ތިނަދޫ މަގުތަކުގައި ތާރު އެޅުމުގެ މަސައްކަތް ކުރަނީ - ފޮޓޯ: ތިނަދޫ ކައުންސިލް
15 ޖޫން 2016 - 13:38
16 comments
ގދ. ތިނަދޫ މަގުތަކުގައި ނުވަ ކިލޯމީޓަރުގެ ތާރު އެޅުމުގެ މަޝްރޫއުގެ ދެބައި ކުޅަ އެއްބައި ނިމުނު އިރު ރަށް ފެންނަނީ ވަރަށް ހިތްގައިމުކޮށް ކަމަށް ރަށު ކައުންސިލާއި އެރަށު މީހުން މިއަދު ބުނެފި އެވެ.
ކައުންސިލްގެ ނައިބު ރައީސް އިބްރާހިމް އަސްއަދު ވިދާޅުވި ގޮތުގައި ބައެއް މަގުތަކުގައި ތާރު އަޅާ މިހާރު ވަނީ ނިމިފަ އެވެ. އެހެން މަގުތަކުގައި މިހާރު ކުރަމުން އަންނަނީ ކާނު އެޅުމާއި ހޮޅި ލުމުގެ މަސައްކަތް ކަމަށާއި މުޅި މަޝްރޫއު އޮގަސްޓް މަހު ގާތްގަނޑަކަށް ނިންމާލެވޭނެ ކަމަށް އޭނާ ވިދާޅުވި އެވެ.
ތިނަދޫ މަގެއްގައި ތާރު އަޅާފައި: އެ ރަށުގެ 13 މަގެއްގައި ތާރު އަޅާ - ފޮޓޯ: ތިނަދޫ ކައުންސިލް
އެކަމަކު ޕޭމަންޓް ގާ އެތުރުން ފަދަ ކަންކަން ނިމޭނީ އޭގެ ފަހުން ކަމަށް ބެލެވެނީ. ގާތްގަނޑަކަށް 90 ޕަސަންޓް ނިމޭނެ އޮގަސްޓް މަހު. --އަސްއަދު
އަސްއަދު ވިދާޅުވީ 13 މަގެއްގައި ތާރު އެޅުމުގެ މަސައްކަތް ރޯދައިގެ ކުރިން ހަލުވި ދުވެއްޔެއްގައި ކުރިއަށް ދިޔަ ކަމަށެވެ. އެކަމަކު ރޯދަ މަހު ކޮންމެވެސް ވަރެއްގެ މަޑުޖެހުމެއް އައިސްފައިވާ ކަމަށް އޭނާ ވިދާޅުވި އެވެ.
ތިނަދޫ މަގުތަކުގައި ތާރު އެޅުމުގެ މަސައްކަތް ކުރަނީ މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަނުންނެވެ. މަސައްކަތް ފެށިތާ ނުވަ މަހެއްހާ ދުވަސް ވެއްޖެ އެވެ.
އަސްއަދު ވިދާޅުވީ ހަތަރު މަގެއްގައި ތާރު އަޅައި އެއްކޮށް ނިމިފައިވާ ކަމަށެވެ.
ތާރު އަޅައި ނިމިފައި އޮތީ އެންމެ ބޮޑު މަގުގައި. ދުވާރު މަތީގައި ގާތައް އެތުރުމުގެ މަސައްކަތް މިހާރު ކުރަން އޮތީ. --އަސްއަދު
ރަނގަޅު ފެންވަރެއްގައި މަގުތައް ހެދުމުގެ މަޝްރޫއު ކުރިއަށް ދިޔަސް ކައުންސިލްގެ ބައެއް ޝަކުވާތައް އެބަ ހުއްޓެވެ. އެގޮތުން އަސްއަދު ވިދާޅުވީ ތިނަދޫ ރައްޔިތުންގެ ހިޔާލު ހޯދާފައި ނެތުމަކީ އެއް ޝަކުވާ ކަމަށެވެ.
ތިނަދޫ މަގެއްގައި ތާރު އަޅާފައި: ނުވަ ކިލޯމީޓަރުގެ ބޮޑު ސަރަހައްދެއްގައި ތާރު އަޅާ - ފޮޓޯ: ތިނަދޫ ކައުންސިލް
އޭގެ އިތުރުން ލ. އަތޮޅު ބޮޑު މަގުގައި އަޅާ ތާރަަށް ވުރެ ތިނަދޫގައި ބޭނުންކުރާ ތާރުގެ ފެންވަރު ދަށްކަން ފާހަގަކުރެވޭ ކަމަށް ވެސް އޭނާ ވިދާޅުވި އެވެ.
އަސްއަދު ވިދާޅުވި ގޮތުގައި ޕާކްކުރާނެ އެކަށީގެންވާ ޖާގަ ނެތުމުގެ ޝަކުވާއާ އެކު އެކަން މިހާރު އަންނަނީ ހައްލުކުރަމުންނެވެ.
