މިއަދު ލިބޭ ނަތީޖާއަކީ ކިޔެވުން ހުއްޓާލަން ނިންމާ ދުވަސް ކަމަށް ނުހަދަން މިނިސްޓަރުގެ ނަސޭހަތެއް

ފާތިމަތު އަޖްފާން، މިހާރު

19 އޯގަސްޓް 2025 - 09:00

މިއަދު ދޫކުރަން ފަށާ، އޯލެވެލް އިމްތިހާނުގެ ނަތީޖާ ކޮންމެ ގޮތަކަށް ލިބުނު ނަމަވެސް ކިޔެވުން ހުއްޓާ ނުލުމަށް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު ދަރިވަރުންނަށް ނަސޭހަތްތެރިވެ ވަޑައިގެންފި އެވެ.

މި އަހަރު މެއި/ޖޫންގައި ބޭއްވި އޯލެވެލް އިމްތިހާނުގެ ނަތީޖާ ދޫކުރަން ފަށާނީ މިއަދު މެންދުރު ފަހު 1:00ގަ އެވެ.

ސޯޝަލް މީޑިއާގައި މިނިސްޓަރު ކުރެއްވި ޕޯސްޓެއްގައި ވިދާޅުވީ ހުރިހާ ދަރިވަރުންނަކީ ނަތީޖާގައި އެންމެ ރަނގަޅު ކުދިންނަށް ނުވެދާނެ ކަމަށާއި އޯލެވެލްގެ ނަތީޖާއަކީ ދަރިވަރުންގެ ކިޔެވުމުގައި ގޮތް ނިންމާ ދުވަސް ކަމަށް ކުރިން އޮތް އޮތުން މިހާރު މާޒީވެފައިވާ ކަމަށެވެ.

އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު.-- ފޮޓޯ: ނިޝާން އަލީ / މިހާރު

"މާދަމާ [މިއަދު] ލިބޭ ނަތީޖާއަކީ ކިޔެވުން ހުއްޓާލަން ނިންމާ ދުވަސްކަމުގައި ނުހަދާށެވެ... އޯލެވެލް ނަތީޖާއަކީ ތިޔަ ދަރިވަރުންގެ ކިޔެވުމުގައި ސިއްކަޖެހޭ ދުވަސް ކަމުގައިވެފައި ވަނީ މާޒީގަ އެވެ،" އޯލެވެލް ނިންމާ ކޮންމެ ކުއްޖަކަށް ވެސް އޭލެވެލްއަށް ކިޔެވުމުގެ ފުރުސަތު އޮތްކަން ފާހަގަކުރައްވަމުން މިނިސްޓަރު ރޭގެ ވަގުތެއްގައި ކުރެއްވި ޕޯސްޓުގައި ލިޔުއްވާފައިވެ އެވެ.

އޭ ލެވެލް ކިޔެވުމުގެ ފުރުސަތު ވީހާ ވެސް ގިނަ ކުދިންނަށް ދޭން ގްރޭޑް 11، 12 އަށް ވައްދާ ކްރައިޓީރިއާ ދަށްކޮށް އުސޫލު ބަދަލުކުރުމަށް ފަހު އިއުލާނުކުރީ އިއްޔެ އެވެ.

މިނިސްޓަރު ވަނީ އޯލެވެލް ނިންމާ ކުދިންނަށް އޭލެވެލް ކިޔެވުމާ އެކު ކުރިއަށްދިއުމުގެ ތަފާތު މަގުތަކެއް މިނިސްޓްރީން ފަހިކޮށްދީފައިވާކަން ފާހަގަކުރައްވައިފަ އެވެ. އެއީ އެކަޑަމިކް ޕާތުވޭ، ސްކޫލުގައި ކުރިއަށްގެންދާ ވޮކޭޝަނަލް އެޑިއުކޭޝަން ޕާތުވޭ އަދި މަސައްކަތުގެ މާހައުލުގައި (ވޯކް-ބޭސްޑް) ކިޔެވުމުގެ އެޕްރެންޓިސްޝިޕް ޕާތުވޭ އެވެ.

