަށް ފޮނުވައިފި އެވެ.

ޕީޖީ އޮފީހުން ބުނީ ސައީދުގެ އިތުރުން އެ ކުންފުނީގެ އޭރުގެ ޕްރޮކިއުމަންޓް ހެޑް، މަރިޔަމް ދީނާގެ މައްޗަށް ދައުވާ ކުރަނީ ފެނަކަ ކޯޕަރޭޝަނާއި ބްލޭޒަން އިންކް ކުންފުންޏާ ދެމެދު 2019 ވަނަ އަހަރު ހެދި އެއްބަސްވުމުގެ ދަށުން ބްލޭޒަން އިންކް ކުންފުނިން މަސައްކަތް ފުރިހަމަ ނުކުރަނީސް އަދި މަސައްކަތް ނިންމިކަން ކަށަވަރު ކުރުމެއް ނެތި، އެ މަސައްކަތަށްވާ ފައިސާ ބްލޭޒަން އިންކް ކުންފުންޏަށް ދޫކުރުމުން ކަމަށެވެ.

އެ މައްސަލައިގައި ބްލޭޒް ކުންފުންޏަށް ނާޖާއިޒު މަންފާ ހޯދާއިދީފައިވާ މައްސަލާގައި ސައީދު އަދި ދީނާގެ މައްޗަށް އުފުލީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އެވެ.

އެ ދައުވާ ސާބިތުވެއްޖެނަމަ އެއް އަހަރާއި ހަތް މަހާއި ހަ ދުވަހުގެ މުއްދަތަކަށް ޖަލަށް ލާނެ އެވެ.

ޕީޖީ އޮފީހުން ބުނީ ފެނަކައިގެ އެ ނިންމުމުގެ ސަބަބުން ނުވަ ލައްކައަށްވުރެ ބޮޑު ގެއްލުމެއް ލިބިފައިވާ ކަމަށެވެ.

ފެނަކައިގެ މައްސަލައެއްގައި ސައީދުގެ މައްޗަށް ދައުވާ އުފުލިއިރު، އޭސީސީން މިހާރު ވެސް އަންނަނީ އޭނާއާ ގުޅޭ މައްސަލަތަކެއް ބަލަމުންނެވެ. އެ މައްސަލަތަކާ ގުޅިގެން ޕާސްޕޯޓް ވެސް ހިފެހެއްޓި އެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ސައީދު ފެނަކަ ހިންގެވިއިރު ހިޔާނާތުގެ ވަރަށް ބޮޑެތި ތުހުމަތުތައް އެ ކުންފުންޏަށް އަމާޒުވި އެވެ. އަދި ވަކި ބަޔަކަށް ނާޖާއިޒު މަންފާ ލިބޭ ގޮތަށް ޕްރޮޖެކްޓް ހަވާލުކުރުން ފަދަ ކޮރަޕްޝަންގެ ގިނަ މައްސަލަތަކެއް އޭސީސީއަށް އޭރު ހުށަހެޅި އެވެ.

އެކަމަކު އެ މައްސަލަތައް ތަހުގީގުކޮށް އެކަށީގެންވާ ފިޔަވަޅެއް އޭސީސީން އޭރު އަޅާފައެއް ނުވެ އެވެ.

ފެނަކަ ކޯޕަރޭޝަން ކޮރަޕްޝަން ޕްރޮސެކިއުޓާ ޖެނެރަލް ކުށްކުރުން އެންޓި ކޮރަޕްޝަން ކޮމިޝަން

35 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަސް

28 December 2024

އަދިކިރިޔާ؟ މީނާމިނިވަންކަންމަތީ މިގޮތަށް އުޅޭތަން ފެނުނީމަ މިގައުމުގައި ކޮރަޕްޝަނާއި ފަސާދަޔާ ދެކޮޅަށް މަސައްކަތް ނުކުރެވޭމިންވަރު ހާމަވޭ. އެމް.ޑީ.ޕީ ކުރީސަފުގައި މީނާހުންނަތަން ފެނުމުން އެޕާޓީގައި ނަޒާހަތްތެރިކަން ނެތްމިންވަރު ހާމަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސަ

28 December 2024

ވަރަށް ސްލޯކޮށް ކޮރަޕްޝަންގެ މައްސަލަތައް މިރާއްޖޭގެ ހުރިހާ ސަރުކާރަކުންވެސް ތަޙްގީގުކޮށް އެކަންކަން ބަލަނީ! މިހެންވީމަ ރާއްޖޭގައި ކޮރަޕްޝަން އާލާވެ މޫލާފައިވަނީ! ރާއްޖެއަންނަ ކޮންމެ ސަރުކާރެއްގައިވެސް ކޮރަޕްޝަން އިންތިހާއަށް ބޮޑުވަނީ އެހެންވެ! އެންމެނަށް އެނގޭ ބޭނުންހާ މިންވަރަށް ކޮރަޕްޝަން ހިންގާފަ ބިންތަކާއި ފްލެޓްތަކާއި ބޮޑެތި އޮޑިދޯނިފަހަރު ބަނދެގެން ދާންވީކަން! އެކަންކަން ނުބެލޭކަން! ހާވަހާވަ ދޫކޮށްލަނީކަން! ނެތް ސަލާމަތެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކުސް

28 December 2024

ސައީދުވަށްކަންކުރި . އެކަމަކު އެއްއަހަރުވަންދެން ހާވައިގެން ތަހުގީގުކޮށްގެން ފެނުނުއެއްޗަކީ އެންމެ 8 ލައްކައެއްހާރުފިޔާވީމަ ލަދުގަންނަން އެބަޖެހޭ. ފެނަކަ ބަގުރޫޓުވީ 8 ލައްކަރުފިޔާ ނެތިގެންނޭތަ ތިބުނަނީ. ރަނގަޅަށްވިއްޔާ ތިޔަ 8 ލައްކަ ރުފިޔާގެ ދައުވާތީ ކުރީސަރުކާރުން ތައްޔާރުކޮއްފަ އޮތް ދައުވާއަކަށްވާނީ މިސަރުކާރުން ހަމައެކަނި ކޯޓަށް ފޮނުވާލުން ކުރެވުނުކަމަކީ. ލަދުވެތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

28 December 2024

ކޮރަޕްޟަން އަކީ ވަކި ޕާޓީއަކަށް ޚާއްސަ އަމަލެެއް ނޫން. ސިޔާސީ ޕާޓީ ސިސްޓަމް ތައާރަފް ވިފަހުން ހުރިހާ ސަރުކާރެއްގަ ބާރަށް ފެތުރެމުންދާ ކަމެެއް. ބައެއް ފަހަރު މަތިން ރޭވިގެން ހިގަނީ. ފެނަކަ ސައީދު ހިމާޔަތް ކުރަން އުޅުން ގޯސް. ހަމަ އެގޮތަށް މިހާރު މިހިގާ އެޗްޑީސީފެ ކޮރަޕްޟަނާ އެންސްޕާގެ މައްސަލަ ދިފާއު ކުރުން ބަލައި ނުގަނެވޭނެ. ގައުމު ހިންގުމުގެ މުޅި ސިސްޓަމަށް މިއޮތީ ކެންސަރު ޖެހިފަ. އަބަދު ވެސް ރައްޔިތުންނަށް ހުރިހާ ދެރަ އެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް މިނިކާ ވަގު

27 December 2024

ގާނޫނުގެ ދިގު އަތް މިއޮތީ އަރާ ހަމަކޮށްފައި . ރައްޔިތުންގެ މާލިއްޔަތުން ބަޖެޓުގައި ޖަހަގައިގެން 1 މިލިއަން ރުފިޔާގެ އަގުބޮޑު ކާރެއް ގަނެގެން އަރާއިން ފެނަކަ އެމްޑީ ، ވަގަކަށް ހާސް ދުވަސް ވެރިއަކަށް 1 ދުވަސް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަތީޖާ ހަމަ ރަނގަޅު ދޯ؟؟

27 December 2024

މި ފެންނަނީ މި ސަރުކާރުގެ އަސްލު ސިފަ. މި ސަރުކާރު އޭގެ މައްޗަށް ބިނާވެފައިވާ 3 އަސާސަކީ އުނބަށް ޖެހުން، ރޯމަރު ބުހުތާނު ދޮގު ހެދުން އަދި އާޓު ދެއްކުން. މިވަރުގެ ބައެއްގެ އެއްވެސް އިހުލާސްތެރިކަމެއް ހުންނާނެ ކަމަށް އެއްވެސް އުއްމީދެއް ކުރުމަކީ ބޭކާރު ކަމެއް.