އަޅުގަނޑުމެން ބޭނުންވަނީ މިހެން ދިމާވާ ކަންކަން އެންމެ ރަނގަޅު ގޮތެއްގައި ބަޖެޓު ތެރެއިން ކުރެވޭނެ ނަމަ އެކަން ހައްލު ކުރަން. --އަސްއަދު
"އަޅުގަނޑުމެން މަސައްކަތް ކުރަނީ ރައްޔިތުންނަށް މަންފާ ކުރުވަނިވި ގޮތަކަށް ކަންކަން ކުރިއަށް ގެންދެވޭތޯ. ބައެއް ކަންކަން ބަދަލު ވެސް ކޮށްފައި އެބަހުރި،" އޭނާ ވިދާޅުވި އެވެ.
ތިނަދޫގައި ތާރު އެޅުމުގެ އިތުރުން ބިން ހިއްކުމުގެ މަޝްރޫއު އާއި 120 ފްލެޓްގެ އަމަލީ މަސައްކަތް ވެސް ދަނީ ހިނގަމުންނެވެ. ތިނަދޫގައި އަލުން މީހުން އާބާދުވިތާ 50 އަހަރު ފުރޭ މުނާސަބަތުގެ ކުރިން އޭގެ ތެރެއިން ބައެއް މަޝްރޫއުތައް ނިންމަން ވަނީ އަމާޒު ހިފައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިނަދޫ މަގުތަކުގެ ފާރު
16 June 2016
މި އާޓީކަލް ގައި އެހެރަ ފާރު ބަލާލަބަލަ. ކިހާތަހިރު. ތިރަށު މަގުތަކުގައި ތާރައެޅިޔަސް ޒުވާނުންގެ އުޅުމުގައިނެތް ރީތިކަމެއް މަގުތަކުން ނުފެންނާނެ. ތިރަށް ހަދަން ވީ ސިޓީއަކަށްވެސް ނޫން. ހަމަ ފައްކާ ނޯޓުކުރާ ކަރުދަސްކޮޅަކަށް. އޭރުން ފާރުގައި ނުލިޔެ ހިތަށްއަންނަހާ ނުބައިއެއްޗެއް އެ ކަރުދާސް ކޮޅުގައި ލިޔާނެތާ.
ބަލާސޮރު
15 June 2016
ތިނަދޫ މަގުތަކުގެ ފާރުތަށް ބެލުމެކޭ ކަރުގޮހޮރު ފުންޏެއް ބެލުމެކޭ ތަފާތެއްނެތް. އެހާވެސް ނުތާހިރު ހަޑި މުޑުދާރު ލިޔުންތަކުން ފުރިފަ ހުންނަނީ. ކިރިޔާވެސް ރިއްޗަށް ހުރިފާރެއްވިއްޔާ ހުންނަނީ ސިޔާސީ މީހުން ކެމްޕޭންތަކަށް ބޭނުންކުރާ ބިލްބޯޑުތަކަށް ހަދާފަ ހިތަށް އައިހައި އެއްޗެއް ލިޔެ ހަޑިހާވާފަ. މީގެ 10 އަހަރުކުރިންވެސް އެރަށުގެ އެފާރުތައްހުރީ ހަމަ އެހާލުގަ. އެރަށުގެ މީހުންގެ ލޮލަށް އެކަމެއް ނުފެނޭ. މިވަރުގެ ރަށެއްގެމަގުތައް ރަންރިހިން ގިރުޓީ ކުރިޔަސް ރިއްޗެއް ނުވާނެ.
ޙަމަ ތެނަދޫ މީހެކެ
15 June 2016
ތާރަ އެޅުމުން ނިމުނީ އެއް ނޫން . މަގުތައް ރީއޗަ ބެހެޓުމަކީ ތިނަދޫގެ ހުރިހާ ރައްޔަތުންގެ ޒިންމާއެއް . ޙޭލުންތެރިވާޖެހޭ.
ބޯގޯސް
15 June 2016
މާލޭގެ ޑިމާންޑް ކުޑަވުމުގެ އަސަރެއް
މުހައްމަދު
15 June 2016
ރައީސް ނަޝީދު ސަރުކާރުގައި ފެއްޓެވި އެތައްކަމެއް މި ސަރުކާރުން ނުނިންމުމުގެ ސަބަބުން އަތޮޅުތެރޭގެ ގިނަ ރަށްރަށުގެ ބިނާ ތަކެއް އަދި ބިން ތަކެއް މިހާރު ވީރާނަވެ ފަނާވަނީ. ތިނަދޫ ނޫނަސް މީހުން އުޅޭ އާބާދީ ބޮޑެތި، އަދި ތިނަދޫއަށް ވުރެ ގިނަ ހިދުމަތް ހޯދާ، މާލެ ފިޔަވާ ގިނަމީހުން ހިދުމަތް ހޯދަން އަންނަ ކުޅުދުއްފުއްޓާއި މީގެ އިތުރުން އެހެނިހެން އާބާދީ ބޮޑު ރަށްރަށަށް ވަނީ ތަރައްގީ ބޭނުންވެފަ. ސިޓީގެ ދަރަަޖަ ދޭންވީ ރަށްރަށް ތިނަދޫ ނޫނަސް ވޭ. ތިނަދޫއަށް ވުރެ މާ ކުރިން، މީގެ އެތަށް ސަތޭކަ އަހަރުވީ އާބާދީތައް ވޭ. މި ތަންތަނަށް މާ އަވަހަށް ތަރައްގީ ބޭނުންވޭ.