ކޮންމެ ކުއްޖަކީ މިހާރު ހުޅުވާލާފައިވާ ކޮންމެވެސް އެއް ލާނިން ޕާތުވޭއެއްގައި ކިޔެވުމުގެ ފުރުސަތު ލިބޭނެ ކުއްޖެއް ކަމަށް އުންމީދުކުރައްވާ ކަމަށް ވެސް މިނިސްޓަރު ވިދާޅުވި އެވެ.

A'level ah kiyavan gina kudhinnah furusathu libey gothah usoolu islaahukoffi

The most trusted news source in the Maldives

Mihaaru

އޭ ލެވެލް ކިޔަވާ ދަރިވަރުންގެ އަދަދު އިތުރު ކުރުމަށް ސަރުކާރުން ވަނީ ގިނަ ކަންތައްތަކެއް މިހާރު ވެސް ކޮށްފަ އެވެ. އޭގެތެރޭގައި މާލޭގައި ޒަމާންވަންދެން ހިންގި އޭ ލެވެލް ސްކޫލް، ސީއެޗްއެސްއީ އިމާރާތް އަލުން ހުޅުވައި ކިޔަވައި ދޭން ފެށުން ހިމެނެ އެވެ. އަދި އޯ ލެވެލް އަށް ކިޔަވައިދޭ 23 ސްކޫލެއްގައި މި އަހަރު އޭ ލެވެލް ކިޔަވައިދޭން ވެސް ވަނީ ފަށައިފަ އެވެ.

ތައުލީމް އޯލެވެލް އިމްތިހާން އޭ ލެވެލް

14 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

22 August 2025

ނަތީޖާ ދަށްކުދިން ކިޔެވުން ހުއްޓާނުލާ ކިޔަވަނީ ކޮންތާކުންތޯ؟. ސީއެޗްއެސްސީ ގަ މެތަމެޓިކްސް ކިޔެވެނީވެސް އޭ އޯލެވެލްގަ ލިބިފަތިބިކުދިންނަށް. އޯލެވެލްގަ ބީ ލިބިގެން ހިސާބު ސަބްޖެކްޓުގަ ބައިވެރިނުވެވޭ. ދެން ސީ ލިބިގެން ކިޔަވަނީ ކޮންތާކުންތޯ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަކާސް

19 August 2025

ނެގެޓިވްކޮށް ނޫނީ މީނަޔަށް އެއްޗެއް ބުނަން ނޭނގެނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާހުއްޓާ

19 August 2025

ކިޔަވައިގެން މިގައުމުގަ ލިބޭނެ އެކަޝީގެންވާ ވަޒީފާއެއްނެތް. ސިޔާސީވީމަ ވަޒީފާ މިގައުމުގަ ލިބޭނީ. އެކަން އިސްލާހްކޮއްފަ ތިބާވަތުގެ ވާހަކަދައްކާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނަން

19 August 2025

ނުކިޔަވާ މީހުން ސިޔާސީ ބޮޑެތި މަގާމުތަކުގަ. ދެން ކީއްކުރަން ކިޔަވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ކުރުސީ

19 August 2025

މިނިސްޓަރު ތިޔަހެން ވިދާޅުވާއިރު މިހާރުވެސް ސިޔާސީ މަޤާމްތަކުގައި ތިބި ގިނަ މީހުންނަކީ އެއްވެސް ތަޢުލީމީ ޤާބިލުކަމެއް ހުރި ބައެއްނޫން! މަޖްލީހުގައި އެތިބީ އަދި އެއަށްވުރެ ހާލުބޮޑު ބައެއް! ދެން ކިޔަވަން ބާރުދިނުމުގެ ބަދަލުގައި ސިޔާސީ މައިދާނަށް ވަދެ ނޫނީ ސޯޝަލް މީޑިޔާގައި ސަރުކާރަށް ހުޝާމަދުކުރަން ބާރުއެޅިއްޔާ މާރަގަޅުވާނެ! ތަޢުލީމު އުގެނެން ބާރުއަޅާނީ އެކަން ވަޒަންކުރާ އެކަމަށް ފުރުސަތުދޭ ސަރުކާރުތަކުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

