ކުޑަ ދެ ކުއްޖަކަށް ޖިންސީ ގޯނާކުރި މައްސަލައެއް ބަލަނީ

ޖިންސީ ގޯނާއާ ދެކޮޅަށް ބަޔަކު އަޑުއުފުލަނީ: ކުޑަ ދެ ކުއްޖަކަށް ޖިންސީ ގޯނާކުރި މައްސަލައެއް ފުލުހުން ވަނީ ބަލަން ފަށާފައި --- ފޮޓޯ/މިހާރު

މާއިދާ މުހައްމަދު ރަޝާދު، މިހާރު

19 ނޮވެމްބަރ 2025 - 13:00

4 comments

ކުޑަ ދެ ކުއްޖަކަށް ޖިންސީ ގޯނާކުރި މައްސަލައެއް ފުލުހުން ބަލަން ފަށައިފި އެވެ.

ފުލުހުން ބުނީ ކުޑަ ދެ އަންހެން ކުއްޖަކަށް ޖިންސީ ގޯނާ ކޮށްފައިވާ ކަމަށް ތުހުމަތު ކުރެވޭ މައްސަލައެއް މިމަހުގެ 16 ވަނަ ދުވަހު ރިޕޯޓް ކޮށްފައިވާ ކަމަށެވެ.

އެ މައްސަލަ ތަހުގީގު ކުރަމުންދާ ކަމަށް ބުންޏަސް، އިތުރު އެއްވެސް ތަފްސީލެއް ފުލުހުން ނުދެ އެވެ.

ދެ ކުއްޖަކަށް ޖިންސީ ގޯނާކުރި މައްސަލައެއް ބަލަމުން ދާއިރު، ގަދަކަމުން އަންހެނަކު ހިފަހައްޓައި، ޖިސްމާނީ އަނިޔާކޮށްފައިވާ ކަމަށް ތުހުމަތު ކުރެވޭ މައްސަލައެއް ފެންމަތިވެފައިވެ އެވެ. އޭނާއަށް ވެސް ޖިންސީ އަނިޔާކުރި ކަމަށް ދެކެވުނަސް އެކަމާ ގުޅިގެން ފުލުހުން ވަކި އެއްޗެއް ނުބުނެ އެވެ.

މީގެ އިތުރުން މިދިޔަ ހަފުތާގައި މާލޭގެ މަގެއްގެ މަތިން ފުލުހުންގެ އެހީއަށް އެދުނު އަންހެނަކު ހޮސްޕިޓަލަށް ގެންގޮސް ބެލިއިރު، އޭނާއަށް ޖިންސީ ގޯނާ ކޮށްފައިވާކަން ހާމަވި މައްސަލައެއް ވެސް ވަނީ ފެންމަތިވެފަ އެވެ. އެއިން އެއްވެސް މައްސަލައެއްގައި މިހާތަނަށް ފުލުހުން އިތުރު ތަފްސީލެއް ނުދެ އެވެ.

ކުށްކުރުން ފުލުހުން ކުޑަކުދިން ކުޑަކުދިންނަށް އަނިޔާކުރުން ކުދިންނަށް ޖިންސީ ގޯނާކުރުން

4 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަޖޫ

19 November 2025

މިމައްސަލަތަކަށް ވާ ގޮތް ނޭނގެނީ ރާއްޖޭގެ މީޑިއާ ދޯހަޅިވީމަ. ފޮލޯއަޕްއެެއް ނުހަދާނެ. ފަހުން ކިހިނެތްތޯވީ ބަލާވެސްނުލާނެ. ސިޔާސީ މީހެއް ވެއްޖެއްޔާ ހުންނާނެ ނިކަން ފޯރި!