ހަ ރަށެއްގައި ޖެޓީ ހެދުމުގެ އެގްރީމަންޓްގައި މުއިއްޒު (ކ) އާއި ނިމާލް (ކ-2) ސޮއިކުރެއްވުމަށްފަހު، އެއްބަސްވުން ބަދަލު ކުރަނީ. ޖެޓީ ހެދުމަށް އެމްއާރުޑީސީން 14 މިލިއަން ރުފިޔާ ހަރަދު ކުރާނެ. - ފޮޓޯ: ހުސެއިން ވަހީދު/ މިހާރު
26 މާޗް 2017 - 13:13
8 comments
ހަ ރަށެއްގެ ލަފާފުރުމުގެ ދަތިކަން ހައްލު ކުރުމަށް 14 މިލިއަނަށްވުރެ ގިނަ ރުފިޔާއަށް ހައުސިން މިނިސްޓްރީން މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ)އާ މިއަދު ހަވާލުކޮށްފި އެވެ.
ހައުސިން މިނިސްޓްރީގައި ބޭއްވި ރަސްމިއްޔާތެއްގައި މިނިސްޓަރު ޑރ. މުހައްމަދު މުއިއްޒު ވިދާޅުވީ މި އަހަރުގެ ބަޖެޓުގައި ހިމަނައިގެން ޖެޓީ ހަދަން ނިންމީ އާބާދީ މަދު، ލަފާފުރުމުގެ ކަންކަން ވަރަށް އާދައިގެ ގޮތަކަށް ހުރި ރަށްތަކެއްގައި ކަމަށެވެ.
"ރައީސް އަބްދުﷲ ޔާމީން ނިންމަވާފައި ވަނީ، މީހުން އެ ރަށެއްގައި ދިރިއުޅޭ އިރު، އަސާސީ ކަންކަން ފުރިހަމަ ކޮށްދިނުމަށް ޖެޓީއެއް ހެދިގެން ދާން ޖެހޭނެ ކަމަށް،" މުއިއްޒު ވިދާޅުވި އެވެ.
ހައުސިން މިނިސްޓަރު މުއިއްޒު މިއަދު ވާހަކަ ދައްކަވަނީ، ޖެޓީ ހަދަން ނިންމި ހަ ރަށަކީ ލަފާފުރުމުގެ ދަތިކަން އެންމެ ބޮޑަށް ދިމާވެފައިވާ ރަށްތައް ކަމަށް އޭނާ ވިދާޅުވި. - ފޮޓޯ: ހުސެއިން ވަހީދު/ މިހާރު
ޖެޓީ ހަދަން ނިންމި ރަށްތަކާއި އަގުތައް
1- ބ. ފެހެންދޫ (2.2 މިލިއަން ރުފިޔާ)
2- ބ. ފުޅަދޫ (2.2 މިލިއަން ރުފިޔާ)
3- ރ. ރަސްގެތީމު (3.3 މިލިއަން ރުފިޔާ)
4- ވ. ފުލިދޫ (2.5 މިލިއަން ރުފިޔާ)
5- ވ. ރަކީދޫ (1.8 މިލިއަން ރުފިޔާ)
6- މ.ރަތްމަންދޫ (2.2 މިލިއަން ރުފިޔާ)
މީގެ އިތުރުން މުއިއްޒު ވިދާޅުވީ އދ. މަންދޫ އާއި އއ. ހިމަންދޫގެ ޖެޓީ ހެދުމަށް ވަރަށް އަވަހަށް ބަޔަކާ ހަވާލު ކުރާނެ ކަމަށެވެ. އަދި މި ހުރިހާ ރަށެއްގެ ޖެޓީ ހަދަން ނިންމީ، ރައްޔިތުންނަށް ދިމާވެފައިވާ ދަތިތަކަށް ލުޔެއް ހޯދައިދިނުމުގެ ބޭނުމުގައި ކަމަށް ވެސް އޭނާ ވިދާޅުވި އެވެ.
"ސޮއިކުރެވިގެން ދިޔަ މަޝްރޫއުތައް އެމްއާރުޑީސީން ވަރަށް އަވަހަށް ފަށައި ކުރިއަށް ގެންދާނެ ކަމަށް އުންމީދު ކުރަނީ، އަދި ވީހާ ވެސް ފުރިހަމަ ކަމާއެކު ނިންމާނެ ކަމަށް އުންމީދުކުރަނީ،" މުއިއްޒު ވިދާޅުވި އެވެ.