19 August 2025

ކިޔަވާ ނިމިގެން ނިކުތުމުން 2 ކޮޅު ޖެހޭނެ އާމްދަނީގެ ކިހާ ވަސީލަތްތަކެއް އެބަހުރިބާއެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން

19 August 2025

"ޕާކިސްތާން ކުއްޖަކު އޭ-ލެވެލް އިން "A* 24" ހާސިލްކޮށް ދުނިޔޭގެ ރެކޯޑެއް" "ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަނީ މަހްނޫރުގެ މި ކާމިޔާބީއަށް މަރުޙަބާ ކިޔުއްވާފައެވެ. އެމަނިކުފާނު ވިދާޅުވެފައިވަނީ މަހްނޫރުގެ 24 އޭ-ލެވެލް ޑިސްޓިންކްޝަން އަދި 4 ދުނިޔޭގެ ރެކޯޑު ހޯދުމާއިއެކު، ފާހަގަކޮށްލެވޭ ތަޢުލީމީ މަރުކަޒަކުން .. އެހެން ކުދިންވެސް އެކަމުން އިބުރަތް ހާސިލްކުރަން ޖެހޭކަމެއްކަމަށް ފާހަގަކޮށް ހިތްވަރުދެއްވާފަ އެވެ މިފަދަ ކަންތައް ނޫހަށް ނާރާތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާލު

19 August 2025

ދަށް ކުދިން ދިރިއުޅުގެ ކަންކަމަށް ތައްޔާރު ކުރެވޭނެ ނިޒާމެއް ހެދިއްޔާ ވާނީ ކީއްތަ؟ މިގައުމުގައި ގިނަ ޒުވާނުން ތިބީ މަގުމަތީގައި. އެއްވެސް ޒިންމާދާރު ކަމެއްގައި އުޅޭތަނެއް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަކަލި.

19 August 2025

ނަތީޖާ އެނގެނީ އެގްޒާމް ހަދާތީ. އެއްވެސް ގްރޭޑެއްގައި އެގްޒާމް ހަދަން ނުޖެހޭގޮތަށް ނިންމަންވީ. އޭރުން ދަރިވަރުންނަށް ކިޔަވަން ބޮޑުތަނުން ފަސޭހަވާނެ. ޓިއުޝަނަށް ބޮޑު ޚަރަދު ކުރާކަށް ނުޖެހޭނެ. ކޮންމެ އަހަރަކުވެސް ހުރިހާ ކުދިންވެސް ގްރޭޑު ބަދަލުވާނެ. ހަދަންޖެހޭނީ އޯލެވެލް އާއި އޭލެވެލް އެގްޒާމް އެކަނި. އޯލެވެލްއިން ފާސް ނުވިޔަސް އޭލެވެލްއަށް ދެވޭނެ. ނިމުނީ. ޚަލާސް. ފަސޭހަގޮތް ފަސޭހަވެފައި މިގޮތް ޚަރަދުވެސް ކުޑަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

19 August 2025

ކިޔެވުމުގެ ބޭނުމެއް ދަރުވަރުންނަކަށް ނުވިސްނޭ، ކްރައިޓީރިއާ ދަށްކުތުމުންވެސް ކިޔަވާ ހިތުން ކިޔަވަން އުޅޭ ކުދިންނަށް ނުސީދާކޮށް ތިޔަ ޖައްސަނީ އުދަގުލެއް. ސެކަންޑްރީ ކްލާސްތަކުގެ ޢާންމު ހާލަތަށް ރިއާޔަތް ކޮށްފިނަމަ މިކަން ސާފްވާނެ... ކިޔަވާފަ ތިބޭ މީހުންގެ މައްޗަށް އަޑުގަދަ ޖާހިލުން ބަސް ކިޔާ ޤައުުމެއް މީ.