ފިހާރައެއްގެ ވަތްގަނޑުން ވައްކަންކުރި ލަންކާ މީހަކު ޝަރީއަތް ނިމެންދެން ބަންދު

އިފްރާޒް އަލީ، މިހާރު

13 މާޗް 2025 - 13:29

މާލޭގެ ފިހާރައެއްގެ ވަތްގަނޑުން ފައިސާ ވަގަށް ނެގި ސްރީލަންކާގެ މީހަކު ޝަރީއަތް ނިމެންދެން ބަންދުކުރަން ކްރިމިނަލް ކޯޓުން އަމުރުކޮށްފި އެވެ.

އެ މައްސަލާގައި ހައްޔަރުކުރީ ލަންކާ މީހެއް ކަމަށްވާ 24 އަހަރުގެ ވިޖެންދްރާވަޑުގެ ނިރާޝާ ރަސާލީ އެވެ.

ކްރިމިނަލް ކޯޓުން އިއްޔެ ވަނީ ޝަރީއަތް ނިމެންދެން އޭނާ ބަންދުގައި ބަހައްޓަން އަމުރުކޮށްފަ އެވެ. އެ އަމުރުގައި ބުނެފައިވާ ގޮތުގައި ޝަރީއަތް ނިމެންދެން އޭނާ ބަންދުކުރަން ނިންމީ އޭނާއަކީ ސްރީލަންކާގެ ރައްޔިތަކަށްވުމުން އޭނާ ފިލުމުގެ އިހުތިމާލެއް އޮތް ކަމަށް ފެންނާތީ އެވެ.

އޭނާގެ މައްޗަށް ތުހުމަތު ކުރެވޭ މިންވަރަށް ހެކި ލިބިފައިވާ ކަމަށް ވެސް ކޯޓު އަމުރުގައިވެ އެވެ.

ތުހުމަތު ކުރެވޭ މީހާ ބުނާ ވާހަކަ އާއި ހުށަހަޅާފައިވާ ބަޔާންތަކާއި ސީސީޓީވީގެ ސްނެޕްތަކުން އޭނާ ފިހާރައިގެ ވަތްގަނޑުން ފައިސާ ނަގާފައިވާ ކަމަށް ބެލެވޭ ކަމަށް ކޯޓުގެ އަމުރުގައި ބުންޏެވެ.

ނަމަވެސް، އޭނާ ނެގީ ކިހާ އަދަދެއްގެ ފައިސާ ކަމެއް ކޯޓު އަމުރުން އެނގޭކަށް ނެތެވެ.

ކުށްކުރުން ސްރީ ލަންކާ ފުލުހުން ކްރިމިނަލް ކޯޓް ވައްކަމާއި ފޭރުން

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

raajje

13 March 2025

ފިހާރަ ކެފޭ ކައުންޓަރުގައި ތިބޭމީހުން އެތަންތަނުގެ ކޭޝްވަތްގަނޑުން ފައިސާނެގުމަކީ އާންމުކަމެއް، ހާއްސަކޮށް ބޭރުމީހުންމިކަންކުރާލަތްގިނަ، ބޭރުމީހުން މިކަންކުރުމަށް ބޭނުންކުރާ އެންމެއާންމު 2 އުކުޅަކީ ރައްޓެއްސަކު އެއްޗެއްގަތީމާ ބެލެންސް ގިނައިންދިނުން، ވިކޭ ސިނގެރޭޓުފަދަ އެއްޗެހީގެ ބަދަލުގައި ބާޒާރުން އެއްޗެހިގެނެސް ހަރުތަކަށްލުން، (ޕުރޮފިޓުޖީބަށް) މިގޮތަށްކުރީމާފައިސާނަގާތަނެއް ކެމެރާއަކަށްނާރާނެދޯ ބެލެންސްދިމާވާނެ، ދިމާނުވާފަހަރުވީގޮތެއްނޭންގޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިކޮއެ/ހުޅުމާލެ

13 March 2025

އެކަމަކު އަނަސް މަރާލި މީހުން ވީޑިޔޯ ހުއްޓަސް އެމީހުން ކަމެއް ނޭނގޭ. ޝަރީއަތް ނިމެންދެން ބަންދުކުރާކަށްވެސް ނުފެނެ. ސަދޫމުވެސް މިވަރެއް ނުވޭ ތޯއްޗެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

13 March 2025

"ސްރީލަންކާގެ ރައްޔިތަކަށްވުމުން" ފިލުމުގެ އިހުތިމާލު އޮތުން އޭނާއަކީ ޔޫކޭގެ ރައްޔިތަކަށްވުމުން ބަސްއަހާނެ ކަމުގެ އިހުތިމާލު އޮތުން....މިހުންނަނީ ދައިތަމެން ދުވަހަކު ދެކޭ ޒާތުގެ ތަފާތު ކުރުންތަކެއް ނޫން. ވަތްގަޑަކުން ފައިސާ ފޮއްޗެއް ނެގީމާ ޝަރީޢަތް ނިމެންދެން. ދައުލަތުން މިލިޔަމުން ނެގީމާ މާސްކު އަޅުވާފަ ގޭގަ ނިދަން ޝަރުޠުކޮށް ދޫކޮށްލުން...