އިއްޔެ ހިރިޔާ ސްކޫލްގެ ދަަރިވަރުންތަކެއް ބެލެނިވެރިންނާ އެކު: ސްކޫލްތައް ހުޅުވިޔަސް ގިނަ ބެލެނިވެރިން އަދި ތިބީ ދަރިވަރުން ފޮނުވާ ގޮތަކަށް ނޫން
27 މާޗް 2017 - 10:01
25 comments
ސްވައިން ފްލޫ ކޮންޓްރޯލް ނުވެ ފެތުރެމުން ދަނިކޮށް، ކިޔެވުން ފަށާފައިވީ ނަމަވެސް މިއަދު ހާޒިރުވި ދަރިވަރުންގެ އަދަދު އިއްޔެ އަށް ވުރެ ވެސް މާ މަދު ކަަމަށް ސްކޫލްތަކުން ބުނެފި އެވެ. ސްކޫލްތަކުން ވާހަކަ ދެއްކި ޓީޗަރުން ބުނީ ގިނަ ކްލާސްތަކަށް އެންމެ ދަރިވަރަކު ވެސް ހާޒިރުނުވާ ކަމަށެވެ. އަނެއް ބައި ކްލާސްތަކުގައި ތިބީ 5-10 ކުދިން ކަމަށް ވެސް ބައެއް ޓީޗަރުން ބުންޏެވެ.
"ގިނަ ކްލާސްތައް ހުރީ ހުހަށް، ކިޔަވައިދެވޭ އަދަދަށް ވެސް ދަރިވަރުން ހާޒިރެއް ނުވޭ،" މާލޭގެ ބޮޑު ސްކޫލެއްގެ ޓީޗަރަކު ބުންޏެވެ.
ބައެއް ސްކޫލްތަކަށް އިއްޔެ ވިހި ޕަސެންޓް ދަރިވަރުން ވެސް ހާޒިރު ނުވެ އެވެ. ސުވައިން ފުލޫގެ ބިރުގައި ދަރިވަރުން ސްކޫލަށް ނުފޮނުވި ނަމަވެސް ސްކޫލްތައް ހުޅުވާ މައްސަލާގައި އެޑިއުކޭޝަންގެ ބަހެއް އަދި ނުލިބެ އެވެ.
ސްކޫލްތައް ހުޅުވުމާ ދެކޮޅަށް ވާހަކަ ދެއްކި ބެލެނިވެރިން ދެކޭ ގޮތުގައި ސްވައިން ފްލޫ ބާރު ސްޕީޑުގައި އިތުރުވަމުން ދަނިކޮށް، ސްކޫލްތައް ހުޅުވުމަކީ "ސަރުކާރުގެ ސިޔާސީ ނިންމުމެކެ"ވެ. އެއީ، މިއަދު އޮންނަ ރައްޔިތުންގެ މަޖިލީހުގެ މަސީހުގެ ވޯޓަށް "ސިޔާސީ މަގްސަދެއް ހާސިލްކުރަން" ކަމަށް ވެސް ބައެއް ބެލެނިވެރިން ދެކެ އެވެ.
ސްކޫލަތައް ހުޅުވިއިރު ދަރިވަރުންގެ ސިއްހަތާ މެދު ކަމާ ބެހޭ ފަރާތްތަކުން ސަމާލުކަން ދީފައިނުވާ ކަމަށް ބުނެ ބައެއް ބެލެނިވެރިން ކަންބޮޑުވުން ފާޅުކުރި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އިއްޔެ އާއްމުކޮށްފައިވާ ހިސާބުތަކުގައިވާ ގޮތުން ސްވައިން ފްލޫ ފެތުރޭ މިންވަރު އަދިވެސް ދަނީ މައްޗަށެވެ.
އެޗްވަންއެންވަންގައި މިހާތަނަށް ފަސް މީހަކު ވަނީ މަރުވެފަ އެވެ. އެޗްޕީއޭ އިން އާންމު ކުރި ތަފާސްހިސާބުތައް ދައްކާ ގޮތުން އިއްޔެގެ ނިޔަލަށް 185 މީހަކު ވަނީ އެޗްވަންއެންވަން އަށް ޕޮޒިޓިވް ވެފަ އެވެ. ހޮސްޕިޓަލުގައި އެޑްމިޓްކޮށްގެން 31 މީހަކަށް އަންނަނީ ފަރުވާދެމުންނެވެ.
މި ހިސާބުތައް މިހެން ހުރި ނަމަވެސް އެޗްޕީއޭ އިން ރޭ ނެރުނު ބަޔާނުގައި ބުނީ ރާއްޖޭގެ އެކި ސަރަހައްދުތަކުގައި ފެތުރެމުންދާ އަރިދަފުސް ރޯގާ އާއި އިންފުލުއެންޒާގެ ހާލަތު އަންނަނީ ރަނގަޅު ވަމުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާހޫރަ
27 March 2017
ޥިލިމާލެ ސުކޫލްއަށް އިއްޔެ ދިޔައީ އެންމެ ކުއްޖެއް މުޅި ސުކޫލް އިން
އެންމެން
27 March 2017
ރޯގާ ވެކްސިނުން ވިޔަފާރި ނުކުރައްވާ! ރައްޔިތުން ސަލާމަތް ކޮށްދެއްވާ! އެންމެނަށް ހިލޭ ވެކްސިން ދެއްވާ!
