ސޭފް ހޯމް އަޅަން ސަރުކާރުން 31 މިލިއަނަށް ހުޅުމާލެ އިން ބިމެއް ގަނެފި

ހުޅުމާލެ ފޭސް ދޭއް: ސޭފް ހޯމް އަޅަން ސަރުކާރުން ގަތީ 10،000 އަކަފޫޓުގެ ބިމެއް. -- ފޮޓޯ: އެޗްޑީސީ

މާއިދާ މުހައްމަދު ރަޝާދު، މިހާރު

11 އެޕްރީލް 2025 - 14:28

ގެވެށި އަނިޔާގެ ޝިކާރައަކަށްވާ މީހުން ބައިތިއްބާ "ސޭފް ހޯމް" ފެސިލިޓީއެއް ތަރައްގީކުރަން ސަރުކާރުން 31 މިލިއަން ރުފިޔާއަށް ހުޅުމާލެއިން ބިމެއް ގަނެފި އެވެ.

ސިވިލް ކޯޓުގެ ހުކުމުގައިވާ ގޮތުން މި ބިން އެޗްޑީސީން ވިއްކާފައި ވަނީ ފެމިލީ މިނިސްޓްރީ އާއި ފިނޭންސް މިނިސްޓްރީއާ އެކު ހަދާފައިވާ އެއްބަސްވުމެއްގެ ދަށުންނެވެ.

ހުޅުމާލޭ ލޮޓް ނަމްބަރު 11707 (A2-1) ގެ ބިން 31.5 މިލިއަން ރުފިޔާއަށް ފިނޭންސް މިނިސްޓްރީއަށް ވިއްކުމަށް އެޗްޑީސީން ހުށަހަޅާފައިވާ މައްސަލާގައި ކޯޓުން ކުރި ހުކުމްގައި ވަނީ މިނިސްޓްރީން އެ ފައިސާ ދައްކައި އެއްކޮށް ހަލާސްކޮށްފައިވާތީ އެ ބިމުގެ މިލްކުވެރި ފަރާތަކީ މިހާރު މިނިސްޓްރީ ކަމަށެވެ.

ފިނޭންސް މިނިސްޓްރީން ގަނެފައި ވަނީ 10،000 އަކަފޫޓުގެ ބިމެކެވެ.

ސޭފް ހޯމްއަކީ ގެވެށި އަނިޔާގެ ޝިކާރައަކަށްވެފައިވާ މީހުންނަށް ދައުލަތުގެ ބެލުމުގެ ދަށުން އެހީތެރިކަން ފޯރުކޮށްދޭން ހަދާ ތަނެކެވެ.

މިއީ 2022 ގައި ރާއްޖެ އާއި އޭޝިއަން ޑިވެލޮޕްމަންޓް ބޭންކާ ދެމެދުވެފައިވާ އެއްބަސްވުމެއްގެ ދަށުން ލިބިފައިވާ އެހީއެއްގައި އަޅާ ތަނެކެވެ.

ހުޅުމާލޭގެ އިތުރުން އައްޑު އާއި ރ. އުނގޫފާރުގައި ވެސް ސޭފް ހޯމް އެޅުމަށް އޭރު އޮތީ ނިންމައިފަ އެވެ.

ފިނޭންސް މިނިސްޓްރީ ސިވިލް ކޯޓް އެޗްޑީސީ

6 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްލާމްކަލޭފާން

12 April 2025

މިއީކީ ފަހަރެއްގައިވެސް ޖަރީމާއެއް ހިންގުމެއްނޫނެވެ. ފިނޭންސް މިނިސްޓްރީއިން އެޗްޑީސީއަށް ލާރިކޮޅެއް ވައްދާފަ އެ ވަކިގޮތަކަށް ނާނބުރާނެކަން ދިވެހި ކޮންމެ ރައްޔިތަކަށްވެސް އެނގޭނެއެވެ. ފައިސާ ހަރަދުކޮށްގެން ހިއްކާފައޮތް ބިމަކަށްވުމުން ރައްޔިތުންނަށް ހިލޭ ގޯތިތައް ބަހާލިނަމަވެސް ސަރުކާރުގެ ބޭނުމަށް ބިން ޖެހޭނީ ގަންނަންކަންނޭނގޭ ބަންގާޅީއަކުވެސް ނޫޅޭނެއެވެ. މިވަރު އިހްލާސްތެރި ސަރުކާރެއް ދުނިޔެއިންވެސް އަދި ނުދެކެއެވެ. ސުކުރިއްޔާ ރައީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނީސައިޑްބޮންޑް

11 April 2025

ނާދެން އެޗްޑީސީއަށް ތިލިބުނީއަނެއްކާވެސް ސްޓާފް ހައުސިންގް ސްކީމްއެއް ހިންގާލާނެފައިސާކޮޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބތވފ

11 April 2025

އަޅެ ރަށެއް ތިތަން އަޅާފަ، މާލެނޫން ތާކުން ވަޒީފާއެއް ދެވޭތޯ އުޅެބަލަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަނުގެ ބޭނުމާ ތަން ބޭނުންކުރާނެ މީހުންނަށްވެސް ވިސްނަން ޖެހޭ

12 April 2025

ޢެތަނުން ރައްކާތެރިކަަން ޙޯދަންދާ މީހުންނަ ވަޒީފާއާއި ތައުލީމުގެ ފުރުސަތުތައް ފަސޭހައިން ލިބޭ ތަނައްގައި އެ ތަން އެޅީމަ ދޯ ރަނގަޅުވާނީ. ފިރިސޮރު އަނިޔާކުރާތީ ދަރިފުޅަށް ބޭނުންވާ މަތީތައުލީމު ނުލިބޭ ރަށެއްގައި ހުރު ތަނަކަށް ބަދަލުވާން މައިން ފަސްޖެހެނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑަހަންޖާ

11 April 2025

ތިރަށުގައި ސަރުކާރުން ހަދާ ކޮންމެތަނަކަށް ރަށުއޮފީހަށް ތިވަރަށް ފައިސާ ދައްކަންޏާ އެހެންރަށްރަށަށްވެސް ތިގޮތަށް ފައިސާދިނުން ހަމަހަމަގޮތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަނާ

11 April 2025

މީ ކޮންގޮތަކަށް ތަރުތީބުވެ ހިނގަމުން އަންނަ ޤައުމެއްބާއޭ މަ ހިތަށް އަރާ! ބަޔަކަށް ގޯތި ދޭންށޭ ކިޔާފަ އެތައް މިތަން ހިތުހުރިހާ ގޮތަކަށް ހިލޭ ބަހާލާފަ ސަރުކާރު އިމާރާތެއް ހަދަން ބިން ގަންނަން މި ޖެހެނީ!