މީރާ އިން ހިދުމަތް ހޯދަން ގޮސް ތިބި ބަޔަކު މަޑުކޮށްލައިގެން: އެކައުންޓްތައް ފްރީޒްކުރި މައްސަލާގައި މީރާ އިން ވާހަކަދައްކާކަށް ބޭނުމެއް ނޫން. --މިހާރު ފޮޓޯ: ނިޝާން އަލީ
23 މާޗް 2017 - 09:38
11 comments
ވިލާ ޝިޕިން އަދި ޔޮޓް ޓުއާސްގެ އެކައުންޓްތައް ފްރީޒްކުރި މައްސަލައާ ބެހޭ ގޮތުން ވާހަކަދައްކަން ބޭނުން ނޫން ކަމަށް މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ބުނެފި އެވެ.
އެކައުންޓްތައް ފްރީޒްކުރި މައްސަލައާ ބެހޭ ގޮތުން ސުވާލުކުރުމުން ދައުލަތުގެ ޓެކްސް އިދާރާގެ އޮފިޝަލަކު ވިދާޅުވީ އުސޫލެއްގެ ގޮތުން ވަކި ވަކި ޓެކްސް ޕޭޔަރުންނާ ބެހޭ ގޮތުން މައުލޫމާތު ނުދެވޭނެ ކަމަށެވެ. އަދި މީރާ އިން އަންގަން ޖެހޭ އެއްޗެއް އަންގާނީ އެ ފަރާތަކަށް ކަމަށް ވެސް އޭނާ ވިދާޅުވި އެވެ.
އެކަމާ ގުޅޭ ގޮތުން ކުރި އެއްވެސް ސުވާލަކަށް މީރާގެ އޮފިޝަލް ޖަވާބެއް ނުދެއްވި އެވެ. އެކަމަކު މީރާ އިން ބައެއް ފަހަރު ކުންފުނިތަކާ ދެކޮޅަށް ކޯޓުން ނެރޭ ހުކުމްތަކާ ގުޅިގެން ބަޔާންތައް ނެރެ، މީގެ ކުރިން މީޑިއާތަކަށް ފޮނުވާފައިވެ އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ ޝިޕިން އެންޑް ޓްރޭޑިން އިން 18 މިލިއަން ޑޮލަރު ދައްކަން އަންގައި އެ ކުންފުނީގެ އެކައުންޓްތައް މީރާ އިން އިއްޔެ ފްރީޒް ކުރި އިރު، ރައްޔިތުންގެ މަޖިލީހުގެ ކުރީގެ މެމްބަރު އަދި ވިޔަފާރިވެރިޔާ އަބްދުﷲ ޖާބިރުގެ ޔޮޓް ޓުއާސްގެ އެކައުންޓްތައް ވެސް މި ހަފުތާގެ ކުރީކޮޅު ވަނީ ފްރީޒްކޮށްފަ އެވެ.
ވިލާގެ އެކައުންޓްތައް ފްރީޒްކޮށްފައި މި ވަނީ ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ މައްޗަށް އިތުބާރު ނެތް ކަމުގެ މައްސަލައެއް ހޯމަދުވަހަށް އެޖެންޑާ ކޮށްފައި ވަނިކޮށެވެ. އަދި ވިލާ ކުންފުނީގެ މައްޗަށް ރާޅެއް ނަގަން އުޅޭހެން ހީވާ ކަމަށް ގާސިމް މީގެ ތިން ދުވަސް ކުރިން ވިދާޅުވެފައި އޮއްވަ އެވެ.
އޭނާ ވިދާޅުވެފައި ވަނީ "ވިލާގެ 100 މިލިއަން ރުފިޔާގެ މައްސަލައިގައި އެކައުންޓްތައް ފްރީޒް" ކުރުން އެއީ މި ހާލަތުގައި ކޮށްފާނެ ކަމެއް ކަމަށާއި ހިތާމައަކީ އެފަދަ އަމަލަކުން ވިލާގެ 5000 ވަރަކަށް މުވައްޒަފުންނަށް މުސާރަ ނުދެވިދާނެ ކަމުގެ ބިރު އޮތުން ކަމަށެވެ.
ޔޮޓް ޓުއާސްގެ އެކައުންޓްތައް ފްރީޒްކުރީ ހއ. އަލިދު އާއި ބީނާފުށި ރިސޯޓް އަދި ކަނޑާލި ފިނޮޅުގެ ކުއްޔާއި ޖުރިމަނާ ފައިސާ ނުދައްކާތީ އެވެ. ނަމަވެސް ޖާބިރު ވިދާޅުވީ އެ ތިން ރަށުގެ މައްސަލަ ވެސް ކޯޓު މަރުހަލާގައި އޮތުމުން، ކުއްޔާއި ޖުރިމަނާ ފައިސާ ދެއްކުމުގައި އުނދަގޫތަކެއް އެބަހުރި ކަމަށެވެ.