އަންކަލޯ
27 March 2017
މި އެންގުން ބަލައިނުގަންނަކަނޤ މި ދޭހަވީ
އިޙްސާންތެރިޔާ
27 March 2017
އަހަރެމެން ރައްޔިތުންގެ މައްސަލަ މިއީ. ރޯގާ ޖެހުނަސް، ކެއްސިޔަސް ސުކޫލަށް ފޮނުވަން އެބަޖެހޭ. އެޗްއަން އެންއަން ގެ ވެކްސިން ޖަހަން ބޮޑު ކިއު ހަދައިގެން ތިބެންޏާ މިނުރައްކާ ނުވާނެބާ. ސުކޫލަށް ފޮނުވީ ނުރައްކާ ދެއްތޯ؟
ޔޫނުސް
27 March 2017
ބެލެނިވެރިންގެ އިހުސާސް މިވަރަށް ނޭނގުނީމަ. އެޑިޔުކޭޝަން މިނިސްޓަރު ގޮތެއް ހުރިނަމަ މިއަދު ގެއަށްދާނީ އިސްތިއުފާދީފަ.
ކޮލޮމްބޯ
27 March 2017
މިފެންނަނީ ވޯޓަކާއިނުލާ، މުޅި ގައުމު މިއަދުގެ ސަރުކާރާއި ސަރުކާރުގެ ނިންމުންތަކަށް ނޫނެކޭ މަންޒަރެވެ. ވޯޓްތަކަށް ދާން އަބަދުވެސް ބިރުން އުޅެނީ މިކަން އިނގޭތީއެވެ.
އަލްޖިބްރާ
27 March 2017
އެޑިއުކޭޝަން މިނިސްޓަރާ ކުރަން އަޅުގަޑު އޮތީ އެންމެ ސުވާލެއް ! ސުވާލަކީ : ބަލިބަލީގެ ހަޤީޤަތް ބޮޑަށް އެގޭނީ އެޑިއުކޭޝަން މިނިސްޓަރަށްތޯ ؟ ނުވަތަ ޑޮކްޓަރަށް ތޯ ؟
ސީނު
27 March 2017
ބަލަ އެއީވެސް ޑރ. އެކޭ!!!!
އަލިފު
27 March 2017
މި ވާހަކަތައް އަނއެއްހެން ދެއްކުމުގެ މާބޮޑު ބޭނުމެއް އޮތްހެނެއް ހިއެއް ނުވޭ. އެޑިއުކޭޝަން މިނިސްޓަރަށް އެންގީ ސްކޫލްތައް ހުޅުވާށޭ. މިނިސްޓަރ އެންގެވި އާދީއްތައިންފެށިގެން ސްކޫލްތައް ހުޅުވޭނެއޭ. އެއްވެސް އިރެއްގަ ވިދާޅެއް ނުވޭ ހުރިހާ ކުދިން ސްކޫލަށް ގެންނާށެކޭ. ޙާލަތު، ހޭލުންތެރި ރައްޔިތަށް އެނޣެކަން ވަޒީރު ދެނެވަޑައިގަންނަވާ. އެހެންވީމަ އެއްވެސް ބެެނިވެރިއަކު ކުދިން ނުފޮނުވާނެކަންވެސް ވަޒީރު ޔަގީން ކުރައްވާ. ސްކޫލް ހުޅުވަން އެންގީމަ އެކަންވެސް ކުރީ. ކުދިން ގެންނަން މަޖުބޫރުނުކުރީމަ އެބަ އިނގޭ ވަޒީރުގެ ނިންމެވުން އަހަރުމެނަށް. ސްކޫލްތައް ހުޅުވުމަށް އެންގެވީ ވަޒީރުގެ ހައިސިއްޔަތުން، ވަޒީރުގެ ދަރި ސްކޫލަށް ނުގެންދީ ބެލެނިވެރިއެއްގެ ހައިސިއްޔަތުން.. މާނަ ވަރަށް ސާފު. - ދެން އޮންނަންޖެހެނެ ގޮތަކީ ތިމާގެ ޒަމީރު ޤަބޫލު ނުކުރާ ކަންކަން ތަކުރާރުކޮށް ކުރަން އަންގާކަމަށް ވަންޏާ އިސްތިއުފާގެ ސިޓީ ދެއްވާފަ ގޭގަ ހުންނެވުން.
ހެހެހޭ
27 March 2017
ދެން ވާނީވެސް ތިހެންދޯ.
މޯޑު
27 March 2017
އައިޝާތު ޝިހާމް އިސްތިއުފާދިންކަމަށް ވާނީ މަސީހުގެ ވޯޓުގެ ކުރިން ދީފިނަމަ.
އައްޑޫ ބަކުރު
27 March 2017
ކިހިނެއްތަ އަހަރުމެންގެ ދަރިން ސުކޫލަށް ފޮނުވޭނީ އައްޑޫގަ މިހާރު އެންމެ ބޮޑަށް ދެކެމުން އަންނަ ވާހަކައްކީ ހެލްތުމިނިސްޓްރީން ސަަވައިންފުލޫ ސިއްރުކުރަން ޑޮކްޓަރުންނައް އެންގި ވާހަކަ ދެން މިހެން މިކަން ހިންގަމުން ދަނިކޮށް ކޮންބަޔަށް އިތުބާރު ކޮށްގެން އަހަރުމެންގެ ދަރިން ސުކޫލަށް ފޮނުވާނީ..
ޓެޑް
27 March 2017
ތީ ހަމަ ތެދު! ސިއްރުކޮށްފައިވަނީ އާންމުންނަށް އަދި ޕީޕީއެމްގެ ވަރަށް ގިނަ އާއިލާތަކަށް ވަނީ މީގެ ދެ ހަފްތާކުރިން ވެކްސިންވެސް ޖަހާފަ!