ޑޮލަރު ފޭރުމުގެ ތުހުމަތުވާ މީހުންގެ ވަނަވަރު ހާމަކޮށްފި

ޑޮލަރުގެ ފޭރުމާ ގުޅިގެން ހައްޔަރުކުރި ހަތަރު މީހުން.

އާސިމާ ނިޒާރު، މިހާރު

28 އޮކްޓޯބަރ 2025 - 13:27

ބީއެމްއެލްގެ ދެ މުވައްޒަފަކަށް ވަޅިން ބިރު ދައްކައި އިއްޔެ ރޭ ފަތިހު 130،000 ޑޮލަރު ފޭރުނު މައްސަލައާ ގުޅިގެން ހައްޔަރުކުރި މީހުންގެ ބަންދަށް ކޯޓުން ފަސް ދުވަސް ދިނުމާ އެކު، އެ މީހުންގެ ވަނަވަރު ފުލުހުން މިއަދު ހާމަކޮށްފި އެވެ.

ފުލުހުންގެ މީޑިއާ އޮފިޝަލު ވިދާޅުވީ، އެ މައްސަލައާ ގުޅިގެން އިއްޔެ މެންދުރު ހައްޔަރުކުރި ހަތަރު މީހުންގެ ބަންދު ވެސް އިތުރުކޮށްފައިވާ ކަމަށެވެ.

މި ހަތަރު މީހުންނަކީ؛

● މާޒިން މޫސާ، 25، ރޭޝަމް، ލ. މާވަށް

● އަހްމަދު ރައިހާން ނައީމް، 20، މ. ކޯރަސް، މާލެ

● އިބްރާހީމް އަނޫފް، 24، އަޅިވިލާގެ، ކ. ގުރައިދޫ

● ހުސައިން ޝަހުދު، 30، އަޅިވިލާގެ، ކ. ގުރައިދޫ

މޫނު ނިވާކޮށްގެން ތިބި ދެ މީހަކު ބީއެމްއެލްގެ ދެ މުވައްޒަފަކަށް އިއްޔެ ރޭ ފަތިހު ބިރު ދެއްކީ ވީއައިއޭގެ ބާ ޓާމިނަލުން އާ ޓާމިނަލަށް ދާން ހަދާފައިވާ "ވޯކްވޭ" އިންނެވެ. ރާއްޖޭގެ ގައުމީ ބޭންކުގެ ދެ މުވައްޒަފުން ސޫޓްކޭހުގައި އެ ޑޮލަރުތައް ހިފައިގެން ދިޔައީ އާ ޓާމިނަލްގެ ޑޮލަރު ކައުންޓަރަށް ގެންދާށެވެ. އެއީ އިއްޔެ ހެނދުނު ރާއްޖެ އިން ބޭރަށް ފުރި ބައެއް ދިވެހިންނަށް ދޫކުރަން ހުރި ޑޮލަރެވެ.

ހުރާއިން "މިހާރު" އާ ވާހަކަ ދެއްކި މީހަކު ބުނީ އެ ލޯންޗުގައި އެ ހަތަރު މީހުން ދިޔައީ އެ ރަށަށް ކަމަށެވެ. ލޯންޗު ހުރައަށް ގާތްކުރި ކަމަށް ވަނީ އިއްޔެގެ ހެނދުނު 8:45 ހާއިރު އެވެ. އެހެންވެ، އެއާޕޯޓުން އިއްޔެ ރޭ ފަތިހު ފުރައިގެން އޭގެ ކުރިން އެ މީހުން ދިޔަ ތަނެއް އަދި ސާފެއް ނޫނެވެ.

ހުރައިން ވާހަކަ ދެއްކި މީހަކު ބުނީ، ސޫޓްކޭސް ހިފައިގެން އުޅުނު ތަން ރަށުތެރެއިން ބަޔަކަށް ފެނުނުކަން ނޭނގުނަސް އެ މީހުން ތިބި ގެސްޓް ހައުސްގެ ސީސީޓީވީ ކެމެރާ އަށް، އެ މީހުން ޑޮލަރު ގެންގުޅޭތަން އުޅޭ ފެންނަ ކަމަށެވެ. އެކަމަކު އޭނާ ބުނީ އެއީ އެހާ ގިނަ އަދަދެއްގެ ޑޮލަރު ނޫން ކަމަށެވެ.

