ތިން އަހަރުން ސިފައިންނާއި ފުލުހުންގެ ބޭސްފަރުވާ އަށް 727 މިލިއަން، އަދަދު ދަނީ އިތުރުވަމުން!

ފާތިމަތު ޝަނާ މުހައްމަދު، މިހާރު

20 އޯގަސްޓް 2025 - 15:05

ފުލުހުންނާއި ސިފައިންގެ ބޭސްފަރުވާއަށް ތިން އަހަރު ތެރޭގައި 727 މިލިއަން ރުފިޔާ ހޭދަކޮށްފި އެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީ އަށް ފޮނުވަފައިވަ އެކަމާ ގުޅޭ ޑޮކިއުމެންޓެއްގައިވާ ގޮތުން ބޮޑު ބައެއް ހޭދަކުރަނީ ސިފައިންނާ ފުލުހުންގެ ބޭސްފަރުވާގެ ހަރަދުތައް ހަމަޖެއްސުމަށެވެ.

ކޮމިޓީއާ ހިއްސާކޮށްފައިވާ މައުލޫމާތުތަކުން އެނގޭ ގޮތުން ނަމަ ސިފައިންގެ ހޮސްޕިޓަލް ސެނަހިޔާ އާއި ފުލުހުންގެ ބޭސްފަރުވާގެ ނިޒާމު ނޫސަންދައަށް އަދި ސިފައިންނާއި ފުލުހުން ރާއްޖެ އިން ބޭރުގައި ބޭސްފަރުވާ ކުރުމުގެ ހަރަދު އަހަރުން އަހަރަށް ދަނީ އިތުރުވަމުންނެވެ.

މިދިޔަ ތިން އަހަރު ސިފައިންގެ ބޭސްފަރުވާ އަށް 324 މިލިއަން ރުފިޔާ ހޭދަކުރި އިރު، އޭގެ ތެރެއިން 80 ޕަސެންޓު ހޭދަކޮށްފައިވަނީ ސިފައިންގެ އާއިލާތަކުގެ ބޭސްފަރުވާއަށެވެ. އެއީ 260 މިލިއަން ރުފިޔާ އެވެ. އޭގެ ތެރެއިން ރާއްޖޭގައި ސިފައިންގެ އާއިލާތަކަށް ކުރި ބޭސްފަރުވާގެ ހަރަދު 253 މިލިއަން ރުފިޔާ އަށް އަރަ އެވެ. އަދި ބާކީ ހަތް މިލިއަން ރުފިޔާ ހޭދަކުރީ ރާއްޖެ އިން ބޭރުގެ ބޭސްފަރުވާ އަށެވެ.

ސިފައިންގެ ބޭސްފަރުވާގެ ތަފްސީލު

ސިފައިންގެ ބޭސްފަރުވާގެ ހަރަދު 2021 ވަނަ އަހަރު ހުރީ 77 މިލިއަން ރުފިޔާގަ އެވެ. އެކަމަކު 2023 ވަނަ އަހަރު އެ އަދަދު ވަނީ ގާތްގަނޑަކަށް 80 ޕަސެންޓު އިތުރުވެފަ އެވެ. އެ އަހަރު ސިފައިންނާއި ސިފައިންގެ އާއިލާތަކުގެ ސިއްހީ ފަރުވާ އަށް ކުރި ހޭދަ ވަނީ 142 މިލިއަން ރުފިޔާ އިތުރުވެފަ އެވެ.

އޮޑިޓް ރިޕޯޓުގައިވާ ވެސް ފާހަގަކޮށްފައިވާ ގޮތުން 2023 ވަނަ އަހަރު ސިފައިންގެ ބޭސްފަރުވާ އަށް ކުރި ހޭދަވަނީ ބަޖެޓު ކުރި އަދަދަށް ވުރެ 35 ޕަސެންޓު އިތުރުވެފަ އެވެ.

ފުލުހުންގެ ބޭސްފަރުވާ އަށް 465 މިލިއަން ރުފިޔާ ހޭދަކޮށްފައިވެ އެވެ. އޭގެ ތެރެއިން ރާއްޖޭގައި ކުރި ބޭސްފަރުވާގެ ހަރަދު 341 މިލިއަން ރުފިޔާ އަށް އަރަ އެވެ. އަދި ރާއްޖެއިން ބޭރުގެ ބޭސްފަރުވާގެ ހަރަދު 62 މިލިއަން ރުފިޔާއަށް އަރަ އެވެ.

ފުލުހުންގެ ބޭސްފަރުވާގެ ތަފްސީލް

ފުލުހުންގެ ބޭސްފަރުވާ އަށް 2021 ވަނަ އަހަރު ހޭދަކުރީ 106 މިލިއަން ރުފިޔާ އެވެ. އެކަމަކު އެ އަދަދު 2023 ވަނަ އަހަރު ހުރީ 167 މިލިއަން ރުފިޔާގަ އެވެ. އެހެންވެ އެއީ 57 ޕަސެންޓުގެ އިތުރުވުމެކެވެ.

ސިފައިންނާއި ފުލުހުން ވަކިކޮށް ފުލުހުން ވަކި މުއައްސަސާއެއްގެ ގޮތުގައި ހިންގަން ފެށިތާ ކުރީކޮޅު އެ ތަނުގައި ދިނީ އެލައިޑް އިންޝުއަރެންސްގެ ހިދުމަތް އެކަންޏެވެ. ނަމަވެސް 2011 ހިސާބުގައި އެލައިޑް އިންޝުއަރެންސް ސްކީމުގެ ހުއްޓާލައި އެމްއެންޑީއެފުން ދޭ ކަހަލަ ގޮތަކަށް ފުލުހުންގެ ސިއްހީ ފަރުވާގެ ކަންކަން ބަދަލުކުރި އެވެ.

