ލަންކާ މީހަކު ރާއްޖޭގައި މަރާލި މައްސަލާގައި ދައުވާ ލިބުނު މީހާގެ މައްޗަށް ކުށް ސާބިތުނުވެ ސަލާމަތްވެއްޖެ

ރިސޯޓެއްގައި ލަންކާ މީހަކު މަރާލި މައްސަލާގައި ދައުވާލިބުނު ލަންކާ މީހާ: އޭނާގެ މައްޗަށް ކުށް ސާބިތުނުވާ ކަމަށް ވަނީ ހުކުމްކޮށްފައި

30 ޖުލައި 2025 - 15:39

29 comments

ރާއްޖޭގެ ރިސޯޓެއްގައި ސްރީ ލަންކާގެ ޝެފަކު މަރާލި މައްސަލާގެ ދައުވާ ލިބުނު އެ ގައުމުގެ މީހާގެ މައްޗަށް ކުށް ސާބިތުނުވާ ކަމަށް ހަ އަހަރު ފަހުން ކްރިމިނަލް ކޯޓުން ހުކުމްކޮށްފި އެވެ.

އެއްލައިދޫ ރިސޯޓުގައި 2019 ވަނަ އަހަރު ލަންކާގެ ޝެފަކަށް ވަޅިއަކުން ހަމަލާދީ މަރާލި މައްސަލާގައި ދައުލަތުން ދައުވާކުރީ ލަންކާގެ ރައްޔިތެއް ކަމަށްވާ ޖަޔަލަތު ކޮޑިއާޗިގެ ޖަނަކަ ޕްރަސަންނަ ޕެރޭރާގެ މައްޗަށެވެ. އޭނާގެ މައްޗަށް ކުރީ ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ދައުވާ އެވެ.

ކްރިމިނަލް ކޯޓުން މި މަހުގެ 14 ވަނަ ދުވަހު ކުރި ހުކުމުގައި ވަނީ ޖަޔަލަތު ފަހުން ކުށަށް އިންކާރު ކޮށްފައިވާއިރު، އޭނާ ކުރިން ބަންދު މުއްދަތު މަޖިލީހުގައި، ހަމަލާދިން ކަމަށް އެއްބަސްވި ނަމަވެސް އެއީ ގަސްދުގައި ދިން ހަމަލާއެއް ނޫން ކަމަށާއި އެއީ ނަފްސުގެ ދިފާއުގައި ދިން ހަމަލާއެއް ކަމަށް ބުނެފައިވާ ކަމަށެވެ. އޭނާ ބަންދު މުއްދަތު މަޖިލީހުގައި ވާހަކަ ދައްކާފައިވަނީ ވަކީލެއްގެ އެހީތެރިކަން ނުލިބި އަދި އޭނާގެ އިއުތިރާފްގެ ނަތީޖާ އޭނާއަށް ބުނެދީފައި ނުވަނީސް ކަމަށް ހުކުމުގައިވެ އެވެ.

މީގެ އިތުރުން އެ ހާދިސާ ލޮލަށް ފެނުނު މީހުން ރާއްޖެއިން ބޭރަށް ފުރައިގެން ދިއުމުން އެ އިން އެއްވެސް މީހެއް ހެކިބަހެއް ލިބިފައި ނުވާ ކަމަށާއި އިއުތިރާފް ބަޔާން ނަގާފައި އޮތްގޮތުން އެ ބަޔާނަށް ބުރަދަން ނުދެވޭނެ ކަމަށް ހުކުމުގައިވެ އެވެ. އެހެންވެ، ބަންދު މުއްދަތު މަޖިލީހުގައި ވެފައި އޮތް އިއުތިރާފަށް އެކަނި ބަލައިގެން އޭނާގެ މައްޗަށް އެ ކުށް ސާބިތު ނުކުރެވޭނެ ކަމަށް އެ ހުކުމުގައިވެ އެވެ. އެހެންވެ، އޭނާގެ މައްޗަށް އެ ކުށް ސާބިތުނުވާ ކަމަށް ހުކުމުގައިވެ އެވެ.

އެ މައްސަލާގައި މަންޒަރު ފެނުނު ހެކިން ރާއްޖެއިން ބޭރަށް ފުރައިގެން ގޮސްފައިވާތީ އެ މީހުން ހޯދައި، އެ މީހުންގެ ހެކިބަސް ނެގުމަށް އިންޓަޕޯލްގެ އެހީއަށް ވެސް ރާއްޖެއިން އެދުނެވެ. ނަމަވެސް އެ މީހުންގެ ހެކިބަހެއް މައްސަލަ ނިމުމާ ހަމައަށް ލިބިފައެއް ނުވެ އެވެ.

