ޚަބަރު / ފުލުހުން

ކެފޭއެއްގެ ބަދިގޭގައި މީހަކަށް ހަމަލާދީ ޒަހަމްކޮށްލައިފި

މާރާމާރީ ހިންގި ކެފޭ: ފުލުހުން އަންނަނީ މިތަނުގައި ހަރަކާތްތެރިވަމުން.

މާއިދާ މުހައްމަދު ރަޝާދު، މިހާރު

04 ފެބުރުއަރީ 2025 - 12:53

1 comments

މާވެޔޮ މަގުގައި ހުންނަ ކެފޭއެއްގެ ބަދިގޭގައި ހިންގި މާރާމާރީއެއްގައި ބިދޭސީއަކު މިއަދު ޒަހަމްކޮށްލައިފި އެވެ.

ފުލުހުން ބުނީ މާވެޔޮ މަގުގައި ހުންނަ ކެފޭއެއްގައި މާރާމާރީ ހިންގި މައްސަލައެއްގެ ރިޕޯޓު ލިބުނީ މިއަދު މެންދުރު 12:10 ގައި ކަމަށެވެ.

އެ މައްސަލައާ ގުޅިގެން އެތަނުގައި ހަރަކާތްތެރިވަމުން އަންނަ ކަމަށް ފުލުހުން ބުންޏެވެ.

މާރާމާރީ ހިންގީ މާވެޔޮމަގު ހުންނަ، ބެސްޓްބައި މޮބައިލްސްއާ ޖެހިގެން ހުންނަ ތާސީރު ކިޔާ ކެފޭއެއްގަ އެވެ. އެތަނުގެ ބަދިގެ ތެރޭގައި، މި ހަމަނުޖެހުން ހިނގީ ބަންގްލަދޭޝް މީހަކާއި ނޭޕާލް މީހެއް ކަމަށް އެނގިފައިވެ އެވެ.

ބަންގްލަދޭޝް މީހާ ވަނީ ނޭޕާލު މީހާގެ ގަޔަށް ތޫނު އެއްޗަކުން ހަމަލާދީފަ އެވެ. އަދި ލިބުނު އަނިޔާތަކަށް އޭނާއަށް ފަރުވާދިނުމަށް އައިޖީއެމްއެޗަށް ގެންގޮސްފައިވާ ކަމަށް ވެސް ފުލުހުން ބުންޏެވެ.

އާއްމުވެފައިވާ ވީޑިއޯ އިން ފެންނަ ގޮތުގައި، ޒަހަމްވި މީހާގެ ގައިން ފޭބި ލޭތައް، ކެފޭ ތެރޭގައި ހުއްޓެވެ.

ފުލުހުން އައިޖީއެމްއެޗު މާރާމާރީ ކެފޭ/ރެސްޓޯރެންޓް ކުށްކުރުން

1 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގައުމެއްނެތް

04 February 2025

ގައުމުގެ ހާލަތު ބަދިގެއިންވެސް ފެންނަނީ. އެމީހަކާ އެމީހެއް. ރަގަޅު ގޮތެއްނެތް. ދެބަސް ނުވަންޏާ މީހަކަށް ނުވޭ. ނުފުއްޕާ އެމީހާގެ ގަޓް ނުދެއްކޭ. އެންމެން ބޭނުންވަނީ އެމީހަކީ އެންމެ ގައްޑާ މީހާއަށްވާން. ހިޔާލު ތަފާތުވާއިރަށް ހިތިޔާރު ބޭނުންކުރަނީ. މިހާއަށްވުރެ އީގޯ ބޮޑު. ސައިކަލުން ރޭސްޖަހަމުން ބާރު ސްޕީޑުގައިދާ ޕާޓޭވައްތަރު މީހާވެސް ކުއްވެރިއެއްނުވާނެ، ހެޔޮ ވަންވޭއަކުންދިޔަސް، އެމީހުން ހޭރިގަންނާނީ ގަވައިދުން ދާމީހާއަށް. މީ މިގައުމުމުގެ ލެވެލް