މައުލޫމާތު އެނގޭ ފަރާތުން ބުނި ގޮތުގައި އެ މީހުންގެ އަތުން ބަނގުރާފުޅިތަކެއް ވެސް ފެނުނެވެ. ނަމަވެސް، ވަގަށް ނެގި ޑޮލަރު ފެނުނު ކަމެއް އަދި ނޭނގެ އެވެ.

ގުރައިދޫގެ ދެ މީހުންގެ ބޭބެއަކު ހުރާގައި ދިރިއުޅޭތީ އެ މީހުން ދޭތެރެދޭތެރެއިން ހުރައަށް ދާ ކަމަށް ހުރައިން ވާހަކަ ދެއްކި މީހާ ބުންޏެވެ.

ޑޮލަރު ފޭރިގަތް ވަގުން ވީއައިއޭގެ ޓާމިނަލަށް ފޭބީ ކާރަކުން ކަމަށް ވެ އެވެ. އޭރު ހުޅުލޭ ޖެޓީގައި ތައްޔާރީ ހާލަތުގައި ހާއްސަ ލޯންޗެއް އޮތް ކަމަށް އެނގިފައި ވެ އެވެ. އެއާޕޯޓުގެ ސެކިއުރިޓީ ކަންކަން ބަލަހައްޓާ އޭވިއޭޝަން ސެކިއުރިޓީ ކޮމާންޑުގެ މީހުންނަށް ވެސް ވަޅިން ބިރު ދައްކައި، ލޮލަށް ސްޕްރޭކޮށް، ފައިސާ ސޫޓް ކޭސް ފޭރިގަނެގެން އެ މީހުން ދުވެ ގޮސް އެރީ އެ ލޯންޗަށް ކަމަށް މައުލޫމާތު އެނގޭ މީހަކު ބުންޏެވެ.

ފުލުހުން ކްރިމިނަލް ކޯޓް ބީއެމްއެލް ވެލާނާ އިންޓަނޭޝަނަލް އެއާޕޯޓް އެއާޕޯޓް އާ ޓާމިނަލް

51 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިމިނާ

29 October 2025

ވަރަށް ހަމަޖެހިލާފަ ތިބީ ޕޮލިހުންނާއެއްކޮށް ދިޔައިރުވެސް އަތްއުކައުކާފަ ވާހަކަދައްކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޖޫ

29 October 2025

ތި ފައިސާ އެއް ދެން ނުފެންނާނެ. މީހުން ދޫކޮއްލާ އަޑު ދެން އިވޭނީ. ދެން މިކުދިންނައް ޑެޕިއުޓީ މިނިސްޓަރުކަން ދޭންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

29 October 2025

އޭޓީއެމްތަކަށް ފައިސާއަޅަންދާއިރު ފުލުހުންގެ އެހީތެރިކަންހޯދާފައި އެހެން ތަންތަނަށް ފައިސާ ގެންދާއިރު ފުލުހުންގެ އެހީތެރިކަން ނުހޯދިއިރު އެހާ ގަޑިއަށް ބަރާބަރަށް ލޯންޗާ ކަންކަން ހަމަޖައްސައިގެން އެކަންކުރި ބަޔަކުވެސް ނޭނގި އެހާ ފަސޭހައިން ތިކަން ކުރެވުނީމާ އެކަމުގައި އުޅުނު ބޭންކު މުވައްޒަފުންގެ އަތެއް ތިޔަކަމުގައިނެތިދާނެކަމަށް ގަބޫލުކުރަން ދަތިވެއެވެ. އެބަޔެއްގެ އަތެއް ތިކަމުގައި އޮތްތޯ ބެލުމަކީ ކޮންމެހެންވެސް ކުރަންޖެހޭނެ ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުރޯޑު ހައުޑީބު

