ވީއައިއޭއަށް ވަންނަ މަގުގައި ހުރި ގިޑިގެއެއް ގަދަ ވަޔާއެކު ވެއްޓިއްޖެ

މިނިވަން ދުވަހަށް ހެދި ގިޑިގެ ވެއްޓިފައި.--

ފާތިމަތު އަޖްފާން، މިހާރު

29 ޖުލައި 2025 - 20:56

މިއަދު މެންދުރު މާލެ ސަރަހައްދަށް ކުރި ވިއްސާރައިގައި ވައިގަދަވެ، ވެލާނާ އިންޓަނޭޝަނަލް އެއާޕޯޓަށް ވަންނަ މަގުގައި ހުރި ގިޑިގެއެއް ވެއްޓިއްޖެ އެވެ.

ފުލުހުން ބުނީ އެއާޕޯޓަށް ވަންނަ މަގުގައި، ޖުލައި 26 އަށް ހަދާފައި ހުރި ގިޑިގެއެއް ވައިގަދަވުމުގެ ސަބަބުން ވެއްޓުނު ކަމުގެ ރިޕޯޓް ލިބުނީ މެންދުރު 1:30 ހާއިރު ކަމަށެވެ.

އެ ހާދިސާގައި މީހަކަށް ވެސް އަދި އެ މަގުން ދަތުރުކުރި އެއްވެސް އުޅަނދަކަށް ވެސް ގެއްލުމެއް ނުލިބުނަސް، އެ ވަގުތު މަގު ބަންދުވެ، ދަތުރުފަތުރަށް ކޮންމެވެސް ވަރަކަށް ބުރޫ އެރިކަމަށް ފުލުހުން ބުންޏެވެ.

ފުލުހުންނާއި އެމްއޭސީއެލް މުވައްޒަފުން ގުޅިގެން ވެއްޓުނު ގިޑިގެ ނަގައި، މަގު ހުޅުވާލާފައިވާކަމަށް ފުލުހުން ބުންޏެވެ.

ކުރިއަށް އޮތް ދެ ދުވަހު ރާއްޖެއަށް ވިއްސާރަކޮށް، ކަނޑުތައް ގަދަވާނެތީ މޫސުމަށް ސަމާލުވުމަށް މެޓުން ވަނީ އިލްތިމާސް ކޮށްފަ އެވެ. މެޓުން ލަފާ ކޮށްފައި ވަނީ ވިލާގަނޑުގައި 50 މޭލަށް ވައިބާރުވެ، ކަނޑުތައް ގަދަވާނެ ކަމަށެވެ.

ރާއްޖެ އަށް މިހާރު މި ކުރަނީ ހުޅަނގު މޫސުމުގެ ވިއްސާރަ އެވެ.

ފުލުހުން ވެލާނާ އިންޓަނޭޝަނަލް އެއާޕޯޓް މޫސުން

8 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓޭޕް ސަރުކާރު

30 July 2025

މޯދީ އަންނާތީ އިސްލާމީ މަރުކަޒު ސަރަހައްދު ބަންދު ކުރަން ދެމި ޓޭޕް އަދިވެސް އެހުރީ ނައްޓާނުލާ. ނަމާދަށްދާ މީހުން ސައިކަލު ބަހައްޓާނެ ތަނެއް ނެތިގެން މީހުން އުޅޭ ހާލު ފުލުސް އޮފީހަށް އެނގޭބާ؟