މީރާ އިން އެ ދެ ކުންފުނީގެ އެކައުންޓްތައް ފްރީޒްކުރި މައްސަލައާ ބެހޭ ގޮތުން ކުރީގެ ރައީސް މުހައްމަދު ނަޝީދު ވަނީ ވަރަށް ބޮޑަށް ފާޑު ވިދާޅުވެފަ އެވެ.
ދައުލަތަށް ޓެކްސް ނެގުމަށް އެމްޑީޕީގެ ވެރިކަމުގައި އުފެއްދި މީރާ އިން ގާސިމް އިބްރާހިމްގެ ވިލާ ޝިޕިން އާއި ޖާބިރުގެ ޔޮޓް ޓުއާސްގެ އެކައުންޓްތައް ފްރީޒްކުރުމާ ގުޅިގެން، ނަޝީދު ކުރެއްވި ޓުވީޓެއްގައި ވިދާޅުވީ، ސަރުކާރު ސިޔާސީ ގޮތުން ތާށިވާ ކޮންމެ ވަގުތަކު ވިޔަފާރިވެރިންގެ އެކައުންޓްތައް ފްރީޒްކުރުމުން މީރާގެ އަމަލަކީ ސިޔާސީ ކަމެއްކަން ސާފުވާ ކަމަށެވެ. އަދި މީރާގެ ކޮމިޝަނާ ޖެނެރަލް ޔަޒީދު މުހައްމަދު ޖަވާބުދާރީ ކުރުވާނެ ކަމަށް ވެސް ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަހޮއްކޮ
25 March 2017
ދިވެހިރާއްޖެ - 2017 ޤައުމުގެ ޙާލަތު އަންގައިދޭ ރަގަޅު މިންގަޑެއް. ޒާތީ / ސިޔާސީ ދަރަނި ޔަޤީން ޓީމަށް ސަލާމް.
ޜަދުން
23 March 2017
މީރާ އާ ސުވާލުކޮށްގެން ކޮން ޖަވާބެއްދެވޭނީ ރައިސް އޮފީސް ނޫނީ ޕީޕީއެމް ޖަގަހަ އެއްގަ ސުވާލު ކުރިނަމަ ޖަވާބު ލިބުނީސް. ނުސްވެރިން ވެސް ނިކަން ޒިއްމާދާރުވެ ބަލަ
އިބިރިހިންބެއްޔާ
23 March 2017
ދައްކާނެ ރަގަޅުވާހަކައެއް ނެތުނީ ކަމަށްވެސް ވެދާނެ. ދެންވެސް ނޫސްތަކުން ތަފްސީލު ގެނެސް ދެއްވަންވީ ނޫންތޯ؟
ދޮންހުސޭނު
23 March 2017
ކޮން ވާޙަކައެއްތޯ ދައްކަން އޮތީ؟ މީރާއިން އެމީހުންގެ ވެބްސައިޓްގައި އާންމުކޮށްފައިވާ "އެންފޯރސްމަންޓް ޕޮލިސީ" އާ ކަނޑައެޅިގެން ޚިލާފަށް އަމަލުކޮށްފައިއޮތީ. މި ދެންނެވި ޕޮލިސީގެ 3 ވަނަ މާއްދާގެ (ހ) އަދި (ށ) ގައި ފިޔަވަޅު އެޅުމުގެ އުސޫލުގައި ބަޔާންކޮށްފައިވާގޮތުން، ދައްކަންޖެހި ނުދައްކާވާ ފައިސާއެއް ދައްކަންޖެހޭކަމަށް ކަނޑައެޅުމުން އެފައިސާއެއް ދައްކަން މުއްދަތެއްދޭންޖެހޭ. އަދި އެގޮތުން ދޭ މުއްދަތުގެ ތެރޭގައި ފައިސާ ނުދައްކާނަމަ ފައިސާ ދައްކަން އަންގައި ލިޔުމުން 2 ނޯޓިސް (ކޮންމެ ނޯޓިސްއަކަށް 15 ދުވަސް) ދޭންޖެހޭ. މިގޮތުން ނޯޓިސް ދިނުމަށްފަހު ނޯޓިސް މުއްދަތުގައިވެސް ފައިސާ ނުދައްކައިފިނަމަ ފިޔަވަޅުއެޅޭނީ.. ހައިކޯޓުން ތ. އެލާގެ މައްސަލާގައި ސިިވލް ކޯޓުގެ ހުކުމް ބާތިލްކޮށް ކުއްޔާއި ޖޫރިމަނާގެ ގޮތުގައި ދައްކަންޖެހޭ އަދަދު ދެއްކުމަށް ވިލާ ޝިޕިންގ ގެ މައްޗަށް ހުކުމް ކޮށްފައިވަނީ 21 މާރޗް 2017 ގައި (ގަޒިއްޔާ ނަންބަރު 2016-HCA-153 ). މި ތާރީޚުން ފެށިގެން 30 ދުވަސް ފާއިތުވެ، މީރާގެ އެންފޯރސްމަންޓް ޕޮލިސީގައި އެބުނާ ނޯޓިސް ދެވިފައިއޮތްގޮތެއް ބުނެދޭން އެނގޭ ބޭފުޅަކު ހުރިނަމަ ވާހަކަ ދައްކަންވީ. އެހެންނޫނީ ދައްކާނެ ވާހަކައެއް ނޯންނާނެ ދޯ؟؟
އަބޫ
24 March 2017
ކޮއްކޯ 21 މާރޗު 2017 ން ފެށިގެން 30 ދުވަސް ވަނީ ފްރީޒްކުރިދުވަހަށްތަ؟
އިންސާފު
23 March 2017
ހެޔޮނުވާނެ ތިޔަހެން ހަދަން ވަރަށް ދެރަވޭ. މީރާއަކީ ހާދަ ނުރައްކާތެނެކޭދޯ؟
ހެހެ
23 March 2017
މިއީ މީރާއަށް، ދިވެހި ދައުލަތައް ހޯދަންޖެހޭ ފައިސާއެއްނަމަ، މިއޮތް ހުރިހާދުވަހު މިފައިސާތައް ނުހޯދާ ކިޔެއްވެފަތޯ ތިޔަހުންނަވަނީ، މީ އަޅުގަނޑު ހަމަ އަހާލަން ބޭނުންވާ ސުވާލަކީ މީރާގެ ފަރާތުން! މީގައި މީރާގެ އިހްމާލް އިންތިހާޔަށް އެބައޮތް! ކަޮންކޮން ކުންފުންޏަކުން ކިހައި ފައިސާއެއްތޯ ދައްކަން އޮތީ މީ ހާމަކަން ބޮޑުގޮތެއްގައި ރައްޔިތުންނަށް އަންގަންޖެހޭނެ ކަންކަން، ތިޔަބޭފުޅުނަނަކީ ވަކިބަޔަކު ސިޔާސީ މަގުޞަދުތައް ޙާސިލްކުރަން އުފަންވެފަ އޮތް ބައެއްނޫން! ހަމަހަމަކަމާއި އިންސާފުން ކުންފުނި ތަކާދޭތެރޭ، އެބޭފުޅުންނަށް ދެވެން އޮތްދޫތަކެއް ދީގެން އުސޫލާއި ހަމަތަކުން ކަންކަން ކުރަން ތިބި ބައެއް މީރާއަކީ!
ދޮންދީނި
23 March 2017
އެއްޗެއް ބުނާނެކަމެެއް ނެތް! ބުނީމަ ބުނާ މީހާ ގޯސްވާނީ! މިއޮތީވާ ޤައުމެއް!
މުހައްމަދު
23 March 2017
ޔަޒީދުގެ ނަޒާހަތްތެރިކަންހުރިވަރު ދިވެހި ހުރިހާ ރައްޔިތުން ނަށް މިއޮތީ ފެންނަން. މިލިއަނުން ފައިސާ ދައްކަން ޖެހިފައޮތަސް ހެޔޮ ކަމާއި ފުލެޓް ދިންފަރާތުން ބޭނުންވުމުން ވަގުތުން ހިތުހުރި ގޮތެއް ހަދާކަން މިއޮތީ ފެންނަން. ގައުމަށް ހަރާންކޯރުވާ ފަރާތްތަކުގެ ފުލެޓްތަށް އަތުލެވެން ޖެހޭނެ. ޢަހަރުމެން ދުލެއްނުކުރާނަން. ތިޔަފުލެޓަށް އަލްވިދާ ކިޔަން ތައްޔާރުވޭ.
ޑރ
23 March 2017
މިހާރު ވާހަކަ ނުދެއްކިޔަސް މާލަސްތަކެއްނުވެ ވާހަކަ ދައްކަންފަށާނެ އިންޝާﷲ...
ޗިކުސް
23 March 2017
ތި ހިންގަމުންދާ ޖަރީމާ މިހާރުން މިހާރަށް ކުއްވެރިކުރަން. ބުރަ މަސައްކަތުން ދާ އޮހޮރުވައިގެން ހޯދާ ފައިސާ ތަކެއް ، ތި އައްވުރެ އިންސާފް ވެރި ގޮތަކަށް ތިކަން ކުރެއްވުން އެދެމެވެ.