29 October 2025

މާ ގިނައިން ގޭމު ކުޅެވިފައި ތިޔަ ތިބީ. އަދި ވާނެ ދެ ތިން ސީރީޒް ބަލައިލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެކިޔުރިޓީ

28 October 2025

ސެކިއުރިޓީ ލޯންޗެއް އެތަނުގައި އެވަގުތު ނެތިއްޔާ، ކިތައްމެ ބޮޑު ކުއްޔެއް ދައްކާ ގޮތަށް ނަމަވެސް ވަގުތުން ވަގުތަށް އެހެން ލޯންޗެއްގައި ނަމަވެސް ދާންޖެހޭ ހާލަތެއް އެއީ.. 130000 ޑޮލަރު ގެއްލިދާނެތީ އެއްނޫން.. ރާއްޖޭގެ މައި އެއަރ ޕޯޓަށް އަރާ އަމަންކަން ނަގާލައި، ފޭރިގަނެގެން ފިލައިގެން ނުދެވޭނެކަން ދައްކައި ދިނުން.. އެއީ މިލިޔަން ޑޮލަރު ޚަރަދުކޮށްގެންވެސް ދައްކައިދޭންޖެހޭ މަންޒަރެއް.. ދޭންޖެހޭ ޔަގީންކަމެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލޯ

28 October 2025

މިހާރު މެންބަރުކަމައް ނޫނީ ސަރުކާރު މަތީމަގާމަކައް ކުފޫހަމަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުދީރު

28 October 2025

މިހާދިސާއިން ފެންނަނީ ރާއްޖޭގެ މައިދޮރާށީގައި އަމާންކަމެއްނެތްކަން. އެއްލައްމަ ޑޮލަރުގެއްލުމަށްވުރެން ގެއްލުން ބޮޑުވާނެ މިކަހަލަ ބަޔަކު ފަތުރުވެރިންގެ ގަޔަށް ބޮލަށް އަރައިގަންނަ ހިސާބުން. އެހެންވީމައި މިބުނަނީ ކޮންމެ ކޮންމެ މީހަކަށް ފަސޭހައިން އެއަރޕޯޓަ އަރައިގޭބޭގޮތަށް ތިއޮތް ނިޒާމް ބަދަލުކުރާށޭ. އެއަރޕޯޓް މުވައްޒިފުން ދަތުރުކުރުމަށް އެމްޢެސީއެލްގެ ބަސް ހަމަޖައްސަން ބޭނުމެއްނެތްގޮތުގައި އެއަރޕޯޓަށް ނޭރޭގޮތަށް ހަދަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޯޓަބަލް

28 October 2025

ވެރީ އެމެޗާރ! ބަހާލީމަ ބޮލަކަށް 32500 ޑޮލަރު. 5 ލައްކަ ރުފިޔާ! ނޮޓް ވޯތް ދަ ހައިސްޓް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

28 October 2025

އޭވިއޭޝަން ސެކިއުރިޓީ ކޮމާންޑުގެ މީހުން ސެކިއުރިޓީބަލަހައްޓަނީ ހުސްއަތާތަ؟ ވަޅީންބިރުދަށްކާ ސުޕުރޭކޮށްލީމާ ކުރެވޭނެކަމެއްނޯންނަކަމަށްވަންޏާ ސެކިއުރިޓީބަލަހައްޓަންށޭކިޔާފަ ކީއްކުރަންތިބޭބައެއް؟؟ ރާއްޖޭގައިއޮންސަގާފަތެއްމީ، ސެކިއުރިޓީބަލަހައްޓަންށޭ ކިޔާފަ ބޮލެއްބެހެއްޓީމާ ނިމުނީ ކަމެއްދިމާވީމާ ކުރެވޭނެއެއްވެސްކަމެއްނޯވޭ! މާލޭގެއެކިތަންތަން ބަލަހައްޓަން (ފިހާރަތައްފަދަ) ތިބޭ ސެކިއުރިޓީގާޑުންވެސް ގިނަވަގުތުނިދާފަ، ގިނައީވެސް އުމުރުންދުވަސްވީމީހުން