ލައިސަންސް ނެތި ދުއްވަނިކޮށް ޖެހުނީ ކުޑަ ކުއްޖެއްގެ ގައިގައި

ގދ. ތިނަދޫގައި މިއަދު ހިނގި އެކްސިޑެންޓް.--

ފާތިމަތު އަޖްފާން، މިހާރު

05 އޮކްޓޯބަރ 2025 - 12:21

ގދ. ތިނަދޫގައި ކުއްލިއަކަށް މަގުމައްޗަށް ނުކުތް ކުޑަކުއްޖެއްގެ ގައިގައި، ލައިސަންސް ނެތް މީހަކު ދުއްވި ސައިކަލަކުން ޖެހި ނުރައްކާތެރި އެކްސިޑެންޓެއް އިއްޔެ ހިނގައިފި އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ ތިނަދޫ އާބާދީ ހިނގުމުން މިއުޒިއަމް ކައިރިން ބާރު ސްޕީޑުގައި ދުއްވާފައި ދިޔަ ސައިކަލެއް އުމުރުން ހަ އަހަރު ކުއްޖެއްގެ ގައިގައި ޖެހި އެކްސިޑެންޓެއް ހިނގާފައިވާ ކަމުގެ ރިޕޯޓެއް ލިބިފައިވާ ކަމަށެވެ.

އެ އެކްސިޑެންޓު ހިނގިއިރު ސައިކަލު ދުއްވަން އިނީ 21 އަހަރުގެ ފިރިހެނެއް ކަމަށާއި އެއީ އެއްގަމު އުޅަނދު ދުއްވުމުގެ ލައިސަންސް ނެތް މީހެއް ކަމަށް ވެސް ފުލުހުން ބުންޏެވެ. ފުލުހުން ބުނީ އެ މީހާ މިހާރު ވަނި ފުލުހުންގެ ބެލުމުގެ ދަށަށް ގެންގޮސްފައި ކަމަށެވެ.

އިއްޔެ އިރުއޮއްސުއިރު ވަގުތު ހިނގި އެ އެކްސިޑެންޓުގައި ކުއްޖާއަށް ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލުގައި ފަރުވާ ދެމުން އަންނައިރު އެ ހޮސްޕިޓަލުން ބުނީ ކުއްޖާ ގެނައިއިރު ވެސް ހާލު ސީރިއަސް ނޫން ކަމަށެވެ.

"ހުރީ ތަންކޮޅުކޮޅުން މަށައިގެންގޮސް. ފަޅައިގެން ގޮސް އިން ތަންކޮޅެއް ފެހި. މިއަދު ދޫކޮށްލާނެ، މިހާރު ހާލު ސްޓޭބަލް،" ހޮސްޕިޓަލުން ބުންޏެވެ.

ސޯޝަލް މީޑިއާގައި ދައުރުވާ ވީޑިއޯ އިން ފެންނަނީ ކުޑަ ފިރިހެން ކުއްޖަކު ބުޅަލެއް ހިފައިގެން މަގު ހުރަސްކުރަން އުޅޭ މަންޒަރެވެ. އެ ކުއްޖާ މަގުގެ އަނެއް ފަޅިއަށް އެރުމުގެ ކުރިން ސައިކަލު ގޮސް ކުއްޖާގެ ގައިގައި ޖެހި ކުއްޖާ އާއި ސައިކަލުގައި އިން މީހާ ވެސް ދުރަށް ވިއްސައިގެންދެ އެވެ.

ވީޑިއޯއިން ފެންނަ ގޮތުގައި އެ ކުއްޖާ އެކަނި މަގު ހުރަސްކުރަން އުޅެނީ ބަޔަކު އެ ކުއްޖާ ކައިރީގައި ތިއްބަ އެވެ. އެކަމަކު އެއީ އެ ކުއްޖާއާ އެކު ތިބި ބައެއް ކަމެއް ނުވަތަ ނޫން ކަމެއް ނޭނގެ އެވެ. އެކްސިޑެންޓުވެ ކުއްޖާ ވެއްޓުމާ އެކު އެ މީހުން ދުވެފައި ގޮސް ކުއްޖާ ނަގަ އެވެ.

ތިނަދޫ މޭޔަރު ސައުދު އަލީ "މިހާރު" އަށް ވިދާޅުވީ އެ އެކްސިޑެންޓް ހިނގި މަގަކީ މީހުން ހުރަސްކުރާތީ އެކަން ހައްލުކުރުމަށް އެއް ފަޅީގައި ގަސް އިންދާފައިވާ މަގެއް ކަމަށެވެ.

"މަގުގެ އެއް ފަޅީފައި ހުންނާނެ ގަސް ޖަހާފައި އެ ތަނުން ހުރަސް ކުރާތީ. އެ ކުއްޖާ އެ އުޅުނީ އެ ތަނުން ހުރަސް ކުރަން ވެގެން، އުޅެނިކޮށް މި އެކްސިޑެންޓް ހިނގާފަ އެ އިނީ،" އޭނާ ވިދާޅުވި އެވެ.

ސައުދު ވިދާޅުވީ އެކްސިޑެންޓް ހިނގި ތަނާ ވިއްސަކަށް ފޫޓު ކައިރީގައި މަގު ހުރަސް ކުރުމަށް ޒިބްރާ ކްރޮސްއެއް އޮންނަ ކަމަށެވެ.