ނޫރާ
15 June 2016
މިހާރުވެސް މަގުތަކުން ވަރަށް ރީތިކޮށް ފެނޭ ތާރު އެޅުމުގެ ވައްޓަފާޅި..... ތާރު އަޅާފަ ރަނގަޅުފެންވަރަކަށް ހަދާފަ ހުންނަ މަގުތަކުގަ ފެންބޮޑު ވެފައެއް ނޯންނާނެ. ކުރަންޏާ ރަނގަޅަށް ކުރޭ ނުކުރަންޏާ ނުކުރޭ. ތިނަދޫ އަކަށް ބޭނުންހާ އެއްޗެއް ނެހެދޭނެ. ތިނަދޫ ރައްޔިތުން މާ ހޭލުންތެރިވާނެ. ތިޔަހެން އަދުން އެޅުވޭނީ ތަންދޮރު ނުދަންނަ މީހުންގެ ލޮލުގަ.
ތާރު
15 June 2016
ތާރުއަޅުމުން ވަރަށް ފަސޭހަވާނެ... އެކަމަކު މިކަންކުރަނީ ވަރަށް ކޮލޮޓީދެރަކޮށް. މަސައްކަތްކުރަނީވެސް ވަރަށް ފަރުވާކުޑަކޮށް. ސިމެންތިގަށާލަންވެސް މަގުމަތިން ކޮނެގެންނަގާވެލިވެސް ހަމަރަގަޅު. މިކަންހިގަނީ މިކަހަލަ އުޞޫލަކަށް. ބަލާނެލޮލެއްނެތް.
އަލީ ނަސީރު
15 June 2016
ކޮބާ ހޮސްޕިޓަލް ރަގަޅު ތަ؟ ދެން އިވޭނީ ބޭރައް ހިންގައިހެން، ބާރު ސްޕީޑް ގައި ދުއްވާފައި ދަނިކޮއް އެކްސިޑެންޓް ވާ ވާހަކަ ވިއްޔާ!
ދާއްޔާ ނާޒިމް
15 June 2016
ތިނަދޫގައި ޔުނިވަރސިޓީއެއް ގާއިމްކޮށްފިނަމަވެސް ރައްޔިތުންގާތު ނޭހި މައްސަލައާއި އަދި އެޔުނިވަރސިޓީގެ ތަނބުތަކާއި ފާރުވެސް ކަމަކުނުދެޔޭ ރައްޔިތުން އެބަބުނެޔޭ ކިޔައިގެން ދޮގުވާހަކަ ދެއްކުމަކީ މިއަދު ބައެއް ކައުންސިލަރުން ކުރާ ކަމެއް.
ޒަބީބު
15 June 2016
މީ ކޮންކަހަލަ ވިސްނުމެއް ގެންގުޅޭބައެއް؟ ބަލަ އާބާދީ ބޮޑެތިރަށްރަށް ތިއޮތްގޮތަށް ބާއްވާ ތާރުއަޅާ ފުލެޓުއަޅާ ހެދީމަ ކައިރި މުސްތަގްބަލެއްގައި ތަޖްރިބާކުރާނީ ދެވަނަ ނުވަތަ ތިންވަނަ ހަތަރުވަނަ މާލެއެވެ. މި މީހުނަށް ހެޔޮވިސްނޭނީ ކިހިނެއް ހެއްޔެވެ؟ ސިޔާސީ މަގުސަދުގައި އަމިއްލަ އެދުމުގެ ފަހަތުގައި ކަންކަންކުރީމަވާނީ މިހެންނެވެ. 1996 ގެ ކުރިން މީހަކު މާލެ ޕްލޭންކުރަން އުޅުނުނަމަ އެކަން ކުރެވި މިއަދު މިދެކޭ މަންޒަރު ނުފެނުނީސްކަން ޔަގީނެވެ. 20 އަހަރިތެރޭ މަލެއަށް އައިކަހަ ބަދަލު ހަމަ އައްޑޫ ލާމު ހުވަދޫ ކުޅުދުއްފުށި މިތަންތަނަށް އަންނާނެކަމަށް ބަލަންވާނެއެވެ.