ޚަބަރު / މޯލްޑިވްސް ބްރޯޑްކާސްޓިން ކޮމިޝަން

ޗެނަލް 13 އަށް ފިޔަވަޅު އަޅައި، ރާއްޖެ ޓީވީ އަށް އިންޒާރު!

ބްރޯޑްކޮމް އިން ބޭއްވި ބައްދަލުވުމުގައި އެ ކޮމިޝަންގެ މެމްނަރުން ބައިވެރިވެވަޑައިގަންނަވަނީ.-- ފޮޓޯ: ބްރޯޑްކޮމް

ފާތިމަތު އަޖްފާން، މިހާރު

15 ސެޕްޓެމްބަރ 2025 - 17:01

ކޯޑް އޮފް ޕްރެކްޓިސްއާ ހިލާފްވެފައިވާ ކަމަށް ބުނެ ޗެނަލް 13 ގެ ބްރޯޑްކާސްޓް މާދަމާގެ ވަކި ވަގުތެއްގައި މެދުކަނޑާލުމަށް އަންގައި، އަދި ކުޑަކުދިންގެ ކަރާމާތައް އަރައިގެންފައިވާތީ ރާއްޖެޓީވީ އަށް ފިޔަވަޅު އަޅާނެ ކަމުގެ އިންޒާރު ބްރޯޑްކޮމުން ދީފި އެވެ.

ބްރޯޑްކޮމް އިން ބުނީ ޗެނަލް 13 އަށް ފިޔަވަޅު އަޅާފައިވަނީ މިދިޔަ އޭޕްރީލް 17 ވަނަ ދުވަހު އެ ޗެނަލުން ލައިވްކުރި ޕީއެންއެފްގެ "ދަ ފްރޮންޓް އޮފީސް" ޕްރޮގްރާމްގައި ބްރޯޑްކާސްޓް ކުރުމުގެ ޕްރެކްޓިސްއާ ހިލާފު ކޮންޓެންޓް ދައްކާފައިވާތީ ކަމަށެވެ.

އެހެންވެ، ޗެނަލް 13 ގެ ބްރޯޑްކާސްޓް މާދަމާ ރޭ 8:00 އިން 10:00 އަށް މެދުކަނޑާލުމަށް އަންގާފައިވެ އެވެ.

ރާއްޖެ ޓީވީއަށް ބްރޯޑްކޮމް އިން އިންޒާރު ދީފައި ވަނީ މިިދިޔަ މާޗު މަހުގެ 12 ވަނަ ދުވަހުގެ ރޭ އެ ޓީވީން ދެއްކި އެމްޑީޕީ ކުއްލި އެއްވުމުގެ މުޒާހަރާގައި ބްރޯޑްކާސްޓްކުރި ކޮންޓެންޓަކާ ގުޅިގެން ކަމަށެވެ. ބްރޯޑްކޮމުން ބުނީ އެ މައްސަލަ ބެލީ އެ ކޮންޓެންޓުގައި ކުޑަކުދިންގެ ކަރާމާތާއި ހައްގުތަކަށް ބުރޫއަރާފަދަ ކޮންޓެންޓް ހިމެނޭތީ އަމިއްލައަށް އިސް ނަގައިގެން ކަމަށެވެ.

ބްރޯޑްކާސްޓް ކުރުމުގައި ކުޑަކުދިން ހިމާޔަތް ކުރުމަށް އަަމަލުކުރަންވީ ގައިޑްލައިނާ ރާއްޖެ ޓީވީން ވެސް ހިލާފުވެފައިވާ ކަމަށާއި އެފަދަ ކަމެއް ތަކުރާރުކޮށްފި ނަމަ، އެ މައްސަލައެއްގެ ޒާތަށާއި ހައްސާސް ކަމަށް ބަލައި ހަރުކަށި ފިޔަވަޅު އަޅާނެ ކަމަށް ބްރޯޑްކޮމްއިން ބުންޏެވެ.

ރާއްޖެ ޓީވީއަށް ފިޔަވަޅު އަޅާނެކަމުގެ އިންޒާރު ދީފައި ވަނީ އެމްޑީޕީގެ އެއްވުމެއްގައި އެ ޕާޓީގެ މެމްބަރު މަރިޔަމް ޒުބައިރު (މަންދީ) ރައީސްގެ ދޮށީ ދަރިކަލުންނާ ގުޅޭގޮތުން ދެއްކެވި ވާހަކަތަކުގެ މައްސަލާގަ އެވެ. އެ މައްސަލާގައި ފަސްޓްލޭޑީ ސާޖިދާ މުހައްމަދު ސިވިލް ކޯޓުގައި ދައުވާ ކުރެއްވުމުން، އެ ކޯޓުން ކުރިން ވަނީ އެ ވާހަކަތަކުގެ ސަބަބުން ރައީސްގެ ދަރިކަލެއްގެ އަބުރު ގެއްލުނުކަން ސާބިތުވާ ކަމަށް ނިންމައިފަ އެވެ.

ނޫސްވެރިކަން މޯލްޑިވްސް ބްރޯޑްކާސްޓިން ކޮމިޝަން ބްރޯޑްކާސްޓަރުން މީޑިއާ ރާއްޖެ ޓީވީ

17 ކޮމެންޓް, 41 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިރާޝް ޖައުފަރު

16 September 2025

ރަނގަޅު ޖޫރިމަނާވެސް ކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

16 September 2025

ނޯތް ކޮރެއާގައި ބޭރު ބަސްބަހުން ވާހަކަ ދެއްކުން ވެސް މިހާރު އެއީ ކުށެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

16 September 2025

ދައްކާނެ ކަމެއް ނެތް. އެމީހުންގެ ބަހެއްނެތިއްޔާ އެންމެ ރަނގަޅުވާނެ ދެއްކިއަސް. އެއީ ދިވެހީންގެ ރާއްޖެއެއްނޫން. އެއީ ޑިމޮކްރަސީ ވެރިކަމެއް ހިނގާ ގައުމެއް. ދިވެހިންގެ ރާއްޖޭގައި ލޫޓުވުން އެއީ ދަންނަކަމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީލަމް މުހައްމަދު

16 September 2025

އަހަންނަކީ އެއްވެސް ޕާޓީއަކަށް ސަޕޯޓް ކުރާ މީހެއް ނޫން. އެކަމަކު މިދޭތެރެއިން މި ދެ ޗެނަލް ބަލާލެވުނު. ވަރަށް ހަޑިކޮށް ރައީސް މުއިއްޒްއަށް އެއްޗެސް ކިޔާފަ ހުންނަނީ.