މަހްފޫޒަށް މަރުގެ އިންޒާރު ދިން މައްސަލަ ބަލަނީ

މަހްފޫޒު.

މާއިދާ މުހައްމަދު ރަޝާދު، މިހާރު

04 ޖޫން 2025 - 09:41

ގާނޫނީ ވަކީލު މަހުފޫޒު ސައީދަށް ސޯޝަލް މީޑިއާގައި މަރުގެ އިންޒާރު ދިން މައްސަލައެއް ފުލުހުން ތަހުގީގު ކުރަން ފަށައިފި އެވެ.

މަހުފޫޒުގެ އެކްސް އެކައުންޓް ޓެގްކޮށް، "ވަޅިއެއް ޖަހަންވީތޯ" ސުވާލުކޮށްފައިވާ މީހެއްގެ މައްސަލަ ފެންމަތިވީ އިއްޔެ އެވެ. އެކަމަކު އެ މީހާގެ އެކައުންޓު އިއްޔެ ވަނީ ޑިލީޓް ކޮށްލައިފަ އެވެ.

އެ ޕޯސްޓު "އެކްސް" ގައި ހިއްސާ ކުރައްވައި މަހުފޫޒު ވިދާޅުވީ އެފަދަ ކަމެއް ކުރުމުގެ ކުރިން އެހުމުން އުފާވާ ކަމަށެވެ. އެކަމަކު އެ ބާވަތުގެ ކަމެއް ކުރަންޖެހޭ ޖާއިޒު އެއްވެސް ސަބަބެއް ނެތުމުން އެކަން ނުކުރަން އެދިވަޑައިގަންނަވާ ކަމަށް އެ ޕޯސްޓުގައި މަހުފޫޒު ވިދާޅުވި އެވެ.

އެހާ ފާޅުކަން ބޮޑު ގޮތެއްގައި މަހުފޫޒަށް އިންޒާރު ދިން އިރު މީގެ ނުވަ ވަރަކަށް އަހަރު ކުރިން ވެސް ވަނީ އޭނާގެ ބޮލަށް ވަޅިން ހަމަލާ ދީފަ އެވެ.

އެ މައްސަލާގައި ތިން މީހެއްގެ މައްޗަށް ދައުލަތުން ދައުވާ އުފުލި އެވެ. އެއީ ހުޅުމާލޭ ފްލެޓް 3-60 ފިރާޒް ޖައުފަރާއި ހ. ސެނާ، ޚާލިދު ނަފީއު އާއި ހުޅުމާލޭ 11270 އަހުމަދު ރާއިދު އަދި ރ. އިނގުރައިދޫ، ކަރަންކާގޭ ހުސައިން ޝަފްރާޒް އެވެ. އެކަމަކު، ކްރިމިނަލް ކޯޓުން އޭރު ނިންމީ އެ ތިން މީހުންގެ މައްޗަށް ކުށް ސާބިތު ނުވާ ކަމަށެވެ. އެ މީހުން އެ ހަމަލާދިނީ މަހުފޫޒަށް ފާރަލަމުން ގޮހެވެ.

ފުލުހުން މަރުގެ އިންޒާރު އިންޒާރު ދިނުން ވަކީލް މަހްފޫޒް ސައީދު ވަކީލުން

5 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުރީސަރުކާރު

04 June 2025

މިދިޔަ ފަސްއަހަރު ކުރިމަނަލް ކޯޓުގަ ޑީލްހަދަމުން ސަލާމަތް ކޮށްގެން މީނަ ނެރުނު މީހަކަށް ނުވެއްޖިއްޔާ ރަގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކް ރި މި ނާ

04 June 2025

"ކްރިމިނަލް ކޯޓް" ން ކްރިމިނަލުންނަށް ގެއްލުންވާ ގޮތަކަށް ކިހިނެއް ކަމެއް ކުރާނީ؟! އެހެންވީމާ، ސާބިތެއްވެސް ނުކުރެވޭނެތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބިތުވާޏެ އެއްވެސް ކަމެއްނެތް

04 June 2025

ސާބިތު ނުވާނެ އެއވެސް ކަމެއް. ސިޔާސީގޮތުން ބަޔަކު ބައްދާލަންވެއްޖެއްޔާ ސްޕާއެއް ހުންނަ ގޯޅިއެއްގަ ސައިކަލު ޕާރކު ކުރުމުންވެސް ބަދު އަޚުލާޤީ ޢަމލެއް ހިންގިކަން މުޅި ޢާއިލާގެ މައްޗަށް ސާބިތުކޮށްފާނެ. މީ މި ޤައުމުގެ ޙާލަތު. މީހަކު އަތުވާ ކޮންމެ ފަހަރަކު ބުނާނެ މިކަހަލ 40 ރެކޯރޑް މީނަގެ އެބައޮތޭ. ކޯޓުން ދޫ ކޮށްލީއޭ. ކޯޓަށް ހާޒިރު ނުކުރެވުނީއޭ. ސާބިތެއްނުވޭ. މުއްދަތު ހަމވެއްޖޭ. ހެކިން (ބިރުދައްކައިގެން) ބުނެފިޔޭ ޔަޤީނެއްނޫނޭ. ހުސް މިކަހަލަ ކަންކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުރިގޮތް

04 June 2025

މީގެ ނުވަ ވަރަކަށް އަހަރު ކުރިން ވެސް ވަނީ އޭނާ (މަހުފޫޒު)ގެ ބޮލަށް ވަޅިން ހަމަލާ ދީފަ އެވެ. އެ މައްސަލާގައި ތިން މީހެއްގެ މައްޗަށް ދައުލަތުން ދައުވާ އުފުލި އެވެ. ކްރިމިނަލް ކޯޓުން އޭރު ނިންމީ އެ ތިން މީހުންގެ މައްޗަށް ކުށް ސާބިތު ނުވާ ކަމަށެވެ. އެ މީހުން އެ ހަމަލާދިނީ މަހުފޫޒަށް ފާރަލަމުން ގޮހެވެ. ފާރަލަމުންގޮސް ހަމަލާ ދިނުމުންވެސް ކުށް ސާބިތެއް ނުވިއެވެ. ދެން ކުށް ސާބިތުވާނީ ކުށްކުރަނިކޮށް ފަޑިޔާރުގެ ލޮަލަށް ފެނުމުން ހެއްޔެވެ.