ކުށްކުރުން ސްރީ ލަންކާ ކްރިމިނަލް ކޯޓް މީހުން މެރުން ޖިނާއީ އަދުލުގެ ނިޒާމު ރާއްޖެ-ލަންކާ

29 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާމްދި ކާނޫ

31 July 2025

އޭރުވެސް އިންގޭ ނިމޭއިރު ވާނީ މިހެންކަން! މިކަހަލަ މާހައުލެއް އޮތުމުން ކުށްތަކަށް އަރާގަތުމަށް މަގުފަހިވޭ. މިތޮަށް ރާއްޖޭގައި މާރާލެވިފައިވާ ކިތަށް މީހުންނަށްތޯ އިންސާފު ނުލިބި ކަށްވަޅުގައި އެތިބީ! ޔަގީނުންސް އެމީސްމީހުން ދުނިޔޭގައި ނެތްްކަމަކު އެމީސްމީހުން އެދޭނެ އެމީހެއްގެ ގާތިލުންނަށް ހައްގު އަދަބުލިބެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

31 July 2025

މަންޒަރު ލޮލަށް ފެނުނު މީހުން ފުރައިގެން ދިޔައިރުވެސް އެމީހުންގެ ބަޔާނެއް، ހެކިބަހެއް ނުނަގާ ތިބެފައި، ފުރައިންގެން އެމީހުންގެ ގައުމަށް ދިޔަތާ އެތައް އަހަރެއްފަހުން އިންޓަޕޯލްގެ އެހީހޯދައިގެންވެސް އަރަކު ނުޖެހުނޯ. ކީއްކުރަން ދެން އެމީހުން ފަހަތުން ދުވަނÌ؟ ފުލުހުންގެ ވަށާޖެހޭ ތަހުގީގަށް ވަރަށް ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްަޔާގެ ދަރި

31 July 2025

ކޮންމެ މަރުހަލާއެއްގައި ނަމަވެސް ކުށަށް މީހަކު އިއުތިރާފު ވެއްޖެ ނަމަ އެ އިއުތިރާފަކީ އިއުތިރާފެއް ކަމަށް ބަލާނެ ހަމައެއް އެބަ އޮންނަންޖެހޭ. އެހެން ނޫނީ ކޮބާ އިއުތިރާފުގެ ބޭނުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

31 July 2025

އިންޓަޕޯލްއިން މިކަހަލަ އެއްވެސް މައްސަލައެއްގައި އެހީއެއް މިއަދާ ހަމައަށް ނުލިބޭ. އިންޓަޕޯލަށް މިތަނަށް އަންނަ ސިޔާސީ މީހުން އެނގޭ. އަދި ރާއްޖޭން ބޭރުގައި އުޅޭ ސިޔާސީ މިޙޫން ހޯދޭ. މިއޮތީވާ ޤައުމެއް. ފުލުހުންގެ ކޮރަޕްޝަން ބޮޑު ކަމާ ފަރުވާ ކުޑަކަމުން އެތަނެއް ބަޔަކަށް އިންސާފު ނުލިބި ދަނީ. ފުލުހުންނަށް ޤާނޫނު ތަކުން ބާރުތަކެއް ދީފައި އޮންނަނީ ރައްޔިތުންގެ ހައްޤުތަށް ކަށަވަރުކޮށްދޭން. އެކަމަކު ކުރެވޭ ކަމެއް ހަރާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫލް +

31 July 2025

"ޖަޔަލަތު ކޮޑިއާޗިގެ ޖަނަކަ ޕްރަސަންނަ ޕެރޭރާ"؟ ކީއްވެގެން އޭނަގެ ނަމުން ބައެއް އުނި ކުރީ؟ ފުރިހަމަ ސިންގަޅަ ނަމެއް ނަމަ އެ ނަން ލިޔެވިފަ އޮންނާނީ، "ޖަޔަލަތު ކޮޑިއާޗި މުޑިޔަންސެލާގެ ޖަނަކަ ޕްރަސަންނަ ޕެރޭރާ"، މިހެން. ކޮންމެޔަކަސް، އެހެން މީހުނަށް އިހުތިރާމު ކުރަން އެބަޖެހެޔާ، މިހާރުން މިހާރަށް.