ގދ. ތިނަދޫ އެކްސިޑެންޓް ފުލުހުން މަގުމަތީގެ އެކްސިޑެންޓް

36 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލައިނޫބާ

07 October 2025

ހަމަ ކަމެއްވާ ކޮންމެފަހަރަކު އަންނާނެ ލައިސަންސްގެ ވާހަކަ! ކީއްކުރާ އެއްޗެއްތަ އެއީ! އެ އޮތަސް ނެތަސް ގާނޫނާ ގަވައިދަށް ޢަމަލުކުރަންވީ! ތި ލައިސަންސް ނެތަސް ދުއްވަންވީ ގޮތާ، ގަވާއިދު ނޭނގޭ މީހަކު ނުހުންނާނެ މިހާރަކު! މި ބުނަނީ ލައިސަންސް ނެތި ދުއްވުން އޯކޭ ވާހަކައެއް ނޫން!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

07 October 2025

ލައިސަންސް ނެތި ސައިކަލް ދުއްވި މީހާ ބަންދުކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު.

06 October 2025

ކުޑަކުއްޖާ ގޮވައިގެން އުޅުނުމީހުން އެކުއްޖާއަށް އިހުމާލުވި ކަމުގެ ދައުވާ އުފުލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫ

06 October 2025

ނުބެލެހެއްޓޭކަމަށް ބޮޑަށް ބުރަވެވެނީ ރޭގެ ވަގުތެއްގައި ބައިބޯ ސަރަޙައްދެއް ކަމަށްވާ އައި ޖީ އެމް އެޗް ކައިރިން 3 މީހުން އަރައިގެން .... ކުޑަކުއްޖަކާއެކު ދަނިކޮށްދުށިން ... މަގުބަލަހައްޓާ ފުލުހުން ކޮބައިބާވައޭ ހިތައްއެރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

06 October 2025

ތިކަހަލަ ކުދި ރައްތަކުގަ ތާރުއަޅާ ހައިވޭކިއައިގެންް ހިތުހުރި ވަރަކައް ދުއްވާތި ވާގޮތް! ޕުރަވެޓު ކާރާސައިކަލު ރާއްޖެ އެތެރެ ނުކުރެވޭގޮތައް ހަދާ ޖަޒީރާ މިކުދިކުތި ރައްތަކައް ބޭނުން އެއްޗެއްނޫންތިއީ! ބައިސްކަލަކުން ނުދޭވަރު ރަށެއް ރާއްޖެއަކުނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރީރު

06 October 2025

ލައިސަންސް ނެތި ދުއްވުމަކީ ނުރައްކާތެރި ދުއްވުމެއް. އެކަމަކު މި އެކްސިޑެންޓް ހިނގަން މެދުވެރިވީ ލައިސަންސް ނެތިގެނެއްނޫން. މީހުންތައް ތިބީ މަގުފުރާލާފަ، ސައިކަލް ހުރީ މަގުމެދުގަ. ކުޑަ ކުއްޖަކު އުޅޭނެގޮތަކަށް އުޅެން މަގުމައްޗަށް ދޫކޮށްލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

06 October 2025

ތިވަރު ތިކަހަލަ ވިސްނުމެގެ މީހުނައް ލައިސަންސަން ނެގޭތި މައްސަލައަކީ މަގުފުރާލާފަ ކުދިންމީހުން ތާކު ހިހުރި ވަރަކައް ދުއްވޭނީ ކޮންއުސޫލަކުންތޯ؟ ފާރުމަތިން ބޯޅައެއް މަގައް އާސްފިނަމަ އެބޯބަލައި ކުޑަކުއްޖަކު ނިކުންނެމައް ވިސްނާ އިންނުލީ އުދުގެ ދުވެލި މަޑުކުރަން ޖެހޭނެ މިފަދަ އެތައް ހާލަތެއް ހުރޭ ޓުރެފިކު ހާލަތު ބަދަވާނެ ގޮތްކުރިއަން އެންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

05 October 2025

ލައިސަންސުއޮތަސް ލައިސަންސުނެތަސް ކުދިން ދުވެފަމަގުމައްޗަށްނިކުންނަންޏާ އެކުސިޑެންޓުވާނެދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަށްކޮ

05 October 2025

ލައިސަންސަކީ މަގުގެ ރައްކާތެރި ކަމުގެ ބޭސް ގުޅައެއްކަމަށް ދައްކަން މިގޮތައް ހެޑްލައިން ޖެހިޔަކަސް ހައްލެއް ނުވާނެ. ދިމާފެންނަން އެހުރީ މަގުގެ ރައްކާތެރިކަން ނަގާލާިއގެން ޕާކިކޮއްފަ ހުރި ސައިކަލެއް. އެކިއްޖާއަށް ސައިކަލް ނުފެނުނީ ޕާކިކޮއްފަ ހުރި ސައިކަލްގެ ސަބަބުން. ޢަންހެނުން ތަކެއް ކުޑަކުދިން ތަކެއް މަގުގެ އެއްފަރާތުގަތޯ އެތިބީ ނޫނީ މަގަށް ވާގިތައްތޯ. ކަމެއް ހަލުކުރެވޭނީ އެކަމެއް އުފެދުނު ގޮތް ދެނެގަނެގެން.