މި އެއްބަސްވުންތަކުގައި މިނިސްޓްރީގެ ފަރާތުން މިނިސްޓަރު ޑރ. މުހައްމަދު މުއިއްޒެވެ. އެމްއާރުޑީސީން ސޮއިކުރެއްވީ އެ ތަނުގެ މެނޭޖިން ޑިރެކްޓަރު އަހުމަދު ނިމާލެވެ.
ހަ ރަށެއްގެ ޖެޓީ ހަދަން އެމްއާރުޑީސީއާ ހަވާލު ކުރަން ބޭއްވި ރަސްމިއްޔާތުގައި، މުއިއްޒު (ކ) އާއި ނިމާލް (ކ-2) އެއްބަސްވުންތަކުގައި ސޮއި ކުރައްވަނީ. - ފޮޓޯ: ހުސެއިން ވަހީދު/ މިހާރު
މި ރަސްމިއްޔާތުގައި ނިމާލް ވިދާޅުވީ އެއްބަސްވުމުގައި ކަނޑައެޅިފައިވާ ގޮތަށް، އަންނަ އޮކްޓޯބަރު މަހުގެ ނިޔަލަށް ހަ ރަށުގެ ޖެޓީ ބޭނުން ކުރެވޭނެ ކަމަށެވެ. އަދި މި މަޝްރޫއުތަކަކީ ކުންފުންޏާ ހަވާލުވެވަޑައިގަތް ފަހުން ލިބިވަޑައިގަތް ދެވަނަ ޕްރޮޖެކްޓް ކަމަށް ވެސް އޭނާ ވިދާޅުވި އެވެ.
"ކުރިއަށް އޮތް 6-8 މަސްތެރޭގައި އުންމީދު ކުރަނީ އެމްއާރުޑީސީއާ ހަވާލުކުރި މައިގަނޑު ޕްރޮޖެކްޓްތަކުގެ ބޮޑު އަދަދެއް ނިންމާފައި. މަޝްރޫއުތަކުގެ ފޮނި މީރުކަން ލިބޭނެ ކަމަށް،" ނިމާލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުއިއްޒުވުން
26 March 2017
ތި ހަ ޖެޓީވެސް ވަރަށް އަވަސް މުސްތަގުބަލެއްގަ މުއްޒުވުން ވަރަށްގާތެވެ
އެޗް ކޭ
26 March 2017
ހެހެހެހެހެހެހެހެހެ ހޯޑެއްދޫ ޖެޓި ހަދާބަ މާރަނގަޅުވާނެ
ރަދީފް
26 March 2017
މަންޑޭ ކަލޭގަދަ އިނގޭ. މައި ކްލާސްމޭޓް
ލޮލް
26 March 2017
މަށާ ހަވާލު ކޮށްލާ. ޖެޓީ އަކަށް 2 މިލިއަން ރުފިޔާ ނާރާނެ.
14 ބަދަރު
26 March 2017
އަސްތާ ދެން މުސާރަ ކަންނޭގެ ކުޑަ ކުރާނީ
ބޮލި
26 March 2017
ސޮއިކޮށްފަ މަތާރަންފިލާމަތީގަ ހުންނާނި
މުހަންމަދު
26 March 2017
ނިމުނީ!
ދިސްވޭ
26 March 2017
ހަރަށުގެ ޖެޓީ ހަދަން 14 މިލިއަން ރުފިޔާ އަށް އެމްއާރުޑީސީ އާއި ހަވާލު ކުރުމުން ވެސް މިއެގިގެން ދަނީ މިސަރުކާރުން ސަރުކާރުގެ ކުންފުނި ތައް ކުރިއަރުވަން ވެސް މަސައްކަތް ކުރާ ކަމަށެވެ. ސަރުކާރުގެ ކުންފުނި ތަކުގެ އެމްޑީން އަމިއްލަ އަށް މަސައްކަތް ކޮށްގެން އެމެން ނުބަލާ އެކުންފުނި ތައް ތަރައްގީ ކުރެވޭތޯ. އެހެން ނަމަ މިއަދު އެމްޓީސީސީން މާލެ ސަރަހައްދުގައި ކޮންމެ އަހަރަކު 1000 ލަގްޒަރީ އެޕާރޓްމަންޓް ހިމެނޭ ފްލެޓްސް ތައް ނިންމާ ވިއްކަމުން ދާނެއެވެ. އެހެން ނަމަ މިއަދު މާލެ ސަރަހައްދުގައި ކުއްޔަށް ދިރިއުޅޭ ބޮޑު އާބާދީ ދަށަށް ގޮސް އެމެންނަށް އަމިއްލަ ގެދޮރު މާލެ ސަރަހައްދުން ލިބިގެން ދާނެއެވެ.