ފުލުހުންނަކީ ދައުލަތުގެ ބަޖެޓުން ސިއްހީ ހިދުމަތަކަށް އެންމެ ބޮޑު ބަޖެޓެއް ކަނޑައަޅާފައިވާ މުއައްސަސާ ވެސް މެ އެވެ.

ސިއްހަތު ފުލުހުން އެމްއެންޑީއެފް ހެލްތު އިންޝުއަރެންސް ދިވެހި ސިފައިން މަޖިލީހުގެ މާލިއްޔަތު ކޮމިޓީ

51 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަބޫ

22 August 2025

އެވެސް ހަމަ ދިވެހި އައިޑީ ކާޑު އޮންނަ ދިވެހިން. އެމީހުންގެ އާއިލާ އަކީ ހަމަ އެހެން މީހުނެކޭ އެއްވަރު ރައްޔިތުން. ތިމާއަށް ނުލިބި އެހެންމީހަކަށް ބައިރުފިޔާއެއްވެސް ނުލިބުމަށް ދިވެހިން އެދެނީ. މީ މިގައުމުގެ ހާލަތު. މީ ވާ ގައުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑަބޮއް ސައީދު

22 August 2025

އަލިފާން ރުޅި އައިސްފި މި ހަބަރު ކިޔާފަ. ޢިސަރާފު ކުރުން މިވަނީ މިދެއިދާރާގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންލަލަލާ

22 August 2025

ނޫސްވެރީންނަން ސަރުކާރުން 5 ބިލޔަން ސަބުސިޑީ މުސާރަދިނުމަށް، ޢޮފީސް ހިލޭ، މިއީ ސަރުޚާރުން ގަސްތުގައި ފިތުނަފަސާދަ އުފެއްދުމަށް ރަސްމީ ހަޢިސިއްޔަތުން ކުާކަންތައްތައް، އަސި މިމަންޖެ މގޮތައް މަސްހޫރުވާން ބޭނުނއވޭ ، ސަރުކާރުން މަސްވެރީންނަން ނުކުރާހޭދަ ނޫސްވެރީންނަން ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިވިލް

22 August 2025

ހާދަ ބަލި ކުދިންނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމް

22 August 2025

ސަރުކާރު މިނިސްޓަރުންނާއި މަޖިލިސް މެމްބަރުންނާއި ޖުޑިޝަރީ ފަނޑިޔާރުންނާއި ކޮމިޝަންތަކުގެ މެމްބަރުންނާއި ފުލުސް ސިފައިންގެ ބޭކަލުންނާއި މިފަދަ މަގާމުތަކުގައި ތިއްބަވާ ބޭފުޅުން އާއްމު ދިވެހިންނަށް ވުރެ ތަފާތު ބަލިތަކެއް ވަނީތޯ ނޫނީ ބަލިކަށީތޯ ދިވެހި ސަރުކާރުގެ ސިއްހީ އިންސުއަރެންސް އާސަންދައިން ނުފުދިގެން ޕްރައިވެޓް އިންސުއަރެންސް ދައުލަތުގެ ޚަރަދުގައި ދޭންޖެހެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބޭ..

21 August 2025

ފުލުހުންގެ އާއިލާތައް ބޮޑުވަމުން އަންނަ އިރު ބޭސްފަރުވާގެ ހަރަދުތައް ދާނީ މައްޗަށް. އެއީ މައްސަލައެއް ނޫން. ހުރިހާ ފުލުހުންނަށް ގެދޮރުވެރިކަން ހަމަޖެހޭ ދުވަހަކުން ދެން ސަޅިވީ ހުރިހާ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެލްތްކެއާ ޕުރޮފެޝަނަލްސް

21 August 2025

އަހަރުމެންނަށް ދުއްޕާން ކުރެވޭތޯ ބަލަނީ..ލިބެން ހައްގު އެތިކޮޅުވެސް ނުދީ ވޭތޯ މީގެ ބޭސް ފަރުވާ ދިނިއްޔާ ކީއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދުހު

21 August 2025

ބެންކޮކަށް ފަރުވާއަށް ދެވޭގޮތް ވުމުން ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާދިރު

21 August 2025

ސިފައިންނާ ފުލުހުން ލެއްވިއްޔާ ލެއްވި ހުރިހައި ކަމެއްގަ ޓެކުސީ ކުރުމުން ގޮސް ސްޕާ ހިންގުމުގަވެސް އަދި ޤާނޫނާ ގަވައިދުތަމާ ޚިލާފު ހުރިހައި ކަމެއްގަވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުލުސިފަ

21 August 2025

ރަނގަޅަށް ދެލޯ ދުނިޔެއަށް ހުޅުވާލާފަ ދެން މިފަދަ ލިޔުންތަށް ކިޔާނީ؟ އެއްވެސް އަސްކަރިއްޔާއެއް އަދި ފުލުހުންގެ ހިދުމަތެއް ނޯންނާނެ މިފަދަ އިނާޏަތްތައް ހަމަ ޖެހިފަ ނޯންނަ؟ މިއީ ކީ އާދައިގެ ވަޒީފާތަކެއްނޫން އެއްވެސް ހާލެއްގަ! ގަބޫލު ކުރަން ޖެހޭނެ ކޮންމެ ތަނެއްގަވެސް މައްސަލަތަކެއް ހުރެދާނެކަން. މިފަދަ އިނާޏަތްތަށް މީ ބަހުސް ކުރަން ހުންނަކަން ކަމެއްނޫން، ހަމަ ޖެހިފަ ހުންނަށް ޖެހޭ ކަންކަން.